Խաղային նորություններ

[Հայկօ]

Crysis 2-ը հայտնվել է Ինտերնետում

Առանց դես ու դենը ընկնելու ասենք. Crytec-ի համար անցած շաբաթը չափազանց զզվելի ավարտ ունեցավ: Ինտերնետում է հայտնվել Crysis 2 FPS-ի բավականին թարմ բիլդը (build), որը ներառում է ամբողջ սյուժետային սինգլ-փլեյերը, բոլոր վիդեոները, մուլտիփլեերը և DRM-ֆայլերը: Եթե դուք չեք խորշում նման կիսաֆաբրիկատներից, ապա տորենտները ձեզ ապավեն. 9.22 գիգաբայթանոց բետան (և միգուցե EA-ի փաստաբանները) ձեզ է սպասում:

EA հրատարակչությունը դեռ փետրվարի 12-ին պաշտոնապես հայտարարել է, որ ընկերությունը մեծապես վշտացած է տեղի ունեցածի պատճառով: EA-ն խաղի երկրպագուներին խնդրում է սպասել Crysis 2-ի պաշտոնական ռելիզին և ավելացնում է, որ այդ անավարտ ու «հում» բիլդը չի կարող արտացոլել խաղի վերջնական տարբերակի ողջ որակը: Մնում է ավելացնել, որ Ինտերնետ է թափանցել խաղի միայն PC տարբերակը:

Crysis 2-ի վաճառքը պաշտոնապես սկսվելու է 2011-ի մարտի 22-ին:

[Հայկօ]

Assassin's Creed: Brotherhood-ի PC տարբերակի թողարկման օրը

Ubisoft-ի բրիտանական պաշտոնական ֆորումում ընկերության՝ հասարակության հետ կապերի գծով մենեջերը ուրախացրել է Էցիո Աուդիտորեի բոլոր երկրպագուներին՝ հայտնելով Assassin's Creed: Brotherhood-ի թողարկաման ճշգրիտ օրը:

ԱՄՆ-ում խաղի PC տարբերակը կսկսի վաճառվել մարտի 17-ին, իսկ Միացյալ թագավորությունում այն կհայտնվի մեկ օր անց:

Հիշեցնենք, որ ըստ գերմանական Gamestar աղբյուրի՝ այս խաղի PC տարբերակը ավելի որակյալ գրաֆիկա է ունենալու, աջակցելու է 3D Vision և Eyefinity տեխնոլոգիաները, ինչպես նաև ներառելու է այն ամբողջ լրացուցիչ կոնտենտը, որ Ubisoft-ը հասցրել է թողարկել Assassin's Creed: Brotherhood-ի կոնսոլային տարբերակների դուրս գալուց հետո:

Հայտնի են դարձել նաև խաղի պահանջները.

Մինիմալ կոնֆիգուրացիան.

• CPU: Intel Core 2 Duo 1.8 GHZ կամ AMD Athlon X2 64 2.4GHZ
• RAM: 1.5 GB Windows XP / 2 GB Windows Vista - Windows 7
• GPU: 256 MB DirectX 9.0-համատեղ վիդեոքարտ՝ Shader Model 3.0 կամ ավելի բարձրով
• HDD: 8 GB

Խորհուրդ տրվող կոնֆիգուրացիան.

• CPU: Intel Core 2 Duo E6700 2.6 GHz կամ AMD Athlon 64 X2 6000+ կամ ավելի լավը
• RAM: 1.5 GB Windows XP / 2 GB Windows Vista - Windows 7
• GPU: GeForce 8800 GT կամ ATI Radeon HD 4700 կամ ավելի լավը
• HDD: 8 GB

Մնում է միայն ավելացնել, որ սա միակ Assassin's Creed-ը չի լինի, որ մենք տեսնելու ենք այս տարի: Բայց այդ մասին՝ մի քիչ ավելի ուշ:

[Հայկօ]

Բամբասանք. Far Cry 3-ը՝ այս տարվա մեջ

Official PlayStation Magazine UK-ի վերջին համարում մի քանի խոսք կա այն մասին, թե երբ է թողարկվելու Far Cry խաղի երրորդ մասը:

Աղբյուրը գրում է. «Հավաքեք ձեր ճամպրուկները ու չմոռանաք մալարիայի դեղ վերցնել ձեզ հետ. Far Cry 3-ը կարող է դուրս գալ մինչև այս տարվա ավարտը»:

Դեռ 2009-ի նոյեմբերին Ubisoft-ի սցենարիստներից մեկը հայտնեց, որ Far Cry 3-ի ստեղծման աշխատանքները ամբողջ թափով առաջ են գնում: Անցած տարվա ամռանը PC Gamer-ը հաստատեց, որ խաղի երրորդ մասը հենց հիմա իր մշակման հիմնական փուլում է, և որ նախագծի ղեկավարը Ջոշ Մոսկեյրան է (Josh Mosqueira)՝ Company of Heroes հայտնի ստրատեգիայի նախկին գլխավոր դիզայները:

Որոշ ինտերնետային լրատվամիջոցներ նույնիսկ պնդում էին, որ Far Cry 3-ը պետք է դուրս գար անցած տարվա մեջ: Ամեն դեպքում՝ Ubisoft-ը դեռ պաշտոնապես չի հայտարարել այս խաղի մասին, որի գործողությունները, ըստ նույն բամբասանքների, կարող են տեղի ունենալ ինչպես Աֆրիկայում, այնպես էլ Անտարկտիդայում:

[tikopx]

SHIFT 2 Unleashed, ( launching tomorrow ) վաղվանից դուրսա գալիս վաճառքի:Ես էլ չեմ կարում համբերեմ

[Life]

SHIFT 2 Unleashed, ( launching tomorrow ) վաղվանից դուրսա գալիս վաճառքի:Ես էլ չեմ կարում համբերեմ

քաշի խաղաղա,արդեն կա

[BOBO]

SHIFT 2 Unleashed, ( launching tomorrow ) վաղվանից դուրսա գալիս վաճառքի:Ես էլ չեմ կարում համբերեմ

մի համբերի՛ր, բեռնի՛ր http://rustorka.com/forum/viewtopic.php?t=74975

[tikopx]

մի համբերի՛ր, բեռնի՛ր http://rustorka.com/forum/viewtopic.php?t=74975

եթե պաշտոնապես չի հելել, ոնց կա արդեն՞, ապրիլի 1-ինա հելնելու:ՖԲ աֆիցալնի խմբումա գրած

[Gayl]

եթե պաշտոնապես չի հելել, ոնց կա արդեն՞, ապրիլի 1-ինա հելնելու:ՖԲ աֆիցալնի խմբումա գրած

Փաստացի խաղը կա

[BOBO]

եթե պաշտոնապես չի հելել, ոնց կա արդեն՞, ապրիլի 1-ինա հելնելու:ՖԲ աֆիցալնի խմբումա գրած

1-ին Անգլիայումա հելնելու, 29-ին Եվրոպայում ու ԱՄՆ-ում, բացի էտ էլ շատ խաղեր դուրս գալու օրից մի քանի օր առաջ ինետում քցածա ըլնում

[Հայկօ]

Blizzard ընկերության կատակը


Ապրիլմեկյան կատակները Blizzard-ում արդեն հին ու բարի սովորություն են դարձրել: Այս տարի նույնպես Blizzard-ը թողարկել է կատակի հերթական չափաբաժինը:

Այս անգամ «թիրախը» նոր Kinect ղեկավարման համակարգի տերերն են. ըստ տեսանյութի՝ նրանց համար իբր թե ստեղծվում է Star Craft II-ի մի նոր ու հատուկ տարբերակ:

Իսկ եթե լուրջ, ապա շատ հնարավոր է, որ «Blizzard-ի վերադարձը դեպի կոնսոլներ» իրականությունուն դառնա Diablo III-ի թողարկումից հետո: Խաղը հայտարարված է միայն PC-ի համար, սակայն ինտերնետում կանոնավոր կերպով և ժամանակ առ ժամանակ լուրեր են հայտնվում, որ այն կարող է հայտնվել նաև կոնսոլների վրա: