Խաղային նորություններ

[Sagittarius]

Մեկ ուղղում. ոչ թե Nintendo-ի, այլ Microsoft-ի: Nintendo-ն արդեն շա՜տ վաղուց ունի նման մի բան:




Օրինակ՝ ինչպե՞ս եք պատկերացնում Kinect-ը՝ GTA խաղալիս:

մերսի ուղղման համար, էտ պահը սխալ էի գրել,

Kinectը մրցակիցներից տարբերվում է հենց նրանով, որ ղեկավարման վահանակ չի պահանջում, և կրկնօրինակում է մարմնի Փարժումները, իսկ ահա նախորդները՝ միայն ղեկավարման վահանակինը

իսկ ահա թե ինչպես են GTA խաղալու դրանով, իրոք դժվար է պատկերացնել, նաև մեքենաներ վարելիս արագացման և արգելակման հնրարավուրություններն է բացակայում.

իսկ ահա վերևում նՓված խաղերի համար տեսել եմ, բավականին լավ է գործում. և սա իրոք նորույթ է, մրցակիցները՝ Wii և Moveը, ունհանրապես այլ մեխանիզմ ունեն՝ որը հիմնված է հենց ղեկավարման վահանակի վրա

[davidus]

Civilization V-ն ա դուրս եկել....

[Հայկօ]

Civilization V-ն ա դուրս եկել....

Այո այո : Աչքներդ լույս, միակ իրական ստրատեգիայի երկրպագուներ : Ըստ Metacritic-ի տվյալների՝ խաղի գումարային միջին ռեյտինգը այս պահին 92/100 է: Դե ես ուրիշ բան չէի էլ սպասում :

[Sagittarius]

Այո այո : Աչքներդ լույս, միակ իրական ստրատեգիայի երկրպագուներ : Ըստ Metacritic-ի տվյալների՝ խաղի գումարային միջին ռեյտինգը այս պահին 92/100 է: Դե ես ուրիշ բան չէի էլ սպասում :

այդ խաղի ցուցադրությանն էի, կես ժամ դիմացը կանգնած էի, գլուխ չէի անում, ապուշի նման կնոպկեքն էի սխմում, չնայած մյուս կողմից ահագին ժամանակ ա որ չէի խաղացել, որոշ բաներ արդեն մոռացել էի
լավ ա, ստեղծողները չեն հիասթափեցրել, նախորդ վերսիայի նման մեջ բավականին առատ հետազոտելու, գացահայտելու, հասկանալու բան կա

[davidus]

Ժողովուրդ, հենց տորրենտներում դնեն իրա նորմալ աշխատող կրեկով, լինկը ստեղ դրեք էլի... ես պարբերաբար նայում եմ, եթե լինի լինկը կդնեմ...

ա բայց ոնց եմ ես սիրում էս խաղը

[Հայկօ]

Ժողովուրդ, հենց տորրենտներում դնեն իրա նորմալ աշխատող կրեկով, լինկը ստեղ դրեք էլի... ես պարբերաբար նայում եմ, եթե լինի լինկը կդնեմ...

ա բայց ոնց եմ ես սիրում էս խաղը

Փնտրում եմ համակարգչային խաղ :

[Հայկօ]

Call of Duty: Black Ops. $650 միլիոն՝ առաջին հինգ օրում



Ուղիղ մեկ տարի առաջ Activision ընկերությունը հայտարարեց, որ Call of Duty: Modern Warfare 2-ի ռելիզից հինգ օր անց խաղի վաճառքի ծավալները կազմել են 550 միլիոն ԱՄՆ դոլար: Այսօր ընկերությունը հայտնել է, որ Call of Duty: Black Ops-ին հաջողվել է շրջանցել նախորդ խաղը և հինգ օրվա վաճառքի արդյունքում հավաքել 650 միլիոն դոլար: Հիշեցնենք, որ վաճառքի առաջին 24 ժամերի ընթացքում այս խաղի հասույթը միայն ԱՄՆ-ում և Մեծ Բրիտանիայում կազմել էր 360 միլիոն դոլար (Modern Warfare 2-ի արդյունքը $50 միլիոնով ցածր էր): Առաջին իսկ օրը Xbox Live-ում գրանցվել են 2.6 միլիոն խաղացող, ովքեր մինչև այդ օրվա ավարտը մուլտիփլեերում անցկացրել են ընդհանուր առմամբ 5.9 միլիոն ժամ:

Եվ թող ինչ-որ մեկը փորձի ինձ այսքանից հետո համոզել, որ խաղերը երեխայական զբաղմունք են:

[Հայկօ]

Assassin's Creed: Brotherhood-ի գնահատականները



Երեկ Հյուսիսային Ամերիկայի տարածքում սկսվել է Assassin's Creed: Brotherhood արկածային էքշնի վաճառքը: Ինտերնետում արդեն հնարավոր է կարդալ խաղի Xbox 360 տարբերակի բազմաթիվ ռեվյուներ: Ըստ Metacrtic-ի տվյալների՝ խաղի միջին գնահատականը այս պահին 91/100 է: Բազմաթիվ աղբյուրներ միաբերան գովում են այս նոր խաղը: Ես հատկապես ուզում եմ առանձնացնել Eurogamer-ը: Այս ռեսուրսը, որ չափազանց շատ է սիրում 7/10-երն ու 8/10-երը, Assassin's Creed: Brotherhood-ը գնահատել է 10/10՝ գովելով խաղի թե՛ դիզայնը և թե՛ գեյմփլեյը, և նշել է, որ սա այս տարվա լավագույն խաղերից մեկն է, իսկ AC-ների շարքում՝ անկասկած լավագույնը: Հիշեցնեմ, որ խաղի PC տարբերակը ակնկալվում է հաջորդ տարվա առաջին քառորդում:

[Հայկօ]

Տասնամյակի լավագույն 30 խաղային կերպարները՝ ըստ Game Informer-ի

Game Informer հայտնի ամսագրի նոր համարում իր տեղն է գտել «Top 30 Characters Who Defined a Decade» վերնագրված հոդվածը (30 կերպարներ, որոնք կայացրել են անցած տասնամյակը): Ահա այդ ամենահայտնի ու ճանաչվող կերպարների ցուցակը.

• Glados (Portal)
• John Marston (Red Dead Redemption)
• Nathan Drake (Uncharted)
• Master Chief (Halo)
• Niko Bellic (Grand Theft Auto 4)
• Alyx Vance (Half Life 2)
• Kratos (God of War)
• Andrew Ryan (BioShock)
• Loghain Mac Tir (Dragon Age Origins)
• Ezio Auditore da Firenze (Assassin's Creed 2)
• Ethan Mars (Heavy Rain)
• Commander Shepard (Mass Effect)
• Captain Price (Call of Duty)
• Jimmy Hopkins (Bully)
• HK-47 (Star Wars: Knights of the Old Republic)
• Elena Fisher (Uncharted)
• Illusive Man (Mass Effect 2)
• Tommy Vercetti (Grand Theft Auto: Vice City)
• The Boss (Metal Gear Solid 3)
• Tim (Braid)
• Auron (Final Fantasy X)
• Razputin Aquato (Psychonauts)
• Kaim Argonar (Lost Odyssey)
• Jade (Beyond Good and Evil)
• KOS-MOS (Xenosaga)
• Professor Layton (Professor Layton)
• Phoenix Wright (Phoenix Wright)
• Wander (Shadow of the Colossus)
• Bonnie MacFarlane (Red Dead Redemption)
• King of All Cosmos (Katamari)

Սեղմեք մեծացնելու համար

Հ.Գ. Իմ կողմից ուզում եմ ցավով նշել, որ ցուցակում նշված կերպարների ուղիղ կեսը երբեք չի փայլել PC-ի վրա: Նրանք զուտ կոնսոլային են: PC-գեյմինգը անկում է ապրում, ափսոս: Ի դեպ՝ հաճելիորեն զարմացա՝ ցուցակում տեսնելով Razputin Aquato-ի՝ Psychonauts-ի Ռազի անունը: Խաղն ինքը իսկական շեդևր է, բայց ցավոք՝ շատ քչերին է հայտնի: Եթե դեռ բախտ չեք ունեցել ծանոթանալու, անպայման խաղացեք:

[Sagittarius]

Նկարում սխալ են արել, նկարի մեջ ոչ թե Էցիոն է, այլ Ալտաիրն է, առաջին Assassin's Creedից, մինչդեռ ցուցակում Էցիոյի անունն է

[Հայկօ]

Նկարում սխալ են արել, նկարի մեջ ոչ թե Էցիոն է, այլ Ալտաիրն է, առաջին Assassin's Creedից, մինչդեռ ցուցակում Էցիոյի անունն է

Չէ, հաստատ Ezio-ն է: Ուշադրություն դարձրու գոտուն ու հագուստի ուսերի հատվածին: Կարող ես համեմատել այս նկարում:

[Հայկօ]

Խաղային երաժշտությունը՝ Գրեմիի թեկնածու

Կոմպոզիտոր Քրիստոֆեր Թինի «Baba Yetu» ստեղծագործությունն առաջադրվե է որպես «Գրեմիի» թեկնածու՝ 2011թ-ի փետրվարի 13-ին կայանալիք մրցանակաբաշխության համար: Հիշեցնեմ, որ սա 2005-ի «Civilization IV»-ի բացման երաժշտությունն է:

Երգը հավակնում է արժանանալու մրցանակի՝ «Best Instrumental Arrangement Accompanying Vocalists» անվանակարգում (վոկալով ուղեկցվող լավագույն ինստրումենտալ գործ):

Չնայած երգը ստեղծվել է հինգ տարի առաջ՝ այն շարունակում է մեծ ժողովրդականություն վայելել, ինչպես նաև բոլորի կողմից ընդունված ֆավորիտ է համարվում Video Games Live-ում:



Խաղային երաժշտությունը երկար ճամփա է անցել՝ սկսած 8 բիտանոց բիպ-բոպներից (որ մենք դեռ սիրում ենք) մինչև ահա այսպիսի գործերը: Սակայն խաղային աշխարհից դուրս ապրող աուդիոֆիլները մինչև այսօր համառորեն արհամարում էին այդ երաժտությունը: «Baba Yetu»-ն գուցե ընդամենը մեկն է այն խաղային սաունդտերկերից, որոնք արժանի են Գրեմիի, սակայն դրա նկատմամբ ուշադրությունն արդեն իսկ խոսում է այն մասին, որ երաժշտական քննադատները սկսում են հաշվի առնել խաղերի երաժշտական հերոսներին:

[Հայկօ]

Ընտիր նորություն՝ PS3-ի երջանիկ տերերի համար. կոնսոլային նոր Mortal Kombat խաղում նրանց է սպասելու մի նոր պերսոնաժ... մեծն ու կատաղի սպարտացին՝ Կրատոսը (God of War շարքից): Այո այո, դուք վերջապես հնարավորություն կունենաք պարզելու մանկուց ձեզ տանջող հարցը՝ ո՞վ է ավելի ուժեղ՝ Ռեմբո՞ն, թե՞ Շվարց... ըըը, Սկորպիո՞նը, թե՞ Կրատոսը:

Կրատոսը խաղի միայն ու միայն PS3 տարբերակի համար է: Մնում է միայն գուշակել, թե ո՞վ է լինելու Xbox 360-ի էքսկլյուզիվ պերսոնաժը: Իրենց տրամաչափով Կրատոսին հավասար են, օրինակ, Մաստեր Չիֆը (Halo) և Մարկուս Ֆենիքսը (Gears of War), սակայն նրանք երկուսն էլ առավելապես «հրազենային» կերպարներ են, քան թե «ձեռնամարտային»: Ինչևէ. բոլորս միասին սպասում ենք Մարիոյի և Պակ-Մանի գալստյանը Mortal-Kombat-ի աշխարհ (և աղոթում, որ հանկարծ Յոդային ու Դարտ Վեյդերին էլ չխառնեն) :

Ահա Կրատոսի անոնսի առթիվ թողարկված տրեյլերը: Տրեյլերը շատ լավն է. խորհուրդ եմ տալիս դիտել խաղի բոլոր երկրպագուներին, ինչպես նաև բոլոր նրանց, ովքեր անտարբեր չեն, օրինակ, «Sub-Zero» և «Scorpion» անունների նկատմամբ.

Խաղը կթողարկվի 2011-ի առաջին քառորդում:

[Հայկօ]

Դեպի Սկայրի՜մ

Bethesda-ն հայտարարել է The Elder Scrolls շարքի նոր խաղի մասին

Video Games Award 2010-ի իր ելույթի ժամանակ Bethesda Softworks-ի գլխավոր պրոդյուսեր Թոդ Հովարդը (Todd Howard) առաջին անգամ ներկայացրել է իրենց նոր խաղի թիզեր-տրեյլերը: Բռնվե՛ք. մոտենում է The Elder Scrolls V: Skyrim-ը: Դեռևս պարզ չէ, թե ինչի մասին է լինելու երանելի հինգերորդ համարով հանդես եկող TES-ը, սակայն մի բան հաստատ է. Օբլիվիոնի հորդաների և Մերունես Դագոնի պարտությունը դեռ վերջը չէր: Անցել են տարիներ, և հիմա արդեն Սկայրիմի երկնքից է կրակե անձրև թափվում աշխարհի վրա, իսկ հողը դողում է վիշապների շնչած կրակից: Բնականաբար՝ բոլորին և ամեն ինչ փրկելու առաքելությունը այս անգամ նույնպես ծանրացած է մեր ուսերին:

Bethesda-ն չի նշել, թե ինչ պլատֆորմների համար է ստեղծվում խաղը, սակայն դատելով ստուդիայի նախորդ աշխատանքներով՝ ամեն ինչ ստանդարտ է լինելու. PC, Xbox 360 և PlayStation 3: Փոխարենը՝ ընկերության Twitter-ժապավենի վրա արդեն տեղեկություն կա խաղի միանգամայն նոր շարժիչի մասին:

Խաղը կթողարկվի 2011թ-ի նոյեմբերի 11-ին (11.11.11):

Սակայն սա այսօրվա միակ մեծ անոնսը չէ... Scroll down, փլիզ, առջևում է ևս մեկ խաղային բրոնտոզավր...

[Հայկօ]

Մարտի դաշտը՝ Երկիր

BioWare-ը ներկայացրել է իր տիեզերական օպերայի երրորդ մասը

Մենք գիտեինք: Մենք սպասում էինք: Եվ այնուամենայնիվ՝ հաճելի է այս լուրը լսելը (անձամբ ես ուղղակի ցնծում եմ )) ): Video Game Awards 2010-ում BioWare-ը խաղասեր հասարակությանն է ներկայացրել Mass Effect 3 RPG-ն, ցուցադրել է դեբյուտային տրեյլերը, ինչպես նաև որոշ համառոտ տեղեկություններ է տվել այս հիրավի հանճարեղ շարքի երրորդ ներկայացուցչի մասին:

Երկիր մոլորակը կրակի մեջ է: Տիեզերքի անհայտ խորքերից իրենց ողջ կործանիչ թափով հարձակվում են Reaper-ների (Հնձվորներ) սարսափելի մեխանիկական ռասսայի նավատորմները: Ալիանսի պաշտպանությունը ոչնչացված է, և ներխուժումից մի քանի օր անց զոհերի թիվն արդեն մոտենում է տասը միլիոնի: Եվ ինչպես միշտ՝ կոմանդոր Շեփարդը կոչված է հետ գրավելու Երկիրը և փրկելու մարդկությանը: Սակայն այս անգամ նա ստիպված է իր դրոշի տակ համախմբելու ոչ թե առանձին անհատների, այլ ամբողջ գալակտիկական քաղաքակրթությունների:

Խաղը խանութներում կհայտնվի հաջորդ տարվա վերջին՝ PC, Xbox 360 և PlayStation 3 պլատֆորմների համար: