KiLa-ի խոսքերից
Շնորհակալ եմ հարգելիներս...
Արևը չկա...
Անձրևն դադարեց,
Բայց երկինքն էլի դեմքը չի բացում...
Լալիս է լույսը
Աչքը ցամաքած պառավի նման,
Իսկ ստվերները՝
Ծամածռվում են կոկետուհու պես:
Չկա արևը...
Չէ, պետք չէ լացել,
Ես չեմ ընդունում ոչ լաց ոչ քծնանք,
Ու չունեմ նաև վաղուց երազանք:
Ինչ խոսք, կուզեյի
,,Նրանց" ստեղծած աշխարհը լքել,
Հետո, հայելու հակառակ կողմից
,,Նրանց" ինքնագոհ երեսին թքել...
Արևը չկա...
Բայց մի օր թե գա, պարանի վրա
Կուզեյի փռել իմ գիշերները,
Արևին հանել արդեն ծանրացած՝,
Խոնավ ու աղի նրանց փեշերը:
Կուզեյի նաև՝
Արևացնելով մի քիչ զորացնել
Քնատ ու հիվանդ առավոտները,
Նաև կուզեյի...
Չկա արևը...
Ամպերը գոռոզ տիրակալի պես
Գահին լայն փռված ներքև են նայում,
Իսկ այնտեղ վաղուց մատաղի անմեղ
Գառնուկի նման լույսն է մայում..
03.07.2010
Մեջբերել
Էջանիշներ