Պարտությու՞ն, թե՞...
Գրեթե հաղթանակ էր իմ վերջին պարտությունը...
Լսում էի պարզ. ,,բռավո", ,,բիս", ,,ուռա",
Թեպետ մահացու էր իմ արած հայտնությունը,
Բայց հպարտորեն հարվածը տարա:
Անծանոթ մի սկիզբ էր քո բերած ավարտը,
Խավար էր շուրջս, չկար ճանապարհ,
Կոկորդս սեղմում էր վիրավոր հավատը
Եվ հույսն էր հեկեկում հիվանդ ու անճար:
Գուցե և դրախտ է քո տված դժոխքը
Ես պի՛տի այցելեմ հպարտ ու հաստատ,
Չե՛ս տեսնի իմ դեմքին դու ցավի բողոքը՝
Եվ մա՛հն էլ չի թվում ուժեղ ու անպարտ:
Իրոք մահացու էր իմ արած հայտնությունը...
Բայց հաղթանակ է նաև պարտությունը...
02.07.2010
Մեջբերել
Էջանիշներ