User Tag List

Ցույց են տրվում 1 համարից մինչև 6 համարի արդյունքները՝ ընդհանուր 6 հատից

Թեմա: Տնտեսական պատմություն

  1. #1
    Պատվավոր անդամ Katka-ի ավատար
    Գրանցման ամսաթիվ
    22.07.2008
    Գրառումներ
    2,119
    Բլոգի գրառումներ
    1
    Mentioned
    0 Post(s)
    Tagged
    0 Thread(s)

    Տնտեսական պատմություն

    Տնտեսական պատմության կարեւոր անցքերի մասին քննարկենք` թե համաշխարհային, թե Հայաստանի: Ճգնաժամեր, բարեփոխումներ եւն:
    Ինչպե՞ս հզորացավ ԱՄՆ-ն, ինչպե՞ս տեղի ունեցավ Ճապոնական հրաշքը եւն, ինչպիսի՞ն էր Հայաստանում սեփականաշնորհման գործընթացը եւն:

  2. #2
    Պատվավոր անդամ Katka-ի ավատար
    Գրանցման ամսաթիվ
    22.07.2008
    Գրառումներ
    2,119
    Բլոգի գրառումներ
    1
    Mentioned
    0 Post(s)
    Tagged
    0 Thread(s)

    Պատ. Տնտեսական պատմություն

    Մեծ դեպրեսիան համաշխարհային տնտեսության շարունակական անկումն էր, որը սկսվեց 1929 թ. եւ վերջնականապես ավարտվեց 1940թ.: Մեծ Դեպրեսիան, ըստ էության, համաշխարհային տնտեսական ճգնաժամն է, իսկ Մեծ Դեպրեսիա տերմինը սովորաբար կիրառվում էր բնութագրելու ԱՄՆ-ի՝ այդ ժամանակվա իրավիճակը:
    Մեծ Դեպրեսիայի պատճառների ընդհանրացման դեպքում՝ կարելի է նշել հետեւյալ հիմնականները.
    1. Դրամական միջոցների պակասը եւ ապրանքների գերարտադրությունը, որը հանգեցրեց դեֆլյացիոն պրոցեսների, ինչի արդյունքում ապրանքների գները անկում ապրեցին եւ բազմաթիվ ընկերություններ սնանկացան:
    2.Ֆոնդային շուկաներում ձեւավորված փուչիկը. ներդրումները գերազանցեցին տնտեսության իրական պահանջը:
    3. Բնակչության աճը:
    4.ԱՄՆ-ի կողմից վարվող հովանավորչական քաղաքականությունը՝ համաձայն 1930 թ. Սմութ-Հոլի օրենքի, ինչի արդյունքում ներկրվող ապրանքների գները բարձրացան եւ սպառողական պահանջարկը կրճատվեց:

    Մեծ Դեպրեսիայից դուրս գալու համար Ռուզվելտը առաջադրեց մի շարք միջոցառումներ՝«Ռուզվելտի նոր կուրս»: Նոր կուրսը հիմնված էր, տնտեսագետ Ջ.Քեյնսի առաջադրած տեսության վրա, որի համաձայն սահմանափակվում է ազատ շուկայական մրցակցությունը տնտեսության պետական կարգավորման միջոցով:
    Պետությունը կարգավորում էր արդյունաբերությունը, ձեռնարկատերերի միջեւ հարաբերությունները: Նպատակը՝ բնակչության գնողունակության բարձրացումն էր: Առաջնահերթ վերկանգնվեց բանկային համակարգը: Փակվեցին բոլոր բանկերը եւ միայն խոշորները ստացան լիցենզիա, կառավարությունը նրանց տրամադրեց 1 մլրդ դոլար՝ վարկավորումը վերսկսելու համար:
    «Նոր կուրսի» քաղաքականության իրականացմամբ ԱՄՆ-ը դարձավ սոցիալական ուղղվածության երկիր: Ֆ. Ռուզվելտը 1935թ. ստորագրեց Վագների օրենքը, որով ճանաչվեց արհմիությունների եւ գործադուլների օրինականությունը: Արդյունաբերության ոլորտում կառավարությանը կից 1933 թ. ստեղծվեց Արդյունաբերության վերականգնման ազգային վարչակազմը՝ «ուղեղի տրեստի» գլխավորությամբ, որի կազմում էին խոշոր գիտնականներ եւ գործարարներ:

  3. Գրառմանը 2 հոգի շնորհակալություն են հայտնել.

    Ambrosine (09.04.2010), Ձայնալար (06.08.2011)

  4. #3
    Պատվավոր անդամ Leo Negri-ի ավատար
    Գրանցման ամսաթիվ
    04.03.2010
    Գրառումներ
    811
    Բլոգի գրառումներ
    98
    Mentioned
    0 Post(s)
    Tagged
    0 Thread(s)
    Սիրում եմ էս նկարը:
    Տնտեսագետներ Ջոն Մեյնարդ Քեյնսը /աջից/ և Հարրի Դեքստեր Ուայթը /ձախից/ քննարկում եմ համաշխարհային կարևորության հարցեր /տես ԱյԷմԷֆի ստեղծում, տարադրամի փոխանակման կուրսերի ֆիքսացիա, կոմմունիստների վրա տակառի գլդորում/ Բրեթթոնվուդսյան կոնֆերանսի ժամանակ: Կամ էլ ուղղակի լեզու են թրջում:

    The chattering mind provides the major obstacle to achieving magical intent. Only those who can learn how to switch off the internal dialogue can succeed with magic. If you can stop thinking you can do almost anything. - Peter J. Carroll, Octavo: A Sorcerer-Scientist’s Grimoire

  5. Գրառմանը 5 հոգի շնորհակալություն են հայտնել.

    Ambrosine (14.04.2010), davidus (14.04.2010), Katka (14.04.2010), Maxpayne (07.08.2011), Ձայնալար (14.04.2010)

  6. #4
    Պատվավոր անդամ Katka-ի ավատար
    Գրանցման ամսաթիվ
    22.07.2008
    Գրառումներ
    2,119
    Բլոգի գրառումներ
    1
    Mentioned
    0 Post(s)
    Tagged
    0 Thread(s)
    Ադամ Սմիթ /1723-1790/
    Ադամ Սմիթը դասական տնտեսագիտության վառ ներկայացուցիչներից է: Հեղինակել է «Ժողովրդների հարստության բնույթի ու պատճառների ուսումնասիրություն» (1776) աշխատությունը, որում ուսումնասիրել է արժեքի տեսությունը, եկամուների բաշխման, կապիտալի եւ դրա կուտակման հետ կապված հարցեր: Ադամ Սմիթի տեսության հիմնական դրույթը տնտեսության ազատումն է պետական կարգավորումից, որը արգելակում է տնտեսության բնականոն զարգացման ընթացքը: Նա ներմուծեց «անտեսանելի ձեռք» հասկացությունը, որով էլ կարգավորովում է տնտեսությունը: Բարեկեցության աղբյուր համարում էր աշխատանքի արտադրողականությունը, որի բարձրացման համար կարեւորում էր աշխատանքի բաժանումը եւ մասնագիտացումը:
    adam_smith_photo.jpg

    ...
    Նոբելյան մրցանակ տնտեսագետներին տրվում է 1969թ.-ից: 1969-2009թթ. նոբելյան մրցանակ են ստացել 64 տնտեսագետ:

  7. #5
    Մշտական անդամ Maxpayne-ի ավատար
    Գրանցման ամսաթիվ
    26.07.2010
    Հասցե
    Երևան
    Տարիք
    28
    Գրառումներ
    339
    Բլոգի գրառումներ
    1
    Mentioned
    0 Post(s)
    Tagged
    0 Thread(s)
    Մեջբերում Katka-ի խոսքերից Նայել գրառումը
    Ադամ Սմիթ /1723-1790/
    Ադամ Սմիթը դասական տնտեսագիտության վառ ներկայացուցիչներից է: Հեղինակել է «Ժողովրդների հարստության բնույթի ու պատճառների ուսումնասիրություն» (1776) աշխատությունը, որում ուսումնասիրել է արժեքի տեսությունը, եկամուների բաշխման, կապիտալի եւ դրա կուտակման հետ կապված հարցեր: Ադամ Սմիթի տեսության հիմնական դրույթը տնտեսության ազատումն է պետական կարգավորումից, որը արգելակում է տնտեսության բնականոն զարգացման ընթացքը: Նա ներմուծեց «անտեսանելի ձեռք» հասկացությունը, որով էլ կարգավորովում է տնտեսությունը: Բարեկեցության աղբյուր համարում էր աշխատանքի արտադրողականությունը, որի բարձրացման համար կարեւորում էր աշխատանքի բաժանումը եւ մասնագիտացումը:
    adam_smith_photo.jpg

    ...
    Նոբելյան մրցանակ տնտեսագետներին տրվում է 1969թ.-ից: 1969-2009թթ. նոբելյան մրցանակ են ստացել 64 տնտեսագետ:
    Կներեք, որտեղից կարող եմ ձեռք բերել այս գրքի ամենահաջող թարգմանությունը?
    Նախապես շնորհակալ եմ:

  8. #6
    . Ambrosine-ի ավատար
    Գրանցման ամսաթիվ
    22.02.2007
    Գրառումներ
    7,636
    Mentioned
    0 Post(s)
    Tagged
    0 Thread(s)
    Անցումային փուլը հաղթահարած պետությունների փորձը վերլուծող հոդվածներ շատ պետք է լինեն: Սա ինչ-որ լուրջ գիտական վերլուծություն չէ, բայց հետաքրքիր տեղեկություններ ես ինձ համար քաղեցի:

    «Ճիշտ» վարչապետը և տնտեսական հրաշքը



    Սինգապուրը մի քաղաք է, որը կառուցված է ճահճոտ կղզու վրա, չունի ոչ մի բնական ռեսուրս: Այն իր տարածքով մի քանի անգամ զիջում է, օրինակ, Կիևին, այն դեպքում, երբ Սինգապուրի համախառն ներքին արդյունքը 1.3 անգամ գերազանցում է Ուկրաինայինին և հսկայական Ռուսաստանի նույն ցուցանիշին զիջում է ընդամենը 5 անգամ: Դա՝ այն պարագայում, երբ Ռուսաստանը հարուստ է բնական ռեսուրսներով, իսկ Սինգապուրը նույնիսկ խմելու ջուրը բերում է Մալազիայից և Ինդոնեզիայից:


    Կուան Յուի խոսքով, երբ 1959թ. անկախացած Սինգապուրում ինքը եկել է իշխանության, ունեցել է մի քանի առաջնային խնդիր: «Առաջին հերթին, պետք էր հասնել նրան, որ Սինգապուրի անկախությունը միջազգային ճանաչում ստանար: Ես արտգործնախարարի պաշտոնում նշանակեցի Սինատամբի Ռաջարատամային: Նա հարմար էր այդ պաշտոնին, հայտնի էր իր հակագաղութատիրական հայացքներով, հմայիչ, պարկեշտ անձնավորություն էր, ով կարող էր ճիշտ հավասարակշռություն գտնել ամուր սկզբունքների և դիվանագիտական փոխզիջումների միջև»,- գրում է Կուան Յուն: Հարկ է նշել, որ իր իշխանության տարիներին Կուան Յուն ցանկացած պաշտոնյայի նշանակել և ազատել է նման սկզբունքով, այսինքն` կարո՞ղ է արդյոք տվյալ մարդը ճիշտ աշխատել այդ պաշտոնում, թե՞ ոչ: 1965-ից երկրները սկսեցին հերթով ճանաչել Սինգապուրի անկախությունը:

    Հաջորդ կարևոր հարցը տնտեսությունն էր: «Ինդոնեզիան մեզ հետ առճակատման իրավիճակում էր գտնվում, ինչը հանգեցրել էր առևտրի դադարեցմանը: Մալազիան ուզում էր շրջանցել Սինգապուրը և իր գործերն անել անմիջապես իր առևտրային գործընկերների հետ և իր սեփական նավահանգիստների միջոցով: Ինչպե՞ս կարող էր այս պայմաններում գոյատևել անկախ Սինգապուրը: Մենք պետք է անհապաղ ստանայինք այս հարցի պատասխանը, հատկապես, երբ 14%-անոց գործազրկությունն աճի միտում ուներ: Բացի այդ, մենք պետք է հաշվի առնեինք, որ այլևս բրիտանական տիրության կողմից չէինք կառավարվում: Մեր ամենակարևոր ակտիվը մարդկանց վստահությունն էր, որ ձեռք բերեցինք կոմունիստների և մալայական ծայրահեղականների դեմ պայքարում: Հաջորդ կարևորագույն ակտիվը մեր մարդիկ էին` աշխատասեր, պարկեշտ, և ովքեր ձգտում էին սովորել»,- պատմում է Կուան Յուն:



    Հենց այս պայմաններում էլ երկրի վարչապետը մշակում է իր ռազմավարությունը: Այդ տարիներին տնտեսագետների կողմից «երկաթե ճշմարտություն» էր այն, որ խոշոր բազմազգ կորպորացիաները շարունակում են գաղութատիրական քաղաքականությունը` էժան հողի, աշխատուժի և հումքի հաշվին: «Երրորդ» աշխարհի երկրներից շատերի ղեկավարները հավատում էին այդ «տեսությանը», սակայն դա ինձ վրա չազդեց: Մենք աշխատասեր ժողովուրդ ունեինք և 2 միլիոնանոց բնակչությանը պետք է ապահովեինք աշխատանքով, ուստի մենք պետք է գործ ունենայինք այդ կորպորացիաների հետ»,- խոստովանում է Կուան Յուն: Հենց այդ պահից էլ նա կտրականապես որոշեց երկրի «դռները» բացել Արևմուտքի և Ճապոնիայի առջև: Նրա համար «տնտեսական անկախություն» հասկացությունը պատրանք էր Սինգապուրի նման երկրի դեպքում. առաջնայինը տնտեսության վերելքն էր և բնակչության կենսամակարդակի աճը, և Կուան Յուն հասավ դրան:




    Մի հեռախոսազանգի պատմություն

    «Այն մարդուն, ով 1965թ. կփորձեր կանխատեսել, թե Սինգապուրը խոշոր ֆինանսական կենտրոն կդառնա, խելագար կհամարեին: Այդ դեպքում որտեղի՞ց քաղաքի կենտրոնում հայտնվեցին լուսավոր ու բարձրահարկ ժամանակակից շենքերը, որոնցում տեղակայված բանկերը համակարգչային ցանցով կապված են աշխարհի խոշորագույն ֆինանսական կենտրոնների հետ:

    Այս պատմության սկիզբն անհավատալի է: Հոլանդիայից մեր տնտեսական խորհրդատուն` Ալբերտ Վինսեմիուսը, 1968թ. զանգահարեց իր ընկեր Վան Օնենին` «Bank of America»-ի սինգապուրյան բաժանմունքի փոխնախագահին, և ասաց. «Մենք (Սինգապուրը) ուզում ենք առաջիկա 10 տարիների ընթացքում դառնալ Հարավ-Արևելյան Ասիայի ֆինանսական կենտրոնը»: Վան Օնենը պատասխանեց. «Լավ, եկեք Լոնդոն: Դուք դրան կարող եք հասնել 5 տարվա ընթացքում»: Վինսեմիուսն անմիջապես մեկնեց Լոնդոն, որտեղ Վան Օնենը նրան գլոբուսի առջև սկսեց ինչ-որ բան ցույց տալ. «Նայեք: Ֆինանսական աշխարհը սկսվում է Ցյուրիխում: Այնտեղ բանկերը բացվում են ժամը 9.00-ին: Մի փոքր ավելի ուշ բանկերը բացվում են Ֆրանկֆուրտում, հետո` Լոնդոնում: Ճաշից հետո փակվում են Ցյուրիխի բանկերը, հետո` Ֆրանկֆուրտինը, փոքր-ինչ ավելի ուշ` Լոնդոնինը: Այդ ընթացքում Նյու Յորքի բանկերը դեռ բաց են:

    Այսպիսով, Լոնդոնը ֆինանսական հոսքերն ուղղում է Նյու Յորք: Այն ժամանակ, երբ փակվում են Նյու Յորքի բանկերը, ֆինանսական միջոցներն ուղարկվում են Սան Ֆրանցիսկո: Իսկ վերջինիս բանկերի փակվելուց հետո մինչև շվեյցարական ժամանակով ժամը 9.00-ն համաշխարհային ֆինանսական աշխարհում ոչինչ տեղի չի ունենում: Եթե մենք Սինգապուրին «տեղավորենք» հենց այդ ժամանակահատվածում, ապա պատմության մեջ առաջին անգամ հնարավոր կլինի իրականացնել գլոբալ շուրջօրյա բանկային սպասարկում»: Սակայն այդ ժամանակ Սինգապուրը գտնվում էր ֆունտ ստեռլինգի գոտում, և դա մեզանից պահանջում էր արժութային վերահսկողություն իրականացնել: Մենք կա՛մ պետք է դուրս գայինք ֆունտ ստեռլինգի գոտուց, կա՛մ պետք է հրաժարվեինք ֆինանսական կենտրոնի գաղափարից: Ես որոշեցի, որ այդ ռիսկն արդարացված է, և հրահանգեցի Սինգապուրը հանել ֆունտ ստեռլինգի գոտուց:

    Իսկ 1965թ. մենք որոշեցինք, որ Սինգապուրը չպետք է կենտրոնական բանկ ունենա, որ կկարողանար փողի էմիսիա իրականացնել: Մենք հստակ որոշել էինք, որ չպետք է թույլ տանք, որ խոշոր պետությունների արժույթների նկատմամբ մեր երկրի արժույթն արժեզրկվի»,- պատմում է երկրի նախկին վարչապետը:



    Սա մի փոքր մասն է այն հսկայական ուղու, որի միջոցով մի փոքր քաղաք դարձել է զարգացող պետություն, համաշխարհային ֆինանսական խոշոր կենտրոն: 1959թ. Սինգապուրի բնակչության մեկ շնչին ընկնող համախառն ներքին արդյունքը կազմել է 400 դոլար, իսկ արդեն 1999թ.` 22.000 դոլար: Կարծում ենք, այս տնտեսական հրաշքի պատմությունն իրական փորձ կարող է համարվել փոքր պետությունների ու նրանց ղեկավարների համար: Հատկանշական է նաև այն, որ Կուան Յուն երբեք չի առաջնորդվել «խիստ» տնտեսագիտական օրենքներով ու տեսություններով: Պարզապես, նա ամեն ինչ արել է սեփական ժողովրդի բարեկեցությունն ապահովելու համար:
    Վերջին խմբագրող՝ Ambrosine: 26.05.2013, 03:13:
    Հայերիս էլ խորհուրդ կտամ Ուկրաինայի հարցին նայել Հայաստանի պետականության տեսանկյունից, ոչ թե պրո- կամ հակառուսական տեսանկյունից… (c) Mephistopheles

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Համանման թեմաներ

  1. Տնտեսական ազատություն և սոցիալական պատասխանատվություն
    Հեղինակ՝ Adriano, բաժին` Տնտեսագիտություն, տնտեսություն
    Գրառումներ: 2
    Վերջինը: 12.10.2010, 20:37
  2. Միջազգային Տնտեսական Հարաբերություններ
    Հեղինակ՝ Belle, բաժին` Տնտեսագիտություն, տնտեսություն
    Գրառումներ: 11
    Վերջինը: 04.09.2010, 17:49
  3. Գրառումներ: 3
    Վերջինը: 09.03.2010, 15:28
  4. Համաշխարհային տնտեսական ճգնաժամը և Հայաստանը
    Հեղինակ՝ Norton, բաժին` Տնտեսագիտություն, տնտեսություն
    Գրառումներ: 157
    Վերջինը: 12.02.2010, 22:13
  5. Հայաստանի վրա մե՞ծ էր տնտեսական ճգնաժամի ազդեցությունը:
    Հեղինակ՝ Gev_Madrigal, բաժին` Տնտեսագիտություն, տնտեսություն
    Գրառումներ: 12
    Վերջինը: 10.02.2010, 23:44

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •