Հոգևոր անվտանգություն

[Monk]

Ով ինչպե՞ս է հասկանում այս հասկացությունը: Ասեմ, որ հոդված եմ պատրաստում այս թեմայով, և կարծիքներ լսելը չէր խանգարի: Միայն թե խնդրում եմ անիմաստ վիճաբանության կամ օֆֆտոպանոցի չվերածել թեման: Եթե հստակ ասելիք չկա, ավելի նախընտրելի է չծանրաբեռնել թեման: Նախապես շնորհակալ եմ կարծիքների ու խորհուրդների համար:

[razmik21]

Ես կարծում եմ, որ "Հոգևոր անվտանգություն" ուենալու համար պետք է հաստատուն լինեմ Աստծո Խոսքի մեջ, քանի որ հենց դրանից կախված կլինի իմ "Հոգևոր անվտանգությունը": Եթե պետությունը չունի անվտանգության ամուր համակարգ, ապա խոցելի է թշմանու կողմից: Այս պարագայում պետության փոխարեն մեր "Հոգևոր աշխարհն" է, որը կարող է խոցվել թշմամուց եթե ամուր հիմքերի վրա չէ: Թշմամին այս պարագայում միայն մեկն է՝ սատանան: Բայց վերջինս պայքարում է տարբեր զենքերով, նույնիսկ մեր նման մարդկանց մի մեծ բանակով:
Որքան շատ է մարդ կարդում Աստծու Խոսքը, այքան մեծանում է նրա հավատը, որը և ձևավորում է մեր "Հոգևոր անվտանգության" համակարգը: Ավելացնեմ, որ Աստվածաշնչում Աստծո Խոսքը ներկայացվում է իբրև երկսարանի սուր, ուստի պետք է բոլորս զինվենք այդ սրով, որ ի զորու լինենք պայքարենք:

[ministr]

Հոգևոր անվտանգություն ասելով ես ամենից առաջ հասկանում եմ պաշտպանությունը բոլոր տեսակի աղանդներից, ում վկա, քանիսական, տարած հետ բերած, պայծառ զինվորներ.. չգիտեմ ինչ... Դրանք ընդհանրապես պետք է օրենքով արգելվեն, ոնց որ Արցախում են դադարեցրել մի երկուսի գործունեությունը: Նմանները խաթարում են մարդկանց հոգևոր աշխարհը, օգտվելով մարդու կյանքի դժվարությունների գցում են թակարդ և սկսում հոգեխեղման գործընթացը: Սա նրանով է վտանգավոր, որ հակում ունի վիրուսի նման տարածվելու, որովհետև թակարդն ընկած մարդը հետը այսպես ասած "պաշտամունքի" սկսում է տանել իր երեխաներին` բոլոր հետևանքներով հանդերձ: Սրա մասին բազում անգամ ասվելա խոսվելա բայց կոնկրետ ՈՉ ՄԻ ՔԱՅԼ չի կատարվում: Դրանց պետք է վտարել, որպես պետական անվտանգության պահպանման կարևորագույն մաս:

[razmik21]

Նմանները խաթարում են մարդկանց հոգևոր աշխարհը, օգտվելով մարդու կյանքի դժվարությունների գցում են թակարդ և սկսում հոգեխեղման գործընթացը:

Ես մեկ անգամ ուրիշ թեմայում գրել եմ սրա մասին.

Ժողովուրդ ջան, աղանդների դեմ կարելի է պայքարել միայն սեփական դիրքորոշումը ճիշտ իմանալուց հետո, նախ որպեսզի կարողանանք տարբերել աղանդը ճշմարիտ ուղղությունից, իսկ հետո կարողանանք ցույց տալ սխալ դիրքորոշումը: Այլ ձև ուղղակի անհնար է:

[ministr]

Ցանկացած աղանդավորի որ լսես, միայն ինքը մեկ էլ իրա հետ նեյնիմ անողները գիտեն "ճշմարիտ ուղին"...
Աղանդների դեմ պետք է պայքարել առանց խորանալու, թե "ինչ ճիշտ բան են ասում", քանի որ շատ լավ հայտնիա դրանց ասածն էլ արածն էլ:
Կարճ ասած` խմբերը ցրել, դրսից քարոզողներին արտաքսել, հակառակողներին` գիլյոտին:

[Adriano]

Ես ինքս ընդհանրապես կրոնի նկատմամբ ունեմ շատ խիստ վերաբերմունք: Կարծում եմ, որ միայն կարդալը, եկեղեցի գնալը բավարար չէ: Մարդ չգիտես ինչու անընդհատ որոնում է աստծուն, ձգտում աստծո օգնությանը, անընդհատ իրենից դուրս: Սա ես համարում եմ հոգևոր անվտանգության խոցելի մասերից մեկը:Հոգևոր անվտանգության տակ հասկանում եմ հոգու ազատության արգելքների բացակայություն: Իսկ երբ մարդուն անընդհատ թե ծնողները, թե էդ հոգևորականները գցում են պարտքի տակ դա հոգևոր անվտանգության խախտում է: Կարծում եմ աստված մարդու մեջ է և նա այդ հիանալի լույսը պետք է փնտրի իր մեջ:

Մի խոսքով հոգու ազատության պայմանների ստեղծումը համարում եմ հոգևոր անվտանգության առաջնային խնդիրներից մեկը:

[Adriano]

Հոգևոր անվտանգություն ասելով ես ամենից առաջ հասկանում եմ պաշտպանությունը բոլոր տեսակի աղանդներից, ում վկա, քանիսական, տարած հետ բերած, պայծառ զինվորներ.. չգիտեմ ինչ... Դրանք ընդհանրապես պետք է օրենքով արգելվեն, ոնց որ Արցախում են դադարեցրել մի երկուսի գործունեությունը: Նմանները խաթարում են մարդկանց հոգևոր աշխարհը, օգտվելով մարդու կյանքի դժվարությունների գցում են թակարդ և սկսում հոգեխեղման գործընթացը: Սա նրանով է վտանգավոր, որ հակում ունի վիրուսի նման տարածվելու, որովհետև թակարդն ընկած մարդը հետը այսպես ասած "պաշտամունքի" սկսում է տանել իր երեխաներին` բոլոր հետևանքներով հանդերձ: Սրա մասին բազում անգամ ասվելա խոսվելա բայց կոնկրետ ՈՉ ՄԻ ՔԱՅԼ չի կատարվում: Դրանց պետք է վտարել, որպես պետական անվտանգության պահպանման կարևորագույն մաս:

Լրիվ համաձայն եմ, սակայն միայն դրանց ցրելով գործը գլուխ չի գա, հենց այստեղ մենք ինքներս պետք է մեր մեջ փնտրենք, եթե հույսդ դնես ռիփսիկ տատու նման աղանդավորի, ծախված հոգևորականների վրա, որոնք անընդհատ ուզում են զուբրիտով մարդկանց ստիպել հավատալ էդ սութ-մութ բաներին, ապա այստեղ մեղավորը, ոչ թե պետությունն է այլ հենց ինքներս:

[razmik21]

Ցանկացած աղանդավորի որ լսես, միայն ինքը մեկ էլ իրա հետ նեյնիմ անողները գիտեն "ճշմարիտ ուղին"...
Աղանդների դեմ պետք է պայքարել առանց խորանալու, թե "ինչ ճիշտ բան են ասում", քանի որ շատ լավ հայտնիա դրանց ասածն էլ արածն էլ:
Կարճ ասած` խմբերը ցրել, դրսից քարոզողներին արտաքսել, հակառակողներին` գիլյոտին:

Ժամանակին Կոմունիստական կուսակցության ներկայացուցիչներին, որ առաջարկեին թույլ տալ այլ կուսակցությունների գոյությունը, որից քաղաքական համակարգը կշահեր, նրանք անգրագիտորեն կպատասխանեին, որ ճիշտը միայն իրենք են ու պետք չէ այլ կուսակցությունների գոյություն ու "նոր" բան քարոզողներին կարտաքսեին: Բայց վերջիններս շատ բաներ հաստատ կուզենային փոխել դեպի լավը: Մի՞թե վատ է, երբ քարոզում են, որ մի խաբի, մի շնանար, պատվիր ծնողներիդ, սիրիր ընկերներիդ (իհարկե եթե դրա հետ մեկտեղ Աստվածաշնչիծ դուրս բաներ չեն խոսում, ինչպես օրինակ Եհովայի վկաները): Երևի պատճառը այն է, որ մարդիկ սիրում են մեղքերի մեջ ապրել, որովհետև դա մեծ մասամբ մարմնի ցանկությունն է, ու երբ ինչ-որ մեկը ասում է, որ դա սխալ է. ապա միանգամից սկսվում են փնտրտուքներ, որ մերժեն քարոզողի ասածները: Մարդկանց մեծ 70 տարի առանց Աստծո ապրել է ու սովորել այդ կյանքին, իսկ հիմա ահա լսում է, որ սխալ է. հասկանում եմ շատ դժվար է:
Բայց արթնությունը շարունակվում է Հայաստանում:

[ministr]

Կուսակցությունն ու կրոնը քո համար նույն կատեգորիայի սուբյեկտներ են???

Շատ վատա, երբ էդ "քարոզի" արդյունքում մարդկանց հոգեկանի վրա են ազդում, ընդհուպ մինչև այն աստիճանի, որ շենքի տանիքից քցվում են` մտածելով, որ հեսա իրենց հավատը իրենց կփրկի: Շատ վատա, երբ աստվածաշնչյան պատգամների շղարշի տակ մարդկանց գլուխը ինչ ք**-ով ասես լցնում են, էն կարգի որ տարիներա պետք էդ մարդուն հետ բերելու համար: Եթե տենց անհանգստացած եք, որ ժողովուրդը 70 տարի ապրելա առանց Աստծո (դա ձեր կարծիքնա), ապա դրոշը վերցրեք ձեռքներդ ու մարդկանց քարոզեք այցելել եկեղեցի, դառնալ դեպի Հայ Առաքելական Եկեղեցին, դա էլ հո 70 տարվա հետևանք չի? Եկեղեցու որոշ սպասավորների դեմ բան ունեք, պայքարեք այդ աղտերի դեմ: Ոչ թե գնացեք սրա-նրա բիզնեսը ծաղկացրեք ու ազգակիցներին էլ ներքաշեք էդ ճահճի մեջ:

[razmik21]

1.

Կուսակցությունն ու կրոնը քո համար նույն կատեգորիայի սուբյեկտներ են???

Իհարկե՝ ոչ: Ի՞նչ է՝ համեմատության համար պետք է անպայման նույն կատեգորիայի սուբյեկտներից օգտվել:
2.

Շատ վատա, երբ էդ "քարոզի" արդյունքում մարդկանց հոգեկանի վրա են ազդում, ընդհուպ մինչև այն աստիճանի, որ շենքի տանիքից քցվում են` մտածելով, որ հեսա իրենց հավատը իրենց կփրկի:

Շատ եմ նման բաներ լսել, մանավանդ ասում, են, որ դրանք Եհովայի վկաների բնորոշ գիծ է, սակայն ես անձամբ չգիտեմ այդ կազմակերպությում քարոզում են, արդյոք, որ պետք է նման բան անել, թե չէ կամ դրան դրդող որևէ բան: Ի տարբերություն այս ակումբի շատ անդամների չեմ սիրում առանց իմանալու բաներ գրել: Միանշանակ "Եհովայի վկաներ" ԿԿ-ը աղանդ է, բայց չի կարելի ստույգ ասել, թե քցվող մարդանց այդպիսի բաներ են քարոզում, թե նրանք են սխալ հասկանում: Ասեմ, որ Աստվածաշնչում ասվում է ինքասպան լինողը հայտնվում է միանգամից դժոխքում:
3.

Եթե տենց անհանգստացած եք, որ ժողովուրդը 70 տարի ապրելա առանց Աստծո (դա ձեր կարծիքնա), ապա դրոշը վերցրեք ձեռքներդ ու մարդկանց քարոզեք այցելել եկեղեցի, դառնալ դեպի Հայ Առաքելական Եկեղեցին

Սա իմ կարծիքը չէ, ես կարող եմ ասածս բացատրել ու հիմավորել (ուղղակի չեմ ուզում թեմայից շեղվելու համար տուգանային ստանամ, եթե համապատասխան թեմա լինի անպայման կգրեմ): Եթե Հայ առաքելական եկեղեցին բավարարեր իմ հոգևոր պահանջները ես այնտեղ կգնայի ու մարդկանց էլ կասեի այնտեղ գնացեք: Բայց Աստծուն գալը ու ապաշխարհելը այդքան էլ կարևոր չէ, որ "եկեղեցում" է տեղի ունենում (իհարկե՝ ոչ աղանդավոր) :

կեղեցու որոշ սպասավորների դեմ բան ունեք, պայքարեք այդ աղտերի դեմ

4. Քրիստոնյա մարդը "աղտ" չի կարող ունենալ մարդու դեմ: Ես բազմաթիվ ծառայողներ գիտեմ ՀԱԵ-ուց, որոնք լավ ծառայում եմ Տիրոջը:

Ոչ թե գնացեք սրա-նրա բիզնեսը ծաղկացրեք ու ազգակիցներին էլ ներքաշեք էդ ճահճի մեջ:

Ու՞մ բիզնեսը: Աստծուն գալը հենց ճահճից դուրս գալ, ոչ թե հակառակը:

[ministr]

Պատասխանը դրել եմ ավելի համապատասխան թեմայում, որովհետև ստեղ արդեն օֆտոպ ենք անում:
Այստեղ

[Hayazn]

Monk « Հոգևոր անվտանգություն » հասկացություն
գոյություն չունի , քանի որ հոգին ֆիզիկական
մարմին չէ :
Ուրիշ բան է « հոգու փրկությունը » :
ՀԱՅ ԱՌԱՔԵԼԱԿԱՆ եկեղեցում կա մի արարողություն ,
որը տեղի է ունենում կիրակի առավոտյան պատարաքից
առաջ , որի ժամանակ պատարաքիչ քահանան ժողովրդի
հետ միասին թողություն է խնդռում :
Ինձ թվում է , որ մենք միայն այդքանը կարող ենք անել ,
այսինքն խնդրել թողություն իսկ մենք այն կստանանք թէ
չէ դա արդեն մենք չենք կարող որոշել , հետևաբար մենք
ինքներս ոչինչ էլ չենք կարող անել մեր հոգու անվտանգության
համար :
Հուսով եմ օգտակար եղա....

[Katka]

Մի փոքր ես հեռու եմ եկեղեցուց,/ թեեւ խորը հավատ ունեմ/, դրա համար գուցե սխալվեմ, բայց այստեղ ես կարեւորում եմ հենց եկեղեցու, հոգեւոր հայրերի գործունեությունը, գործունեությունը, որը պետք է ծառայի հենց հեգեւոր, կրոնական/մեր կրոնի/ արժեքների պահպանմանը, այլ ոչ թե դրանց աղավաղմանը: Այդ դեպքում հոգեւոր անվտանգության մասին, կարծում եմ, մտածելն ավելորդ է:

[razmik21]

Ինձ թվում է , որ մենք միայն այդքանը կարող ենք անել ,
այսինքն խնդրել թողություն իսկ մենք այն կստանանք թէ
չէ դա արդեն մենք չենք կարող որոշել , հետևաբար մենք
ինքներս ոչինչ էլ չենք կարող անել մեր հոգու անվտանգության
համար :

Մենք ենք ընտրում մեր հետագա ճանապարհը: Եթե ապաշխարհենք, անպայման կստանանք թողություն, Հիսուսին հավատալն էլ հենց դա է, ոչ թե բառերով:
Մենք այնքան բան կարող ենք անել մեր հոգևոր անվտանգության համար, որ մի օրը հերիք չի գրել: Մենք հնձելու ենք այն ինչ ցանում ենք: Բայց ամեն ինչ սկսվում է ապաշխարհությունից: Քանի, որ գրված է մեկի պատճառով բոլորը դառան մեղավոր, իսկ Հիսուսով սրբվեցին:

[Monk]

Այս թեմայի շուրջ էլ տեսակետներ չկա՞ն