Եկել եմ՝ տղերքին շնորհակալություն հայտնեմ։ Երեկվանից մի վայրկյան աչքս չեմ կպցրել. ամբողջ գիշեր արթուն եմ մնացել, առավոտ իննից օդանավակայանում եմ եղել։
Երբ Բերեզովսկուն հեռացրին, արդեն մտածում էի՝ վերջ։ Բայց ապրեն տղերքը՝ ո´չ խառնվեցին, ո´չ էլ որևէ կերպ զիջեցին։ Ալեքսանյանի ինքնագոլից հետո ավելի հանգիստ էի. արդեն տեսել էի, որ թիմ ենք, էն էլ հոգեբանորեն շատ լավ պատրաստված թիմ։
Հիմա արդեն ոչինչ կարևոր չէ՝ ոչ պարտությունը, ոչ մրցավարի ակնհայտ սխալները։ Մերոնք խաղից հետո շատ կոտրված էին. հիմա ավելի, քան երբևէ տղերքին աջակցել է պետք։ Ալեքսանյանը ամենավերջինը դուրս եկավ, միանգամից գնաց նստեց ավտոբուսի մեջ, ու դեմքին նայելիս լացս գալիս էր։ Շատ վատ էր։
Պիտի ցույց տանք, որ մեր թիմի կողքին ենք նաև դժվար պահին։
Շնորհակալություն մեր հավաքականին հիանալի մրցաշրջանի, մինչև երեկ ներառյալ հրաշալի խաղի, համառության, կամքի օրինակ ցույց տալու ու էն բանի համար, որ մենք արդեն իրոք կարող ենք հպարտանալ։ Շնորհակալություն Մինասյանին, ով նույնիսկ մեզ համար շատ ծանր պահերից ելք գտավ, մեզ համար ուժեղ ու հզոր պոտենցիալով թիմ կերտեց։
Ես հպարտ եմ ձեզնով, տղե´րք։ Կեցցե´ք։
Մեջբերել
Էջանիշներ