ՕԵԿ-ը պատրաստվում է ընտրությունների
14:42 | Այսօր | ՔԱՂԱՔԱԿԱՆՈՒԹՅՈՒՆ
Կառավարությունում ՕԵԿ նախարարներ Մհեր Շահգելդյանին եւ Գուրգեն Սարգսյանին կփոխարինեն նորաթուխ ՕԵԿ-ականներ Արմեն Երիցյանն ու Մանուկ Վարդանյանը: Երեկ նրանք դարձել են օրինացերկրական, որպեսզի կառավարությունում վերջինիս հատկացված տեղերում նշանակվեն նախարար:
Արդյո՞ք մինչ այդ վերոնշյալ մարդիկ հարել են ՕԵԿ-ին «Ա1+»-ի հարցին խմբակցության ղեկավար Հեղինե Բիշարյանը չպատասխանեց:
Նա միայն տեղեկացրեց, որ փոփոխությունները պայմանավորված են ՕԵԿ ռազմավարությամբ եւ մարտավարությամբ. «Մենք գոհ ենք մեր նախարարներից, որեւէ խնդիր չի քննարկվում, այսուհետ կուսակցության փոխնախագահ Մհեր Շահգելդյանը զբաղվելու է կուսակցության քաղաքական մասով, Գուրգեն Սարգսյանը` տնտեսական բլոկով, ելնելով կուսակցության նախընտրական այն դրույթներից, որոնք բխում են տնտեսության շահերից, եւ ուժեղացնելու կուսակցության տնտեսական բլոկը»,-ասաց խմբակցության ղեկավարը:
Իսկ ինչու հին ՕԵԿ ականներից չեն ընտրվել նախարարների թեկնածուները հարցին տիկին Բիշարյանը պատասխանեց. «Նշանակումները խիստ կարեւոր են, որպեսզի լինեն մարդիկ, ովքեր խիստ պրոֆեսիոնալ են եւ անցած ճանապարհ ունեն»:
Կուսակցության մարտավարական փոփոխությունները նշանակում են, որ կուսակցությունը պատրաստվում է առաջիկա խորհրդարանական ընտրություններին: Հեղինե Բիշարյանը համաձայնեց այս դիտարկմանը. «Այո: Բնականաբար, եթե ներքին աշխատանքները ուժեղացվում են, եւ մյուս ուժերն էլ են այդպես, իրենց քայլերը նախապատրաստում են առաջիկա ընտրություններին»:
Խորհրդարանական ընտրություններին ՕԵԿ-ի մասնակցությունը նշանակո՞ւմ է արդյոք, որ նախագահական ընտրություններին էլ կմասնակցի Արթուր Բաղդասարյանը մեր հարցին` Հեղինե Բիշարյանը նկատեց. «Ոչ: Դուք շատ լավ գիտեք, որ մենք ունենք պայմանավորվածություն, որ Արթուր Բաղդասարյանը մյուս նախագահական ընտրություններին չի մասնակցելու»:
Վիշապ-ի խոսքերից
Մեջբերել
:
Բայց Արթուրիկին հալալ ա: Տղեն ջոգեց որ նախագահ լինելը հեչ էլ պարտադիր չի կյանքը պօ պօլնօյ վայելելու համար: Դե էլ չասեմ, որ «ընդդիմադիր» պռոյեկտ-ինվեստիցիան լիովին իրան արդարացնում ա ֆինանսապես: ՕԵԿ-ը ինչ-որ պահի հնարավոր ա որ մտնի ՀՀԿ մեջ: Սկզբունքորեն հիմա էլ ա մեջը, պռոստը ֆորմալ առումով քամակ են խաղացնում, որ կոալիցիա բան ցույց տան: Բայց մեզ դրանից ոչ մի բան Չուկ ջան, սաղս էլ գիտենք ինչն-ինչոց ա: Մենք մեր 14%-ին պիտի մի ձևի տեր կանգնենք, որ էտ էլ չառնեն ձեռներիցս, որը շատ հավանական ա:
Էջանիշներ