Ռիվասի երգը շատ եմ հավանում
ներկայացնեմ ձեզ Եվա Ռիվասի «Apricot stone» երգի բառերը` Քրիստ Մանարյանի թարգմանությամբ:
Ծիրանի կորիզ
Բազում տարիներ առաջ,
Մանուկ, անցած օրերում,
Մայրիկն ասաց. «Իմանաս`
Դառն է աշխարհն ու տրտում,
Բայց թե կուզես տեղդ գտնել դու մարդկանց շարքում`
Հիշիր, զավակ, սիրով արա ամեն ինչ կյանքում»:
Նրա ասած ամեն խոսքին
Ականջ կախեցի,
Կյանքը մի պահ տխուր թվաց`
Երկար լացեցի:
Եվ մայրիկս այնժամ տվեց ինձ մի բուռ ծիրան,
Մի բուռ ծիրան` հողի համբույր, արևը վրան:
Ծիրանի կորիզ`
Բռիս մեջ պահած,
Հայրենի երկրից
Նվեր ինձ տրված,
Ես քեզ կդնեմ
Պաղած հողի մեջ,
Որ դու վերսկսես
Քո պտույտն անվերջ…
Հիմա գլխիս վերևում
Ցուրտ աստղերն են հյուսիսի,
Բայց որքան էլ հողմը խենթ
Օտար երգը իր հյուսի`
Սեր կա անբիծ, սրտիս տակ,
Որ հոգիս դարձնում է տաք:
Թող ձմեռը հեռանա
Իմ այգուց հեռու մնա,
Ծիրանի ծառ, ելիր վեր
Ու տուր օրհնյալ պտուղներ…
Ոնց գնացի իմ տնից`
Այնպես ետ կգամ նորից:
Մեջբերել
Էջանիշներ