Աշխարհի ամենագեղեցիկ տաճարները

[Ռուֆուս]

Սկսենք մի փոքրիկ էքսկուրսիա հարավային Ամերիկայում:

Կատեդրալ Բասիլիկա դե Սալտա – Սալտա, Արգենտինա



Վարդագույն և դեղին ներկված Սալտայի տաճարը ամբողջովին ավիրվել էր 17-րդ դարում և վերանորոգվել մինչև 1882թ:



Կատեդրալ Բասիլիկա դե Սալտայում է գտնվում շատ կարևոր հոգևոր մասունք - Էլ Սենյոր դե Լոս Միլագրոսը (Հրաշքների Տիրակալը)՝ Հիսուս Քրիստոսի արձանը, որը բերվել է Իսպանիայից: Ցավոք արձանը տեղափոխող նավը խորտակվում է Արգենտինայի ափերի մոտ, սակայն արձանը լրիվ անվնաս ափ է հասնում և տեղադրվում տաճարում: Այս տաճարում են թաղված երեք կարևոր պատմական անձինք, որոնցից ամենակարևորը գեներալ Մարտին Միգել Դե Գեմեսն է, ով ակտիվորեն մասնակցել է Իսպանիայի դեմ Արգենտինայի մղած ազատագրական պայքարին:

[Ռուֆուս]

Կատեդրալ Պրիմադա - Բոգոտա, Կոլումբիա



Կոլումբիայի ամենամեծ տաճարը կառուցվել է 1807-1823թթ: Երբ իսպանացիները հիմնադրեցին Բոգոտան, նրանք կառուցեցին 12 խրճիթ և մի փոքրիկ ծղոտե եկեղեցի, որը հետագայում դարձավ Բոգոտայի տաճարի հիմքը, այնպես որ կարելի է ասել, որ Կատեդրալ Պրիմադան նույնքան հին է, որքան Բոգոտան:



Այս կաթոլիկ եկեղեցին իսպանական գաղութային ճարտարապետության հրաշալի օրինակ է: Տաճարում կան Գրեգորիո Վասկես դե Արսե ի Սեբալյոսի վրձնին պատկանող բազմաթիվ նկարներ, ով հանդիսանում է գաղութային Կոլումբիայի ամենակարևոր նկարիչը: Այստեղ է թաղված Գոնսալո Խիմենես դե Կեսադան, ով հիմնադրել է Բոգոտան:

[Ռուֆուս]

Կատեդրալ դե լա Ինմակուլադա Կոնսեպսիոն - Կուենկա, Էկվադոր



Կատեդրալ դե լա Ինմակուլադա Կոնսեպսիոնը, որը այլ կերպ անվանում են Կուենկայի Նոր Տաճար, գտնվում է Էկվադորում: Քանի որ հին տաճարը այնքան փոքր էր, որ չէր կարող բավարարել Կուենկայի գնալով աճող բնակչության կարիքները, 1885թ-ին սկսվեց նոր տաճարի շինարարությունը, որը տևեց մոտ հարյուր տարի:



Կուենկայի նոր տաճարը իր մեջ է համատեղում է տարբեր ճարտարապետական ոճեր, որոնցից ամենաշատը աչքի է զարնում ռոմանականը: Այն ունի նաև 3 գեղեցիկ գմբեթ, որոնց կապույտ սալիկները բերվել են Չեխոսլովակիայից:

[Ռուֆուս]

Սբ. Գևորգի Տաճար – Ջորջթաուն, Գայանա



Սբ. Գևորգի տաճարի կառուցումը սկսվել է 1888թ-ին և ավարտվել 1894թ-ին: Եթե համեմատենք այլ տաճարների կառուցման հետ, որը դարեր էր տևում, այն կառուցվել է բավականին արագ, պատճառն այն է, որ տաճարը ամբողջությամբ փայտից է կառուցված:



Չնայած նախատեսվում էր տաճարը քարից կառուցել, այն այդպես էլ ի կատար չածվեց, քանի որ շատ թանկ արժեր: Այժմ Սբ. Գևորգի տաճարը աշխարհի ամենաբարձր ազատ կանգնած կառույցն է, որը երևում է Ջորջթաունի բոլոր կողմերից:

[Ռուֆուս]

Լիմայի Տաճարը – Լիմա, Պերու



Լիմայի տաճարը, որը գտնվում է Լիմայի կենտրոնական մասում, աշխարհի ամենագեղեցիկ տաճարներից մեկն է: Այն սկսել են կառուցել 1535թ-ին և չնայած պատմության ընթացքում այն բազմաթիվ փոփոխությունների է ենթարկվել, հաջողվել է պահպանել նրա օրիգինալ գաղութային ոճը:



Լիմայի տաճարը ունի երեք մեծ ֆասադային դռներ և ավելի քան 14 կողքային դռներ: Ասում են, որ հայտնի իսպանացի կոնկիստադոր Ֆրանցիսկո Պիսսարոն դրեց առաջին քարը և առաջին գերանը, որից կառուցվեց այս գեղեցիկ տաճարը: Տաճարում է գտնվում Պիսսարոյի մասունքները:

[Ռուֆուս]

Կատեդրալ դե Սե – Սան Պաոլու, Բրազիլիա



Սան Պաոլուի տաճարը քաղաքի ամենամեծ եկեղեցին է և աշխարհի 4-րդ ամենամեծ նոր գոթական ոճի տաճարն է: Այն սկսել են կառուցել 1913թ-ին, բացվել է 1954թ-ին, իսկ երկու աշտարակները ավարտվել են 1967թ-ին: Տաճարի կառուցման վրա ծախսվել է ավելի քան 800 տոննա թանկարժեք և հազվագյուտ մարմար:



Սան Պաոլուի տաճարում է գտնվում հարավային Ամերիկայի ամենամեծ երգեհոնը, որը տեղադրված է հսկայական ստորգետնյա մատուռի վրա, սա նույնպես կարելի է համարել գեղեցիկ ստորգետնյա եկեղեցի: