Animusic-ը համակարգչային գրաֆիկայով ստեղծված անիմացիոն երաժշտական տեսահոլովակների հավաքածու է: Տեսահոլովակներ, որտեղ գլխավոր դերերում ոչ թե երաժիշտներն են, այլ երաժշտական գործիքները: Երաժշտական գործիքներն էլ իրենց հերթին այն գործիքները չեն, որ մենք տեսել կամ օգտագործում ենք, այլ ստեղծված են յուրահատուկ ոճով: Ինչպես օրինակ ինքն իր վրա նվագող թավջութակը կամ օդում ճախրող և հարվածային գործիքների վրա նվագող փայտիկները: Կամ խողովակներից դուրս թռնող փոքր գնդակները, որոնք ընկնելով լարերի, թմբուկնեի կամ ստեղների վրա, առաջացնում են երաժշտություն:
Որոշ տեսահոլովակներում գործիքները ընդհանրապես բացակայում են: Փոխարենը երաժշտությունը ուղեկցվում լուսային էֆեկտներով, որոնք, "շարժվելով" երաժշտության ռիթմերին համապատասխան, ստեղծում են նվագող լուսյերի տպավորություն:
Animusic-ի տեսահոլովակները առաջին անգամ տեսել եմ մի քանի տարի առաջ: Հեռուստաալիքներից մեկը պարբերաբար ցուցադրում էր դրանք: Հենց առաջին անգամ տեսնելուց շատ հավանեցի ու ամեն օր անհամբեր սպասում էի, թե երբ նորից կտեսնեմ: Հոտո ինտերնետը մի քիչ փորփրելուց հետո գտա Animusic-ի պաշտոնական կայքը: Պարզվեց, որ Animusic-ը թողարկել է 2 DVD, առաջինը 7 տեսահոլովակով, երկրորդը` 8:
Մի քանի օր առաջ էլ կայքում տեսա, որ պատրաստվում են թողարկել երրորդ DVD-ն:
Այսպիսով, առաջարկում եմ այս թեմայում քննարկել Animusic-ի տեսահոլովակները, նրանցում օգտագործված` երաժշտությունը մատուցելու ոճը, կամ պարզապես երաժշտությունը: Ինչու չէ, նաև երաժշտական գործիքների նվագելու ճշտությունը, քանի որ ինչքան հետևել եմ, գործիքները շատ ճշգրիտ են նվագում
Վերջում ավելացնեմ, որ եթե առաջին տեսահոլովակը չհավանեք, կանգ չառնեք, քանի որ նրանք շատ են տարբերվում
Animusic 1
1. Future Retro
2. Stick Figures
3. Aqua Harp
4. Drum Machine
5. Pipe Dream
6. Acoustic Curves
7. Harmonic Voltage
Animusic 2
1. Starship Groove
2. Pogo Sticks
3. Resonant Chamber
4. Cathedral Pictures
5. Pipe Dream 2
6. Fiber Bundles
7. Gyro Drums
8. Heavy Light
Մեջբերել
Էջանիշներ