Իմ անունը....
Հե՜յ, դուք չգիտե՞ք իմ սև անունը,
Ե՛ս եմ ցավերի մեջ ծիծաղողը,
Դուք դեռ երգում եք միևնույն տո՞ղը,
Ե՛ս եմ ձեր երգի աղավաղողը....
Հե՜յ, դուք չգիտե՞ք իմ սև անունը,
Ես եմ խավարում երազ վառողը
Անվերջ քնել եք, գիտեմ, տանում է հիմա ձեր քունը
Ես եմ ձեր հավերժ քուն խանգարողը....
Ե՛ս եմ ցավերում վերածնվողը
Ստվերների հետ հավերժ պարողը,
Ե՛ս եմ այս երկրի հումուսն ու հողը,
Ես` և՛ պաշտողը, և՛ պաշտվողը....
Հե՜յ, դուք դեռ երգում եք միևնույն տո՞ւնը,
Ձեզ չի՞ հոգնեցրել հնօրյա տաղը,
Դե՜, մի կո՛ղմ թողեք ձեր հիմար խաղը,
Քանզի չգիտեք իմ սև անունը....
Ձայնեք լեռներին ու նրանք իսկույն
Ձեզ կարձագանքեն իմ կեղծանունը....
Մեջբերել
Էջանիշներ