Արթուր Մեսչյան

**Ռուֆուս** · 07.01.2010, 01:42

Մոդերատորական: Արթուր Մեսչյանի մասին բացվում է նոր թեմա: Նոր թեմայում արգելվում են.

Քաղաքականացված քննարկումները
Արթուր Մեսչյանի անձին, այլ ոչ թե երաժշտությանը առնչվող քննարկումները
Անհանդուրժողական, լպիրշ, ոչ կոռեկտ գրառումները

Թեմայի պահանջներին չհամապատասխանող գրառումները կջնջվեն, մեղավորները խստորեն կպատժվեն ընդհուպ մինչև արգելափակում:

Մաղթում եմ հաճելի քննարկումներ:

**vigs** · 08.01.2010, 18:36

2009 ի նոյեմբերի 17 ի համերգից Օրերը

Ահա և վերջ

ՀԱՄԸՆԿՈՒՄՆԵՐ

**aerosmith** · 08.01.2010, 22:10

չնայած ես էդ համերգին գնացել էի բայց ասեմ որ հեռուստացույցով ավելի արտահայտիչ էին երևում ձեռքի միմիկաները........... որը էլ ավելի հետաքրքիր է ինչպես և երգերը.....
մնում է ասել միայն ԲՐԱՎՈՈՈՈ Արթուր..... դու այն եզակի մարդկանցից ես որի կարիքը մեր ազգը ունեցել է ունի և կարծում եմ կունենա.....

**vigs** · 08.01.2010, 23:07

Իսկ սա հատված հարցազրույցից <Ահա և վերջ> երգի և Հայկի տեսակի մասին

**Դատարկություն** · 01.02.2010, 15:06

Երեկ Մեսչյանի մի երգ լսեցի շատ հավանեցի

, չնայած շուտ լսել էի, բայց էս անգամ մի ձև այլ կարգի սիրեցի

... ախր շատ լավնա...

ՀՈՒՅՍ

Ուշ է, նա թակում է դուռը փակ,
նա է, ում սպասում ես շարունակ,
նա է, ով փրկում է քո հոգին,
պարանոցից հանում դեղին
հոգեվարքից կապված պարանը,
պատսպարում է քեզ վշտից`
թևազուրկ այդ թռչունից:
Հույսն է ապավենը մենության,
հույսն է, որ կերտում է ապագան,
հույսն է, որ վերջին պահին կրկին
կորուստների ճանապարհին
փրկության լույսով ժպտում է,
և այդ հույսը փրկության
քո նշխարքն է հաշտության:

Լուռ է, սենյակի դռները՝ փակ,
ստվերն է ճոճվում պատին սպիտակ,
հուշն է սղոցում վհատ հոգիդ,
երբ կիթառի լարերը հին
գիշերվա մեջ տրոփում են
և հազար-հազար երգեր
պատերից հնչում են դեռ:
Այս ցնորված մնջախաղի
անզոր դիմախաղով՝
շարժվում են մեր ստվերները
կյանքի բեմի եզրով:
Հետո մի պահ անձայն մեկ-մեկ կորչում
թողնում հույսի կապույտ թևերը ձեզ-
իրենք անհետանում:

Ի՞նչ ես այս կյանքի բեմում ճոճվող,
ո՞ւմ ես իսկապես դու հարկավոր,
ի՞նչն է, որ քո կյանքն է ավիրում-
օրացույցին է սևագրում
գուրգուրած քո երազները
և նկարդ մեծացնում-
փակում սև շրջանակում:

Ուշ է, նա թակում է դուռը փակ:
Նա է՝ ում սպասում ես շարունակ:
Նա է՝ ով փրկում է քո հոգին-
պարանոցից հանում դեղին
հոգեվարգից կապված պարանը,
պատսպարում է քեզ վշտից՝
թևազուրկ այդ թռչունից:

Այս ցնորված մնջախաղի
անզոր դիմախաղով՝
շարժվում են մեր ստվերները
կյանքի բեմի եզրով:
Հետո մի պահ անձայն մեկ-մեկ կորչում-
թողնում հույսի կապույտ թևերը ձեզ-
իրենք անհետանում:

խոսքերը` http://arthurmeschian.net-ից

**Tehleryan** · 12.02.2010, 12:00

Հարցազրույց տված aniv.ru ին http://aniv.ru/view.php?numer=25&st=1

**Gayl** · 17.02.2010, 00:26

Այսօր Մեսչյանի երգերից մեկը լսեցի, որը չէի լսել հետաքրքիր էր կարելի է բառերը այստեղ տեղադրել:

Հայր մեր հրաշք ամենատենչ աղբյուր լուսո դու, որ երկինս ես
Սուրբ եղիցի անունը քո Տեր մեր բարձրյալ դու Արարիչ ես

Եվ եկիսցե արքայություն եղիցի կամք քո ծայրագույնս(այս նախադասությունը չհասկացա ով կարող է մեկնաբանել)
Որպես երկինս և երկրի դու տիրակալ տիեզերքի միայն լռում ես:

Քեզնից ենք հացը ողորմում, երբ որ դաշտերը մեր լքյալ են
Եվ թողություն ենք աղերսում մեր մեղքերին քանզի կախյալ ենք

Ասված է որ ներենք նրանց ով որ պղծի երկրիս տաճարը
Գուցե ուրիշը և ների, բայց մենք երբեք՝ հիշիր անցյալդ

Եվ մի տանիր ի փորձություն, բայց կյանքը մեր լոկ փորձություն է
Եվ զմեզ փրկեա Տեր ի չարե, բայց ինչու՞ դու, մենք ինչ հանճար ենք

Զի քոյ և արքայություն և զորություն և փառք դու Տիրակալ ես
Այժմ և միշտ և հավիտեան մենք կկորչենք, իսկ դու անմահ ես

**Smokie** · 04.03.2010, 13:00

Սիրում եմ: Լավ երգերը շաաատ են, իսկ ամենասիրելիներս,

«Խաչմերուկներ» («տեսե՞լ եք դուք այնպես ճատրակ, որտեղ խաղում են լոկ սեւերը, կյանքի բեմից դուրս շպրտված, լուռ հեռանում են սպիտակները»)
«Միգուցե ես խենթ եմ,» («ով է խենթ այս բեմադրիչը մի՞թե մեկն է մեղավոր,» «եւ չկա վարող գութանը, մի պատճառ հանիր եզանը, նրան էլ մորթիր հանգստանաս

»)
«Իմաստազուրկ է լինում» («երբ ժամացույցի լարված զսպանակը, կացինն է ճոճում քո պարանոցին, անցյալը դանդաղ իմաստազրկվում է, ներկան է թմրած քո ոտքի տակին:»)
Շատ լավն են եւ երգերը եւ խոսքերը:

Իսկ որպես վերջաբան՝ «դու՛ք, որ մեռաք հինգ դար առաջ, դու՛ք, որ այսօր կմահանաք, նույն ծառի ծիլն էիք կանաչ եւ դարձաք նույն տերեւը չոր,» («Հինգ դար առաջ» երգից):

**Kuk** · 04.03.2010, 14:53

1988 թ.

**SSS** · 04.03.2010, 15:10

Այն որ Մեսչյանի երգերը լավն են կասկած չկա.բայց կցանկանայի իմանաք,որ նրա երգերի խոսքերը հիմնականում վերցված են Մուշեղ Իշխանից և դեռ սովետական ժամանակ ,երբ մեր սփյուռքահայ գրողին ոչ ոք չգիտեր նա դրանք որպես իր հեղինակային գործ էր ներկայացնում

**Ռուֆուս** · 04.03.2010, 15:15

SSS-ի խոսքերից

Այն որ Մեսչյանի երգերը լավն են կասկած չկա.բայց կցանկանայի իմանաք,որ նրա երգերի խոսքերը հիմնականում վերցված են Մուշեղ Իշխանից և դեռ սովետական ժամանակ ,երբ մեր սփյուռքահայ գրողին ոչ ոք չգիտեր նա դրանք որպես իր հեղինակային գործ էր ներկայացնում

Իսկ քեզ որտեղի՞ց նման ինֆորմացիա: Իմ իմանալով Մուշեղ Իշխանն ու Մեսչյանը եղել են մոտ ընկերներ ու Մեսչյանը երբեք գրագողությամբ չի զբաղվել, ու միշտ ասել է, որ որոշ երգերի բառերի հեղինակը Մուշեղ Իշխանն է:

**SSS** · 04.03.2010, 15:22

Ռուֆուս-ի խոսքերից

Իսկ քեզ որտեղի՞ց նման ինֆորմացիա: Իմ իմանալով Մուշեղ Իշխանն ու Մեսչյանը եղել են մոտ ընկերներ ու Մեսչյանը երբեք գրագողությամբ չի զբաղվել, ու միշտ ասել է, որ որոշ երգերի բառերի հեղինակը Մուշեղ Իշխանն է:

Ինձ պատմել է իմ դասախոսը,որը հենց Ա.Մ ի մոտ ընկերն է եղել,Ա.Մ ն և Մ.Ի ն ընկերներ չեն եղել այլ եղել են հեռու բարեկամներ,իսյ Ա.Մ ն ոչ թե գրագողությամբ է զբաղվել այլ այն ժամանակներում նա պրզապես չէր էլ կարող հրապարակել թե ով է իր երգերի հեղինակը ես շատ գիտեմ Մեսչյանի սերնդակիցներ,որոնց պարզապես հնարավոր չէ ապացուցել,որ այս կամ այն երգի բառերը նրան չեն պատկանում

**Ռուֆուս** · 04.03.2010, 15:47

SSS-ի խոսքերից

Ինձ պատմել է իմ դասախոսը,որը հենց Ա.Մ ի մոտ ընկերն է եղել,Ա.Մ ն և Մ.Ի ն ընկերներ չեն եղել այլ եղել են հեռու բարեկամներ,իսյ Ա.Մ ն ոչ թե գրագողությամբ է զբաղվել այլ այն ժամանակներում նա պրզապես չէր էլ կարող հրապարակել թե ով է իր երգերի հեղինակը ես շատ գիտեմ Մեսչյանի սերնդակիցներ,որոնց պարզապես հնարավոր չէ ապացուցել,որ այս կամ այն երգի բառերը նրան չեն պատկանում

Չէ, օրինակ իմ ունեցած Մեսչյանի դիսկերում գրված է, թե ով է խոսքերի հեղինակը՝ Մեսչյանը, Իշխանը, թե մեկ այլ մարդ:

Իսկ այն, որ Մեսչյանը չի ուզեցել սովետական ժամանակներում ասել, թե ով է իր խոսքերի հեղինակը, որպեսզի հետապնդումների չենթարկվի, տրամաբանական եմ համարում ու ոչ մի վատ բան դրանում չեմ տեսնում

**SSS** · 04.03.2010, 15:50

Ռուֆուս-ի խոսքերից

Չէ, օրինակ իմ ունեցած Մեսչյանի դիսկերում գրված է, թե ով է խոսքերի հեղինակը՝ Մեսչյանը, Իշխանը, թե մեկ այլ մարդ:

Իսկ այն, որ Մեսչյանը չի ուզեցել սովետական ժամանակներում ասել, թե ով է իր խոսքերի հեղինակը, որպեսզի հետապնդումների չենթարկվի, տրամաբանական եմ համարում ու ոչ մի վատ բան դրանում չեմ տեսնում

Իսկ ով ասաց ,թե այդտեղ վատ բան կա

**Ռուֆուս** · 04.03.2010, 15:55

SSS-ի խոսքերից

Իսկ ով ասաց ,թե այդտեղ վատ բան կա

Ես քո գրածիցդ ենթադրեցի, որ դու վատ բան ես տեսնում դրա մեջ, բայց հիմա ամեն ինչ պարզ է

User Tag List

Թեմա: Արթուր Մեսչյան

Թեմայի գործիքներ

Պատկերման եղանակ