Հարգելի ակումբացիներ, առաջարկում եմ փետրվարի մեկից ակումբում անցկացնենք այս նախագիծը: Ես մտածում էի ու փորձում վերլուծել մեր Հայստանի և հայերիս համար ովքեր են ունեցել մեծ նշանակություն: Այսինքն, ովքեր ասելով նկատի ունեմ այն մարդկանց, որոնք իրանց լուման են ունեցել Հայաստանի զարգացման գործում ցանկացած բնագավառում` մշակույթ, սպորտ, քաղաքականություն և այլն: Նման նախագիծ եղել է ռուսական հեռուստաընկերություններց մեկում, որի արդյունքում քվեարկության շնորհիվ պարզ դարձավ թե ռուսները ում են համարում տարվա մարդ,ընդ որում կապ չունի այդ հերոսը անցյալում է, թե ներկայում:Ես հենց ռուսականը չգիտեմ ինչպես է արվել, սակայն այստեղ կարելի է միտքը վերցնել և ամենինչ կատարել մեր ուզածով: Ուրեմն , որն է իմաստը ակումբացիները առաջարկում են իրենց նախընտրած հերոսին, ասենք ես առաջարկում եմ Հովհաննես Թումանյանին, ներկայացնում են նրան, բացատրում նրա դերը մեր պատմության մեջ և ինչն է հատկապես համարվում այդ մարդու ունեցած լուման հայ ազգի զարգացման մեջ: Զարգացում չի նշանակում միայն փող, ուտել ու խմել, զարգացումը այստեղ ավելի լայն է հոգեբանական, ավելի բարձր տեսանկյուններից: Մի խոսքով ներկայացված հերոսների մասին թույլ է տրվում այլ ակումբցիների կողմից ներկայացնել իրենց տեսակետները: Արդյունքում մեր կողմից ներկայացված հերոսների ցանկ է կազմվում և դրվում քվեարկության: Այսինքն այդ հերոսների մասին գրառումները օգնում են վերջնականապես կողմնորոշվելու, թե ով պետք է լինի տարվա մարդը: Թույլատրվում են բանավեճեր, հակառակ փաստարկներ: Այս նախագիծը առաջարկում եմ անցկացնել ողջ 2010թվականի ընթացքում մինչև նոյեմբերի վերջը, որից հետո կհավաքենք բոլոր ներկայացված հերոսներին ու կդնենք քվեարկության, և 2011 թ-ի հունվարի մեկին կունենանք հերոսի անունը:
Ես առաջարկում եմ այս մի ամիսը, այսինքն հունվարը նվիրել կազմակերպչական հարցերին, այսինքն արդյոք պետք ընտրել սահմանափակ թվով մասնակիցների, որոնք միայն պետք է ներկայացնեն իրենց հերոսին, թե ոչ, պետք է լինեն երկրորդ և երրորդ տեղեր թե ոչ, քվեարկությունը պետք է լինի բաց, թե փակ: Ես կարծում եմ սա կօգնի մեզ ճանաչել այն մարդկանց, որոնց մենք համարում ենք իսկական հերոսներ, ինչպես անցյալի և ներկայի, այնպես էլ ապագայի տեսանկյունից: Խնդրում եմ առաջարկեք ձեր մտքերը, հնարավոր է ավելի օրիգինալ բաներ կարողանանք ներմուծել, ես մեծ հաճույքով կկարդամ նոր առաջարկները և վերջում քվեարկության արդյունքում կտենանք ցանկանում ենք անցկացնել նման նախագիծ, թե ոչ:
Էջանիշներ