S.O.S. Հոգեբանական օգնություն ակումբցիների մասնակցությամբ

[Adam]

Նմանատիպ թեմա բացելու ցանկություն կար դեռ վաղուց:
Ինչումն է կայանում թեմայի իմաստը:
Բոլոր մարդիկ էլ ունեն հոգեբանական զանազան խնդիրներ, սակայն ոչ բոլորն են կարողանում կիսվել դրանց մասին իրենց շրջապատող մարդկանց հետ: Վախենում, կամ ամաչում են այցելել հոգեբանի: Հաճախ, հոգեբանական տարբեր խնդիրների հետ զուգահեռ լինում են նաև այլ տիպի, կենցաղային, ընտանեկան և ինչու չէ նաև ընկերական շրջապատում առկա տարբեր խնդիրներ:
Այս թեման նախատեսված է հենց ՔՈ խնդիրների լուծման համար առաջարկել կարծիքներ, տեսակետներ և ակումբցիների օգնությամբ օգնել ՔԵԶ հաղթահարելու ամենադժվարին պրոբլեմներն ու առկա զանազան բարդույթները:
Հիմա կասեք՝ Նմանատիպ թեմա արդեն կա. Հարցեր հոգեբանին: Ոչ: Սա այդ թեմայի հետ ոչ մի ընդհանուր բան չունի:
Այստեղ օգնություն խնդրող անձնավորության անունը գաղտնի է բոլորի համար: Հատուկ այս թեմայի համար բացված է էլ. փոստ - [email protected] , որի միջոցով տվյալ անձնավորությունը ուղարկում է անանուն նամակ՝ կիսվելով իր խնդիրների, հոգեբանական բարդույթների մասին:
Նամակը տեղադրվում է այս թեմայում: Որից հետո ակումբցիները փորձում են առաջարկել իրենց տեսակետները, կարծիքները և փորձում օգնել տվյալ անձնավորությանը իրենց խորհրդով:
Նամակներ ուղարկողների մեջ չկա սահմանափակում. ասենք գրողը պետք է լինի միայն ակումբից.... Ոչ: Նամակներ կարող են գրել ակումբ թեկուզ և հյուրի կարգավիճակով այցելողներ և այլն:
Գրեք ձեզ տանջող ամենատարբեր խնդիրների մասին արդեն իմանալով, որ ոչ մեկ չի իմանա ձեր ինքնությունը և չի էլ կասկածի նույնիսկ, թե ով կարող եք լինել դուք: Սա ձեզ հնարավորություն է տալիս գրել մի բանի մասին, որ մինչև այսօր ուժ չեք գտել ձեր մեջ կիսվել որևէ մեկի հետ:
Համոզված եմ, որ ակումբցիներից շատերը կմասնակցեն այս թեմային:
Դուք ձեզ կզգաք թեթևացած և որ ամենակարևորն է՝ կգտնեք ձեր հարցերի բոլոր պատասխանները՝ այստեղ հավաքված բազմաթիվ բանիմաց և խելացի մարդկանց օգնությամբ:
Կիմանաք, թե ինչպես վարվել տվյալ դեպքում:
Նորից եմ կրկնում, որ նամակները կարող են լինել ոչ միայն հոգեբանական խնդիրների վերաբերյալ, այլ նաև զուտ կենցաղային, ընտանեկան և այլն...
Էլեկտրոնային հասցեն՝ [email protected] : Բացեք ձեզ համար նոր, ձեր ինքնությունը անճանաչելի պահող մի էլ. հասցե և գրեք մեզ:
Միշտ պատրաստ ենք օգնության:

[Marine-24]

Ես գտնում եմ, որ դուք շատ ճիշտ հարց եք առաջ քաշել: Ամեն մարդ չէ, որ կամքի հզոր ուժ կունենա պայքարելու իրեն հանդիպած դժվարությունների դեմ: Մարդկանց այդպիսի տեսակը քիչ է, և բնական է, որ շատ չեն էլ կարող լինել, դրանք բացառություններ են հազվադեպ հանդիպող:

[Adriano]

Իհարկե գաղափարը լավն է: Նմանատիպ մարդիկ հնարավորություն կստանան գոնե ինչ-որ եզրեր գտնելու իրենց խնդրի վերաբերյալ սեփական և կողքի մարդու կարծիքի միջև: Սակայն այստեղ մի հարց կա: Նման խնդիրներ ունեցող մարդիկ առաջ քաշեցին նման խնդիրներ, ենթադրենք դրեցինք այստեղ և քննարկեցինք, ու պարզ է, որ որոշ հարցերի շուրջ կարող են հակասական կարծիքներ հնչել: Եվ այս մարդը, որ ինչ-որ 0.0005 տոկոսով հույս ունի իրեն հուզող հարցերի պատասխանը գտնել ուրիշների օգնությամբ կարող է էլ ավելի մեծ լարվածության մեջ ընկնել, քանի որ նույն հարցի , խնդրի լուծման տարբեր և հատկապես իրար հակասող մտքեր կարող է լինել: Ահա հարցը հետևյալն է, ինչպես եք կարծում այս հետաքրքրիր և իմ կարծիքով օգտակար առաջարկը, որ արվել է Ադամի կողմից, ինչ մեխանիզմով պետք է գործի, որպեսզի խուսափենք վերը նշված թերություններից?

[dvgray]

Ահա հարցը հետևյալն է, ինչպես եք կարծում այս հետաքրքրիր և իմ կարծիքով օգտակար առաջարկը, որ արվել է Ադամի կողմից, ինչ մեխանիզմով պետք է գործի, որպեսզի խուսափենք վերը նշված թերություններից?

իմ կարծիքով, ճիշտ հոգեբանական օգնություն մատուցողը նա է, ով կարողանում է հասկանալ, թե դիմացինին իրականում ինչ է պետք, ու մատնանշում, ցույց է տալիս այն տեխնիկական ճանապարհները, որոնք հենց իր դիմացինի համար ամենաօպտիմալն է, ամենա քիչ ցավեցնողը, ամենահեշտը: Դա տվյալ մարդն էլ հանգիստ կարող է հասկանալ, սակայն ցավոք հաճախ այդ անհատը չի նկատում այն ճանապարհը, որը կարող է և առաջին հայացքից անչափ ակընհայտ լինի ուրիշի, կողքի մարդու համար: Դրա համար էլ մարդը երբեմն դիմում է իր ընկերջը/մոտիկին իր պատմությամբ, հույս ունենալով որ կողքից հայացքը կբերի բանալիի գտնմանը ու իրավիճակի հանգուցալուծմանը: Այսինքն կոնկրետ մարդու համար կան կոնկևետ "հագուստ" ու կոնկրետ "ճանապարհ", որը չի բացառվում, որ լինի ունիկալ:

Այնպես որ, ինչքան շատ լինեն տարբերվող ճանապարհները, այնքան լավ: Քանի որ խնդիր ունեցողը, թեկուց ինտուիտիվ, ինքը կընկալի որ ճանապարհն է ամենալավը, ամենաօպտիմալը իր համար: Այսինքն ընտրությունը ՝ անհատինն է:
Մյու տեսակի հոգեբանական օգնությանը, երբ պարտադրվում է մարդուն լուծումը ու ճնշման ճանապարհով հասնում են դրա կատարմանը. ես համարում եմ վնասական, հակահոգեբանական:

[Adam]

Իհարկե գաղափարը լավն է: Նմանատիպ մարդիկ հնարավորություն կստանան գոնե ինչ-որ եզրեր գտնելու իրենց խնդրի վերաբերյալ սեփական և կողքի մարդու կարծիքի միջև: Սակայն այստեղ մի հարց կա: Նման խնդիրներ ունեցող մարդիկ առաջ քաշեցին նման խնդիրներ, ենթադրենք դրեցինք այստեղ և քննարկեցինք, ու պարզ է, որ որոշ հարցերի շուրջ կարող են հակասական կարծիքներ հնչել: Եվ այս մարդը, որ ինչ-որ 0.0005 տոկոսով հույս ունի իրեն հուզող հարցերի պատասխանը գտնել ուրիշների օգնությամբ կարող է էլ ավելի մեծ լարվածության մեջ ընկնել, քանի որ նույն հարցի , խնդրի լուծման տարբեր և հատկապես իրար հակասող մտքեր կարող է լինել: Ահա հարցը հետևյալն է, ինչպես եք կարծում այս հետաքրքրիր և իմ կարծիքով օգտակար առաջարկը, որ արվել է Ադամի կողմից, ինչ մեխանիզմով պետք է գործի, որպեսզի խուսափենք վերը նշված թերություններից?

Ինձ թվում է dvgray-ի գրառումը ամեն ինչ ասեց: Ավելացնելու ոչինչ չունեմ:

[Sphinx]

Ամեն դեպքում, վատ չէր լինի , եթե մեր քննարկումը վարեր որևէ հոգեբան...

[ihusik]

Հոգեբանությունն ու հոգեբանի աշխատանքը նման չէ մաթեմատիկային ու մաթեմատիկոսի աշխատանքին, ուր տրվում է խնդիրն, գտնվում լուծումն ու ստացվում պատասխանը / Հաճախ միայն այցելուի ենթագիտակցականում եղող խնդիրը հասկանալու համար բավական երկար ժամանակ ու ջանքեր է պետք լինում վատնել ու հազար ու մի հարցերով պարզել, քան դրա լուծման համար, իսկ դրա բացահայտման համար հարկավոր է հոգեբան-այցելու միասնական աշխատանք մի դաշտում ու բացի դա շատ կարևոր է հոգեբանի զգալն այցելուից եկող ազդակն, այսինքն հետադարձ կապի առկայությունն, ինչը նման դեպքում տեխնիկապես կարծում եմ ցավոք հնարավոր չէ - ցավոք, որովհետև թեման բացողի գաղափարը լավն է, իսկ ինչպես իրագործել- չգիտեմ: Չէ կարելի է ասենք գրել- այ այս ու այս պրոբլեմներն ունեմ ու մի քանիսն էլ ասեն սա, սա, սա արա լավ կլինի, բայց որքանով իր պրոբլեմների մասին գրողն ճիշտ կգտնի այն, ինչը իրոք հանդիսանում է պրոբլեմի հիմքն ու զուտ դրա հիման վրա խորհուրդ տվողն էլ կգտնի ճիշտ ու ճիշտ այդ պրոբլեմի լուծումն ինձ համար անհավանակալի է թվում նաև թեկուզ հենց նրա համար, որ մի պրոբլեմն կարող է ունենալ հազարավոր նրան ծնող պատճառներ ու այդ պատճառներն հասկանալու համար պետք է հետադարձ կապ: Կրկնվեմ- գաղափարը լավն է, լուծումը չեմ գտնում:

[Adriano]

Այստեղ լուծումը կարելի է գտնել միայն փորձի միջոցով: Այսպես հա կխոսանք, սակայն դեռ չենք տեսնում մեկին, որը իր պրոբլեմի մասին խոսա, խնդրեմ ասեք տեսնենք ինչ արդյունք կունենանք:

[Adam]

«S.O.S.» նախագծին մասնակցելու պայմաններն են.

1. Գրվող նամակը պետք է լինի հայատառ: Ցանկացած տրանսլիտով նամակ չի ընդունվի և չի տեղադրվի թեմայում:
2. Նամակը պետք է գրված լինի կոռեկտ՝ արտահայտելով հստակ միտք, առաջադրելով հստակ խնդիր: Ոչ լակոնիկ նամակներ չեն ընդունվի:
3. Նամակը պետք է լինի ոչ ավել քան 35 տող:


Քննարկումներին մասնակցողների և կարծիք հայտնողների համար գոյություն ունեն հետևյալ կանոնները.

1. Արգելվում է կատարել գրառում, որը կարող է տվյալ անհայտ անձնավորությանը դրդել ինքնասպանության:
Ակումբի կանոնադրության մեջ կա նման կետ, սակայն հատուկ այս թեմայի համար ցանկանում եմ բոլորիդ ուշադրությունը էլ ավելի շատ հրավիրել այս կետին:
Մասնավորապես արգելվում են նման արտահայտություններ. - «ես քո տեղը լինեի կքցվեի...» , «դու ապրելու իրավունք չունես» , «քո պես մարդիկ ավելի լավ ա չլինեն» և այլ,
նմանատիպ արտահայտություններ՝ վերաբերող սույն կոնտեքստին: Բնականաբար, արգելվում են նաև վատ ենթատեքստ պարունակող գրառումները:
2. Արգելվում է կատարել նմանատիպ գրառում. «ես ոնց որ թե ջոկեցի թե ով ա»:
Հետևապես, արգելվում է տալ նաև ինչ-որ անուն: