Ստորագրության լեզվի հարցը

[StrangeLittleGirl]

Մի քիչ դժվարությամբ կողմնորոշվեցի, թե որ բաժնում բացեմ էս թեման: Եթե սխալ տեղում է, թող ներեն ինձ մոդերները:


Երեկ ընկերուհիս տեսավ, որ հայերեն եմ ստորագրում, խիստ զարմացավ: Տարիներ առաջ, երբ եկել էր ստորագրություն ընտրելու ժամանակը, թեև ոչ ոք ինձ չէր ասել, բայց ես մի վայրկյան անգամ չտատանվեցի՝ ընտրելով իմ անվան հայերեն սկզբատառը և ազգանվանս առաջին երեք տառերը: Պարզվեց՝ ընկերուհիս անգլերեն է ստորագրում: Ու նա միակը չէ: Իմ շրջապատում բավական շատ մարդիկ կան, որոնք հայերեն չեն ստորագրում: Չգիտեմ՝ ինչպես է էդպես ստացվել, որովհետև բոլորն էլ սովորական հայկական ընտանիքներից են:

Դուք ի՞նչ կարծիք ունեք: Ինչքանո՞վ է կարևոր ստորագրության լեզուն:

[Արևհատիկ]

Ես ոչ մի անգամ չեմ մտածել, որ ինչ-որ կարևոր ա, թե ինչ լեզվով են ստորագրում:

Ես ինքս հայերեն եմ ստորագրում:

[Շինարար]

Ես հայերեն եմ ստորագրում, գրում եմ իմ անունը, անվանս մեջտեղի տառի վրա՝ ազգանվանս առաջին տառը, պարզ, հասարակ ստորագրություն ունեմ, շատերն ասում են ինձ չի սազում, չգիտեմ, կարծում եմ, որ ստորագրությունը պետք է լինի այն լեզվով, որով մարդը մտածում է… Դե, կլինեն երևի մարդիկ՝ ձեռագրագետներ, որ ստորագրության միջոցով կփորձեն մարդու բնավորությունը, ճակատագիրը պարզել, լավ է թե վատ, որ օտար լեզվով են ստորագրում չգիտեմ, ուրիշների ստորագրություններին ընդհանրապես ուշադրություն չեմ դարձնում:

[Ariadna]

Բյուր ջան, ըստ իս, էնքանով է կարևոր, որքանով հայերեն հաղորդակցվելը կամ էն, որ էսօր ակումբում հայերեն ենք գրում։ Երբ ես էի ստորագրություն հորինում, շրջապատում երևի 80%-ը ռուսերեն էր ստորագրում, ու ես մտածված հայերեն ստորագրություն եմ հորինել ։) (մի քանի ժամ նստած հորինում էի, վերջում, մրցութային հիմունքներով, հաղթեց էսօրվա ստորագրությանս տարբերակը)։
Դա ընդամենը հայերի ճորտի հոգեբանություն ունենալու արդյունքն է։ Մարդիկ չունեն ազգային, պետական մտածողություն, իրենք միշտ պետք է ինչ որ մեկի ճորտը լինեն, կամ ռուսի, կամ ամերիկացու, ու արդյունքում իրենց թվում է, որ իրենք ավելի զարգացած են, որ ոչ թե հայերեն են խոսում, կամ ստորագրում այլ՝ ռուսերեն, կամ անգլերեն։

[Chuk]

Չէ, դուք պատկերացրեք, մարդը ռուսերեն կամ անգլերեն ա ստորագրում ու մի օր... հանկարծ ու... դառնում ա հանրապետության նախագահ... ու ստորագրում... ռուսերեն կամ անգլերեն... կամ չինարեն..

Կամ դառնում ա ֆինանսների նախարար ու փողերի վրա, հայկական դրամի վրա ստորագրում ռուսերեն:

Կամ...

Կարճ ասած համարում եմ, որ ստորագրության լեզվի ընտրությունը տվյալ անհատինն է, բայց ճիշտը երկրի պետական լեզվով ստորագրելն է:

[Marine-24]

Երբևէ տեսած կա՞ք, որ ռուսը, անգլիացին կամ այլ ազգի որևէ ներկայացուցիչ հայերեն ստորագրի: Հայ ես հայերեն ստորագրի, ինչ վատ տառատեսակներ ունենք: Օտարամոլությամբ տարված պլեճ են անում այն, ինչ օտարինն է: Փորձեն իրենցը թելադրեն օտարներին, եթե էտքան շնհորք ունեն:

[Mariam1556]

Երբևէ տեսած կա՞ք, որ ռուսը, անգլիացին կամ այլ ազգի որևէ ներկայացուցիչ հայերեն ստորագրի: Հայ ես հայերեն ստորագրի, ինչ վատ տառատեսակներ ունենք: Օտարամոլությամբ տարված պլեճ են անում այն, ինչ օտարինն է: Փորձեն իրենցը թելադրեն օտարներին, եթե էտքան շնհորք ունեն:

Չէ բայց տեսել եմ որ ռուսը անգլերենով ստորագրի,այ եթե անգլացիներն էլ որպես երկրորդ կամ երրորդ լեզու հայերեն սովորեին կարողա և հայերեն ստորագրեին ինչ կա որ.
Իսկ ես ընդհանրապես կարևորություն չեմ տալիս նման բաների
եսիմ չգիտեմ...

[AniwaR]

Ես էլ եմ հայերեն ստորագրում՝ անվանս առաջին տառն ու ազգանունս: Շատ հասարակ, նույնիսկ զզվելի ստորագրություն է: ))

[Հարդ]

Լրիվ համաձայն եմ Ադրիանայի հետ: Ճորտի, ստրուկի հոգեբանությունը դուրս չի գալիս ազգի մեջից...
Ու իրանք էտ չեն էլ գիտակցում... իրանց կարծիքով դրանով ավելի կրթված են...
Առաջ (ԽՍՀՄ) ռուսերեն բստորագրությունն էր մոդա, հիմա լատինատառ...
Էս թեմաներով շատ կարելի ա նեռվայնանալ:

[Լուսաբեր]

Եթե Հայաստանում ես ծնվել մեծացել, քո պետական լեզուն հայերենն է ուրեմն հայերեն:/ակումբի ստորագրությունն էլ հետը
Իմ ստորագրությունը չգիտեմ էլ ոնց ասեմ..., ուրեմն անվանս առաջին տառնա, բայց շարունակությունը մեծատառ «Լ»-ի ներքևի մասիցա շարունակվում ու մի տեսակ մարդիկ կան, որ իրենց թվումա ուրիշ լեզվով եմ ստորագրել, բայց դե հայերենա

հ.գ. դպրոցական վախտերով մի հատ էլ սրտիկ էի դնում վերջից

[ministr]

Նույնիսկ մտքովս չի անցել այլ լեզվով ստորագրել:
Ստորագրությունս հայերեն է, ճոխ նախարարական ոճով

[Մանուլ]

Թեմայի վերնագիրը տեսա, ինձ թվաց՝ Ակումբի ստորագրությունների մասին է խոսքը :

Տարիներ առաջ, երբ եկել էր ստորագրություն ընտրելու ժամանակը, թեև ոչ ոք ինձ չէր ասել, բայց ես մի վայրկյան անգամ չտատանվեցի՝ ընտրելով իմ անվան հայերեն սկզբատառը և ազգանվանս առաջին երեք տառերը:

Ես էլ եմ անվանս սկզբնատառը և ազգանվանս առաջին երեք տառերն օգտագործում՝ որպես ստորագրություն: Հա, մեկ էլ վերջում ինչ-որ թիթիզություն
Ստորագրություն ընտրելու հարցում ուրիշ տարբերակ չի էլ անցել մտքովս. հայերեն եմ ստորագրում:
Ճիշտն ասած՝ զամանում եմ, որ ծանոթներիցս շատերն ուրիշ լեզվով են ստորագրում, իմաստը չեմ հասկանում: Հայի ստորագրությունը պիտի հայերեն լինի : Բայց եթե ռուսախոս ընտանիքից է, մի քիչ հասկանալի է:

[Դատարկություն]

Չնայած իմ ստորագրության մեջ դժվար է տարբերվում հայերեն տառերը ու էդտեղ իմ ոչ անունից ոչ ազգանունից բան չկա, բայց ասեմ, որ ես էլ եմ հայերեն ստորագրում: Հայերեն հաճելի է ստորագրել, որ մտածում ես կարող է ուրիշ տեղ հայտնվես, գոնե ստորագրությանդ մեջ կարող ես հայերենի մի կտոր պահպանել
Իսկ ստորագրության լեզուն ինձ թվում է, չնայած, որ որոշների մոտ կարող է ուրիշներին նմանվելու ձգտում լինել, մյուսների մոտ էլ այն կապված է իրենց կրթության, մասնագիտության, ընտանիքի կամ այլ երկրում ապրելու հետ: Ես նույնիսկ մարդ գիտեմ, որ ստորագրությունը մաթեմատիկական բանաձև է, կամ ինչ որ պատկեր.... դե մարդիկ տարբեր են ստորագրությունները նույնպես: Ու կարծում եմ, որ առաջնայինը ստորագրության լեզուն չէ, դա դեռ կարելի է ներել կամ ըմբռնումով մոտենալ, կարևորը մարդը արդար լինի` ճիշտ վայրում, ճիշտ տեղում ստորագրի, ստորագրությունը ուղղված լինի դեպի դրականը:

[gayan-ori]

Համալասարանում ուսանելու տարիներին, ինձ հայոց լեզուն դասավանդել է Իշխանյանը : Նրա առաջի դասը սկսվեց նրանից, որ բոլոր ուսանողներից պահանջեց ստորագրությունները:Քննության ժամանակ հանում էր այդ ցուցակը և ստուգում, թե ինչ լեզվով է պատասխանող ուսանողը ստորագրում: Դա , անշուշտ, ազդում էր գնահատականի վրա:
Այն ժամանակ դա զավեշտական քայլ էր թվում, իսկ հիմա ,տարիների բարձունքից դատելով, հասկանում եմ, թե նա որքան իրավացի էր:
Ես 15 տարի է, ինչ ապրում եմ Ռուսաստանում, ունեմ ռուսական անձնագիր, որտեղ հայերեն եմ ստորագրել:Երկու տղաներիս անձնագրերում էլ հայերեն ստորագրություններ են:Ես նրանց չեմ ստիպել, պարզապես աշխատել եմ այնպես մեծացնել, որ երբ դարձան 14 տարեկան և պետք է անձնագիր ստանային, նրանք մտածում էին, որ միայն հայերեն պետք է ստորագրեն, քանի որ հայեր են, այլ կերպ չի կարող լինել:Օտարության մեջ այդ՝ գուցե աննշան թվացող բանը, հայեցի դաստիարակության անհրաժեշտ մի քայլ է դառում, քո ազգային եսը արտահայտելու մի ձև...

[Artgeo]

Կախված նրանից, թե ինչ լեզվով փաստաթուղ եմ ստորագրում, այդ լեզվով էլ ստորագրում եմ։ 4 լեզվով ստորագրություն ունեմ։

Սխա՞լ եմ։