Սահակաշվիլի. խելագար, թե՞ իսկական հայրենասեր

[Artgeo]

Ապեր նույնիսկ Վրաստանի բանակի կռված զինվորականներն են ասում որ Վրաստաննա սկսել հարձակումը դու թևերդ փռել ես Սահակաշվիլու վրա: Ռուսաստանը բնականաբար շահեր ուներ որ եկավ ու պաշտպանեց Օսեթիան, Աբխազիան էլ ձեռ հետ իրանով արեց: Էդ քո նշած կետերին լրիվ համաձայն եմ, բայց ով էր խնդրում Սահակաշվիլիին գլուխը տնգեր ու զենքով գնար Օսեթիա? Զորքերով հետ բերեց Աջարիան, երևի նույն ձևով էլ ուզում էր վարվեր այս դեպքում, բայց բան դուրս չեկավ: Ամբողջ Վրաստանը դրեց հարվածի տակ:

Աջարիան զորքերո՞վ հետ բերեց Սահակաշվիլին գնաց Աջարիա, չթողեցին, թեթևակի խաղաղ հեղափոխություն եղավ։ Ասլան թառլանը իրա գողականների հետ ս էղավ ռուսաստանները։ Ընդհանրապես Վրաստանի գող ու ավազակների մեծ մասը ռուսաստաններում ա։ Որոշ տեղեկություններով նաև Հայաստան…
Ինչ վերաբերում ա այսպես կոչված Հարավային Օսեթիայի պատերազմին։

Ըստ ռուսական ԶԼՄ-ների օգոստոսի 1-ից Ցխինվալիից տեղահանում էին բնակչությանը։
Օգոստոսի 3-6-ը ռմբակոծվում էին այսպես կոչված ՀՕ-ի մոտակա վրացակն գյուղերը, ինչը ապացուցվել է միջազգային կառույցների կողմից։

Հիմա հարց։
Եթե Ադրբեջանը սկսի ռմբակոծել ասենք Իջևանը, Հայաստանը պիտի.
1. Լռի
2. Դիմի միջազգային կառույցներին
3. Վնասազերծի ռմբակոծողներին
Անհամբեր սպասում եմ պատասխանին։

[ministr]

Պատերազմ չեղավ, որովհետև Աբաշիձեն նահանջեց, թե ինչի, կարելի ա հարցնել օրինակ Լուժկովին:
Բայց սկզբից վրացական զորքերը մտան Աջարիա ու դիմադրության չհանդիպեցին, Աբաշիձեն էլ թռավ Մոսկվա ու Աջարիայի հարցը փակվեց: Բայց այ Սևծովյան մյուս ափը չստացվեց նույն եղանակով հետ բերել:

Եթե ՆՈՒՅՆԻՍԿ ռուսները բզբզած լինեն Սահակաշվիլուն պատերազմ սկսել, միայն իրոք խելագարը կարող էր պատերազմ սկսել.. էն էլ ում դեմ Ռուսաստանի, էն էլ երբ, որ Կոսովոն անկախանալուց Ռուսաստանը առանձանապես ձայն չհանեց.. խոստանալով ասիմետրիկ պատասխանի նման մի բան: Շատ հավանական եմ համարում, որ ռուսները հաշվարկ էին արել հենց Սահակաշվիլու անհավասարակշիռ բնավորության վրա ու ճիշտ գտնվեցին:

Իջևանը ՄԻՇՏ եղել է Հայաստանի մաս, իջևանցիները էթնիկ նույն խմբին են պատկանում, ունեն նույն ազգությունը ինչ Հայաստանի մյուս մարզերի բնակիչները, և վերջապես Իջևանը ԽՍՀՄ-ի փլուզումից հետո անկախանալու ոչ մի քայլ չի արել: Հետևաբար ցանկացած ոտնձգություն Իջևանի նկատմամբ դա ոտնձգություն է ՀՀ-ի նկատմամբ ու Ադրբեջանի մայրիկը կլացացնենք մեր կարեցածի առավելագույն չափով:


Ի միջի այլոց նման մի պատմություն էլ Արցախումա: Մարդիկ ինքնորոշվել են ըստ ՕՐԵՆՔԻ, հիմա դու համարում ես Արցախը Ադրբեջանի մաս թե անկախ միավոր? Եթե Ադրբեջանը հարձակվի Արցախի վրա, ըստ քեզ որոնք պետք է լինեն Հայաստանի քայլերը?
1. Լռի
2. Դիմի միջազգային կառույցներին
3. Վնասազերծի ռմբակոծողներին

Սպասում եմ պատասխանիդ

[Marduk]

Փաստորեն Սաակաշվիլին շատ հեռատես էր որ կարողացավ Վրաստանը ազատել այնպիսի ծանր բեռից ինչպիսին էին Աբխազիան ու Օսեթիան: Դե Գոլլի մակարդակի մարդ է, նա էլ կարողացավ Ալժիրից ազատվել:

Հալալ է, մի քիչ երկար մնա ու աստված տա Ջավախքի պես ծանր խնդիրն էլ քցի Վրաստանի ուսերի վրայից խոստանում եմ որ Սաակաշվիլու նկարները կկպցնեմ սաղ տան պատերիս:

[Marduk]

Մենակ թե հանկարծ շատ չոգևորվի ու Բորչալի Մարնեուլից էլ ազատվի, էն վախտ կթքենք փայտիկին: թու թու փետին խփեմ... սատանի ականջը խուլ

[Artgeo]

Իսկ Սահակաշվիլուց ինչ տեսանք պատերազմ, սպանություններ, հակառուսական հիստերիա, իսկ չի կարելի հարևանների հետ լավ հարաբերություններ ունենալ ինչ:

Ներեցեք «դուք» ո՞վ եք և ի՞նչ սպանությունների մասին է խոսքը։ Խնդրում եմ մի քանի սպանություն թվարկել։
Եթե հակառուսական հիստերիան սկինհեդների, Պուծինյան Ռուսաստանի դեմ պայքարելն է, ապա ինձ նույնպես կարող եք անվանել հիստերիկ հակառուս։ Չնայած նշեմ, որ ես բավականին հանգիստ վերաբերմունք ունեմ ռուսների նկատմամբ։
Ո՞ր հարևանի հետ ա հարաբերությունները վատ։ Վրաստանի տարածքի 20 տոկոսը օկուպացրած Ռուսաստանի՞։ Ես չէի ուզենա իմ երկրի համար նախագահ, որը լավ կլիներ օկուպացնող երկրի հետ։

Հա սակայն մի բան մոռացար հերթով ահ ու սարսափ տարածելով ժողովդրի, ընդդիմադիր դաշտի գործիչների և մերձավոր շրջապատի սպանությունների գնով նա եկավ իշխանության:

Կոնկրետ փաստեր բեր, պատասխանեմ, չեմ հասկանում ինչի մասին ա խոսքը։ Եկա՞վ, թե՞ պաշտապնեց իշխանությունը։

Ես կխնդրեմ տալ ինձ սահմանումը խորհրդային մտածելակերպի:

Որևէ գործ անելու համար անօրինական ճանապարներ փնտրելը, անօրինական գործեր անելը կաշառքով, հարկերից խուսափելը, ոստիկանությունից խուսափելը, քանի որ ոստիկանությունը ավելի շատ շառի ու փորձանքի բուն ա, քան գողերից ու ավազակներից ստացված վնասը։ «Լավտղայական» «պոնյատներով» հակահասարակական մտածելակերպը և այլն…

Այո համաձայն եմ նորից ձգտել եվրոմիության, սակայն դու անմտություն ու ուտոպիա չես համարում մի քաղաքականություն, որը ենթադրում է Ռուսաստանի նման հարուստ երկրի հետ կապերի խզում հանուն միլիոնավոր կիլոմետրերի վրա գտնվող երկրի: Եվ վերջի վերջո կարելի է եվրոպային ընդգրկվել, սակայն նատոյի անդամ չդառնալ:

Եվրոմիությունը երկիր չի, կազմակերպություն ա։ Ռուսաստանի հետ լավ հարաբերությունները բխում են Վրաստանի շահերից։ Ես կողմ եմ նորմալ հարաբերություններին Ռուսաստանի հետ, բայց միայն նրանից հետո, երբ Ռուսաստանը դուրս կբերի իր զավթողական զորքերը իր կողմից ճանաչված Վրաստանի տարածքից։ Կընդունի Վրաստանի լեգիտիմ, ժողովրդի կողմից ընտրված իշխանությանը։
Ինչ վերաբերում է հարստությանը… Ապա, շնորհիվ Ռուսաստանի անմտության, Վրաստանի արտադրանքը ստիպված հասավ Եվրոպայի ստանդարտների մակարդակին և հիմա արդեն արտահանվում է ոչ միայն Հայաստան, Ադրբեջան, Թուրքիա և Ուկրայինա, այլ նաև ԵՄ-ի երկրներ։

Խնդրում եմ ճշգրտել թե այդ ինչ ցեղասպանության մասին է խոսքը:

Ռուսների ու օսերի կողմից իրականացված էթնիկ զտումների մասին է խոսքը։
http://www.hrw.org/ru/news/2008/08/2...ethnic-attacks
http://unosat.web.cern.ch/unosat/asp...ree.asp?id=101

Հարց իսկ ինչու Շիվարդնադզեն չդիմեց այդ քայլին?:

Ի՞նչ քայլի։ Շևարդնաձեն ընդհանրապես ի՞նչ քայլի ա դիմել Ինքը իրա համար նստած էր…

Էլ ինչ պիտի լիներ տարածքային կորուստներ, մարդկային կորուստներ, տնտեսական կորուստներ ու սոցիալական ցնցումներ: Հասկանում ես Վրաստանը զրկվավ իր բնական հարևանից, որը իր կողքին է և նրա հետ ունի մեծ դարավոր կապեր ամեն բնագավառում, արդյոք դա նորմալ երևույթ է:

Դե ֆակտո, տարածքային կորուստ համարյա չի եղել։ Չհաշված Վերին Աբխազիայի տարածքը (Կոդորիի կիրճը): Իսկ Ռուսաստանը ցավոք դեռ այնտեղ է, որտեղ առաջ էր… Զինվորները անշուշտ մեղք են, բայց դե... Պատերազմը պատերազմ է, իսկ զինվորը պիտի կռվի ու պաշտպանի երկիրն ու բնակչությանը թշնամուց: Հակառակ դեպքում կստացվեր այն, ինչ ստացվեց Թուրքիայում 20-րդ դարասկզբում...

Այս գրառումը ոչ մի հիմքեր չունի: Նախ կխնդրեմ իմ խոսքերը ստեղ չդարձնել ինչ-որ չգիտեմ ինչ: Այն որ պարոն Սահակաշվիլին վարում է ռադիկալ քաղաքականություն երկրի ներսում դա լավ երևում է:

Ինչի համար մեծ շնորհակալություն Սահակաշվիլուն, փառք ու պատիվ նրան:

Իսկ ինչ վերաբերում է լավ հարաբերությունների հարևանների հետ, ապա դա ոչ թե բարիդրացիական են այլ հարկադրաբար է Վրաստանը պահպանում իր կապերը հարևանների հետ: Ռուսաստանը, եթե չփակեր Սահակաշվիլու ախորժակը, հիմա Լոռին էլ էր վերցրել երևի:

Ահա, Իրանն էլ, Ավստրալիան էլ...

Կխնդրեմ նման կարգի գրառումներ այլևս չանեք, ես այստեղ ուղղակի իմ կարծիքն եմ հայտնել, եթե դա ձեզ դուր չի գալիս ապա ասեք ձեր ասելիքը, ոչ թե ինձ ինչ-որ նազիր վեզիրի տեղը դնելով գնա սրան ասա նրան ասա, քո կարծիքով ես քո համար նամակ տանող բերող եմ:

Առանց մեկնաբանությունների: Քեզ որևէ բան ուղղված չէր:

Արդյոք չեք կարծում, որ մերձավոր շրջապատի սպանությունը դավաճանություն չէ, խեղճ վրացի ժողովրդին ինչ-որ բան պարտադրելը դավաճանություն չէ, արդյոք մոտիկ բազմադարյան ռուսական կապերը խզելը դավաճանություն չէ: նորից կրկնեմ ՌԴ-ն դեմ է նատօյին քանի որ վերջինս ռազմական բլոկ է, սակայն դեմ չէ Վրատանի բազմաբևեռ զարգացմանը, ոչ ռազմական կողմերով:

ԿՈՆԿՐԵՏ Ո՞ՒՄ ա սպանել, անուններ տուր, գոնե մի անուն տուր, իմանամ ինչի մասին ա խոսքը: Վայ:
Ի՞նչ ա պարտադրել «խեղճ» վրացի ժողովրդին:
Ռուսաստանի հետ բազմադարյա ստրկատիրական հարաբերություն խզելը հերոսություն է: Ինչը և մյուս երկրներին եմ ցանկանում:
Թքած ունեմ ՌԴ-ն ում դեմ ա: Վրաստանի նորմալ, մարդավարի զարգացման համար ահրաժեշտ են ՆԱՏՈ-ն և ԵՄ-ն:

Նորից ոչ հարգալից գառում, ես նախ և առաջ հետևում եմ մեր երկրի շահերին, մեզ համար կայուն Վրաստան է անհրաժեշտ, մեզ Նատօ պետք չէ Վրաստանում: Ես հասկանում եմ ձեր համար պարոն Սահակաշվիլին կյանքից թանկա, խնդիր չկա ես հարգում եմ ցանկացած տեսակետ, սակայն տեսակետներ արտահայտելիս կխնդրեմ անձնական հողի վրա չտանել: Ես այստեղ նպատակ չունեմ Սահակաշվիլուն փնովելու, սակայն այս մարդուց ես այս տարածաշրջանում լավ բան չեմ տեսել, ինչու նման բաներ չեղավ Ադրբեջանում, Վրաստանի նախկին նախագահի ժամանակ: Խնդիրները միայն լուծվում են փոխադարձ ուժերով և աբխազ ու օսեթ ժողվրդի վրա քայլելով ստեղծած պետությունը ինչպես ցույց է տալիս պատմությունը ամուր չէ: Ադրբեջան Ղարաբաղ քեզ օրինակ:

Հազար ներողություն, եթե որևէ ձև վիրավորեցի:
Հայաստանին պետք է կայուն, զարգացող Վրաստան: Վրաստանի ԵՄ-ին և ՆԱՏՈ-յին անդամակցելը միմիայն կնպաստի դրան: Պուծին ձյան որ ռադ լիներ Աբխազիայից ու այսպես կոչված Հարավային Օսեթիայից այդ հարցերը վաղուց խաղաղ լուծված կլինեին: Ի դեպ, այն որ հիմա Աբխազիայում և այսպես կոչված Հարավային Օսեթիայում ճնշում են աբխազներին և օսերին համապատասխանաբար, արդեն հենց իրենք աբխազներն ու օսերն են սկսում խոսել: Մի քանի տարի համբերություն ու աբխազներն ու օսերը իրենք կուզենան լինել Վրաստանի տարածքում, դրանում ես մի կաթիլ կասկած չունեմ

[Artgeo]

Եթե ՆՈՒՅՆԻՍԿ ռուսները բզբզած լինեն Սահակաշվիլուն պատերազմ սկսել, միայն իրոք խելագարը կարող էր պատերազմ սկսել.. էն էլ ում դեմ Ռուսաստանի, էն էլ երբ, որ Կոսովոն անկախանալուց Ռուսաստանը առանձանապես ձայն չհանեց.. խոստանալով ասիմետրիկ պատասխանի նման մի բան: Շատ հավանական եմ համարում, որ ռուսները հաշվարկ էին արել հենց Սահակաշվիլու անհավասարակշիռ բնավորության վրա ու ճիշտ գտնվեցին:

Իջևանը ՄԻՇՏ եղել է Հայաստանի մաս, իջևանցիները էթնիկ նույն խմբին են պատկանում, ունեն նույն ազգությունը ինչ Հայաստանի մյուս մարզերի բնակիչները, և վերջապես Իջևանը ԽՍՀՄ-ի փլուզումից հետո անկախանալու ոչ մի քայլ չի արել: Հետևաբար ցանկացած ոտնձգություն Իջևանի նկատմամբ դա ոտնձգություն է ՀՀ-ի նկատմամբ ու Ադրբեջանի մայրիկը կլացացնենք մեր կարեցածի առավելագույն չափով:

Հակասություն կա այս երկու պարբերույթների միջև: Ռուսները ռմբակոծել են այսպես կոչված Հարավային Օսեթիայի տարածքից դուրս գտվնող վրացական գյուղերը...

[REAL_ist]

Մի մեծ փաստ կա, որ լռիվ իրավաչափա դարձնում Ռուսաստանի գործողությունները: Ռուսները խաղաղապահական մանդատ ունեին ու Սահակաշվիլին նրանց վրա հարձակվելու հրաման տվեց:
Իմ համեստ կարծիքով, եթե ասենք ԱՄՆ-ն լիներ Ռուսաստանի տեղը, տենց ռմբակոծելով հանգիստ կհասներ մինչև Թիֆլիս` պաշտպանելով իր խաղաղապահներին ու ճնշելով ագրեսորին:

[Artgeo]

Մի մեծ փաստ կա, որ լռիվ իրավաչափա դարձնում Ռուսաստանի գործողությունները: Ռուսները խաղաղապահական մանդատ ունեին ու Սահակաշվիլին նրանց վրա հարձակվելու հրաման տվեց:
Իմ համեստ կարծիքով, եթե ասենք ԱՄՆ-ն լիներ Ռուսաստանի տեղը, տենց ռմբակոծելով հանգիստ կհասներ մինչև Թիֆլիս` պաշտպանելով իր խաղաղապահներին ու ճնշելով ագրեսորին:

Ո՞վ էր խաղապահ Կազակնե՞րը, օսե՞րը, թե՞ ռուսական զորքերը, որոնք ռմբակոծում էին վրացական գյուղերը:

[Elmo]

Փաստորեն Սաակաշվիլին շատ հեռատես էր որ կարողացավ Վրաստանը ազատել այնպիսի ծանր բեռից ինչպիսին էին Աբխազիան ու Օսեթիան:

Բա պահում էր ի՞նչ աներ: Ռեհան է՞ր ցանելու էդ հողի վրա: Էդ հողի վրա ապրող ժողովուրդը չի ուզում Վրաստանի կազմում լինի, Ռուսաստանն էլ պատրվակ ա գտել խաղաղապահներ լցնելու համար:
Պատկերացրա Ղարաբաղցիները չեն ուզում Հայաստանի կազմում ապրեն, Թուրքիան էլ խաղապահներ ա լցրել Ղարաբաղ, որ խաղաղություն ապահովի: Ձեռի հետ էլ մեզ բզբզում են: Էդ դեպքում ամենաճիշտ գործողությունը պատերազմ սկսելն ու ամբողջ ուժով բարձր գոռալն ա, որ եքա Թուրքիան հարձակվել ա խեղճ ու կրակ Հայաստանի վրա: Ի միջայլոց պատերազմը պետք ա սկսել էնպիսի ժամանակ, երբ աշխարհի գլուխը խան ա: Օրինակ՝ Օլիմպիադայի:
Էդքանով ազատվում ես պրոբլեմատիկ տարածքից, մեջի ժողովրդին էլ նվիրում ես Թուրքերին: Մի քանի տարի հետո մեջի ժողովուրդը լացուկոծը դնում ա, ու փոշմանում ա իրա արածի համար: Դու էլ որպես տարածքային կոնֆլիկտներ չունեցող երկիր, հանգիստ քո երկիրն ես ղեկավարում:

[REAL_ist]

Ո՞վ էր խաղապահ Կազակնե՞րը, օսե՞րը, թե՞ ռուսական զորքերը, որոնք ռմբակոծում էին վրացական գյուղերը:

Իսկապես անտեղյակ ես, թե ուզում ես ոչ ցանկալի մասերը չնկատել?

Աբխազիայում և Հարավային Օսեթիայում Վրաստանի կողմից ստորագրված միջազգային պայմանագրերի հիման վրա(1992 Սոչիի պայմանագիր, 1994թ. Մոսկվայի պայմանագիր) Ռուսաստանի Դաշնությունը տեղակայել էր խաղաղապահ ուժեր և խաղաղապահական մանդատ ուներ(ССПМ), որը ճանաչվել էր ինչպես ՄԱԿ-ի, այնպես էլ ԵԱՀԿ-ի կողմից: Եվ բնականաբար իր խաղաղապահների նկատմամբ հարձակման հետևանքով ՌԴ-ն ուներ ինքնապաշտպանության իրավունք, որը ամրագրվածա ՄԱԿ-ի կանոնադրությամբ:

[ministr]

Հակասություն կա այս երկու պարբերույթների միջև: Ռուսները ռմբակոծել են այսպես կոչված Հարավային Օսեթիայի տարածքից դուրս գտվնող վրացական գյուղերը...

Եթե խոսքը գնումա պատերազմի ժամանակ ռմբակոծման մասին, ապա պատերազմում ամեն ինչ էլ հնարավորա: Մասնավորապես ռմբակոծվեցին ոչ միայն հարակից գյուղերը, այլ նաև Վրաստանի ռազմաբազաները, նավահանգիստները և այլն:
Իսկ եթե խոսքը գնում ա մինչև պատերազմը ռմբակոծման մասին, ապա ստեղ ճիշտը գտնելը շատ դժվարա, որովհետև նման դեպքերում երկու կողմն էլ մեղադրում են իրար նախահարձակ լինելու մեջ: Թեկուզ հենց մեր ու Ադրբեջանի օրինակով նայենք: Նրանք էն կողմից են մեղադրում իրենց դիրքերը գնդակոծելու և մարդ սպանելու մեջ, մենք էլ մեր հերթին նրանց ենք մեղադրում: Եվ այդպես շարունակ: Հիմա եթե հաշվի առնենք, որ խաղաղապահները թեթև են զինված լինում, գումարած նրան, որ ռմբակոծելու դեպքում Սահակաշվիլին աշխարհով մեկ վայնասուն կբարձրացներ, պահանջելով ռուսներից հետ վերցնել խաղաղապահի մանդատը, և գոնե այդպիսով հիմք ստեղծելով իր հետագա գործողությունների համար, քիչ հավանական եմ համարում ռուսների կողմից ռմբակոծությունը:

[Marduk]

Էլմո
Փաստորեն էս աշխարհի ամենահիմար ազգը թուրքերն են, թե արևելյան թե արևմտյան
Մեկը չի ուզում Ղարաբաղի պրոբլեմից ազատվի, մյուսն էլ չի ուզում Քրդստանից ազատվի, ամեն գնով ուզում են պահեն․․․․․

հայի բախտ էլի, այսպիսի հիմար հարևաններ։

[Askalaf]

Ռուսաստանի հետ բազմադարյա ստրկատիրական հարաբերություն խզելը հերոսություն է: Ինչը և մյուս երկրներին եմ ցանկանում:
Վրաստանի նորմալ, մարդավարի զարգացման համար ահրաժեշտ են ՆԱՏՈ-ն և ԵՄ-ն:

Լիովին համամիտ եմ:

Իսկ ինչ վերաբերում է Սահակաշվիլուն, ապա նրա իշխանությունը շատ լավ սկիզբ ուներ, հետո ամեն ինչ գլխիվայր շրջվեց, այստեղից հետևություն. ցանկացած նախագահի պետք է արգելվի երկրորդ ժամկետում առաջադրվել:

[One_Way_Ticket]

Արտգեո, ինչու՞ ես Հարավային Օսեթիան անվանում "այսպես կոչված": Իսկ ինչպե՞ս կոչել: Վրաստա՞ն: Ինչի՞ հիման վրա: Նրա հիման վրա, որ Ստալին ձաձան այդպես էր որոշե՞լ: Բայց չէ՞ որ Վրաստանը ԽՍՀՄ ժամանակաշրջանը հայտարարել է օկուպացիա, և դու այդ բնորոշմանը լրիվ համաձայն ես, ինչքան հասկանում եմ: Հարավային Օսեթիան նույնքան իրավունք ունի անկախ լինելու, որքան Լեռնային Ղարաբաղը: Թե՞ քո ՆԱՏՈ/ԵՄ եղբայրական կառույցներից սովորել ես կրկնակի ստանդարտներ կիրառել:

P.S. Ես մի անգամ էլ քեզ այդ հարցը տվեցի, սրամիտ ձևով շրջանցեցիր:

[ministr]

Արտգեո, ինչու՞ ես Հարավային Օսեթիան անվանում "այսպես կոչված": Իսկ ինչպե՞ս կոչել: Վրաստա՞ն: Ինչի՞ հիման վրա: Նրա հիման վրա, որ Ստալին ձաձան այդպես էր որոշե՞լ: Բայց չէ՞ որ Վրաստանը ԽՍՀՄ ժամանակաշրջանը հայտարարել է օկուպացիա, և դու այդ բնորոշմանը լրիվ համաձայն ես, ինչքան հասկանում եմ: Հարավային Օսեթիան նույնքան իրավունք ունի անկախ լինելու, որքան Լեռնային Ղարաբաղը: Թե՞ քո ՆԱՏՈ/ԵՄ եղբայրական կառույցներից սովորել ես կրկնակի ստանդարտներ կիրառել:

P.S. Ես մի անգամ էլ քեզ այդ հարցը տվեցի, սրամիտ ձևով շրջանցեցիր:

Նման մի հարց էլ ես եմ տվել... բայց պատասխան չկա