Ամանորյա հարցում

**Ուլուանա** · 21.12.2009, 10:23

Ինչ վերաբերում է գույնին, կարմիրը հաստատ ավելի շատ է ինձ դուր գալիս։ Նախ, կարծում եմ, ավելի լավ է համադրվում ձմեռվա սպիտակի հետ՝ հակադրվելով սառնությանը, քանի որ կարմիրն ամեն դեպքում ջերմության, տոնականության ու ուրախ տրամադրության հետ է ասոցիացվում ու դրանով նաև սազում է Նոր տարվա տոնին։ Իսկ կապույտը լրացուցիչ սառնություն է կարծես։

Իսկ ինչ վերաբերում է հագուկապի ձևին՝ քուրքին ու ձեռնափայտին, ապա հինը, որը տվյալ նկարում կապույտ է, ավելի հարազատ է զուտ այն պատճառով, որ մեր մանկության Ձմեռ պապին միշտ էդ հանդերձանքով է եղել, բայց՝ կարմիր։ Ընդհանրապես շատ քիչ դեպքերում եմ կապույտ հանդերձանքով Ձմեռ պապ մտաբերում, չգիտեմ։

Մի խոսքով՝ իմ ճանաչած Ձմեռ պապիկը կարմիր ու երկար քուրքով ու գավազանովն է, այսինքն՝ ներկայացված երկու պապերի խառնուրդը։

**Միքո** · 21.12.2009, 11:09

ընդհանրապես պետքա կապույտ լինի, բայց դե деньги правят миром, լավա Ձմեռ Պապիների վրա գովազդ չեն կպցնում, կամ ասենք վազող տող

**Էդուարդ_man** · 21.12.2009, 14:47

Կարմիրի կապույտի հարցում չեմ կողմնորոշվում, բայց հագուստի ձևը հաստատ երկար քուրքն է դուր գալիս: Ձեռքին էլ իհարկե գավազանը: Ընդհանրապես դուրս չի գալիս որ Ձմեռ պապիկին սարքել են Սանտա: Սանտան թող մնա նրանց, մերը Ձմեռ պապն է:

**Ռուֆուս** · 21.12.2009, 15:10

Էդուարդ_man-ի խոսքերից

Կարմիրի կապույտի հարցում չեմ կողմնորոշվում, բայց հագուստի ձևը հաստատ երկար քուրքն է դուր գալիս: Ձեռքին էլ իհարկե գավազանը: Ընդհանրապես դուրս չի գալիս որ Ձմեռ պապիկին սարքել են Սանտա: Սանտան թող մնա նրանց, մերը Ձմեռ պապն է:

Չէ, մերը ոչ Սանտա Կլաուսն է, ոչ էլ Ձմեռ Պապին: Եթե Սանտան եվրոպացիների նորամուծությունն է, Ձմեռ Պապին էլ ռուսների նորամուծությունն է, կոմունիստների ժամանակ Ձմեռ Պապին դարձավ հայկական Նոր Տարու անբաժանալի մասը:

Մերը վաղուց մոռացված Կաղանդ Պապին է...

**ministr** · 21.12.2009, 15:47

Էդ կաղանդը առաջին անգամ լսեցի անկախության առաջին տարիներին ու հասկացա կաղամբ պապ

Ու պատկերացրեցի քուրքը հագին, գավազանը ձեռքին, մորուքով....հայկական ՔՅԱԼԱՄԻ ԹՈՒՓ!!!!!

Հետո նոր իմացա, որ կաղամբ չի կաղանդա

**Էդուարդ_man** · 21.12.2009, 16:00

Ռուֆուս-ի խոսքերից

Չէ, մերը ոչ Սանտա Կլաուսն է, ոչ էլ Ձմեռ Պապին: Եթե Սանտան եվրոպացիների նորամուծությունն է, Ձմեռ Պապին էլ ռուսների նորամուծությունն է, կոմունիստների ժամանակ Ձմեռ Պապին դարձավ հայկական Նոր Տարու անբաժանալի մասը:

Մերը վաղուց մոռացված Կաղանդ Պապին է...

Իսկ էտ կաղանդը երբա եղել՞՞՞ ովա՞ հիշում: Կոնկրետ իմ տատուպապերը տենց բան երբեք չեն հիշատակել: Ամեն դեպքում Ձմեռ պապը շատ հաճելի ու հայկական է հնչում: Բացի այդ էլ ռուների ձեդ մառոզը ձմեռ պապ չի թարգմանվում:

**Ռուֆուս** · 21.12.2009, 16:24

Էդուարդ_man-ի խոսքերից

Իսկ էտ կաղանդը երբա եղել՞՞՞ ովա՞ հիշում: Կոնկրետ իմ տատուպապերը տենց բան երբեք չեն հիշատակել: Ամեն դեպքում Ձմեռ պապը շատ հաճելի ու հայկական է հնչում: Բացի այդ էլ ռուների ձեդ մառոզը ձմեռ պապ չի թարգմանվում:

Տարօրինակ չի, որ չեն հիշատակում, երբ Հայաստանը մտավ ԽՍՀՄ-ի մեջ, կոմունիստները արգելեցին թե Կաղանդ Պապին, թե Ձմեռ Պապին, թե Սանտա Կլաուսին: Միայն 1935թ-ին որոշում կայացվեց թույլատրել Ձմեռ Պապին Նոր Տարվան նվերներ բերել

Հայաստանում էլ Дед Мороз-ը թարգմանեցին Ձմեռ Պապ:

Իսկ եթե հետաքրքրում Կաղանդ Պապի ստուգաբանությունը, հիմքում ընկած է լատիներեն Kalendae բառը (այս բառից է առաջացել կալենդար բառը), որը նշանակում է յուրաքանչյուր ամսվա առաջին օրերը: Քանի որ հին հայերեն կոշտ "լ"ն դառնում էր "ղ", Կալենդան դարձավ Կաղանդ

**Արևհատիկ** · 21.12.2009, 16:33

Ինձ կարմիր գույնը ավելի ա դուր գալիս:

**Էդուարդ_man** · 21.12.2009, 16:36

Ինչ ուզում է լինի ձմեռ պապն ինձ ավելի հարազատ է: Ու ոչ միայն ինձ: Սանտա կլաուսը իմ մեջ ասոցացվում է որպես ձմեռ պապու «թեթև սոլիկ» տեսակը:

Ամեն դեպքում կաղանդին վերադառնալ չի լինի արտասանելն անգամ տհաճ է: