Աշխարհի ամենափոքր մարդը՝ Խագենդրա Տապա Մագարը, վերջերս տոնել է իր 18-ամյակը: Նա այդ հիշարժան իրադարձությունը տոնել է ընտանիքի և ընկերների հետ Հիմալայներում գտնվող փոքրիկ գյուղակում:
Խագենդրա Տապայի հասակը 60 սմ է, քաշը՝ 4,6 կգ: Նա ավելի ցածրահասակ է, քան Գինեսի ռեկորդների գրքի ներկայիս տիտղոսակիր Խե Պինգպինգան, որի հասակը 73 սմ է: Աշխարհի ամենացածրահասակ մարդու երազանքը Գինեսի գրքում հայտնվելն ու ամուսնանալն է:
«Առաջին հերթին՝ կցանկանայի հայտնվել Գինեսի ռեկորդների գրքում, այնուհետև երբ հայտնի և հռչակավոր դառնամ, ինձ հետ ամուսնանալ ցանկացողների թիվը կմեծանա»,- հայտարարել է Խագենդրա Տապան:
Նա բազմիցս հայտ է ներկայացրել Գինեսի գրքում գրանցվելու համար, սակայն մերժում է ստացել անչափահաս լինելու պատճառով:
Մեջբերել
Էջանիշներ