Մեծ մաքրում

[Ուլուանա]

ՄԵԾ ՄԱՔՐՈՒՄ

Սիրտս զգաստացավ բանականության`
Հերթական անգամ, իր իսկ կարծիքով,
Ճիշտ ժամանակին զարկած ապտակից,
Եվ դառնահամը հպարտ մենության
Լուռ ներս սողոսկեց կարկատած սրտիս
Մաշված պատերի մանր անցքերից:
Երազանքներիս բեկորներն անզոր
Բախվեցին սրտիս անհարթ հատակին.
Չդիմացան ստացած ապտակին...

Եվ հավաքում եմ նրանց մեկ առ մեկ,
Մի քիչ խնամքով, մի քիչ ձանձրացած,
Իրար եմ կցում, ապա սոսնձում
Մեքենայաբար, արդեն վարժված։

Ապտակն ուժեղ չէր, պարզապես նրանք
Արդեն այնքան են այսպես սոսնձվել,
Որ ամենամեղմ ապտակը անգամ
Կարող է նրանց իսկույն բաժանել:

Ու հավաքում եմ փշուր առ փշուր
Երազանքներս երբեմնի աշխույժ,
Իսկ այժմ դժգույն ու արդեն անուժ,
Նայում եմ նրանց ու մի պահ ցնցվում.
Այս ի՞նչ գույնի են, այս ի՞նչ են դարձել,
Մի՞թե փոխվել են... թե՞ մի ժամանակ
Ես հենց այդպես եմ նրանց երազել...

Եվ որոշեցի հին թափոններից
Հոգնատանջ սիրտս հիմնովին մաքրել,
Լավ օդափոխել ու ձերբազատվել
Նամշաբույրերից, խամրած գույներից,
Վերքերը կոծկող, բայց չապաքինող
Այն հին սոսնձից, որի սուր հոտից
Սրտիս սիրտն արդեն վաղուց խառնում է
(Ճիշտ էլ անում է), և ինչ-որ տեղից
Անհայտ որակի ու անհայտ ծագման
Նոր երազանքներ թափվեցին գլխիս,
Ես դեռ չգիտեմ, թե ինչ համի են,
Բայց նրանց բույրը ինձ դուր է գալիս...

06.2005թ.

[StrangeLittleGirl]

Լավն էր
Ահավոր քննադատական տոնով կարդացի, որ մեջը բան-ման գտնեմ, էն էլ չգտա: Մյուս անգամ ավելի ուշադիր կկարդամ: Բայց դե միտքը հետաքրքիր էր

[Simon]

ՄԵԾ ՄԱՔՐՈՒՄ

Սիրտս զգաստացավ բանականության`
Հերթական անգամ իր իսկ կարծիքով
Ճիշտ ժամանակին զարկած ապտակից,
Եվ դառնահամը հպարտ մենության
Լուռ ներս սողոսկեց կարկատած սրտիս
Մաշված պատերի մանր անցքերից:
Երազանքներիս բեկորներն անզոր
Բախվեցին սրտիս անհարթ հատակին՝
Չդիմացան ստացած ապտակին...

Եվ հավաքում եմ նրանց մեկ առ մեկ,
Մի քիչ խնամքով, մի քիչ ձանձրացած,
Իրար եմ կցում, ապա սոսնձում
Մեքենայաբար, արդեն վարժված։

Ապտակն ուժեղ չէր, պարզապես նրանք
Արդեն այնքան են այսպես սոսնձվել,
Որ ամենամեղմ ապտակը անգամ
Կարող է նրանց իսկույն բաժանել:

Ու հավաքում եմ փշուր առ փշուր
Երազանքներս երբեմնի աշխույժ,
Իսկ այժմ դժգույն ու արդեն անուժ,
Նայում եմ նրանց ու մի պահ ցնցվում.
Այս ի՞նչ գույնի են, այս ի՞նչ են դարձել,
Մի՞թե փոխվել են...թե՞ մի ժամանակ
Ես հենց այդպես եմ նրանց երազել...

Եվ որոշեցի հին թափոններից
Հոգնատանջ սիրտս հիմնովին մաքրել,
Լավ օդափոխել ու ձերբազատվել
Նամշաբույրերից, խամրած գույներից,
Վերքերը կոծկող, բայց չապաքինող
Այն հին սոսնձից, որի սուր հոտից
Սրտիս սիրտն արդեն վաղուց խառնում է
(Ճիշտ էլ անում է), և ինչ-որ տեղից
Անհայտ որակի ու անհայտ ծագման
Նոր երազանքներ թափվեցին գլխիս,
Ես դեռ չգիտեմ, թե ինչ համի են
Բայց նրանց բույրը ինձ դուր է գալիս...

06.2005թ.

Շատ է առարկայական:

ՀԳ. ԻՆձ թվում է ինձ կհասկանաս: Հակառակ դեպքում եթե կուզես կհիմնավորեմ խոսքս:

[Ուլուանա]

Շատ է առարկայական:

ՀԳ. ԻՆձ թվում է ինձ կհասկանաս: Հակառակ դեպքում եթե կուզես կհիմնավորեմ խոսքս:

Հա, կխնդրեի, որ հիմնավորես։
Մի բան էլ ասեմ. նման դեպքերում ավելի ճիշտ է հենց միանգամից հիմնավորելը։

[Simon]

Հա, կխնդրեի, որ հիմնավորես։
Մի բան էլ ասեմ. նման դեպքերում ավելի ճիշտ է հենց միանգամից հիմնավորելը։

Երազանքների բեկորներ

Երազանքներիս անզոր բեկորներն
Չդիմացան ապտակին...
հավաքում եմ նրանց մեկ առ մեկ,
Իրար եմ կցում, ապա սոսնձում
հավաքում եմ փշուր առ փշուր
Երազանքներս աշխույժ,
դժգույն անուժ,
Այս ի՞նչ գույնի են,
Անհայտ որակի ու անհայտ ծագման
ին?չ համի են
նրանց բույրը ինձ դուր է գալիս...

Աշխատանքի վայրում եմ , եթե բավարար չի հետո ժամը 10-ից հետո կասեմ

[Մելիք]

Սիմոն ջան, չնայած, որ քո նախորդ գրառումը ընդհամենը Անահիտի բանաստեղծության անդամահատված տարբերակն էր, և ես այնտեղ առարկայականության ոչ մի հիմնավորում չգտա, բայց թույլ տուր հարցնել, ինձ համար մի քիչ անհասկանալի է, թե առարկայականությունը ինչո՞ւ է բացասական որակ համարվում, բանաստեղծությունների գնահատման քո արժեհամակարգում:

Ինձ շատ դուր եկավ :
Ան ջան, չլինի՞ Էն տիկինը էլի այցելել ա, իսկ ես կարծում էի, թե էդ անտանելի հանդիպումները հանդուրժելը մենակ իմ խաչն ա:

[Simon]

Սիմոն ջան, չնայած, որ քո նախորդ գրառումը ընդհամենը Անահիտի բանաստեղծության անդամահատված տարբերակն էր, և ես այնտեղ առարկայականության ոչ մի հիմնավորում չգտա, բայց թույլ տուր հարցնել, ինձ համար մի քիչ անհասկանալի է, թե առարկայականությունը ինչո՞ւ է բացասական որակ համարվում, բանաստեղծությունների գնահատման քո արժեհամակարգում:

Ինձ շատ դուր եկավ :
Ան ջան, չլինի՞ Էն տիկինը էլի այցելել ա, իսկ ես կարծում էի, թե էդ անտանելի հանդիպումները հանդուրժելը մենակ իմ խաչն ա:

Առաջին հերթին ես չեմ ասել,որ առարկայականությունը բացասական է, երևի ուշադիր չես:

Իմ մեջբերումներն էլ, ի սկզբանե ակնհայտ պետք է լիներ, որ Անահիտի բանաստեղծությունից պետք է անդամահատված լիներ:

Իսկ դու չե?ս նկատում, որ կտրտած մասերը դիտարկում են որպես առարկա <Երազանքի բեկորները>:
Եթե չի նկատվում, կարող եմ մի քանի առարկա էլ առանձնացնել, իր առարկայական նկարագրություններով, ոչ թե առարկան որպես երևույթ և երևույթի նկարագրություններով:

[Բարեկամ]

Լավն էր, Ուլուանա: Պատկերավոր էր /երևի է՞դ ի նկատի ուներ Սիմոնը առարկայականությամբ/ ու ճշգրիտ, սար ու ձոր չես ընկել:

[Մելիք]

Առաջին հերթին ես չեմ ասել,որ առարկայականությունը բացասական է, երևի ուշադիր չես:

Հնարավոր ա, էդ դեպքում կներես:

Իմ մեջբերումներն էլ, ի սկզբանե ակնհայտ պետք է լիներ, որ Անահիտի բանաստեղծությունից պետք է անդամահատված լիներ:

Ես էլ էդ եմ ասում, ես ուղղակի այլ բան էի ակընկալում, ուղղակի ուզում էի հասկանալ, թե ինչ ես ուզեցել ասել, նշելով որ բանաստեղծությունն առարկայական ա, բայց ընդհամենը նույն բանաստեղծությունը տեսա՝ մասնատված:

Իսկ դու չե?ս նկատում, որ կտրտած մասերը դիտարկում են որպես առարկա <Երազանքի բեկորները>:
Եթե չի նկատվում, կարող եմ մի քանի առարկա էլ առանձնացնել, իր առարկայական նկարագրություններով, ոչ թե առարկան որպես երևույթ և երևույթի նկարագրություններով:

Կներես, կարող ա ես եմ անհասկացող, բայց ոչ մի կերպ չեմ կարողանում հասկանալ, թե ինչ ես ուզում ասել:

[StrangeLittleGirl]

Ճիշտն ասած ես էլ չհասկացա

[Վազգեն]

Լավն էր: Շատ հաջող ալեգորիաներ ես արել, կարկատված սրտով իմ աչոնիկ:

[Արսեն]

Շատ լավ ես գրել, դիպուկ և մանրակրկիտ շարադրելով հասել ես ուզշիդ՝ հասցնել կարդացողին քո զգացածը: ապրես:

[Simon]

Չնայած, որ այսպիսի դեպքերում են ծնվում առակները:
Իմ մոտ միքիչ այլ ստացվեց` օրինակով:

Երկրորդ օրինակում փորձել եմ «առարկայացնել» առաջին նախադասությունը:
Սրանից ավել ի զորու չեմ:

Զուգահեռները դուք անցկացրեք Անահիտի ստեղծագործութան մեջ:

1) Վերցրեցի սև գրիչը, օրերն էին այդպիսի: Ես գոնե կարող եմ գրել, իմ մութ խրճիթում փակված: Իսկ քանիսը մնացին փողոցներում անօթևան:

2) Վերցրեցի սև գրիչը, գրքի այս թերթին սևն էր սազում: Թերթը պինդ կառչել է սեղանից և գրիչը սևագրում է այն: Իսկ քանի~ քանի~ այսպիսի թերթեր պարում են փողոցներում քամուց:

«առարկայական»-ը իմ տերմիններից մեկն է երևի, դրա համար միտքս հասկանալի չի լինում:

[kiki]

շատ հավանեցի, ու մի անգամ էլ ապրեցի այն, ինչ հիմա եմ ապրում, բացի վերջին մի քանի տողից...հուսով եմ էդ վերջին մի քանի տողն էլ շուտով կապրեմ...

[Ծով]

Շատ լավն է
Ինձ առավ իր մեջ…
Ապրե՛ս…