Անտաշատ. պոեզիա 78%

[Նաիրուհի]

“Անտաշատ. պոեզիա 78%” գիրքը չի խոստանում փոխել քո կյանքը,
բայց իմացիր, որ մինչ դու կկարդաս այն, աշխարհում`

> 553 մարդ ինքնասպան կլինի,
> 31.364 աբորտ կկատարվի,
> ավտովթարի զոհ կդառնա 755 հոգի,
> կայրվի 11.04 մլն բարել նավթ,
> 812 մարդ կմահանա թոքերի քաղցկեղից,

իսկ դու ընդամենը կկարդաս անտաշատը
և դա ավելի քան ԼԱՎ ՓԱՍՏ Է:

մանրամասները` www.antashat.com կայքում

[Yeghoyan]

“Անտաշատ. պոեզիա 78%” գիրքը չի խոստանում փոխել քո կյանքը,
բայց իմացիր, որ մինչ դու կկարդաս այն, աշխարհում`

> 553 մարդ ինքնասպան կլինի,
> 31.364 աբորտ կկատարվի,
> ավտովթարի զոհ կդառնա 755 հոգի,
> կայրվի 11.04 մլն բարել նավթ,
> 812 մարդ կմահանա թոքերի քաղցկեղից,

իսկ դու ընդամենը կկարդաս անտաշատը
և դա ավելի քան ԼԱՎ ՓԱՍՏ Է:

մանրամասները` www.antashat.com կայքում

չէ բան չփոխեց, պարզապես մի ժամ խլեց, որ հասկանամ էս քանի օրա ինչ է քննարկվում այս թեմայում
էս ցուցակում կարելի է նաև ավելացնել ժամանակի անիմաստ կորուստը

Մենակ ուզում էի հարցնեի Նաիրուհի ջան էս գրքում քեզ ի՞նչն է էդքան շատ դուր եկել, կամ հեղինակի ստեղծագործությանը /եթե կարելի է այդպես ասել/ մոտեցման մեջ ի՞նչն է քեզ դուր եկել, էդ մարդը էդքան ժամանակ է կորցրել գրել է, մենք ժամանակ ենք կորցնում կարդում ենք, չնայած այդպես ասել էլ չի կարելի, հասկանում ենք թե ովքեր են փակում իսկական հեղինակների ճանապարհը, ամեն դեպքում մարդը հաջողություն ունի, հետաքրքիր է, թե ինչի՞ շնորհիվ է: Չի բացառվում նաև որ ես չեմ հասկանում էդ մարդուն, իրա գրածը, մի քանի տողով ասա հասկանամ ի՞նչ կա իրա գրածների մեջ, որ քեզ հետաքրքրել է:

[Ուլուանա]

չէ բան չփոխեց, պարզապես մի ժամ խլեց, որ հասկանամ էս քանի օրա ինչ է քննարկվում այս թեմայում
էս ցուցակում կարելի է նաև ավելացնել ժամանակի անիմաստ կորուստը

Մենակ ուզում էի հարցնեի Նաիրուհի ջան էս գրքում քեզ ի՞նչն է էդքան շատ դուր եկել, կամ հեղինակի ստեղծագործությանը /եթե կարելի է այդպես ասել/ մոտեցման մեջ ի՞նչն է քեզ դուր եկել, էդ մարդը էդքան ժամանակ է կորցրել գրել է, մենք ժամանակ ենք կորցնում կարդում ենք, չնայած այդպես ասել էլ չի կարելի, հասկանում ենք թե ովքեր են փակում իսկական հեղինակների ճանապարհը, ամեն դեպքում մարդը հաջողություն ունի, հետաքրքիր է, թե ինչի՞ շնորհիվ է: Չի բացառվում նաև որ ես չեմ հասկանում էդ մարդուն, իրա գրածը, մի քանի տողով ասա հասկանամ ի՞նչ կա իրա գրածների մեջ, որ քեզ հետաքրքրել է:

Հետաքրքիր է, Նաիրուհու՝ առաջին գրառման մեջ տեղադրված հատվա՞ծն ես միայն կարդացել, թե՞ հետո տեղադրված հատվածներն էլ։ Ընդհանրապես կարծում եմ, որ Նաիրուհին էնքան էլ ճիշտ չի արել՝ գրողի մասին թեմա բացելիս էդ հատվածը տեղադրելով, որովհետև էդպիսի անկապ հատվածների հիման վրա գրողի մասին կարծիք կազմել հնարավոր չէ, ու կարծում եմ՝ էստեղ արտահայտվածների մեծ մասը միայն դա է կարդացել ու գրել, որ անկապություն է։ Իսկ թե հետո ինչ է դրվել, երևի շատերին չի հետաքրքրում, կարևորը էդ մասը կարդացին ու որակեցին որպես անկապություն։ Չեմ ուզում Անտաշյանի պաշտպանի տպավորություն թողնել, ես էդ էլ ձեզ նման նրա մասին զուտ էս թեմայից եմ իմացել, ուղղակի ես ինքս էդ մասը կարդալով՝ բոլորի նման անկապություն համարեցի, բայց հետո որ կարդացի ուրիշ հատվածներ ու դիտարկեցի որպես արձակ, ոչ թե պոեզիա, ուրիշ աչքով տեսա, ու շատ բաներ դուր եկան, նույնը խորհուրդ եմ տալիս մյուսներին։

[Ուլուանա]

Մի քիչ ավելի ուշ կառանձնացնեմ ու կտեղադրեմ ինձ դուր եկած մտքերը, հատվածները։

[Yeghoyan]

Հետաքրքիր է, Նաիրուհու՝ առաջին գրառման մեջ տեղադրված հատվա՞ծն ես միայն կարդացել, թե՞ հետո տեղադրված հատվածներն էլ։

չէ, էսօր ամբողջ օրս նվիրված էր ժամանակակից հայ գրականությունը ներկայացնողներին

Այսօր առաջին անգամ մտա այս թեմա, թեմայի վերնագիրը կարդացել ու մտածել էի իմ խելքի բանը չի /78%-ի պահերը ամեն ինչ խառնել էր, հետևաբար չէի էլ մտել թեմա տեսնելու թե ինչի մասին է այն: Տեսա շատ են քննարկումները ասի ես էլ խառնվեմ: Առաջին գրառումը հետաքրքրեց, մյուսների գրածները չկարդալով ուզեցի ինքս հասկանամ ո՞վ է հեղինակը և ի՞նչ է ուզել ասի իր այս գրքով: Կարդացի ու աչքի ընկնող ոչ մի բան չտեսա, չհետաքրքրեց: Հետո կարդացի ակումբցիների /բոլորինը անխտիր/ կարծիքը, տեսա շատերին չի հետաքրքրել, բայց Նաիրուհին գտել է որ լավն է, արժի կարդալ, դրա համար էլ խոսքս ուղղեցի իրեն միանգամից մեջբերելով առաջին գրառումը: Հնարավոր է չեմ հասկանում, հնարավոր է մարդը այնպիսի վեհ գաղափարներ է դրել իր ստեղծագործության հիմքում, որ ինձ նման հասարակ մահկանացուի ուղեղի համար անհասանելի է այն: Պարզապես ուզեցի հասկանամ ի՞նչն է հետաքրքրել, գրավել Նաիրուհուն, ինքը ի՞նչ է հասկացել, ի՞նչ է տվել իրեն այդ գիրքը:

[Շինարար]

չէ բան չփոխեց, պարզապես մի ժամ խլեց, որ հասկանամ էս քանի օրա ինչ է քննարկվում այս թեմայում
էս ցուցակում կարելի է նաև ավելացնել ժամանակի անիմաստ կորուստը

Մենակ ուզում էի հարցնեի Նաիրուհի ջան էս գրքում քեզ ի՞նչն է էդքան շատ դուր եկել, կամ հեղինակի ստեղծագործությանը /եթե կարելի է այդպես ասել/ մոտեցման մեջ ի՞նչն է քեզ դուր եկել, էդ մարդը էդքան ժամանակ է կորցրել գրել է, մենք ժամանակ ենք կորցնում կարդում ենք, չնայած այդպես ասել էլ չի կարելի, հասկանում ենք թե ովքեր են փակում իսկական հեղինակների ճանապարհը, ամեն դեպքում մարդը հաջողություն ունի, հետաքրքիր է, թե ինչի՞ շնորհիվ է: Չի բացառվում նաև որ ես չեմ հասկանում էդ մարդուն, իրա գրածը, մի քանի տողով ասա հասկանամ ի՞նչ կա իրա գրածների մեջ, որ քեզ հետաքրքրել է:

Եղոյան ջան, քո խնդիրն ա հավանել կամ չհավանել տվյալ գրողին և քո իրավունքն ա կարծիքդ բարձրաձայնել, ուղղակի ընդգծածդ հատվածի հետ համաձայն չեմ, չեմ կարծում, թե Անտաշյանը հնարավորություն ունի փակելու լավ գրողի ճանապարհը, յուրաքանչյուր ոք իրավունք ունի գիրք գրել և հրատարակել, մնացածը ընթերցողների խնդիրն ա, այլ բան ա, որ ինքը միջոցներ հայթայթել ա, մյուսը չի կարողանում, բայց լիովին բնական եմ համարում, որ ինքը, ստեղծագործող և իր ստեղծածի մասին բարձր համարում ունեցող մարդ, նախ և առաջ իր խնդիրներն ա հոգում, հո չի դնելու իր գրածները մի կողմ ու ասի՝ գիտես Հմայակ Փիլիպոսյանը ավելի տաղանդավոր ա, բեր այս փողերը տամ, թող ինքը տպագրվի, նույնիսկ անհեթեթ կլիներ դա, իմ անգրագետ կարծիքով:
Իսկ իր ունեցած հաջողությունների մասին քո ենթադրությունները կարծում եմ անհիմն են, գիրք ունենալը դեռ չի նշանակում, որ այն լավ ա վաճառվում, իսկ եթե նույնիսկ իսկապես լավ ա վաճառվում, ուրեմն արժանի ա, որովհետև ընթերցողին հո չե՞ս կաշառի:
Հ. Գ.Ինչ վերաբերում է «իսկական հեղինակներին» `(c)Yeghoyan,. տաշած քարը գետնին չի մնա

[Yeghoyan]

Վանաձորցի ջան ու դու գտնում ես ճի՞շտ է, որ նրա նման հեղինակը գրողների միության անդամ է, իսկ հենց ակումբում իր ստեղծագործությունները գրող ակումբցին այդ հնարավորությունը չունի, որովհետև փող չունի ու նա անդամ չէ, առաջ գնալու հնարավորություն չունի:
Ես ոչ մեկին կամ որևէ կարծիքի դեմ չեմ, իսկ իմ կարծիքը ստեղծագործության վերաբերյալ արդեն ասել եմ վերևում, պարզապես ուզեցի հասկանամ ով է, ինչացու է

[Շինարար]

Վանաձորցի ջան ու դու գտնում ես ճի՞շտ է, որ նրա նման հեղինակը գրողների միության անդամ է, իսկ հենց ակումբում իր ստեղծագործությունները գրող ակումբցին այդ հնարավորությունը չունի, որովհետև փող չունի ու նա անդամ չէ, առաջ գնալու հնարավորություն չունի:
Ես ոչ մեկին կամ որևէ կարծիքի դեմ չեմ, իսկ իմ կարծիքը ստեղծագործության վերաբերյալ արդեն ասել եմ վերևում, պարզապես ուզեցի հասկանամ ով է, ինչացու է

Նախ, գրողների միության անդամ դառնալը այդքան էլ բարդ չի, որքան որ տեղյակ եմ, երկրորդ, գրողների միության անդամ լինելը չի կարող երբեք չափանիշ լինել տաղանդի ու պետք էլ չի որ լինի, երրորդ, մի կարծիր, թե գրողների միության անդամներին այդքան հեշտ է տպագրվել կամ գումար հայթայթել, մարդկանց համար պետական կամ գործարարների կողմից հատուկ գումարային մուտքի առկայության դեպքում նույնիսկ բազմաթիվ գրողներ տարիներով ստիպված են սպասել իրենց գրքի հրատարակությանը ու դա զարմանալի էլ չէ միության նման նախագահի առկայության դեպքում, այնպես որ եթե Կարեն Անտաշյանը միության անդամ ա, դա դեռ չի նշանակում, որ իր առջև կարմիր գորգ ա փռած, ու մարդը անդարդ ու անմնացորդ կարող ա նվիրվել ստեղծագործելուն

[Ուլուանա]

Իմ կարդացած հատվածներից ուզում եմ մեջբերել ինձ դուր եկած, իմ կարծիքով՝ հաջողված, սիրուն պատկերներ.

...դեղին արևածաղիկներն ու կապույտ երկինքը համբուրվել էին սովորում
հանուն կանաչ շարունակության:

Ուստեն փող էր տվել, որ իրեն տանեն
տատի պատմած Էրգիրը,
բայց նրան տարան ցույց տալու Թուրքիան`
իր տուրիստական նշանակության ավերակներով:

Ընդհանրապես հայրենասիրական բնույթի ստեղծագործություններ կարդալ չեմ սիրում, բայց, օրինակ, Անտաշյանի «Հայրենասիրական բնույթի ճամփորդական նոթագրումների»՝ էս թեմայում դրված հատվածները հետաքրքրությամբ կարդացի։ Իմ կարծիքով, դիպուկ, սեղմ ու ինքնատիպ գրելաոճ ունի, որի շնորհիվ հետաքրքիր պատկերներ են ստեղծվում։ Ինչ խոսք, տեղ–տեղ նաև անկապ, մի քիչ ճոռոմ պահեր էլ կան, որոնք դուր չեն գալիս ինձ, բայց ընդհանուր առմամբ հետաքրքիր է ինձ համար, չգիտեմ։

[Նաիրուհի]

Մենակ ուզում էի հարցնեի Նաիրուհի ջան էս գրքում քեզ ի՞նչն է էդքան շատ դուր եկել, կամ հեղինակի ստեղծագործությանը /եթե կարելի է այդպես ասել/ մոտեցման մեջ ի՞նչն է քեզ դուր եկել, էդ մարդը էդքան ժամանակ է կորցրել գրել է, մենք ժամանակ ենք կորցնում կարդում ենք, չնայած այդպես ասել էլ չի կարելի, հասկանում ենք թե ովքեր են փակում իսկական հեղինակների ճանապարհը, ամեն դեպքում մարդը հաջողություն ունի, հետաքրքիր է, թե ինչի՞ շնորհիվ է: Չի բացառվում նաև որ ես չեմ հասկանում էդ մարդուն, իրա գրածը, մի քանի տողով ասա հասկանամ ի՞նչ կա իրա գրածների մեջ, որ քեզ հետաքրքրել է:

Դժվար է բացատրելը։ Մենակ մի բան կարող եմ ասել. էս գրքում ես իմ մի մասնիկն եմ գտել։ Սկզբում ես էլ Կարենի գործերը չէի սիրում։ Բայց մի օր հասկացա, որ ես նախապաշարմունքներ ունեմ, կաղապարներ, որոնք ինձ խանգարում են ԶԳԱԼ, ԱՊՐԵԼ լիարժեք... Ու որոշեցի դրանցից դուրս նայել աշխարհին։
Ես «Անտաշատը» սիրո´վ եմ կարդացել։ Ես ի´նձ եմ գտել Կարենի ստեղծած այդ քաղաքում։ Ես «Անտաշատը» կարդացել եմ առնվազն 15-20 անգամ. առանց չափազանցության։ Ես ծանոթ եմ եղել այդ բանաստեղծություններից շատերին մինչև «Անտաշատը»։ Ինձ համար ապշեցուցիչ է տեսնելը, թե ինչպես է իսկակա´ն բանաստեղծի բծախնդրությամբ ու պատասխանատվությամբ Կարենն աշխատում յուրաքանչյուր բառի, յուրաքանչյուր տառի´ վրա։ Ես երբեմն միայն ոգուց ու հարազատությունից եմ զգում, որ այս գործի նախնական տարբերակը կարդացել եմ։
Ես շնորհակալ եմ Կարենին, որ նա կա, որ բացահայտել է ինձ համար Անտաշատը՝ իմ նոր քաղաքացիության վայրը։ Ես այնտեղ ինձ տանն եմ զգում, այս աշխարհից դուրս, ավելի հանգիստ, ավելի մաքուր...
Ինձ համար սա´ է պոեզիայի առաջին չափանիշը՝ կառուցվածքի´ց, տաղաչափությունի´ց, բառերի´ց, պատկերների´ց առաջ։ Ես պիտի գործը զգամ ու սիրեմ մարմնիս ու հոգուս յուրաքանչյուր բջջով ու նյարդով, յուրաքանչյուր մասնիկով։ Պիտի ի´նձ զգամ դրա մեջ։
Կներեք, շատ անկեղծացա... Միայն մի խորհուրդ կարող եմ տալ (սա միայն «Անտաշատին» չի վերաբերում). աշխարհին բարի´ նայեք, սիրո´վ նայեք։ Ամեն ինչ էնքա՜ն տարբեր է երևում ու էնքա՜ն սիրելի...

[My World My Space]

“Անտաշատ. պոեզիա 78%” գիրքը չի խոստանում փոխել քո կյանքը,
բայց իմացիր, որ մինչ դու կկարդաս այն, աշխարհում`

> 553 մարդ ինքնասպան կլինի,
> 31.364 աբորտ կկատարվի,
> ավտովթարի զոհ կդառնա 755 հոգի,
> կայրվի 11.04 մլն բարել նավթ,
> 812 մարդ կմահանա թոքերի քաղցկեղից,

իսկ դու ընդամենը կկարդաս անտաշատը
և դա ավելի քան ԼԱՎ ՓԱՍՏ Է:

Մինչ ես կկարդամ այս գիրքը
աշխարհում մոտ 42 986 մարդու սաղմ կբեղմնավորվի, ցավոք, դրանցից ոչ մեկի հայրը ես չեմ լինի, որովհետև ես կարդում էի ԱՆՏԱՇԱՏ........

[Նաիրուհի]

Ովքեր ցանկություն ունեն իրականում տեսնելու Կարեն Անտաշյանին և նրա դեմքին ասելու այն, ինչ մտածում են նրա ստեղծագործությունների մասին( ևն), հրավիրում եմ շաբաթ օրը՝ մարտի 21-ին՝ ժամը 16.00 Կորյունի 8 հասցեում գտնվող «Գրքերի աշխարհ» գրախանութ, ուր տեղի կունենա «Անտաշատ. պոեզիա 78%» գրքի քննարկումը։

[Նաիրուհի]

Էս էլ աղբյուրը
Բոնուս՝ Հասմիկ Հակոբյան-«Հավերժության 78%-անոց բանաձևը»

Մի խոսքով՝ «Անտաշատ»-ը վերադառնում է

[Արևածագ]

Ովքեր ցանկություն ունեն իրականում տեսնելու Կարեն Անտաշյանին և նրա դեմքին ասելու այն, ինչ մտածում են նրա ստեղծագործությունների մասին( ևն), հրավիրում եմ շաբաթ օրը՝ մարտի 21-ին՝ ժամը 16.00 Կորյունի 8 հասցեում գտնվող «Գրքերի աշխարհ» գրախանութ, ուր տեղի կունենա «Անտաշատ. պոեզիա 78%» գրքի քննարկումը։

Հարգելի Նաիրուհի, խնդրում եմ մի երկու բառով պատմեք քննարկման տեսակետների ու դրա մասնակիցների մասին:

[KiLa]

Ովքեր ցանկություն ունեն իրականում տեսնելու Կարեն Անտաշյանին և նրա դեմքին ասելու այն, ինչ մտածում են նրա ստեղծագործությունների մասին( ևն), հրավիրում եմ շաբաթ օրը՝ մարտի 21-ին՝ ժամը 16.00 Կորյունի 8 հասցեում գտնվող «Գրքերի աշխարհ» գրախանութ, ուր տեղի կունենա «Անտաշատ. պոեզիա 78%» գրքի քննարկումը։

Ճիշտն ասած չհասկացա, վերը նշված հանդիպումից հետո այլևս ոչ մի հիշողություն, ոչ մի քննարկում: Ի՞նչ եղավ հեղինակին: Երևի՞ հանդիպումը տրագեդիկ ավարտ ունեցավ...