Իր ստեղծման օրվանից Ակումբի գլխավոր նպատակներից մեկը ինտերնետում հայերեն միջավայրի ստեղծումն է։ Իզուր չեն մեր ադմինի՝ Chuk - ի խոսքերը «Քայլ առ քայլ դեպի հայատառ ինտերնետ» ։
Մենք հավատարիմ ենք մնում մեր սկզբունքներին և մեր ընկերների (artak.dar.am , Արշակ , Intel , Network.am , Arnix , Artgeo, www.101.am ) հետ միասին անում ենք ամենը Ձեր ինտերնետում անցկացրած ժամանակը հայերեն, ընդ որում հարմարավետ ու հեշտ դարձնելու համար։ Մեր նպատակին հասնելու համար ամենաանհրաժեշտ պայմանը հայերեն մուտքագրելու հնարավորությունն է։ Մենք արդեն Ձեզ ներկայացրել ենք մի քանի տարբերակ հայերեն մուտքագրելու համար (Ինչպե՞ս գրել հայերեն և Տրանսլիտի ձևափոխիչ): Շատերն են օգտվում և կօգտվեն այս տարբերակներից, չնայած այն հանգամանքին, որ նրանք զուրկ չեն թերություններից։
Այժմ ներկայացնում ենք հայերեն մուտքագրելու մեկ այլ միջոց, որը տրանսլիտի կատարելագործված և ավելի հարմար տարբերակն է։ http://hayeren.am/։ Այս տարբերակը հիմնված է JavaScript - ի վրա և Ձեզ հնարավորություն է տալիս մուտքագրելով անգլերեն տառերը միանգամից տեսնել հայերենը, առանց որևէ կողմնակի ծրագրային ապահովման։ Ամեն ինչ շատ հեշտ ու պարզ է։ Ստեղնաշարի դասավորությունը համապատասխանում է անգլերենին։
Առայժմ այս տարբերակը փորձնական փուլում է, և այդ պատճառով խնդրում ենք բոլորիդ փորձարկել այն և որևէ խնդրի առաջացման դեպքում տեղեկացնել այստեղ՝ նշելով Ձեր բրաուզերը, օպերացիոն համակարգը։
Մուտքագրման այս տարբերակը փորձարկումից հետո կինտեգրվի Ակումբի համակարգին։
ՈՒՇԱԴՐՈՒԹՅՈՒՆ
Այս սկրիպտի հեղինակը Արշակ Ուլուբաբյանն է ([email protected])։ Բացառիկ իրավունքները պատկանում են www.akumb.am - ին։ Առանց www.akumb.am-ին հղում անելու և հեղինակային իրավունքի մասին այս գրառումը պահպանելու, այս սկրիպտն օգտագործել չի թույլատրվում: Սկրիպտի մեջ սխալներ գտնելու կամ կատարելագործելու դեպքում խնդրում ենք տեղեկացնել։
Էջանիշներ