«Նայիրի», բառարան, զվարճանքի աղբյուր

[Նաիրուհի]

Նայիրուհի, քեզ շատ եմ յարգում, բայց կներես, դժուարանում եմ հաւատալ գրածիդ: Շփոթած կամ սխալ լսած պիտի լինես:

ՆՈՒ «հարս. Փեսայի ծնողների եւ հարազատների համար»: = Բնիկ հայ բառ՝ հնխ. snuso- ձեւից: Ազգակիցներ` լտ. nurus, ալգլոսաքսոներէն snoru, ռուսերէն cнoхa:

ՆԵՐ «Կնոջ ամուսնու եղբօր կինը, տագերակին, կամ ամուսնու միւս կինը»: = Բնիկ հայ բառ՝ որ կցւում է հնխ. Ienater ձեւին:

Նայիրուհի, հաւանաբար քո լսածը հենց այս ներ-ն է, որ գործածական է: Ները նու լինում է, սակայն ոչ միշտ նուն ներ է. ամուսնու եղբայր չունենալու պարագային:


Տե՛ս նաեւ Ղափանցեանի մեկնաբանութիւնը խուռիների լեզւում առկայ neraբառի մասին:

Պանդուխտ, ես ներ-ն ու նու-ն տարբերում եմ… Մի՜ փոքր առնչություն ունեմ սփյուռքահայերի և արևմտահայերենի հետ: Գուցե Սիրիայում և Լիբանանում հենց էն մի քանի ընտանիքն են դեռ գործածում էդ բառը, որոնց երեխաների հետ հիմա առնչություն ունեմ…

Իսկ էս բառարանի ուղղագրությունը նոռմալ ա՞,գրեցի նիկոտինամիդադենինդինուկլեոտիդֆոսֆատ (վիտամին b3) ,դարձրեց նիքվդինամիտատէնինտինվըքլէվդիտֆվսֆադ

Ուղղագրությունը նորմալ է… Քանի որ արևմտահայերենում գործում է պայթական բաղաձայնների տեղաշարժ-տեղափոխությունը, ինչի արդյունքում պարզ խուլերը հնչվում են իբրև ձայնեղներ, իսկ ձայնեղները՝ շնչեղ խուլեր, արևմտահայերենում այդ բաղաձայնները գրում են այնպես, որ արտասանական պլանում ճիշտ հնչի: Չնայած Ձեր գրած բառն էնպիսին է, որ նույնիսկ բառարանին ներելի է սխալվելը Ավանդական ուղղագրությունից ելնելով ե-ն գրվել է է…

[Շինարար]

Պանդուխտ, ես ներ-ն ու նու-ն տարբերում եմ… Մի՜ փոքր առնչություն ունեմ սփյուռքահայերի և արևմտահայերենի հետ: Գուցե Սիրիայում և Լիբանանում հենց էն մի քանի ընտանիքն են դեռ գործածում էդ բառը, որոնց երեխաների հետ հիմա առնչություն ունեմ…

Առնչություն էլ չունենաս, հերիք ա՝ Պարոնյան ու Օտյան կարդացած լինես, ինչին չեմ կասկածում

[Rammstein]

Ժող, ուշադրություն դարձրել ե՞ք, թե որ բաժնում եք սենց լուրջ լեզվական քննարկումներ ծավալել:

Ուղղագրությունը նորմալ է… Քանի որ արևմտահայերենում գործում է պայթական………

Բայց ախր մի լեզուն պիտի ունենա մեկ տառադարձման կանոններ: Ճիշտը էն ա որ մեր նման գրեն, ու ոնց ուզում են կարդան, ոչ թե մեր նման կարդան ու եսիմոնց գրեն: Ուղղակի չի գրնար մէգ լեզուին մէջ նոյն փառը երգու դարփեր ցեւերով քրուաձ ըլլալ:

[Նաիրուհի]

Ժող, ուշադրություն դարձրել ե՞ք, թե որ բաժնում եք սենց լուրջ լեզվական քննարկումներ ծավալել:



Բայց ախր մի լեզուն պիտի ունենա մեկ տառադարձման կանոններ: Ճիշտը էն ա որ մեր նման գրեն, ու ոնց ուզում են կարդան, ոչ թե մեր նման կարդան ու եսիմոնց գրեն: Ուղղակի չի գրնար մէգ լեզուին մէջ նոյն փառը երգու դարփեր ցեւերով քրուաձ ըլլալ:

Ավետ ջան, ուղղագրության բազմաչարչար հարցը էլի չբարձրացնենք, էլի։ Չնայած մեր մեջ ասած՝ ես ավանդական ուղղագրության կողմնակից եմ...

Դե էս թեմայի բաժինը ես չեմ ընտրել...

[Chuk]

Դե էս թեմայի բաժինը ես չեմ ընտրել...

Բաժինն ընտրել եմ ես ու ընտրել եմ առավել քան ճիշտ:
Ուզում եմ մի անգամ էլ հստակեցնել. այստեղ ոչ մեկը չի ծաղրում արևմտահայերենը: Ոչ մեկը չի ծաղրում ուղղագրությունը: Ոչ մեկը չի ծաղրում այն, որ այս կամ այն բառը կարող է արևմտահայերենում այլ իմաստ ունենա, թեև իհարկե երբեմն մեր արևմտահայերենի ոչ խոր գիտելիքների պատճառով կարող է ծիծաղելի թվալ կոնկրետ բառերի որոշակի իմաստներ, որոնք այդ բառի համար չէինք պատկերացրել, ու դրանք էլ հայտնվեն այս թեմայում: Բայց այ կոնկրետ այս ԲԱՑԱՏՐԱԿԱՆ բառարանի բացատրություններից շատերի ձևը մեկը իմ համար ծիծաղելի են: Որովհետև ուղղակի ծիծաղելի է, երբ ԲԱՑԱՏՐԱԿԱՆ բառարանում «ծով» բառը բացատրվում է իբրև «Ջրային աղի անսահման տարածութիւն»: Ու այդ բառը արելահայերեն ԲԱՑԱՏՐԱԿԱՆ բառարանում լիներ, էլի թեման բացելու էի ու էլի բացելի է հենց «Զվարճալի» բաժնում:

հ.գ. Խնդրում եմ, այս «Զվարճալի» բաժնի թեմայում մի ցույց տվեք ձեր գիտելիքները: Այն տեղը չէ:

[Պանդուխտ]

Պանդուխտ, ես ներ-ն ու նու-ն տարբերում եմ… Մի՜ փոքր առնչություն ունեմ սփյուռքահայերի և արևմտահայերենի հետ: Գուցե Սիրիայում և Լիբանանում հենց էն մի քանի ընտանիքն են դեռ գործածում էդ բառը, որոնց երեխաների հետ հիմա առնչություն ունեմ

Զարմանալի է. բացառիկ երեւոյթ: Արեւմտահայերի մեծամասնութիւնը, ջախջախիչ, գործածում է հարս բառը: Ուրեմն ճիշտ չէ ասել Նու արեւմտահայերէն է, տարբերելով արեւելահայերէնը, իբր նրան չի պատկանում:

[Պանդուխտ]

Պանդուխտ, ես ներ-ն ու նու-ն տարբերում եմ… Մի՜ փոքր առնչություն ունեմ սփյուռքահայերի և արևմտահայերենի հետ: Գուցե Սիրիայում և Լիբանանում հենց էն մի քանի ընտանիքն են դեռ գործածում էդ բառը, որոնց երեխաների հետ հիմա առնչություն ունեմ

Զարմանալի եւ բացառիկ: Արեւմտահայերը գործածում են հարս բառը, իսկ նու՝ պատկանում է հայերէնին:

[Rammstein]

Ավետ ջան, ուղղագրության բազմաչարչար հարցը էլի չբարձրացնենք, էլի։ Չնայած մեր մեջ ասած՝ ես ավանդական ուղղագրության կողմնակից եմ...

Լիլիթ ջան, ո՞րտեղ տեսար, որ ուղղագրությունից խոսեմ:

Ես ասում եմ, որ «նիկոտինամիդադենինդինուկլեոտիդֆոսֆատ» բառը հայերենի ոչ մի բարբառում կամ եսիմինչում չպիտի գրվի «նիքվդինամիտատէնինտինվըքլէվդիտֆվսֆադ», ու դրա պատճառը միայն էն չի, որ «ո»-երի փոխարեն «վ» են գրել, «ւ»-ի փոխարեն էլ` «ը» («նուկլեո»-ն դառել ա «նվըքլէվ» , տեսնես էդ ո՞նց են կարդում ):

[Պանդուխտ]

Ավետ ջան, ուղղագրության բազմաչարչար հարցը էլի չբարձրացնենք, էլի։ Չնայած մեր մեջ ասած՝ ես ավանդական ուղղագրության կողմնակից եմ...

Դե էս թեմայի բաժինը ես չեմ ընտրել...

Ուղղագրութեան հարց չշօշափեց, այլ՝ օտար բառերի տառադարձումը: Բոլոր հայերը գրում են գիր, մեկը կարդում gir, միւսը kir: Ուրեմն՝ բոլորը ճիշտ են գրում հայերէն բառերը:

[Նաիրուհի]

Լիլիթ ջան, ո՞րտեղ տեսար, որ ուղղագրությունից խոսեմ:

Ես ասում եմ, որ «նիկոտինամիդադենինդինուկլեոտիդֆոսֆատ» բառը հայերենի ոչ մի բարբառում կամ եսիմինչում չպիտի գրվի «նիքվդինամիտատէնինտինվըքլէվդիտֆվսֆադ», ու դրա պատճառը միայն էն չի, որ «ո»-երի փոխարեն «վ» են գրել, «ւ»-ի փոխարեն էլ` «ը» («նուկլեո»-ն դառել ա «նվըքլէվ» , տեսնես էդ ո՞նց են կարդում ):

Ավետ ջան, ներողություն, իրոք տառադարձում բառը մտքումս ասոցացվել էր ուղղագրության հետ...
Իսկ ինչ վերաբերում է միատեսակ գրելուն... Արևելահայերենում էլ մենք շատ օտար անուններ գրում ենք այնպես, ինչպես դրանք հնչում են, ոչ թե գրվում։ Ցայտուն օրինակ է, ասենք, Մայքլ անունը կամ շատ ֆրանսերեն բառեր, որ դժվարանում էլ եմ ասել, թե ինչպես պիտի գրեինք, եթե առաջնահերթությունը գրությանը տայինք։ Այնպես որ արևելահայերենն էլ չունի տառադարձման միանշանակ կանոններ, ուղղակի մենք համեմատաբար շահում ենք, որովհետև կարդում ենք գրեթե այնպես, ինչպես գրում ենք։

[Ուլուանա]

Մոդերատորական. թեման փակվում է լեզվական ուղղությամբ շեղվելու և այդպիսով իրեն սպառած լինելու պատճառով։