Սեր...

[ihusik]

Իսկ ինչպիսի՞ն դա կլիներ, եթե շարունակեիք հեղինակի խոսքն ու բացական ներկա լիներ այդտեղ...

[ihusik]

Բացեք ձեր սրտերը Աստվածային Սիրո համար, և դուք կփոխեք այս աշխարհը

Անվերապահ Սիրո Ներկայությունը
7 մարտի, 2005 թիվ

ԵՍ ԵՄ Ներկայությունը Անվերապահ Սիրո՝ քո տաճարի ներսում: Աստվածային Սիրո հատկությունը գլխավորն ու գերակշռողն է քեզանում:

Մենք քեզ ընտրել ենք որպես մեր Դեսպանորդ, հատկապես քո սրտում Սիրո այդ հատկության գերակշռման պատճառով:

Չափազանց մեծ է քո աշխարհում հակա-սիրո ճնշիչ ազդեցությունը: Մենք տխուր ենք դրա համար:

Բոլոր Աստվածային որակների մեջ Սիրո որակն ամենամեծն է: Ձգտումը դեպի սերը, սիրելու և սիրված լինելու ցանկությունը հատուկ է բոլոր կենդանի էակներին: Եվ հատկապես հինավուրց Լեմուրիայի և Ատլանտիդայի ժամանակներում, ազատ կամքի չարաշահմամբ Աստվածային Օրենքի խախտման պատճառով, հատկապես այդ որակի մեջ են ներարկվել ամենամեծ աղավաղումները:

Եթե մեզ հաջողվեր մարմնավորված վիճակում գտնվող ընդամենը մի քանի մարդկանց հոգիներում լիակատար ձևով վերականգնել այդ որակը, ապա այն մենք շատ արագ կտարածեինք ամբողջ աշխարհում: Դա որակ է, որի առաջ հնարավոր չէ դիմանալ:

Դա այն է, ինչ տալիս է ակնթարթային համալարում Աստվածային Իրականության հետ:

Շատ հաճախ այդ որակը խառնում են սեռական բնազդի հետ: Այստեղից էլ առաջանում են ամեն տեսակի սեքսուալ այլասերումները:

Մարդու ստեղծագործական ընդունակությունն ի հայտ է գալիս Սիրո միջոցով ստեղծարար ուժի արտահայտմամբ: Եվ այն նույն ստեղծարար ուժը, որը մասնակցություն է ունենում երեխաների սաղմնավորման ընթացքում, ընկած է այն ամենի հիմքում, ինչ մարդը ստեղծում է իր կյանքում:

Մարդն իր հիմքում նման է Աստծուն: Իսկ Աստծո հիմնական որակը Սերն է: Ըստ այդմ՝ մարդը չի կարող չստեղծել:

Եվ ստեղծարար ուժն ի հայտ է գալիս ուղիղ այնքանով, որքանով որ չի սահմանափակվում հակա-սիրո պատնեշներով, որոնք դրսից ներարկվում են մարդու գիտակցության մեջ, իսկ ներսում՝ սատարվում են նրա անկատար գիտակցությամբ:

Սիրո Կատարյալ Բոցը ներթափանցում է այս աշխարհը ձեր ԵՍ ԵՄ Ներկայության միջոցով: Բայց Սիրո հոսքի այդ ուղու դեմ կանգնում են ձեր անկատար մտքերի և հույզերի զտիչները: Եվ հոսքն աղավաղվում է: Դուք Աստվածային Սիրո որակը դրսևորում եք մշտապես: Դուք չեք կարող չդրսևորել այդ որակը, քանի որ այն հատուկ է ամբողջ արարվածին: Բայց հարկ է, որ դուք մաքրեք ձեր գիտակցության, Աստվածային Իրականության ձեր ընկալման զտիչները:

Բացե'ք ձեր սրտերը Սիրո՝ Աստվածային Սիրո առաջ, և դուք կփոխեք այս աշխարհը:

Չկա որևէ ուժ այս աշխարհում, որ ավելի հզոր լինի, քան Սերը:

Դրա համար էլ՝ այն ուժերը, որոնք որոշում են կայացրել իրենք իրենց Աստծուց առանձնացնել, ամենից առաջ մակաբուծվում են Աստվածային Սիրո որակի աղավաղումների վրա: Սեքսի ամբողջ ինդուստրիան, պոռնոգրաֆիան, սեռերի փոխհարաբերությունների ստերիոտիպերը, որոնք քարոզվում և լայնորեն տարածվում են տեղեկատվության զանգվածային միջոցներով, նպատակաուղղված են հատկապես նրան, որ հետ պահեն ձեզ Աստվածային Սիրո դրսևորումից:

Անվնաս բան է թվում, երբ դուք ֆիլմ եք դիտում, որն աճեցնում է սեռական բնազդին հագուրդ տալու ձեր ձգտումը: Անվնաս բան է թվում նայելը կնոջ մերկ մարմնին, որն օգտագործվում է ձեր հոգևոր առաջընթացին որևէ կերպ չնպաստող առարկաների գովազդման համար:

Բայց ձեր գիտակցության մեջ բույն է դնում Աստվածային Սիրո նկատմամբ ատելությունը: Դուք կամավոր կերպով ամրացնում եք այդ զտիչները, որոնք պարփակվում են ձեր գիտակցության մեջ և խանգարում ձեզ ձեր կյանքում դրսևորելու իսկական Սիրո որակը:

Այնքան մեծ տարբերութուն, տարբերակում գոյություն ունի նախասկզբնական Աստվածային Սիրո դրսևորման և սիրո այն հասկացման միջև, որը սկզբնավորվել է կործանված քաղաքակրթությունների ժամանակներից, որ նույնիսկ դժվար է համեմատություն բերել:

Դրանք տարբեր են՝ ինչպես կյանքն ու մահը:

Սրբերի հատկություններից մեկը՝ դա իրենց սրտում Աստվածային Բարիքի նեկտարի ընդունման կարողությունն է: Ֆիզիկական աշխարհում չկա որևէ հաճույք, որ կարելի լինի համեմատել Տիրոջ Բարիքի ստացման հետ:

Միայն մաքուր սրտերն են ընդունակ ստանալու այդ Բարիքը:

Աստվածային էներգիայի հոսքը՝ Աստվածային Սիրո հոսքը, անցնում է մեր բոլոր մարմիններով՝ մեզ գուրգուրելով: Դուք երանություն եք զգում յուրաքանչյուր չակրայում, յուրաքանչյուր էներգետիկական կենտրոնում:

Ամենալավ սեքսուլ բավարարվածությունը, որը դուք կարող եք ստանալ ֆիզիկական աշխարհում, հնարավոր չէ համեմատել Աստծո կողմից առաքված Բարիքի ապրման հետ:

Մտորե'ք՝ արդյո՞ք այդպես անվնաս է ձեզ համար, եթե դուք դիտում եք պոռնոգրաֆիական ֆիլմեր, հանդուրժում եք հայհոյախոսություն, ներկա եք գտնվում այնպիսի մարդկանց միջավայրում, որոնք հանդուրժում են կեղտոտ մտքեր ու արարքներ՝ կանանց և սեռերի փոխհարաբերության նկատմամբ:

Յուրաքանչյուր այդպիսի բացասական թրթիռ նպաստում է Աստվածային Սիրո որակից ձեր հեռացմանը:

Մտահայե'ք ծաղիկները, բնությունը, ժպիտը երեխաների: Մշտապես պաշտպանե'ք ձեր սերը հակա-սիրո բոլոր դրսևորումներից: Պաշտպանե'ք ձեր մերձավորներին, ձեր երեխաներին: Սիրո այն պատկերցումից, որը կստանա նոր սերունդը, կախված է ձեր մոլորակի ապագան:

Իսկական Սերը սկսվում է կնոջը, Մորը պաշտելուց: Եվ այն զգացմունքները, որ տածում եք ձեր Մոր նկատմամբ, կարող են հետք թողնել ձեր ամբողջ կյանքի վրա:

Առավել երջանիկ են այն ընտանիքները, որտեղ ավանդույթ է դարձել հարգանքը Մոր նկատմամբ՝ որպես օջախի պահապանի:

Թող երբեք ձեր գիտակցությունը չծանրաբեռնվի Մոր նկատմամբ, կանացի նախասկզբի նկատմամբ անորակ մտքերով:

Դուք բոլորդ մայրեր եք այս աշխարհում: Ե'վ տղամարդիկ, և' կանայք: Դուք մարմնավորվել եք, որպեսզի ձեռք բերեք Աստվածային Մոր որակը: Ըստ այդմ՝ ճիշտ վերբերմունքը կնոջ, Մոր նկատմամբ, Աստվածային Մոր որակի հաջող ձեռքբերման երաշխիքը կլինի: Եվ առանց այդ ձեռքբերման՝ դուք չեք կարող ըմբռնել Հորը և Որդուն:

Ես մաղթում եմ ձեզ Աստվածային Սիրո որակի ձեռբերում՝ ձեր ներկայիս մարմնավորման ընթացքում:

ԵՍ ԵՄ Անվերապահ Սիրո Ներկայությունը, և ես գուրգուրում եմ ձեզ իմ Սիրո ճառագայթներով:


Տատյանա Միկուշինա, 2005
Թարգմանեց Խաչիկ Մանասելյանը

http://www.sirius-dictation.am/index1.htm

[Gjuk]

Սերը մի հեքիաթ է չիրականացած
Եռագույն հաճույք է` չնախատեսված
Սերը տառապանք է ` հիվանդություն
Հրաբուխ է , խանդ է , քաղցր ստրկություն:

Սերը կուրացնում է , խորտակում է մեզ
Միացնում , փորձում, դարձնում է հեզ:
Սերը դա կարոտն է , անքուն գիշերներ
Պարգև է , պատիժ է , դառը արցունքներ:

Սերը մի մարմին է , մի սիրտ է , մի հոգի
Երբ չունես պահանջ ուրիշ ոչ մեկի:
Սերը դավաճան է : Մնում ես մենակ
Եվ նա քեզ թողնում է կիսատ
Ու դատարկ…

Սերը չխոսկան է , լալկվում է լեզուն
Եվ միայն ժպտում են աչքերդ փայլուն:
Սերը ափսոսանք է , հիասթափություն
Թուլություն է , ուժ է և հավերժություն:

Սերը դա մի լույս է կյանքի ստվերի մեջ
Փրկություն է , հույս է , սպասումներ անվերջ
Սերը հանելուկ է ` շատ տաղանդավոր
Խաղ է խենթություն է ` ժամանակավոր…

[ihusik]

Կարծում եմ Gjuk ջան ճիշտ կլիներ նշել թե ո՞վ է այսքան հիանալի բանաստեղծության հեղինակը

Հ.Գ.1. Բարի երթ քեզ հիանալի էր առաջին քայլդ այ Gjuk
Հ.Գ.2. Համամիտ չեմ միայն բանաստեղծության վերջին բառի հետ

[Gjuk]

Կարծում եմ Գջուկ ջան ճիշտ կլիներ նշել թե ո՞վ է այսքան հիանալի բանաստեղծության հեղինակը

Հ.Գ.1. Բարի երթ քեզ հիանալի էր առաջին քայլդ այ Գջուկ
Հ.Գ.2. Համամիտ չեմ միայն բանաստեղծության վերջին բառի հետ

Կարծում եմ ihusik ջան ,այս թմայում այնքան էլ կարևոր չէ , թե ով է գրել բանաստեղծությունը , կարևոր է նշել՝ ինչ է ՍԵՐԸ

Շնորհակալ եմ բարի խոսքերիդ համար . Ինչ վերաբերում է վերջին բառին՝ ասեմ որ դա պարզապես իմ զգացածն է , որքան էլ որ .... , և բնավ պարտադիր պայման չէ , որ գրած տողերի հետ համամիտ լինել , չէ որ մարդիկ ինչքան էլ նման լինեն, նույնքան ել տարբեր են ի վերջո մտածելակերպով… Ուղղակի փորձեցի գրել այս թեմային համահունչ ..

[ihusik]

Շատ լավ էլ ստացվել է՝ մանավանդ այդ զգացմունքի արտացոլման ու բացահայտման տեսանկյունից ու հիշեցնում է Գյոթեի մի բանաստեղծություն, որին շատ նման է իմաստով գրածդ, բայց դա հետո կներկայացնեմ, որպեսզի համեմատեք...

Շատ չնչին ու աննկատ փոփոխություն եմ մտցրել տողերումդ, որը փոփոխությամբ կտեղադրեմ հիմա այստեղ և վստահ եմ չեն ձանձրանա Ակումբցիները մեկ անգամ ևս կարդան Gjuk-ի այս տողերն Սիրո բնույթի մասին.

Սերը՝ մի հեքիաթ է չիրականացած,
Եռագույն հաճույք է` մի սրտում ծնված:
Սերը՝ տառապանք է, հիվանդություն,
Հրաբուխ է, խանդ է, քաղցր ստրկություն:

Սերը կուրացնում է, խորտակում է մեզ,
Միացնում, փորձում, դարձնում է հեզ:
Սերը՝ դա կարոտ է, անքուն գիշերներ,
Պարգև է, պատիժ է, դառը արցունքներ:

Սերը՝ մի մարմին է, մի սիրտ է, մի հոգի,
Երբ չունես պահանջ ուրիշ ոչ մեկի:
Սերը՝ դավաճան է. մնում ես մենակ
Եվ քեզ զգում ես կիսատ ու դատարկ:

Սերը՝ չխոսկան է՝ լալկվում է լեզուն,
Եվ միայն ժպտում են աչքերդ փայլուն:
Սերը ափսոսանք է, հիասթափություն,
Թուլություն է, ուժ է և հավերժություն:

Սերը՝ դա մի լույս է՝ կյանքի ստվերի մեջ,
Փրկություն է, հույս է, սպասումներ անվերջ:
Սերը՝ հանելուկ է շատ տաղանդավոր,
Խաղ է, խենթություն է՝ ժամանակավոր…
Gjuk

[ihusik]

Այս բոլոր տողերը կարող եք միասին վերցնել կարող եք և առանձին առանձին.

Իսկական Սիրո մեջ առևտուր չկա:

Սիրո պարագայում որքան առևտուրը քչանա՝ այնքան սերն էլ ավելի կվսեմանա, կավելանա, կգեղեցկանա:

Սիրո դեպքում հաշվապահական հաշվարկներ չեն կատարում. տվել եմ այսքան, ստացել այնքան:

Սիրո դեպքում սիրող սիրտը տալիս է անվերջ՝ առանց որևէ տեղ այդ մասին գրառում անելու:

[Tehmina80]

Իսկ ի՞նչ է սերը...շա՞հ,խաբկա՞նք, համակրա՞նք, տառապա՞նք, գործա՞րք......
Գոյություն ունի մաքուր,իրական սեր այս բարդ կյանքու՞մ, թե ամեն ինչ մնաց հեռու շատ հեռվում...

_______________
Լավը և նույնիսկ լավագույնը արագ հագեցնում է, եթե դառնում է առօրեական:

սերը հետաքրքիր մի խաղ է, որ քեզ թվում է անկեղծ ես... kiss

[Vahe]

Բայց ես հիշեւմ եմ ստեղաներ մի տեղ գրել էի ինչ է սերը: Կամ նմանատիպ թեմա էր: Լավ եւս մեկ անգամ կրկնվեմ:

Սերը հասած ծիրան է: Դու չկերար ճիճուն կուտի

[Mari]

Սերը ցավ է ու տառապանք, դրախտ ու դժոխք, զմայլանք, ամոթ: Դա կյանքի ուրախությունն է ու թախիծը, ազատությունն ու ստրկությունը, հոգու խաղաղությունն ու խռովքը:
Ս. Մոեմ

[Ծով]

Սերը ցավ է ու տառապանք, դրախտ ու դժոխք, զմայլանք, ամոթ: Դա կյանքի ուրախությունն է ու թախիծը, ազատությունն ու ստրկությունը, հոգու խաղաղությունն ու խռովքը:
Ս. Մոեմ

Այս գրառումիցդ հետո կարելի է նայել ստորագրությանդ ու ժպտալ...բայց այ սենց

[ihusik]

Երբևէ մտածե՞լ եք, թե արդյո՞ք կենդանիները սիրում են, ունե՞ն կարոտի զգացում կամ տառապու՞մ են անպատասխան սիրուց… թե՞ այդ ամենը միայն մարդուն է տրված և այդ մեծագույն գանձի՝ Սիրո համար, հարկ է լինում, որ նա վճարի նաև տառապանքով. չէ՞ որ ամեն բանի համար պետք է վճարել և եթե մեծագույն գանձն է տրված՝ դրան համապատասխան էլ պետք է լինի վճարը՝ տառապանքը...

Ահա զույգ բադիկներ լողում են կողք-կողքի ու թե մեկը թեքվի մի կողմ՝ մյուսն իսկույն կհետևի նրան, իսկ թե մյուսը թեքվի ու այլ կողմ գնա՝ այն մեկը կգնա իսկույն նրա ետևից ու թե մի քիչ իրարից հեռանում են՝ այնպես սրտատրոփ ու արագ են գնում զույգին հասնելու՝ ասես հազարավոր կիլոմետրեր էին հեռացել ու տարիներ շարունակ իրար չէին տեսել ու կարոտել էին... Մինչ նայում էի այս բադիկներին ու մտածում, թե արդյո՞ք սեր է նրանցն ու գիտե՞ն նրանք էլ կարոտել ու տառապել, հանկարծ մի փոքրիկ ձկնիկ ջրից դուրս ցատկեց և այդպես մի քանի անգամ՝ ասես ուզում էր ինքնասպան լիներ, բայց նա կրկին ընկավ նույն լճակի մեջ՝ շարունակելով իր կյանքն ու չկարողանալով դուրս պրծնել նրանից... մի՞թե տառապանքն էր նրան ստիպել դիմել այդ քայլին... չգիտեմ, չեմ հասկանում...

Ահա երկու աղունիկներ (ուզում էի ասեի աղավնյակներ), որ այնքա՜ն ուշադիր են միմյանց հանդեպ ու թե մեկը թռչում է մի ճյուղից մյուսը, մյուսն իսկույն հետևում է նրան. մի՞թե հոգնել չունեն իրարից ու իրար այդպես անխոս տրվելուց, նվիրվելուց... Իսկ ինչու՞ մարդիկ այդպես չեն, եթե չենք կասկածում, որ նրանք գիտեն սիրել ու կասկածում ենք, որ կենդանիներն էլ կարող են սիրել... Իսկ այ կարոտել կամ տառապել գիտե՞ն արդյոք կենդանիները... և այս մտքիս վրա ձկնիկն այն կրկին փորձեր էր անում դուրս ցատկել լճից չգիտեմ պատասխանելո՞վ հարցիս, թե՞ պարզապես... թե՞ պարզապես իմ երևակայությունն էր այս ամենը հյուսում:

Երբևէ մտածե՞լ եք, թե ինչպե՞ս են կենդանիներն իրենց կյանքի ընկեր, զույգ ընտրում - առանց սիրո՞ կասեք – այդ դեպքում ինչու՞ են նրանք իրար նկատմամբ այդքան ուշադիր ու հոգատար, քան մարդիկ՝ որ միանում են իբր թե սիրով կամ այն մարդկանց նման որ իբր զույգ են ու միասին, բայց առևտուր անելիս ուտելիքի համար իրենց վճարում են ամեն մեկն իրեն գնածի դիմաց, քանզի հաստատ գիտեն՝ կարճ է լինելու կապն ու զուտ ֆիզիկական, էլ ինչու՞ հոգալ կողակցի համար. եթե նա էլ չլինի՝ չէ՞ որ կան ուրիշները. ու չունեն նրանք հոգուց-հոգի, սրտից-սիրտ տանող և ո՛չ մի կապ:

Ցավում եմ նման մարդկանց ու ողջ մարդկությանը, որ հեռու ենք Բնությունից, Ներդաշնակությունից, Ներքին մեր Խաղաղությունից ու ամենակարևորը՝ Իսկական Սիրուց՝ որը և խոնարհ ծառայությունն է...

Տուն վերադառնալու ճանապարհին հանդիպեցի մի տարեց զույգի. կինը հաշմանդամի սալյակի մեջ նստած էր, իսկ ամուսինը հրում, առաջ էր տանում սալյակն ու կնոջ հետ այդպես միասին այգում զբոսնում էին նրանք ու մտածեցի. գուցե ամեն բա՞ն չէ կորցված ու դեռ կա՞ փրկություն մարդկանց համար, քանզի կա՜ն, քի՛չ են, բայց կա՜ն դեռ մարդիկ, որ ունեն Սիրտ ու կարող են դեռ Սիրել...

07.10.07. 13:17

[Հայ Քրիստոնյա]

Կյանքն ինքնին սեր է… կյանքը երկրի վրա 1 րոպե անգամ չէր շարունակվի առանց սիրո: Երկիր մոլորակը պտտող միակ ուժը սերն է

Սէրը դա Աստված է ուրիշ սէր չկա աշխարհում: Սէրը նա է երբ դու սիրում ես քո թշնամուն որը դու կարող ես անել միայն Աստծո Սուրբ Հոգով:

[Կաթիլ]

Հիմա մի բան կպատմեմ, որը չնայած կարծում եմ, որ սխալ արարք էր, բայց մոտ մեկ ամիս առաջ ինձ ստիպեց հավատալ, որ կա իրական, անշահախնդիր ու հավեժ ՍԵՐ:
Մեր հարևանի ծնողները, ապրում էին գյուղում: Արդեն ծեր էին, կինը հիվանդ էր: Մոտ 80 տարեկան ամուսինը 5 հարսներից ոչ մեկին թույլ չէր տալիս նեղություն կրել, իր հիվանդ կնոջ մասին հոգ տանելով: Առավոտյան գյուղից զանգեցին ու ասացին, որ պապիկը մահացել է: Բոլորի համար շատ անսպասելի էր, քանի որ ծանր հիվանդը տատն էր: Երբ գնացին գյուղ, պարզվեց, որ տատիկը 3 օր ոչինչ չէր կերել, պապի այն հարցին թե ինչու կինը ոչինչ չի ուտում? Միթե մեռնում է արդեն? Տատը տվել էր դրական պատասխան: Պապը հրաժեշտ էր տվել կնոջը, ասելով որ կսպասի նրան: Ամբողջ օրը փնտրել էին պապին... Գտել էին նկուղում կախված... հաջորդ առավոտյան տատն էլ չարթնացավ...

[gayane70]

Սերը նման է նորատունկ ծառի ,որին պիտի խնամել-աստված չանի հանկարծ չորանա:Ապրել առանց սիրո -այսինքն ապրել ապարդյուն: