«Հայ Սուպերսթար 4»

[Chuk]

Չուկ, ես համոզված եմ, որ այս ուղղությամբ շարունակելու դեպքում Ռաիսան շուտով կանցնի Արամեատիպ երգիչների շարքը: Սա մեկ:
Իսկ Դիլանին անարգանքի սյունին գամելու հարցում՝ չափազանց բարձր կարծիքի ես մարդկանց ճանաչելու քո կարողության մասին ինչն իրականությանը չի համապատասխանում:
Պարզապես ես աչքիս առաջ ունեմ մի քանի տասնյակ տաղանդավոր երաժիշտներ, որոնք ոչ մի ուշադրության չեն արժանանում, այնինչ Ռաիսան, որ նրանց համեմատ ոչ մի բան է, ինչ-որ էժանագին շոույի շնորհիվ այսքան աղմուկ է հանում:
Ես համարում եմ, որ Ռաիսան ու նրա նմաններն այդ մարդկանց հայտնիությունն են գողանում: Նրանց եթերաժամանակն են գողանում: Չգիտակցելով դա, բայց անում են:

Քանի որ չգիտեմ թե ում մասին ես գրում ու հետևաբար չեմ կարող նրանց որակական կողմերի մասին խոսել, ապա ստիպված եմ սահմանփակվել տեսական դատողություններով:
Ենթադրում ենք, որ դու ճիշտ ես, հավատում ենք քեզ ու համարում որ տաղանդավոր երաժիշտներ, երգիչներ են:
Նրանք եթերում չեն. սա հասկանում ենք քո գրառումներից:

Ինչու՞:
Որովհետև մեր եթերը գողացված է ինչ-որ էլիտայի կողմից արամեական երաժշտություն ցուցադրելու համար:
Ու էս ամբողջ թոհուբոհից տարբերվում է սուպերսթարը, որովհետև էնտեղ գալիս են իսկապես տաղանդավոր մարդիկ, օրինակ՝ Ռաիսա, Սուրեն, Եվա, Իվետա:
Հիմա ի՞նչ, համարենք որ այս Ռաիսան, Սուրենը, Եվան ու Իվետան են գողանում քո գովերգած երաժիշտների երաժշտությունը ցուցանելու հնարավորությունը, թե հիշենք, որ իրենք այս նախագծի շնորհիվ կարողացել են հաղթահարել այն նույն պատը, որ չեն հաղթահարում քո գովերգած երաժիշտները:

Հասկանու՞մ ես, դու գիտես, որ քո գովերգած երգիչների հայտնի ու ճանաչված չլինելու համար ինչ-որ բան սխալ է, բայց գնում ու կպնում ես ամենասխալ տեղին, միակ տեղին, որն անգամ այդ քո գովերգածներին կարող էր մեզ ներկայանալու հնարավորություն տար: Ու էս պարագայում ավելի է արժեքավորվում իմ խոսքը. դուք արժանի եք արամեայատիպ երգիչներին, որովհետև քննադատության ճիշտ ու իրական թիրախ ընտրելու փոխարեն կպնում ես մեջներից իսկապես տարբերվող ու առանձնացողներին, նրանց, ում պետք է ոգևորել ու ձեռ մեկնել ավելի լայն ասպարեզ դուրս գալու, ում պետք է թև ու թիկունք կանգնել, մեր շոուբիզնեսի մթնոլորտն ու որակը փոխելու համար:

Քո ասած մարդիկ եթերաժամ ունենալու՞ էին, եթե սուպերսթարը չլիներ, Ռասիան այս փուլ հասած չլիներ: Իհարկե ո՛չ: Հետևաբար դու ընդամենը խոսում ես, ներիր, բայց «չարացածի» դերից, ում ընկերները ու բարեկամները ճանաչված չեն, ինքը՝ ճանաչված չէ, իսկ ահա Ռաիսան...