Ուզում եմ` էս երգը թաղմանս օրը լինի

[AniwaR]

Մի քիչ ծանր է մտածել սեփական թաղման օրվա մասին, բայց ուզում եմ, որ թեմային մի քիչ հումորով վերաբերվենք ու հուսով եմ՝ չի փակվի «մարդկանց հոգեբանության վրա բացասական ազդեցություն է թողնում» պատճառաբանությամբ:

Հայաստանում, իմ իմանալով, ընդունված չէ հանգուցյալի թաղման արարողության ժամանակ երգ նվագելը կամ միացնելը (շատ-շատ վազեն ստամոքս լցնելու ), բայց իմ կարծիքով՝ դա շաաատ գեղեցիկ սովորույթ է որոշ ժողովուրդների մոտ: Ես հաճախ եմ մտածում, թե ինչ երգ կուզենայի թաղմանս լսել վերջին անգամ... Իհարկե հրաշք երգեր շատ կան, բայց կարծում եմ, որ վերջնական ընտրությունս կանգ կառնի AC/DC-ի «Hells Bells»-ի վրա, համենայն դեպս կուզենայի էնպիսի կյանք ապրել, որ նման տրամադրությամբ ես հեռանամ ու ինձ հրաժեշտ տան: Ճիշտ է՝ ինչքան էլ շատ սիրեմ Փինկ Ֆլոյդ (մի ժամանակ մտածում էի, որ դա կլինի «Shine On You Crazy Diamond»-ը), այնուամենայնիվ՝ հոգուս եսիմ որ անկյունում մնում եմ երդվյալ ացդցական, ու կարծում եմ՝ էդ անկյունում շատ ավելի խելքը գլխին մարդ է կանգնած: Այսպիսով, թոռներիս Ակումբի միջոցով կտակ եմ թողնում՝ Hells Bells.



Իսկ դուք ի՞նչ եք ընտրում:

[Chuk]

Մոդերատորական. Թեմայից դուրս 5 գրառումները ջնջվել են: Եթե իմ նման չեք մտածում, թե ձեր թաղմանն ինչ երաժշտություն է պետք դնել, ապա պարզապես շրջանցեք թեման, պարտադիր չի օֆտոպով զբաղվել: Այս անգամ տուգանայիններ չեն տրվել, հաջորդ դեպքերում կտրվեն:

[Ֆոտոն]

Թաղում չեմ ուզում ունենալ: Եթե հնարավոր լինի, առանց դագաղային պրոցեսի թող լինի:

Կուզեի լսել իմ գրած երգերից ամենալուսավորները.

«Ես կրկին փակում եմ աչքերս»,
«Կարոտ»

Սա այս պահին, հետո՝ չգիտեմ: Կարծում եմ կընտրեմ հայ դասական մի բան, որ ինձ ճանապարհողներն էլ չդժվարանան լսել, ոչ շատ ուրախ երգ լինի: Հնարավոր է՝ Հալաջյանից, ՀՓԵ-ի հոգևոր կատարումներից: Հաստատ զուռնա, դուդուկ չեմ ուզում:

[Apsara]

Հույսով եմ, որ իմ թաղման ժամանակ Ես երժաշտությունը չեմ լսի, այսինքն մեռած կլինեմ, ոչ թե սաղ-սաղ կթաղեն,

Բայց նաև համաձայն չեմ այն մտքի հետ, որ այստեղ թաղումները առանց երաժշտության են լինում, կամ իսկապես նվագում են կամ մագնիտոֆոնով դուդուկ են միացնում:

Իսկ իմ թաղմանը կուզեմ ոչ երաժշտություն լինի, ոչ ուտուշ-խմուշ ու ընդհանրապես հայկական թաղում չեմ ուզի, չնայած, ինձ այդ ժամանակ պիտի որ լրիվ մեկ լինի

[Հարդ]

Ես էտ մասին չեմ մտածել, ու չեմ էլ ուզում: Ուղղակի ես մտածում եմ կարող եմ նրան հասնել, որ հենց իմ գրած երաժշտությունը դնեն? Միթե ես կգրեմ այդպիսի երգ?

[Chuk]

Մոդերատորական. Թեմայից դուրս ևս 9 գրառում թաղվեցին առանց երաժշտության:

[boooooooom]

Մի քանի տարի առաջ կասեի Մոցարտ Ռեքվիեմ, իսկ հիմա դժվարանում եմ

[Ռուֆուս]

Մոդերատորական: Թեման տեղափոխվում է Դեսից Դենից:

Հ.Գ. Մի քանի անգամ ասել եմ, որ կցանկանայի, որ իմ թաղմանը հնչեր Kansas - Dust In The Wind երգը

[AniwaR]

Հ.Գ. Մի քանի անգամ ասել եմ, որ կցանկանայի, որ իմ թաղմանը հնչեր Kansas - Dust In The Wind երգը

Էսօր հենց էս երգն էի լսում, ու հենց էս երգը լսելուց մտքովս անցավ էս թեման բացել: Լավն ա... ))

[Աբելյան]

Ինչ ուզում են թող դնեն: Մեկ ա չեմ լսելու:

[Mephistopheles]

"Եկ այս գիշեր անքուն մնանք"

Հ.Գ. ուզում եմ հիշեցնել որ "անքուն" բառի արմատը "քունն" է… դե քնելն էլի

[Գուգօ]

ծնունդներից պրծանք սկսեցինք թաղում անել

ես որ մեռնեմ ժող ջան, կլսեք իմ ախպերը, ջան, ջան, ջան

[Lion]

Իսկ եթե ես հանկարծ հրաժեշտ տամ այս մեղսավոր աշխարհին, կարող եք հանգիստ խղճով երգել Ռ. Հախվերդյանի "Շիրիմիս վրա" երգը...

Երբ ես կմեռնեմ, շիրիմիս վրա,
Տղերքը հերթով ինձ այցի կգան,
Ասացեք նրանց, թող չմոռանան,
Թող մի լավ հարբեն, ուշ երեկոյան...

Աղջիկները թող, արցունք չթափեն,
Հորիզոնական դիրքով երբ տեսնեն,
Չէ որ դիրքը այդ, հայտնի է նրանց,
Նրանց հուշերում, ես կապռեմ, պառկած...

[cold skin]

Որ մեռնեմ՝ թաղում ասածը իմդեպքում հարաբերական է լինելու, մոխիրս է լինելու ու այ այս երգը…Բայց դե կարող է մի քանի տարի հետո փոխվի ճաշակս…
Yann Tiersen & Elizabeth Fraser - Mary

[Լեո]

Ուզում եմ թաղմանս «դիսկո տանցույ»-ի Ջիմին երգի ու պարի