Կարծես այս թեմայում այլևս քննարկելու բան չկա, քանի որ ոչ մեկ մի միլիգրամ անգամ իր կարծիքը չի փոխում, բայց...Վիշապ-ի խոսքերից
Վիշապ ջան երևի հակառկն էիր ուզում գրել որ ՀԱԿ-ը այլևս սպառվել է, մարել է, վերացել է, կարելի է ասել արդեն տեսիլք է, Լևոնը...մի խոսքով ինչ ածական ուզում եք դնենք: Հա տղերք ջան համոզել եք տենց էլ կա: Ընդիմությունը մեռել ա էլ չկա: Մնացածը ինչ լինում ա թող լինի...
Հ.Գ. Առաջ Հայաստան:
Kuk (12.01.2010)
Rammer ջան մեր ընդդիմությունը հիմա նման է Ռուսաստան խոպան գնացած ու չվերադարձած ամուսնու։ Երկու տարբերակ կա. 1. Սպասել, մինչև վերադառնա (ընդդիմությունը հիմա սպասելուց բացի այլ բան չի էլ առաջարկում), 2. Թազա մարդ ճարել։ Առաջինի միակ առավելությունը մնացել է բարոյական հաղթանակը հավատարմության տեսքով, հետո չգիտես, կվերադառնա, չի վերադառնա, երբ կվերադառնա… Երկրորդ դեպքին անցնելու համար շատ ու շատ հավատարիմ ու բարոյական կանայք ուզում են տեսնել ամուսնու մահվան վկայականը։ Ջո՞կ
Վերջին խմբագրող՝ Elmo: 12.01.2010, 23:44:
Si vis pacem, para bellum
Mephistopheles (12.01.2010)
Իսկ եթե այդ հավատարիմ կանայք աչքերը լայն բացեն կտեսնեն որ իրենց ամուսինը տանն ա, բայց էս պահին շատ ավելի կաևոր գործա անում, ասենք տան էլեկտրական լարերն փոխում: Բայց քանի որ կանայք էլեկտրականությունից բան չեն հասկանում ու էտ լարերն էլ պատերի մեջով ա անցնում չեն երևում, անբավարաված սկսել են թունավոր սունկ հավաքել, մահվան վկայականի համար...Rammer ջան մեր ընդդիմությունը հիմա նման է Ռուսաստան խոպան գնացած ու չվերադարձած ամուսնու։ Երկու տարբերակ կա. 1. Սպասել, մինչև վերադառնա (ընդդիմությունը հիմա սպասելուց բացի այլ բան չի էլ առաջարկում), 2. Թազա մարդ ճարել։ Առաջինի միակ առավելությունը մնացել է բարոյական հաղթանակը հավատարմության տեսքով, հետո չգիտես, կվերադառնա, չի վերադառնա, երբ կվերադառնա, որ վերադարձավ իմպոտենտ կլինի, չի լինի… Երկրորդ դեպքի ակնհայտ առավելությունը նաղդ սեքսն ա հենց որ ճարեցիր։Երկրորդ դեպքին անցնելու համար շատ ու շատ հավատարիմ ու բարոյական կանայք ուզում են տեսնել ամուսնու մահվան վկայականը։ Ջո՞կ
Վերջին խմբագրող՝ Elmo: 12.01.2010, 23:27:
Sagittarius (12.01.2010)
Ա) ՀԱԿ-ը մշտապես տվել է հնարավորություն այլ ուժերին ինքնադրսևորվելու, դրա համար ստեղծելով բոլոր նպաստավոր պայմանները,
Բ) ՀԱԿ-ը ներկայիս փուլում պարտված է, բայց կարողացել է կանգուն մնալ իր դիրքերում ու շարունակել պայքարը,
Գ) Մենք բազում դրական քայլեր ենք արձանագրել, ի թիվս հետ քայլերի:
Դ) Այո՛, այս պայքարում կա մի կորիզ, որն իրեն գոնե մինչև հիմա դրսևորել է անկոտրում: Եթե մինչև վերջ այդպես չլինի, շատ վատ է ոչ թե ՀԱԿ-ի, այլ երկրի համար: Այնպես որ հուսով եմ, որ այդ ոգին այդ կորիզը չի կորցնի: Սադրիչների մասին հեգնական հատվածին չեմ արձագանքում:
Ե) Ցավոք իսկապես բազում անգամներ ՀԱԿ-ը խոստացել է թեժացում ու չի եղել: Այս կոնտեքստում հեգնանքդ հասկանալի է, ինչքան էլ որ ես այն համարում եմ թույլ մարդու խոսք: Ամեն անգամ այդ ակտիվությունը չլինելու համար եղել են թե՛ օբյեկտիվ, թե՛ սուբյեկտիվ պատճառներ: ՀԱԿ-ը ունի կարևորագույն խնդիր, շարունակել մնալ ոտքի վրա, ձեռքը պահել իրադարձությունների զարկերակին ու անհրաժեշտ պահին կարողանալ ապահովել ակտիվությունը: Ըստ որոշ վերլուծությունների նման ակտիվության հավանականության կա գարնանը ու այո՛, կարող է լինել ակտիվություն, բայց եթե չլինի, ընդամենը քո հեգնական տոնն է ավելանալու, անիմաստ խոսակցություններն են տարբեր տեղեր շատանալու, իսկ ՀԱԿ-ը, հուսով եմ, շարունակելու է իր գործը:
Զ) Հաղթելու ենք: Համենայն դեպս մեր պայքարի ուղին դա է, մեր նպատակը դա է, մեր տրամադրվածությունը դա է: Մեր կարգախոսը հենց դա է: Իհարկե հնարավոր է, որ չհաղթենք, բայց գնում ենք հաղթելու վճռականությամբ: Եթե չենք հաղթի, վատ կլինի ոչ թե ՀԱԿ-ի, այլ բոլորիս համար, եթե պարտվենք, հաղթելու փոխարեն, ողբալի կլինի երկրի վիճակը: Եթե իհարկե այլ ուժեր չգան ու հաղթեն, ինչը, իրականում, էլի մեր հաղթանակը կլինի: Որովհետև խնդիրը ՀԱԿ-ը չի, այլ երկիրը նորմալ վիճակի բերելը: Ով ուզում է, թող լինի բերողը, մեկը ես նրա հետ եմ լինելու: Իսկ սադրիչի մասին անիմաստ հատվածին արձագանքելու իմաստ չեմ տեսնում:
Վերջին խմբագրող՝ Ձայնալար: 12.01.2010, 17:06:
Քայլ առ քայլ՝ դարից դար
Խենթ եմ
Sagittarius (12.01.2010)
Նվիրվածությունը գովելի հատկություն է: Բայց հարցը նաև հասարակության, հանդեպ ՀԱԿ-ը եղած հավատի ու նվիրվածության ռեսուրսի մասին է:
Անցած ժամանակը ցույց տվեց, որ մեծ վիհ է առաջացել հասարակության ու ՀԱԿ-ի ակտիվիստների նվիրվածությունների միջև: Մարդիկ հույս չեն կապում այլևս ՀԱԿ-ի հետ, բայց իհարկե նաև մնացել է կորիզ, որը շարունակում է լոկալ պայքարը: Շուտով այն էլ կմարի ու ՀԱԿ-ի գաղափարախոսությամբ շարժումը կվերջանա:
Մենք ցավով ենք սա քննարկում, բայց մյուս կողմից էլ, այդպիսին է դեգեներեցիայի տրամաբանությունը: Այսօրվա նորություն չի սա -Ավետարանական ճշմարտություն է:
Միայն մի սկզբունքային հարց էր մնացել, որը ՀԱԿ-ը կարող էր անել, որպեսզի դաշտը նոր խաղացող մտներ- Հայտարարեր, որ իր տեխնոլոգիաները պարտվեցին, և իրենք կողջունեն ցանկացած նոր ուժի, որը հրապարակ կմտնի իր նոր տեխնոլոգիաներով, առանց Հայաստանի պայմաններում իրեն սպառած ու վարկաբեկած սահմանադրական նորմերի դոգմատի:
Այ սա կլիներ իսկապես պատասխանատու վերաբերմունք հանդեպ երկիրը, պետությունը, ազգը: Բայց Չուկ ջան քո դիրքորոշումները արդեն 100 անգամ ապացուցել են որ դա չի լինելու:
Դե ինչ, դա էլ է ելք:-անփառունակ ելք:
Մի գուցե կամաց-կամաց այս ատոմացված հասարակության մեջ, մի ուրիշն էլ թաց ու չոր ջոկելով, ոչ թե կտա սահմանը կանցնի ընտանիքով, այլ կվալտը կիջեցնի իրեն էդ վիճակի հասցնողի գլխին ու իր հարցերը կլուծի, մյուսը կհասկանա որ իր սոված լինելու պատճառը այնինչ չաղլիկն է, նրան կմորթի, ձմեռվա սուջուխ- բաստուրմա կսարքի, կուտի: Այդպես կհասնենք մարդակերության հատակը ու մի գուցե հատակից հրվելով կբարցանանք ջրի երես:
Ու բացի դա էլ, Չուկ ջան, մի որոշ ժամանակ անց չզարմանաս, եթե ՀԱԿ-ի համար էլ մի լավ էպիտետ գտնված լինի, ինչպես ախք, իդիոտ, դհոլ կամ մյուսների դեպքում է գտնվել:
Ժամանակները, մարդիկ ու վերաբերմունքնեը փոփոխվող սուբստանց են, գետի ջրի պես:
Վերջին խմբագրող՝ Բիձա: 12.01.2010, 19:38:
Բիձա, ամբողջովին անդրադառնալու ժամանակ չունեմ, դրա համար հակիրճ կլինեմ: Ներկա պայմաններում, այն ընթացքը, ինչ-որ կա, ուղղակի անհնար էր, որ ՈՂՋ ժողովուրդը հիմա լիներ ՀԱԿ-ի կողքին: Բայց բոլոր ընտրությունները ու այլ ցուցիչներ ցույց են տալիս, որ ժողովորդի առնվազն 5-10%-ը ՀԱԿ-ի կողքին է, վստահում է: Իսկ դա ուղղակի հրաշալի ցուցիչ է: Դա մի թիվ է, որ երբ թեժացման պահը գա, մնացածին էլ կարող է թեժացնել:
Քայլ առ քայլ՝ դարից դար
Խենթ եմ
Բողոքարկել է «լավ եւ նորմալ» ընտրությունները
Երեւանի 10-րդ ընտրատարածքի 12 ընտրրատեղամասերի արդյունքները վիճարկող դիմումներից այսօր բավարվեց երեքը. վերահաշվարկ իրականացվեց 10/30, 10/07 եւ 10/14 ընտրատեղամասերում: Ի դեպ, վերջինում «Ազգային միաբանություն» կուսակցության անդամ, պատգամավորության թեկնածու Արա Սիմոնյանը պարտվել էր:
Ընտրատարածքային ընտրական հանձնաժողովը (ԸԸՀ) այսօր հենց սկզբում քննեց «Հայկական ժամանակ» օրաթերթի խմբագիր Նիկոլ Փաշինյանի վստահված անձանց ներկայացրած 2 դիմումը թիվ 10/30 եւ 10/07 ընտրատեղամասերի վերաբերյալ: Թիվ 10/07-ի վերահաշվարկի ժամանակ վիճաբանություն տեղի ունեցավ ընտրատեղամասի նախագահ Կարինե Նալբանդյանի եւ Նիկոլ Փաշինյանի վստահված անձ Սամվել Աբրահամյանի միջեւ:
Անվավեր քվեաթերթիկներից Նիկոլ Փաշինյանի օգտին ավելացվեց 1 ձայն, իսկ Արա Սիմոնյանի ձայներից անվավեր ճանաչվեց 3-ը: Տիկին Նալբանդյանը պնդում էր, որ ընտրատեղամասում քվեարկության են դրել այդ քվեաթերթիկները եւ վավեր ճանաչել:
Նիկոլ Փաշինյանի վստահված անձ Սամվել Աբրահամյանը վերահաշվարկի հետ կապված նշեց, որ իր կարծիքով` կային 2 անվավեր ճանաչված քվեաթերթիկներ, որոնք ակնհայտորեն պետք է Նիկոլ Փաշինյանի օգտին դրվեին:
«Ես համոզված եմ դրանում, սակայն ԸԸՀ նախագահը չուզեց նորից անդրադառնալ այդ հարցին, որով հավանական էր, որ Փաշինյանի ձայները եւս 2-ով ավելանային»,- «Ա1+»-ի հետ զրույցում վստահեցրեց նա:
Այնուհետեւ` ԸԸՀ-ն անդրադարձավ Արա Սիմոնյանի դիմումներին: Ի դեպ, այսօր նա անձամբ էր եկել ընտրատարածք, սակայն կարճ ժամանակ անց հեռացավ` իր փոխարեն թողնելով լիազոր ներկայացուցչին: Լրագրողների հետ զրույցում Արա Սիմոնյանն ընտրությունները գնահատեց շատ լավ եւ նորմալ: Ինչ վերաբերում է տեղի ունեցած միջադեպերին, ապա դրան, ըստ նրա, դեռ ամփոփ կանդրադառնան, սակայն. «Այն հավաքույթը, որ ընդդիմություն եք համարում, ընդհանրապես այնպիսի գործելակերպ է որդեգրել, որն իմ կողմից համենայնդեպս ընդունելի չէ: Սադրանքների ու աղմկելու ամբողջ զինանոցը գործել է»:
Կոնկրետ 10/14 ընտրատեղամասի վերաբերյալ նրա դիմում-բողոքը պայմանավորված էր նրանով, որ. «Մեր էկզիթ պոլով այս ընտրատեղամասերում պետք է ավելի շատ ձայներ ունենայինք»: Վերահաշվարկի արդյունքում ամեն ինչ նույնը մնաց, բացի Արա Սիմոնյանի ձայների քանակից: Դրանք բազմակի հաշվելուց հետո էլ 10/14-ի ընտրատեղամասի հանձնաժողովի կողմից արձանագրված 101-ի փոխարեն, 104-ն էին: Սա ընտրատեղամասի նախագահ Հակոբ Ապոյանի համար տարօրինակ էր. «Ես չեմ հասկանում, թե այս ինչպե՞ս հաշվեցին. իրականում ընտրողները 245 էին, սակայն վերահաշվարկի արդյունքում դրանք ուրեմն դարձան 248»: «Թե ելունդները, թե քվեաթերթիկները, թե ծրարները, թե մատյանների տվյալները 101 են. այդ 3 ձայնը ոչ մի բացատրություն չունի: Կարելի էր նորից հաշվել, միգուցե սխալ հաշվեցին»,- ավելացրեց նախագահի տեղակալ Գոհար Դավթյանը:
Վաղը վերահաշվարկը կշարունակվի: Իսկ աշխատանքային օրվա ավարտին
«Ժառանգություն» կուսկացության անդամ Կարեն Թովմասյանը թիվ 10/34 ընտրատեղամասի վերաբերյալ ԸԸՀ-ին ներկայացրեց հատուկ կարծիք:
Քիչ են կեղծել, բողոքարկել էին, որ վերահաշվարկ լիներ, միքիչ էլ կեղծեին, հավեսները հանեին:
Վերջին խմբագրող՝ Kuk: 12.01.2010, 22:04:
Ճամփաները բոլոր դեպի մահ են տանում…
...«Ոստիկաններն էին խուժանի կողքին»
«Հունվարի 10-ին թիվ 10 ընտրատարածքում մեծամասնական ընտրակարգով տեղի ունեցած ընտրությունը ընտրության քողի տակ իրականացված մանդատագողություն էր»,-այս կարծիքին է ԿԸՀ անդամ Զոյա Թադեւոսյանը:
Նա այսօր պատմեց այն բոլոր կեղծարարությունների մասին, որոնց անձամբ ականատես է եղել թիվ 10/19 եվ 10/15 ընտրական տեղամասերում: Ըստ նրա` պատգամավորության թեկնածու Արա Սիմոնյանի աջակիցները գործադրել են ընտրակեղծիքների տարբեր հնարքներ:
«Այն, որ ընտրացուցակները տարան` նկատեցինք, բայց ինչպես 200 քվեաթերթիկ հայտնվեց արկղի մեջ, դա չենք կարողանում հիշել: Այն դեպքում, երբ 10-15 դիտորդ, վստահված անձիք, լրագրողներ կանգնած էին այդտեղ: Բացի այդ կարծում եմ, որ այն որ հանձնաժողովի նախագահը իրեն իրավունք է վերապահում մեկ ու կես ժամ փակել տեղամասի դռները, վեր է ամեն ինչից: Ըստ իս, նրան պետք է ենթարկել քրեական պատասխանատվության»,-ասաց Զոյա Թադեւոսյանը:
Նրա խոսքով, սակայն, իրենք երեւույթի դեմ պայքարել չեն կարողանում, քանի որ իշխանական ռեսուրսները շատ են, բռնարարք գործողների կողքին էլ կանգնած են իրավապահները:
«Եթե ոստիկանությունը կանգնած է խուժանի կողքին` ոչինչ անել չես կարող: Ամեն դիտողություն ուղեկցվում է համապատասխան անձի ծեծ ու ջարդով, որոնց օգնում են ոստիկանները: Բացի այդ տեղամասային ընտրական հանձնաժողովներում ներգրավված է ութ անդամ, նրանցից յոթը դուրս են գալիս մեկի դեմ եւ եթե անօրինական որեւէ գործողություն է տեղի ունենում` դնում են քվեարկության եւ արդյունքում անօրինականությունը դառնում է օրինականություն»,-ասաց Զոյա Թադեւոսյանը:
Վերջին խմբագրող՝ Kuk: 12.01.2010, 22:05:
Ճամփաները բոլոր դեպի մահ են տանում…
Ոչ, Արթ ջան, բողոքարկել են, որպեսզի ՀԱԿ-ի բողոքներին հերթ չհասնի
Քայլ առ քայլ՝ դարից դար
Խենթ եմ
Չուկ, արի վերամբարձ խոսքեր չասենք, չլղոզենք իրավիճակը ու հստակեցնենք թեման։ Կան քաղաքական ուժեր, և կա ժողովուրդ։ Ժողովուրդը քաղաքական սուբյեկտ չի, ժողովուրդն ինքը քաղաքականության օբյեկտ է։ Ժողովդրին ուղղորդում են քաղաքական ուժերը որոնք կարող են լինել իշխանություն, և կարող են լինել ընդդիմություն։ Հիմա կոնկրետ այն քաղաքական ուժը, որն հռչակված է որպես ընդդիմություն, ժողովդրին ուղղորդելու հարցում ձախողվել է, որովհետև ժողովուրդը չի կատարել նրա առաջարկությունը, այն է՝ հնարավորինս ակտիվ մասնակցել ընտրություններին։ Եվ սա առաջին անգամը չի։ Սա ուղղակիորեն, պարզապես նշանակում է, ժողովուրդը հավատ չունի սույն քաղաքական ուժի նկատմամբ։ Այսինքն սույն քաղաքական ուժը որպես քաղաքական սուբյեկտ դադարում է գոյություն ունենալուց, մնացածը լոլոներ են։
Իսկ ՀԱԿ–ի նկատմամբ հավատի անկման պատճառները կրկին շատ պարզ պատճառներ են, դրանք են՝ սուտը և դեմագոգիան։ Օրինակնե՞ր, խնդրեմ, թարմ օրինակ՝
Այսինքն ՀԱԿ–ը «շատ լավ իմանալով», որ ընտրություններում արդյունքի չի հասնելու, հերթական անգամ ժողովդրին մղում է հիասթափության, որի անունը դնելու է «պայքարի բացառիկ հնարավորություն» ակամա խոստովանելով, որ իր միակ հնարավորությունը հերթական ընտրություններին աժիոտաժ ստեղծելն է։ Սա է պայքարը։ՀԱԿ-Ը ՉԻ ՀԱՎԱՏԱՑԵԼ ՆԻԿՈԼԻ ՀԱՂԹԱՆԱԿԻՆ
Հայ ազգային կոնգրեսի համակարգող Լեւոն Զուրաբյանն ու Նիկոլ Փաշինյանի ընտրական շտաբի պետ Դավիթ Մաթեւոսյանը հունվարի 12-ին հանդիպելով լրագրողների հետ, հայտնվել են նրանց հարցերի տեղատարափի տակ, որոնք առաջացել են Լեւոն Զուրաբյանի հայտարարությունից հետո: Իսկ հայտարարությունը վերաբերել է նրան, որ Կենտրոնական Ընտրական հանձնաժողովը պետք է թիվ 10 տընտրատարածքում, ուր առաջադրվել էր նաեւ Նիկոլ Փաշինյանը, պատգամավորի ընտրությունը նշանակեր ոչ թե հունվարի 10-ին, ինչպես եղավ, այլ ամենաուշը դեկտեմբերի 20-ին, քանի որ այդպես է պահանջվում օրենքով:
Լրագրողները Լեւոն Զուրաբյանին հարցրել են, թե ինչու այդ մասին չէր հայտարարվում վաղօրոք: Ինչու սպասեց կոնգրեսը, որ ընտրությունը անցներ, նոր հետո հայտարարվեր դրա ժամկետի անօրինական լինելու մասին: Լրագրողները իրար հերթ չտալով սկսել են այդ մասին հարցեր տեղալ Լեւոն Զուրաբյանին եւ Նիկոլ Փաշինյանի ընտրական շտաբի պետ Դավիթ Մաթեւոսյանին, որոնց տված պատասխանները մեղմ ասած կարծես թե չեն բավարարել լրագրողներին, եւ Լեւոն Զուրաբյանը ի վերջո հայտարարել է, թե ֆորմատն ասուլիսային է եւ ենթադրում է ոչ թե բանավեճ, այլ հարց եւ պատասխան, անկախ նրանից, թե ինչքանով է պատասխանը գոհացնում լրագրողին:
Իսկ պատասխանները եղել են բավական հետաքրքրական: Օրինակ, Լեւոն Զուրաբյանը հայտարարել է, թե իրենք սկզբում զբաղված էին Նիկոլ Փաշինյանի գրանցման հարցով, ինչի համար շատ մեծ ջանք են թափել: Հետո նա հայտարարել է, որ այդ անօրինականության մասին վաղoրոք բարձրաձայնելով չէին փոխի ոչինչ, փոխարենն այժմ ունեն ընտրությունը բողոքարկելու ծանրակշիռ հիմք: Բայց լրագրողները հարցրել են, թե միթե այդքան բռնությունների եւ կեղծիքների առկայությունը, որ տեղի են ունեցել ընտրության օրը, ընտրությունը բողոքարկելու բավարար հիմք չէին: “Մենք ոչինչ չենք պահել: Մենք հիմա արձանագրում ենք խախտումները եւ սա էլ որպես առանցքային խախտում”, ասում է Լեւոն Զուրաբյանը ի պատասխան ճշտող հարցի, թե արդյոք առկա անօրինականությունը պահել էին ընտրությունից հետո որպես խաղաքարտ:
Լրագրողները հարցրել են, թե իսկ եթե ընտրության անօրինական օրը այդուհանդերձ հաղթեր Նիկոլ Փաշինյանը, ապա այդ դեպքում ինչ էր անելու կոնգրեսը: Լեւոն Զուրաբյանը ասել է, թե անօրինականությունը իշխանությունը իրենց դեմ է գործել եւ իրենք չպիտի մտածեին, որ եթե անօրինականություն են իրենց դեմ գործել, ուրեմն չպետք է վերցնել մանդատը: Իր հերթին, բավական հետաքրքրական եւ անկեղծ պատասխան է տվել ընտրական շտաբի պետ Դավիթ Մաթեւոսյանը: Նա ասել է, թե խոսքն իրենց համար “պայքարի բացառիկ հնարավորության, ոչ թե ընտրության մասին է”, քանի որ ընտրությունը ընտրություն չէ, եթե ազատ չէ: “Ինչ վերաբերում է եթե Նիկոլը ընտրվեր, մենք շատ լավ գիտեինք, որ Նիկոլը չի ընտրվելու”, ասում է Դավիթ Մաթեւոսյանը:
Նրա եւ Լեւոն Զուրաբյանի խոսքով, եթե իրենք իրենց 10 հազար համակիր մոբիլիզացնեին քվերկությանը, ապա իշխանությունն իր թեկնածուի օգտին բերելու էր 15 հազար քվեարկող, եթե իրենք մոբիլիզացնեին 45 հազար, կամ ընտրատարածքի ամբողջ 55 861 ընտրողներին, միեւնույն է, իշխանությունն էլի կեղծիքի միջոցով իր քանակն էր ապահովելու: “Մենք գտնվում ենք կեղծիքի դաշտում, ինչ ուզում են անում են: Մենք սրա դեմ է, որ պայքարում ենք”, հայտարարել է Լեւոն Զուրաբյանը:
Դավիթ Մթեւոսյանի խոսքով, իրենք ապահովել են 5 հազար ազատ քաղաքացիների մասնակցություն, իսկ իշխանությունը բերել է 7 հազար քվեարկողներ: Ըստ Մաթեւոսյանի, դա է խնդիրը եւ դա ազատ ընտրություն չէ: Նա բերել է մի տատիկի օրինակ, որը մտել է տեղամաս եւ ասել, թե աչքերը լավ չի տեսնում եւ որեւէ մեկը թող օգնի իրեն, որ ինքը քվեարկի Գագիկ Բեգլարյանի օգտին: Գագիկ Բեգլարյանը չի եղել թիվ 10-ում քվեարկվող թեկնածու: Դավիթ Մաթեւսյանն ասում է, որ այդ տատիկը եւ նման հազարավոր ընտրողներ բերվել են տեղամաս, իսկ ազատ ընտրողներին թաղերում ահաբեկել են, որ նրանք ընտրությանը չմասնակցեն: Մաթեւոսյանն ասում է, որ ընտրարշավի ժամանակ մոտ 10 հազար ընտանիք են մտել եւ այդ քաղաքացիները հավաստիացրել են, որ գնալու են քվեարկության, բայց իրականությունն այլ է ստացվել, որովհետեւ մարդկանց ահաբեկել են:
“Մասնակցելով գործընթացին, մենք վստահ ենք, որ էներգիա է կուտակվում, եւ այդ էներգիան մի օր պարպվելու է”, ասում է Դավիթ Մաթեւոսյանը:
Իսկ հարցին, թե այդուհանդերձ, Նիկոլ Փաշինյանը հաղթելու դեպքում վերցնելո՞ւ էր մանդատը, թե ոչ, Լեւոն Զուրաբյանը պատասխանել է, թե դա Նիկոլի որոշելիքն էր եւ այդ հարցը իրենք չեն քննարկել:
Si vis pacem, para bellum
Վիշապ ձյա, ևս մի անգամ խնդրում եմ, երբ ասում եմ «Տանձ», մի ասեք, որ «մանդարինը կառիչնըվի ա»:
Քո ասած մտքերը հետաքրքիր են, մի մասի հետ համաձայն եմ, մի մասի հետ չէ: Չնայած որ հետաքրքիր են, նորություն չեն, որտև դրանք առնվազն 100 անգամ կրկնել ես նախկինում: Խնդիրը դա չի, խնդիրն էն ա, որ դու մի գրառում էիր արել, հեգնական գրառում, սարկազմով գրառում, որի սարկազմը փաստացի անտեսելով կետ առ կետ պատասխանել էի, իսկ դու իմ պատասխանը թողել գնացել հասել ես եսիմ ուր: Քո գրածը իմ գրածի հետ բացարձակապես ոչ մի աղերս չունի: Եթե կոնկրետ իմ գրածին արձագանքելու բան չունես կամ լռի, կամ էլ գրածս մի մեջ բեր, որ իբր դրա արձագանք ա, բայց լրիվ ուրիշ բաներից խոսի:
Ինչ վերաբերվում է ՀԱԿ-ի նկատմամբ էս պահին ժողովրդի անվստահությունից, ապա հա, մեր ժողովուրդն էնքան թույլ ժողովուրդ ա, որ շատ արագ հիասթափվում ա: Չէ, ապեր, չեմ ասում, որ պիտի ՀԱԿ-ին հավատար: ՀԱԿ-ը եթե սխալ ա վարվել,ապա պիտի ՀԱԿ-ից հիասթափվեր: Բայց երբ էդ ժողովուրդն ինքն իրան հասցնում ա էն վիճակին, որ հիասթափվում ա ոչ թե կոնկրետ ՀԱԿ-ից, այլ բացարձակապես ամեն ինչից, դա հենց իր թուլությունն է: Մեր այսպես կոչված հավաքական ժողովուրդը տենց էլ չսովորեց որդեգրել պայքարի ոգին, չկարողացավ Նիկոլի «1+» կարգախոսի կամ համարժեք այլ կարգախոսի կրողը դառնալ, ինքը շարունակեց մնալ համակերպվող ու լռող, ովքեր հազվադեպ պահերի, երբ իրանց հանկարծ թվում ա, որ մեկ, երկու ու հարցեր ա լուծվելու, կոգևորվի ու ոտի կկանգնի, իսկ առաջին իսկ անհաջողությունից հուսահատված տեղը կնստի: Սա ժողովրդի հավաքական կերպարը: Անշուշտ ՀԱԿ-ն ունի իր թերացումները, որ չի կարողացել էս ժողովրդին իր նկատմամբ հավատ ներշնչել, նրանց պայքարի ոգի տալ և այլն: Անշուշտ ունի: Սակայն ես մի անգամ չի, որ հիմնավորել եմ, որ ստեղծված պայմաններում (մարտի 1-ի ջարդ, հարյուրից ավելի քաղբանտարկյալ, հազարավոր հալածվող ընտանիքներ, ոստիկանական ու հարկային տեռոր և այլն) ՀԱԿ-ն իր դրսևորեց ուղղակի հրաշալի. ես դժվարությամբ եմ պատկերացնում, որ որևէ այլ ուժ այս պայմաններում դիմանար, գոյատևեր, այն էլ՝ պահպանելով համախոհների լայն բանակ: Դու այս կետը միշտ շրջանցում ես, ինտուիտիվ, որովհետև ես գիտեմ, քո ճարպիկ լեզուն սրան կարող է պատասխաններ գտնել, բայց դրանք կլինեն կառուցված, այլ ոչ թե իրական պատասխաններ:
Բայց ես սրա մասին չէինք խոսում:
Խոսում էինք նրա մասին, որ ՀԱԿ-ն իր առջև խնդիր է դրել ու դեռևս իր ուղուց չի շեղվել: Նրա ընտրած մարտավարությունը կարող է դուր գալ կամ չգալ, հասկացվել կամ չհասկացվել: Բայց առնվազն ստած կլինես, եթե ասես, որ մի օր իր առջև դրած խնդրից շեղվել է, այլ խնդիր է փորձել լուծել: Խոսում էինք նրա մասին, որ ճիշտ է հավաքական ժողովուրդը այս պահին ՀԱԿ-ի հետ չի, բայց կա կուռ ու բավական մեծ մի կորիզ, որը նրա հետ է: Հայաստանի չափի երկրում դա ահագին մեծ ուժ է, դա էն ա, ինչը հիմք ա տալիս հետագայում, պետքական պահին, շատ ավելի ընդլայնվելու, մեծանալու: Կարող եմ ավելացնել նաև, որ թեև հավաքական ժողովուրդը ՀԱԿ-ի հետ չի, բայց ՀԱԿ-ին համակրող (ոչ թե կողմնակիցները) քաղաքացիները եթե անգամ գերակշիռ մեծամասնություն չեն, ապա շատ ավելին են, քան որևէ այլ ուժի՝ վերջին 15 տարիների ընթացքում: Իսկ սա նոր երևույթ է, որը հույսեր է ներշնչում:
Եթե ուզում ես ասես, որ ՀԱԿ-ը սխալներ է արել, ապա հարկավ: Իհարկե արել է: Էդ էր մնում պակաս, որ չաներ: Անհնար է որ չաներ: Բայց եթե ասում ես, որ միայն սխալներ է արել, ապա նվազագույնը ստում ես:
Ինչ վերաբերվում է Նիկոլի ընտրություններին, ապա մի խեղաթյուրիր: Նորից հստակեցնում եմ.
1. ՀԱԿ-ը քաղաքապետական ընտրություններից հետո հայտարարել էր ընտրություններին չմասնակցելու իր որոշման մասին: Երբ եղան պատգամավորական թափուր տեղերի ընտրություններ, ՀԱԿ-ը ոչ մեկին չմասնակցեց: 10-րդ ընտրատարածքում առաջադրվեց Սուրեն Սուրենյանցը, ՀԱԿ-ը հրաժարվեց աջակցել: Ու միայն Նիկոլի առաջադրվելն էր, որ ՀԱԿ-ին ստիպեց փոխել իր որոշումը, որովհետև բարոյականությունը պարտադրում էր աջակցել քաղբանտարկյալ ընկերոջ որոշումը, էլ չասած, որ դա հնարավորություն էր տալու ակտիվացնել ժողովրդի ինչ-որ մասին, ընտրությունը վերածել ակցիայի:
2. ՀԱԿ-ն ի սկզբանե, Նիկոլին պաշտպանելու որոշում կայացնելուն պես հայտարարել է, որ չի հավատում, որ արդար ընտրություն է լինելու ու քանիցս հատուկ նշել է, որ ընտրություններին մասնակցում է զուտ որպես քաղաքական ակցիա, ձայնը բարձրացնելու հնարավորություն: Անշուշտ ՀԱԿ-ն իրենից հասանելիքն արել է նաև հաղթանակ ապահովելու համար, բայց դիրքորոշումը ի սկզբանե եղել է այն, ինչ որ ասում է հիմա, ու դա բարձրաձայնվել է: Պետք չի հիմա այդ փաստերը մոռանալով խեղաթյուրել իրականությունը: Այո՛, այս ընտրությունները, եթե կուզես, աժիոտաժ բարձրացնելու համար էին: Սրանք պայքարի հերթական հանգրվան էին:
Տեսակետը, որ պիտի ընտրությունները բոյկոտվեին, իմ համար ընդունելի են:
Բայց որքան էլ որ ընդունելի են, դրանք էլ արդյունք ապահովող չեն:
Տրիբունն էջեր առաջ գրում էր, որ ՀԱԿ-ը դեռ չի հասկացել, որ ընտրությունները պետք է բոյկոտել, իսկ ժողովուրդը հասկացել է ու դա լավ է: Այդ թեզը կատարյալ հեքիաթ է. խնդիրն այն է, որ ընտրություններին չմասնակցողները չեն շարժվել այն քաղաքացիական գիտակցությամբ, որ պետք է բոյկոտել ընտրությունը, այլ ընդամենը հիասթափված են եղել, հույս չեն կապել: Այդ երկու հասկացությունները, բոյկոտելու հնարավորությունն ու հիասթփված լինելու պատճառով չմասնակցելը, իրարից էապես տարբերվող արժեքային համակարգերի գործոններ են, իրար հետ որևէ աղերս ունենալ չեն կարող:
Բոյկոտելը հրաշալի մեխանիզմ է քաղաքակիրթ երկրներում: Մեր մոտ ոչ մի արդյունք այն չի բերելու: Ցավոք:
Վկան Բանգլադեշտ ու Հրազդանի պատգամավորական ընտրությունները: Երկուսում էլ կային մեկական թեկնածու: Սասուն Միքայելյանը, ում գիտեք, Հրազդանում հարգում են, ընտրությունից առաջ կոչ արեց, որի իմաստն էր չմասնակցել ընտրությանը: Ու չնայած դրան տեղի ունեցան արդար ու թափանցիկ ընտրություններ, որևէ խախտում չարձանագրվեց, ամեն ինչ հալած կարագի պես գնաց: Դե հիմա համեմատեք դա այս ընտրությունների հետ, երբ փաստացի ապացուցվեց, որ ոչ մի բան էլ մեր երկրում նորմալ չի, երբ օրեր շարունակ քննարկման հիմնական թեման սա է, քաղաքական դաշտի ամենահուզող խնդիրը սա է: Սրանցից ո՞րն էր ավելի արդյունավետ: Ցանկացած բոյկոտված ընտրությանը կմասնակցեն մեծ քանակով «քաղաքացիներ», թեկնածուների մեջ նաև «ընդդիմադիրներ» կլինեն, ընտրությունները կանցնեն խաղաղ ու հանգիստ, քաղաքական դաշտը կշարունակի բռնաբարվել ու... ոչ մի բարձրաձայնում: Մենակ էսպիսի մասնակցությունն է, ընտրությունը քաղաքական ակցիայի վերածելն է, որ թույլատրում է աշխուժություն ու ակտիվություն մտցնել, ինչը ցանկացած քաղաքական պայքարի կարևոր բաղադրիչ է:
Կրկնում եմ. ինձ հոգեհարազատ է ընտրությունները բոյկոտելու սցենարը: Բայց եթե բոյկոտելը օգուտ չի տալու, այն դառնում է անիմաստագույն բան:
Քայլ առ քայլ՝ դարից դար
Խենթ եմ
Չուկ, այ այսքանը բավարար է, որ մնացած գրածդ չկարդամ (սա քո ոճով)։ Քաղաքական տեխնոլոգիաների մասին լեկցիա էլ չկարդամ, ինքս դրա մասնագետը չեմ։ Ինձ թվում է դու քաղաքականությունը կրոնի հետ ես խառնում։
Si vis pacem, para bellum
Չէ որ ես խնդրեցի, որ երբ ասում եմ «Տանձ», չասել թե «մանդարինը կառիչնըվի ա», որովհետև.
ա) թեման տանձն է, ոչ թե մանդարինը,
բ) մանդարինը կառիչնըվի չի:
Քո հիմնական «թերությունն» այն է, որ դու մի անգամ եկածդ եզրահանգումից այն կողմ նայելու կամք չունես:
Քայլ առ քայլ՝ դարից դար
Խենթ եմ
Եկեք կուժն ու կուլան ժողովրդի գլխին չջարդենք հա? Էդ ժողովուրդը 88-ին լաաաավ էլ պայքարում էր: Ու չսկսենք հիշել, թե ժողովրդի հավատը երբա կոտրվել, ինչիա կոտրվել, ինչի չի վերականգնվում և այլն:
Երբեք չեմ հանդիպել կատվի, որին հետաքրքրեր մկների կարծիքն իր մասին:
Ժողովրդի գլխին ոչ կուժ է ջարդվել, ոչ էլ կուլա:
Ժողովուրդը 88-ին շարժվել ա ճիշտ իմ ասած սցենարով: Մենք սիրում ենք հաղթանակներից հետո թուլանալ ու չշարունակել: Արդյունքում ունենք էն, ինչ ունենք:
Իսկ ընդհանրապես էսօրվա որակական հիմնական հատկանիշը, որն ունի ժողովուրդը, Սասունցի Դավթին սպասելն է, որին կռվի գնալուց իսկի չի ճանապարհելու:
հ.գ. Գրեթե համոզված եմ, որ գրառումս չես կարդացել: Հակառակ դեպքում գրառմանդ տրամաբանական գոյությունն իմ համար անհասկանալի ա:
Քայլ առ քայլ՝ դարից դար
Խենթ եմ
Այս պահին թեմայում են 2 հոգի. (0 անդամ և 2 հյուր)
Ձեր իրավունքները բաժնում
Մեջբերել
Էջանիշներ