Linux Ubuntu

[ars83]

Լինուքսի այս տարբերակը շատ են գովում, ասում են ամեն ինչ հարմարեցված է օգտագործողի աշխատանքը հեշտացնելու համար:

Չեն խաբում։

Օգտվող կա,

Իհարկե. Ubuntu Netbook Remix 9.04` Dell Inspiron 1525 լապտոպի վրա։

ի՞նչ կարծիքի եք:

Բարձր։ Wireless-ի և Sound–ի կոնֆիգուրացումը ավտոմատ, շատ հեշտ (ի տարբերություն, օրինակ, RH Fedora-ից): Audio/Video Codec-ների հարուստ հավաքածու՝ տեղադրումը ցանցի միջոցով, առանց դժվորությունների (Totem (default), Mplayer, VLC և այլ փլեյերների համար)։ Ծրագրավորման լեզուների հարուստ ընտրանի (Assember–ից մինչև Java): Բրաուզերների հարուստ ընտրանի (Mozilla FF, Seamonkey, Opera, Konqueror): Անվտանգության գործիքներ և ծրագրեր (openssl, gpg):
Վեբ և մեյլ սերվերներ, կլիենտներ (Apache, Postfix, Mozilla Thinderbird...): Տարբեր տվյալների բազաներ (mysql, msql, postgresql, ldap, BDB):
Ճկուն, փոփոխելի ինտերֆեյսներ և ծրագրեր։

Ու ընդհանրապես Լինուքսը որպես Windows-ի ռեալ այլընտրանք:

Windows-ից ինձ պետք է գալիս միայն MS Office Word-ը, երբեմն՝ MS Offlice Power Point-ը, հազվադեպ՝ MS Office Excel–ը։
Համապատասխան ծրագրերը Linux-ում (Open Office փաթեթ) երբեմն խնդիրներ են ունենում MS Office 2007-ի օգնությամբ սարքած ֆայլերի հետ։ Մնացած դեպքերում Windows–ն ինձ համար անհարմար, դանդաղաշարժ, ծախսատար, անպաշտպան, պրոբլեմատիկ ՕՀ է։

Նշեմ, իհարկե, որ ես խաղեր չեմ խաղում Ubuntu-ի վրա, սակայն, տեսականորեն, Windows-ի ցանկացած .exe կարելի է աշխատեցնել Linux-ի տակ wine–ի օգնությամբ (չեմ փորձել)։ Linux-ն ունի նաև հարուստ վիրտուալացման մեխանիզմներ և ծրագրեր (կարելի է վիրտուլ մեքենա տեղադրել Linux-ի տակ, որի մեջ աշխատի, օրինակ, Windows–ը)՝ Xen, VMware, Virtual Box, և այլն։