User Tag List

Էջ 3 3-ից ԱռաջինԱռաջին 123
Ցույց են տրվում 31 համարից մինչև 41 համարի արդյունքները՝ ընդհանուր 41 հատից

Թեմա: Արտաշես Յավրյան

  1. #31
    Սկսնակ անդամ
    Գրանցման ամսաթիվ
    13.11.2009
    Գրառումներ
    25
    Mentioned
    0 Post(s)
    Tagged
    0 Thread(s)

    Պատ. Արտաշես Յավրյան

    Մեջբերում CactuSoul-ի խոսքերից Նայել գրառումը


    Մի քանի քառյակ կարդացի ու մի երկու մի քիչ երկար բանաստեղծություն…
    Ինչու չկարդացի բոլո՞րը: - Մի տեսակ նեղվեցի, ինչ-որ հին զգացողություններ արթնացան մեջս… Որովհետև փոքր ժամանակ՝ երկրորդ-երրորդ դասարաններում, ես էլ էի այս տիպի/ոճի բաներ գրում: Մի քանի տարի անց սկսեցի ամաչել, որ այդ տարիքում կարող էի այդքան պարզունակ ու սովորական բաներ գրել հերիք չի, մի հատ էլ պահել-պահպանել: Վերցրի ու… վերացրեցի էդ տետրը: Մայրս ասում էր, որ չանեմ, որ «հետո փոշմանելու եմ»… Բայց այսօրվա զգացածիցս հասկացա, որ ընդհակառակը
    Մայրիկին պետք է լսել... այսօր գոնե կհամեմատեիր և ևս մի անգամ կհամոզվեիր , որ .... ճիշտ ես արել , որ վերացրել ես, որովհետև քառյակ գրելը աշակերտի գործ չէ: Դրա համար կյանքի փորձ է պետք...Ուսումնասիրիր մեր դասական քառյակները ... նրանցից որն էլ վերցնես , թվում է , թե պարզ բաներ են ասում,թվում է , թե ինչ կա որ հեշտ է գրել... բայց այդպես չէ...Սրանք դասական ոճի քառյակներ են ...
    իսկ ինչ վերաբերում է Սասնա Ծռերին՝ ես այսօր էլ մի քանի հատված կարդացի բլոգում՝ իրոք հաջողված աշխատանք է երևում:

  2. Գրառմանը 2 հոգի շնորհակալություն են հայտնել.

    gayan-ori (02.12.2009), Sphinx (12.12.2009)

  3. #32
    Սկսնակ անդամ
    Գրանցման ամսաթիվ
    11.10.2009
    Գրառումներ
    36
    Mentioned
    0 Post(s)
    Tagged
    0 Thread(s)

    Պատ. Արտաշես Յավրյան

    Մեջբերում lusattik-ի խոսքերից Նայել գրառումը
    Ուսումնասիրիր մեր դասական քառյակները ... նրանցից որն էլ վերցնես , թվում է , թե պարզ բաներ են ասում,թվում է , թե ինչ կա որ հեշտ է գրել... բայց այդպես չէ...Սրանք դասական ոճի քառյակներ են ...
    Իհարկե, ես լիովին համաձայն եմ Ձեզ հետ, քառյակն ունի իր ժանրային առանձնահատկությունները և ենթադրում է ընթերցման և ընկալման իր կանոնները: Նմանապես, կարդալով արևելյան դասական պոեզիայի մանրապատում նմուշները՝թվում են չափազանց պրիմիտիվ՝ եթե նախապես ծանոթ չես նրանց ժանրային առանձնահատկություններին , փիլիսոփայությանը:

    Քառյակների վերաբերյալ իր ընթերցողներին փայլուն պատասխան է տվել Հովհ. Թումանյանը, որի խոսքն այսօր էլ խիստ օգտակար է և որից հետո որևէ բան ավելացնելն ուղղակի ավելորդ է .
    Քառյակները հասուն շրջանի արդյունք են` իմաստության, վեհության...
    Քառյակը պոեզիայի մինիատյուրն է, նուրբ ճաշակի բան։ Քառյակները պետք է կարդալ հանգիստ ու ծանր և ամեն մարդ չի կարող հասկանալ, գնահատել։ Մարդիկ կան, որ քառյակները ոտանավորի նման են կարդում. պարզ տեսնում ես, որ չի հասկանում թե ինչ բան է քառյակը...
    Վերջին խմբագրող՝ Chuk: 02.12.2009, 20:47: Պատճառ: Ավելորդ գունավորման վերացում

  4. Գրառմանը 2 հոգի շնորհակալություն են հայտնել.

    Sphinx (12.12.2009), Հենրիկ Բաբաջանյան (10.12.2009)

  5. #33
    Սկսնակ անդամ
    Գրանցման ամսաթիվ
    11.10.2009
    Գրառումներ
    36
    Mentioned
    0 Post(s)
    Tagged
    0 Thread(s)

    Պատ. Արտաշես Յավրյան

    «ՍԱՍՆԱ ԴՅՈՒՑԱԶՈՒՆՔ»

    Հատվածներ պոեմից



    Հատվածներ «Առյուծաձև Մհեր» ենթապոեմից

    մաս առաջին

    -1-

    Լուրը Մսրա երկիր հասավ,
    Որ էլ չկա քաջ Սանասար.
    Մսրա տերեր՝ անկուշտ դևեր,
    Զորք շարժեցին Սասունն ի վեր,
    Մորեխի պես շուրջը կալան,
    Քաղաքն արին առ ու թալան,
    Պայման դրին ուժով ահի,
    Որ հարկ տի տան Մսրա գահին.
    - Տարին քառսուն անծին երինջ,
    'Քառսուն գութան, խոփ ու ձևիչ,
    Տարին քառսուն ոչխար ու այծ,
    Տարին քառսուն կով նոր ծնած,
    Տարին քառսուն շարմաղ աղջիկ
    (Կեսը՝ երկար, կեսը՝ կարճիկ),
    Քառսուն կնիկ խորոտ ու խաս,
    Քառսուն նժույգ արագավազ,
    Քառսուն կոտ էլ արծաթ- ոսկի,
    Հոժար կամքով, առանց խոսքի...
    Զորքն իր ավարով ետ քաշվեց գնաց,
    Սասունն այդ օրից Հարկատու մնաց:


    -2-

    Նստել են ջոջանց իրիկնահացի,
    Խոսում են տաք- տաք, խոսում մտացիր,
    Թե ում հույս դնեն , ոնց կառավարեն,
    Որ կրակի մեջ նորից չվառվեն:
    Քեռի Թորոսն էլ նստել է մթնած,
    Անխոս, անհամբեր լսում է նրանց:
    -Դու ես , Վերգո ջան, ախպերը մեր մեծ,
    Ասաց Օհանը, ծնկերը շփեց,-
    Մեր հերը գնաց, դու ես մեծը տան,
    Դու գլխավորի ամեն գործ ու բան:
    Անգլուխ՝ օջախն ու երկիրն՝ անտեր,
    Քամի կբռնե, հիմեն կքանդե:
    Վերգոն վախեցած գլուխն օրորեց.
    -Չէ, Օհան,- ասավ,- երեկ փորձ արի
    Վեր առնել գուրզը հայր Սանասարի,
    Ճողվա-խճողվա ծանրության զոռից,
    Առքս վախեցավ, որ փորձեմ նորից:
    Մարդ, որ չկարա վեր առնի հոր զենք,
    Ո՞նց պահի երկիր... լավ է՝ չխոսենք...
    Ինձնից վազն արի,
    Դու' կառավարի...
    Վերգոյի խոսքից նեղվեց Օհանը.
    -Ախպեր ջան, ասավ, մեղք չանես հոգուդ,
    Ինձ հո լավ գիտի Սասնա ժողովուրդ.
    Իմ շնորհքն էն է, որ գոռամ թեթև՝
    Ձենս կթնդա յոթ սարի ետև,
    Դա ի՞նչ բան է որ
    Դառնամ թագավոր,
    Մհերն է մեր մեջ կարգին հունարով,
    Էն էլ պստիկ է, ափսո'ս, չի կարող...
    -Բա ու՞մ փեշ բռնենք, ու՞մ անունը տանք,-
    Հառաչեց Վերգոն, ընկավ մտքի տակ,
    Քեռին, որ հանդից եկել բեզարած,
    Ականջը կախել, լսում էր նրանց,
    Էլ չհամբերեց
    ՈՒ վրա բերեց.
    Ինձ որ հարցնեք , էս հացը վկա,
    Մեր Դեղձուն-ծամից հարմարը չկա,
    Էն ծանր բեռը նա լավ կտանի,
    Տղամարդ կին է, գլուխ կհանի,
    Կարգին ուժ ունի, խելք ունի նաև,
    Աստված տվել է ու չի խնայել...
    Ջոջանց տղերքի սիրտը տեղն ընկավ,
    Ծուլ ելան տեղից , ձեռ- ձեռի եկան.
    -Վա՜յ քեռի Թորոս, դու մեզ փրկեցիր,
    Էստեղ են ասել՝ կլսեն մեծին,
    Բա էդ բանն իսկի կանցնե՞ր մեր մտքով,
    Ուրախ ձայնեցին Օհանն ու Վերգոն,-
    Թող կառավարե
    Մեր Դեղձուն մարեն,
    Մինչև Մհերը դառնա այր հասուն,
    Պահի, պահպանի մեր տուն, մեր Սասուն:
    Լուսը նոր բացված՝ եկան երեքով,
    Եկան երեքով Դեղձուն-ծամի քով,
    -Մարե ջան, ասին, Սասնա ամեն տուն
    Քո արևովը երդում է ուտում,
    Դու կառավարի մեր ազգ ու ցեղին,
    Մեզ կարգի բերենք, դիմանանք նեղին,
    Մինչև Մհերը դառնա այր հասուն,
    Պահի, պահպանի մեր տուն, մեր Սասուն...
    Էսպես խոսեցին
    Ու համոզեցին:


    -3-

    Դեղձուն- ծամը, թեև սգվոր,
    Սևը պահեց, հագավ նոր շոր,
    Բերեց Քուռկիկ հրեղեն ձին,
    Դրեց վրա թամբ սադափին,
    Կապեց նախշուն, արծաթ գոտին,
    Կապեց մեջին Թուր Կեծակին,
    Առավ գուրզը Սանասարի,
    Աղոթք ասաց՝ լուսն ի բարին,
    Քշեց իր ձին, անցավ սար- ձոր՝
    Աչք ածելու Սասնա բոլոր:
    Գնա՜ց, գնա՜ց մեկ էլ ճամփին,
    Արև օրվա շոգ ու տապին,
    Պահ մի զգաց ջրի ծարավ:
    Մտավ ձորակն ու կանգ առավ՝
    Էն զորավոր, Էն գլգլան
    Կաթնաղբյուրի ակի վրա,
    Իջավ ձիուց, կուշտ-կուշտ խմեց,
    Ծառի հովում պառկեց քնեց:
    Եվ քնի մեջ երազ տեսավ,
    Որ թխպած է Մարությա սար,
    Պղտորվել է Բաթմանա գետ՝
    Գալիս վարար, գոռում է խենթ,
    Չի երևում կամուրջը հին,
    Որ մոտենա, ձիով անցնի:
    Մեկ էլ Քուռկիկն իրենն առնում,
    Թռչում օդով, տուն է դառնում...
    Քնատեղից ելավ նա վեր,
    Տեսավ ինքը շատ է փոխվել.
    Նեղ է արդեն սոլը ոտի,
    Հագի շորը, մեջքի գոտին,
    Ու էնպես է զգում իրան՝
    Ասես փղի ուժ կա վրան:
    - Ի՜նչ հրաշք է աղբյուրն ազնանց,
    Անմահական ջուր է, ասաց
    Ու ձին հեծավ, քշեց Դեղձուն,
    Թեթև սրտով ետ եկավ տուն:
    Երբ Սասունցիք տեսան նրան,
    Հագած- կապած, ձիու վրա,
    Քաղքի վերում,
    Ճամփի ծերում
    Ծափ զարկեցին
    Ու կանչեցին.
    - Քեզ երկար կյա՜նք, երկար արև՜
    Մեր գովական Դեղձուն մարե...


    http://artashesyavryan.blogspot.com/
    Վերջին խմբագրող՝ Chuk: 02.12.2009, 20:46: Պատճառ: Տառաչափի փոքրացում

  6. Գրառմանը 2 հոգի շնորհակալություն են հայտնել.

    lusattik (20.01.2010), Sphinx (12.12.2009)

  7. #34
    Սկսնակ անդամ
    Գրանցման ամսաթիվ
    11.10.2009
    Գրառումներ
    36
    Mentioned
    0 Post(s)
    Tagged
    0 Thread(s)

    Պատ. Արտաշես Յավրյան

    Ես ներողություն եմ խնդրում վրիպակի համար . տպագրվել է Մարությա- պետք է լինի՝ Մարութա:

  8. #35
    Սկսնակ անդամ
    Գրանցման ամսաթիվ
    11.10.2009
    Գրառումներ
    36
    Mentioned
    0 Post(s)
    Tagged
    0 Thread(s)

    Պատ. Արտաշես Յավրյան

    ... և մյուս վրիպակը՝ Կապեց մեջին Թուր Կեծակին պետք է լինի՝ Կապեց մեջքին Թուր Կեծակին ( հ. 3 , տող 6)

  9. #36
    Սկսնակ անդամ
    Գրանցման ամսաթիվ
    13.11.2009
    Գրառումներ
    25
    Mentioned
    0 Post(s)
    Tagged
    0 Thread(s)

    Պատ. Արտաշես Յավրյան

    Ես հենց այս հատվածներն էլ կարդացել էի բլոգում: իհարկե, հասկանում եմ, որ աշխատատար գործ է, բայց ես խորհուրդ կտամ գոնե մի ենթապոեմը ամբողջական կամ գրեթե ամբողջական ներկայացնեք եթե ոչ այստեղ , ապա Յավրյանին նվիրված բլոգում: Կարծում եմ , հետաքրքրվողներ քիչ չեն լինի... մշակումն, իրոք, որակյալ գործ է:

  10. #37
    Սկսնակ անդամ
    Գրանցման ամսաթիվ
    30.11.2009
    Գրառումներ
    52
    Mentioned
    0 Post(s)
    Tagged
    0 Thread(s)

    Պատ. Արտաշես Յավրյան

    Արժե կարդալ, որովհետև թումանյանական ու շիրազյան զուլալություն կա;

  11. Գրառմանը 1 հոգի շնորհակալություն է հայտնել.

    Sphinx (12.12.2009)

  12. #38
    Սկսնակ անդամ
    Գրանցման ամսաթիվ
    22.10.2009
    Գրառումներ
    15
    Mentioned
    0 Post(s)
    Tagged
    0 Thread(s)

    Պատ. Արտաշես Յավրյան

    quote=Մենուա;1873045]Արժե կարդալ, որովհետև թումանյանական ու շիրազյան զուլալություն կա;[/quote]
    Իրոք, արժե կարդալ ,ինձ սրտամոտ են և առակները, և քառյակները .. իսկ Սասնա Դյուցազունքի վերաբերյալ ասեմ, որ, իսկապես, , գոնե մի ճյուղի մշակումը բլոգում արժե ունենալ՝ ամբողջությամբ... միայն վերը նշված վրիպակները ,հարգելի gayan-ori,մի մոռացիր բլոգում ևս ուղղել:

  13. Գրառմանը 1 հոգի շնորհակալություն է հայտնել.

    Sphinx (12.12.2009)

  14. #39
    Սկսնակ անդամ
    Գրանցման ամսաթիվ
    13.11.2009
    Գրառումներ
    25
    Mentioned
    0 Post(s)
    Tagged
    0 Thread(s)
    Այ,մենք ունենք «Սաանա ծռեր» թեման, Իմ կարծիքով այնտեղ Յավրյանի մշակումից էլ հատվածներ կարելի էր զետեղել.

  15. #40
    Սկսնակ անդամ
    Գրանցման ամսաթիվ
    11.10.2009
    Գրառումներ
    36
    Mentioned
    0 Post(s)
    Tagged
    0 Thread(s)
    Մեջբերում lusattik-ի խոսքերից Նայել գրառումը
    Ես հենց այս հատվածներն էլ կարդացել էի բլոգում: իհարկե, հասկանում եմ, որ աշխատատար գործ է, բայց ես խորհուրդ կտամ գոնե մի ենթապոեմը ամբողջական կամ գրեթե ամբողջական ներկայացնեք եթե ոչ այստեղ , ապա Յավրյանին նվիրված բլոգում: Կարծում եմ , հետաքրքրվողներ քիչ չեն լինի... մշակումն, իրոք, որակյալ գործ է:
    «Սասնա Դյուցազունք»պոեմն ամբողջությամբ զետեղված է http://yavryan.blogspot.ru/:Կարող եք այնտեղ ընթերցել:

  16. Գրառմանը 1 հոգի շնորհակալություն է հայտնել.

    lusattik (23.05.2013)

  17. #41
    Սկսնակ անդամ
    Գրանցման ամսաթիվ
    11.10.2009
    Գրառումներ
    36
    Mentioned
    0 Post(s)
    Tagged
    0 Thread(s)
    ՀԱՃՈՅԱԽՈՍԸ ԵՎ ՆՐԱ ՎԿԱՆ
    (առակ)

    -1-

    Հոպոպն աղավնուն
    Հյուր տարավ իր տուն,
    Հյուր տարավ ու մեծ
    Ճաշկերույթ տվեց.
    Առաջին կենաց
    Բաժակի վրա
    Ողջունեց սրտանց
    Գալուստը նրա:
    -Բարով եք եկել, հարգարժան ընկեր,
    Ձեր ազնիվ վարքը, ձեր խաղաղ բարքը
    Օրինակ է միշտ ամեն հոպոպի,
    Ահա թե ինչու, չկա մի թռչուն,
    Որ զգա մեր պես ձեր սիրտն ու հոգին:
    Թող հանդիպումը, այս կերուխումը
    Երկու հավքերիս դաշինքը կոփի...
    -2-
    Այսպես հոպոպը գլուխ էր տանում,
    Իսկ բնի հոտը մարդ էր սպանում:
    Աղավնին անխոս ուզեց դուրս թռչել,
    Դաշտ ու անտառի մաքուր օդ շնչել,
    Հոպոպն այդ զգաց ու տվեց մի հարց.
    - Ափսո՜ս, մեկնում եք, գոնե չե՞ք ասի,
    Ի՞նչ կարծիք ունեք դուք մերոնց մասին:
    Բարի աղավնին այս տհաճ հարցին
    Չէր էլ սպասում, բայց ասաց խոսքեր,
    Որ նման դեպքում հյուրերն են ասում.
    - Ինձ դուր են գալիս ձեր տունն ու տեղը,
    Ձեր համեստ ցեղը...
    Շատ եք հյուրասեր, շատ եք մաքրասեր,
    Ձեր համբավը մեզ վաղուց է հասել...
    -3-
    Դե, հոպոպին էլ այդ էր հարկավոր,
    Շտապեց դիմել հավքերին բոլոր.
    -Ուշադրությու՜ն, ուշադրությու՜ն,
    Հոպոպստանից խոսում է կկուն,
    Աղավնասարից հյուր է իմ տանը
    Մեր ժամանակի մեծ գիտնականը:
    Լսեցեք նրան, տեսեք, թե ինքը
    Ոնց է հասկանում մեր արժանիքը.
    Այն օրից ինչ մենք աշխարհ ենք ընկել,
    Չենք լսել այսքան ճշմարիտ մտքեր:

    http://artashesyavryan.blogspot.ru/

Էջ 3 3-ից ԱռաջինԱռաջին 123

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Համանման թեմաներ

  1. Արտաշես Քալանթարյան
    Հեղինակ՝ Malxas, բաժին` Հայ գրականություն
    Գրառումներ: 26
    Վերջինը: 02.02.2013, 00:59
  2. Արտաշես Գեղամյան: ՀՀ նախագահի թեկնածու
    Հեղինակ՝ Che_Guevara, բաժին` Քաղաքականություն
    Գրառումներ: 13
    Վերջինը: 29.02.2008, 13:22

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •