Սերժ Սարգսյանի ուղևորությունը

[Hay_XY]

Այս մասին չէի կարող չգրել, քանի որ այն, թե ինչպես է տեղի ունեցածը մատուցվում ժողովրդին հեռուստատեսությամբ կամ մամուլով, ամենևին չի համապատասխանում իրականությանը: Իհարկե, իրականությունը յուրաքանչյուրս յուրովի է ընկալում, ըստ որի էլ ձևավորվում են կարծիքներ կամ համոզմունքներ:

Ես կգրեմ իմ կարծիքի մասին:

Ինքս բնակվում եմ Եվրոպայում: Հայաստանում լրագրողներն անհանգստանում են, թե ինչ են գրում եվրոպական թերթերը: Կարծում եմ՝ ոչ միայն լրագրողներին է հետաքրքրում այդ հարցն, այլ՝ բոլորին, ուստի և նրանց պատասխանել եմ, հիմա էլ ձեզ եմ պատասխանում: Կարճ ասեմ՝ չեն գրում: Որովհետև չեն գրել և չեն գրելու: Հայաստանն այլևս բացարձակ չի հետաքրքրում եվրոպական մամուլին: Շատ եվրոպացիներ (մեծամասնությունը) չգիտեն նույնիսկ՝ ինչ է Հայաստանը, ովքեր են հայերը: Ինչու՞: Այ այդ «ինչու»-ն մի հարթության վրա վերլուծելով՝ հնարավոր չէ պատասխան գտնել: Կան շատ արգումենտներ՝ սկսած հասարակությունների տարրական հետաքրքրություններից ու տեղեկացված լինելուց, չվերջացրած քաղաքական, տնտեսական և հակապետական-տնտեսական ու հակաժողովրդավար-տնտեսական շահադիտական կամ ոչ շահադիտական նկատառումներով կատարվող գործողություններով: Թվում է, թե բարդ միտք էր, բայց բարդ են հետևանքներն, իսկ միտքը պարզապես հասկանալ է պետք:

Սերժ Սարգսյանի ուղևորության նպատակն ամենևին Եվրոպային, ԱՄՆ-ին կամ առհասարակ՝ ամբողջ աշխարհին իր՝ «ժողովրդասեր» կամ «ժողովրդավար» լինելու «փաստը» հրամցնելը չէ: Եվս մեկ անգամ կրկնում եմ՝ Եվրոպան ընդհանրապես հետաքրքրված չէ նրա «այցելություններով»: Նա իր ընտրություններից դեռ շատ առաջ, ինչպես նաև՝ ընթացքում ու դրանից հետո «կորցրած» (եթե կարելի է այդպես ասել, քանի որ չեղած բանը չեն կորցնում) հեղինակությունն է արդեն առնվազն 20 ամիս փորձում «վերականգնել»: Այլ կերպ ասած՝ հեղինակություն է փորձում ձեռք բերել, որպեսզի այն ամենն, ինչ ծրագրում է կատարել, չխոչընդոտվի կամ քարկոծվի առաջին հերթին՝ հայաստանաբնակ, և ապա նաև՝ եվրոպաբնակ հայերի կողմից:

«Հ1» (կամ ավելի ճիշտ՝ «Ղ1») հեռուստաընկերությունն արդեն որքան ժամանակ է «ուղեղներ է լվանում»: Որոշ սահմանափակ ուղեղներ լվացվում են, որոշներն էլ՝ ավելի «կեղտոտվում»: Ինչևէ, պատահականություն չէ, որ այդ հեռուստաընկերության (և մնացած այլ «ժողովրդացավըտանեմ» հեռուստաընկերությունների) լրատվական միջոցները հայտնում են, որ նախ-ագահ Սարգսյանին ջերմ-ջերմ ընդունեցին Փարիզում:
Այո, իրոք «ջերմ-ջերմ» ընդունեցին նրան: Պարզապես՝ մի քիչ շատ ջերմ՝ տաքացած, նույնիսկ՝ եռացած ու արդեն գրեթե գոլորշացած վիճակում ընդունեցին նրան, և ոչ թե՝ 90, (ինչպես, եթե կնկատեք՝ հաշվել էին ոմանք, ու նույնիսկ ոչ թե 100, այլ՝ հենց 90՝ 10-ի ճշտությամբ), այլ՝ 2000-3000 տաքարյուն ամբոխ (1000-ի ճշտությամբ՝ դժվար էր հաշվել):

Իսկ Հայաստանում դիտում են «Ղ1» ու կարծիք կազմում (ոմանք), թե ցուցարարների մի «անկապ»՝ փոքր-մոքր բազմություն «պռոստը հավաքված ա էլէ, էլի»: Գումարած դրան՝ հեռուստատեսությամբ կարդում են Փարիզի և այլ երկրների հայ համայնքների «ղեկավարների» կամ «եսիմ ում» նամակները՝ հայաստանաբնակ հայերի մոտ տպավորություն ստեղծելու համար, թե իբր բոլոր սփյուռքահայերի անունից մի քանի անիմաստ ու անշուք դանդալոշներ ընդհանրացված ինչ-որ կարծիք են հայտնում:
Ոչ, ոչ և ոչ: Նման բան չկա: Այնպես որ մի անհանգստացեք, խելացի հայեր: Նման հիպերտոնիկ ու պարոքսիզմալ ելույթներն ամենևին կարևոր չեն. դրանք մի կամ երկու մարդու կամ կենդանու կարծիքներ են, իսկ թե որ մի սահմանափակ ուղեղն այդ կարծիքով լվացվեց՝ ծախսելով այդքան միջոցներ, ուղևորություն և այլն, ոչինչ չի փոխում, քանի որ նման սահմանափակ ուղեղների միգրացիան «տախտակ» հարթությունից «չուգուն» հարթության, ոչ Սերժին է օգուտ տալու և ոչ էլ՝ մեզ վնաս:

Ի՞նչ ասեմ: Բան չկա ասելու էլ: Դուք ասացեք:

[Ambrosine]

Մի քանի տեսակետ ունեմ այս հարցի շուրջ.

1. իր այցելության պատճառը սփյուռքի <<կապերը քաշելն>> էր: Այսինքն՝ նպատակ ուներ անձամբ զրուցել հայ համայնքների /ի դեպ՝ ամենախոշոր համայնքների/ ղեկավարների հետ, որպեսզի հետագա հուզումները <<ճնշվեն>>: 90-ականների սկզբում, երբ կրկին Թուրքիայի հետ բանակցություններ էին ընթանում, Թուրքիայի պահանջներից մեկն էլ սփյուռքի հակաթուրքական գործունեությունը դադարեցնելն էր, բայց մերժվեց: Կարծում եմ, որ այս կետը էլի կա արձանագրությունում... հիմա նորից ուշադիր կկարդամ այն, եթե անգամ չլինի, ապա կամ գաղտնի ջենթլմենական համաձայնություն է կայացվել այս հարցով, կամ էլ բացի հրապարակված արձանագրություններից կա նաև գաղտնի ինչ-որ փաստաթուղթ:

2. Հայաստանի ներսում տարվող քաղաքականության շարունակությունը Սփյուռքում... այսինքն՝ ինչպես այստեղ արհեստականորեն Դաշնակցությունը վեր է ածվել ընդդիմության, նույն կերպ արտասահմանում ընդդիմություն է Սփյուռքը: Սրանով արդեն լայն մասսաներին է ցույց տալիս այն, որ հայերը դեմ են արձանագրությունների ստորագրմանը... և տանել տապալման:

[Հարդ]

Շատ լավ քայլ ա կատարել, ողջունում եմ:

[murmushka]

Շատ լավ քայլ ա կատարել, ողջունում եմ:

ո՞վ, ե՞րբ, ինչ քայլ արեց մենք էլ չիմացանք ողջունեինք

[Ambrosine]

Շատ լավ քայլ ա կատարել, ողջունում եմ:

Հատկապես ո՞ր մասն ա դուրդ եկել: Քո կարծիքով ո՞րն է նպատակը:

[Հարդ]

ո՞վ, ե՞րբ, ինչ քայլ արեց մենք էլ չիմացանք ողջունեինք

Առաջին գրառումը կարդա:

Հատկապես ո՞ր մասն ա դուրդ եկել: Քո կարծիքով ո՞րն է նպատակը:

Մարդն ուզում ա մոտիկից տեսնի սփյուռքի արձագանքը: Մարդիկ, դու միշտ նախագահները քայլերի մեջ ինչ ֆանտազիա ասես չեք դնում, չնայած դրանք հաճախ լինում են պարզ քայլեր, մեդալ, մի կողմով:

[murmushka]

Առաջին գրառումը կարդա:

ինքդ կարդացել ես՞՞՞՞՞՞, լուրջ լրիվ կարդացել ես՞

[Հարդ]

ինքդ կարդացել ես՞՞՞՞՞՞, լուրջ լրիվ կարդացել ես՞

Լրիվ չէի կարդացել, բայց կարծում էի, թե ինչ ա գրել, սխալվեցի:

[Ambrosine]

Առաջին գրառումը կարդա:



Մարդն ուզում ա մոտիկից տեսնի սփյուռքի արձագանքը: Մարդիկ, դու միշտ նախագահները քայլերի մեջ ինչ ֆանտազիա ասես չեք դնում, չնայած դրանք հաճախ լինում են պարզ քայլեր, մեդալ, մի կողմով:

Իսկ իմ գրածների մեջ ի՞նչն էր ֆանտազիա... նույնիսկ էմոցիա չկար
Սփյուռքի արձագանքը տեսնել պետք չէր Քաղաքական գործիչը պիտի կանխատեսեր

Լավ, եկեք մեր տեսակետները գրենք, ոչ թե վիճենք:

[Mephistopheles]

իմ կարծիքով սփյուռքի արձագանքից կերևա արդյոք սփյուռքն էլ հայաստանի պես կոռումպացված է թե ոչ… եթե Սերժի "համազգային" այցելությունը խայտառակ ձևով չտապալվի մշանակում է they're all in this together

…համենայն դեպս Շառլ Ազնավուրի վարքն առայժմ դա է վկայում

[Hay_XY]

իմ կարծիքով սփյուռքի արձագանքից կերևա արդյոք սփյուռքն էլ հայաստանի պես կոռումպացված է թե ոչ… եթե Սերժի "համազգային" այցելությունը խայտառակ ձևով չտապալվի մշանակում է they're all in this together

…համենայն դեպս Շառլ Ազնավուրի վարքն առայժմ դա է վկայում

Միայն կխնդրեի այս կոնտեքստում «սփյուռք» բառի տակ նկատի չունենալ ամբողջ սփյուռքին, այլ՝ կոնկրետ մի քանի մարիոնետ-սփյուռիկների, որոնք ընդամենը մի քանի նախապես գրված նախադասություն արտասանողներ են, այդ թվում, որոշ առումով նաև՝ հարգարժան շանսոնյեն, ով ավելի լավ կլիներ չներկայանար բազմությանը երկու ծայրահեղ բևեռներից՝ իր իսկապես գեղեցիկ արվեստով և միաժամանակ այդքան անպատասխանատու քաղաքական գործունեությամբ:

[snow]

Դե պարզից էլ պարզ է, որ նախագահի այցելությունները զուտ աչքերներիս թոզ »փչելու համարա միայն, իսկ ինքը անելույա էն, ինչ արդեն վաղուց որոշելա:

[urartu]

գիտեք հոգնեցինք արդեն սփյուռքից, ետ ձեր ասած սփյուռքը մի քանի դաշնակ հնչակ է, որը շատ քիչ թիվ է կազմում, ընտեղ թեմաներից մեկում մի լավ կարծիք կարդացի, նույն Ֆրանսիայում 300000 հայ է ապրում, բայց ետ ցույցին մասնակիցների թիվը կազմում է 80 չէ փող 800 հոգի լինի, բուն սփյուռքահայության շատել ......... է, որ Սեռժ մեռժ չգիտեմ ինչ հատաքրքրի, ես օրինակ կողմ եմ սահմանի բացմանը

[Mephistopheles]

Միայն կխնդրեի այս կոնտեքստում «սփյուռք» բառի տակ նկատի չունենալ ամբողջ սփյուռքին, այլ՝ կոնկրետ մի քանի մարիոնետ-սփյուռիկների, որոնք ընդամենը մի քանի նախապես գրված նախադասություն արտասանողներ են, այդ թվում որոշ առումով նաև՝ հարգարժան շանսոնյեն, ով ավելի լավ կլիներ չներկայանար բազմությանը երկու ծայրահեղ բևեռներից՝ իր իսկապես գեղեցիկ արվեստով և միաժամանակ այդքան անպատասխանատու քաղաքական գործունեությամբ:

սփյուռքը սփյուռք է իր բոլոր մարիոնետներով հանդերձ + հարգարժան շանսոնյեն… այսօր եթե որևէ սփյուռքահայ Սերժին աջակցություն է ցույց տալիս, ուրեմն ծախված է… ես ուրիշբացատրութոյւն չունեմ… Մարտի 1-ից հետո սփյուռքը Սերժին պիտի բոյկոտեր մինչև նա չբացահայտեր ամբողջ եղելություն … ես հարցը ծայրահեղացնում եմ, որովհետը "չափավորությունն" արդեն դավաճանության համարժեք է

[Hay_XY]

սփյուռքը սփյուռք է իր բոլոր մարիոնետներով հանդերձ + հարգարժան շանսոնյեն… այսօր եթե որևէ սփյուռքահայ Սերժին աջակցություն է ցույց տալիս, ուրեմն ծախված է… ես ուրիշբացատրութոյւն չունեմ… Մարտի 1-ից հետո սփյուռքը Սերժին պիտի բոյկոտեր մինչև նա չբացահայտեր ամբողջ եղելություն … ես հարցը ծայրահեղացնում եմ, որովհետը "չափավորությունն" արդեն դավաճանության համարժեք է

Մեկը ես, ինչպե՞ս ես ուզում, որ բոյկոտեմ Սերժին:
Բոյկոտել եմ, բոյկոտում եմ, շարունակում եմ բոյկոտել:
Ճիշտ չէ ընդհանրացնել սփյուռք հասկացությունը մի ինչ-որ գաղափար հարող խավի շրջանակներում: