Սեռական դաստիարակություն

[Լէգնա]

Աշխարհի բոլոր անկյուներում անցել են կամ ասենք այսպես ազատ են ծնվել:հիմա Հայաստանում ազատությունը որպես ազատություն չէ նեխուժում մեր կյանք,այլ լկտիության ու գռեհկության վերջին ճիչերով:
հիմա,եթե մի բան չարվի,Հայաստանում հաավոր դրություն կլինի,նույնիսկ Փարիզի մարմնավաճառները չեն պատկերացնի:Ուղղակի այս անցումը մեզ պետք է անցնել այնպես,որ մնանք մեր բարձունքի վրա,մեր Հայության,մեր անցյալի ու մեր ապագայի պատասխանատվության զգացումով:
Դպրոցում երևի այս տարի առարկա մտցվի:

[Bonita]

Վա~յ… Մթոմ մյուս առարկաները կարում են սովորացնեն,մի հատ էլ սեռական դաստիարակության դասեր պիտի տան … Եթե այսօրվա 4_րդ դասարանցին ուսուցչին/հ.լ._ի/ ասում ա “դու ով էս,որ ինձ սովորացնես “ դուք ոնց եք պատկերացնում նրան մի քանի տարի հետո այդ առարկայի դասին ? …նա ինքը “ուսուցչին “ կսկսի սովորացնել …

[StrangeLittleGirl]

Ես էլ եմ դեմ, որ այդ առարկան դասավանդվի մեր դպրոցներում, որովհետև մեզ մոտ ցանկացած նորամուծություն աղավաղված կերպով է արվում, որի հետևանքներն այնքան ահավոր են լինում, որ ավելի լավ կլիներ, եթե այդ նորամուծությունը չարվեր:

[Լէգնա]

Ամեն նոր բան ,կռվով - դավով է հասարակությնա մեջ ընդունվում,և եթե մենք վախենանք նորամուծությունների հետևանքներից,հավատացեք այդպես ավելի վատ կլինի,դեղում դոփելն էլ մի բան չէ ,իսկ առարկայի համար,նախ հատուկ դասընթացներ կտարվեն ուսուցչուհիների հետ,համենայն դեպս դրանից փախնելը լավ չի լինի :

[StrangeLittleGirl]

Ես ոչ թե հասարակության մասին եմ ասում, այլ ներմուծողների: Միշտ ճիշտը ներմուծելու փոխարեն աղավաղված ինչ-որ բաներ են ստացվում: Կարող եմ բազմաթիվ օրինակներ բերել:

[Lider2006]

Մեր դպրոցում տենց բան արդեն անցկացվելա. Սկզբում քվեարկուտյան միջոցով գտան դասարանների լիդերներին. ամեն դասարանից2 հոգի: հետո իրանց արանձին-արանձին կանչեցին մի քանի խոսք ասեցին սպիդի ու սեքսի մասին: Հետո ել ցանկացոխները գնացին միշաբատյա դասերի իսկ ովքեր ել չուզեցին շարունակեցին իրենց սովորական դասերը.
իմ կարցիկով տենց դասեր պիտի արավել հաչախ անցկացվի իսկ ետե ավելի չիշտ արարկա պիտի մտցնեն դպրոցում:

[StrangeLittleGirl]

Ախր ամբողջ խնդիրն այն է, որ ՁԻԱՀ-ից ու սեքսից չպետք է սկսել ամեն ինչ:

[Ձմեռ պապի]

Վա~յ… Մթոմ մյուս առարկաները կարում են սովորացնեն,մի հատ էլ սեռական դաստիարակության դասեր պիտի տան … Եթե այսօրվա 4_րդ դասարանցին ուսուցչին/հ.լ._ի/ ասում ա “դու ով էս,որ ինձ սովորացնես “ դուք ոնց եք պատկերացնում նրան մի քանի տարի հետո այդ առարկայի դասին ? …նա ինքը “ուսուցչին “ կսկսի սովորացնել …

Համամիտ չեմ ձեզ հետ, նախ առաջինը Դուք պետք է վերափոխվեք, իսկ չորրորդ դասարանցի երեխային, իհաևկե կբացատրվի այնպիսի մեթոդով, որ ինքը ավելի լավ կհասկանա:
Հարցերի դեպքում խնդրեմ, պատրաստ եմ քնարկման:

[ladyARM]

Այժմյա դպրոցականները ավելին գիտեն, քան մեր սերունդը նրանց տարիքում....
Սեռական դաստիրակությունը պարզապես կնպաստի նրանց ճիշտ կողմնորոշվելուն...
Իսկ թե որ տարիքում? իմ կարծիքով 12-ից հետո... անցումնային շրջանից հետո....
Դա կարևոր երևույթ է, մեր հետամնաց հասարակությունն ձևավորելու հարցում և ավելի քաղաքակիրթ ու օբյեկտիվ հասարակություն հիմնելու գործում

[Աբելյան]

հիշում եմ, մի հատ գիրք ունեի, անունը "սեռական կյանքի հանրագիտարան 5-7 տարեկան երեխաների համար": Մեջը մանրամասն ասված էր, որը որից հետո ա: Իսկ որ նախադպրոցական երեխեն կարդալ չիմանալու պատճառով չդժվարանա, գունավոր նկարներ կային:
Էս ա՞ սեռական դաստիարակությունը:

[Ուլուանա]

հիշում եմ, մի հատ գիրք ունեի, անունը "սեռական կյանքի հանրագիտարան 5-7 տարեկան երեխաների համար": Մեջը մանրամասն ասված էր, որը որից հետո ա: Իսկ որ նախադպրոցական երեխեն կարդալ չիմանալու պատճառով չդժվարանա, գունավոր նկարներ կային:
Էս ա՞ սեռական դաստիարակությունը:

Վայ, մենք էլ մի հատ տենց գիրք ունեինք, էլի էդ տարիքի երեխաների համար։ Բայց նկարները գունավոր չէին... Համ էլ, չգիտես ինչու, մեզ տենց էլ էդ գրքով չդաստիարակեցին...

N.I.G.G.A., իսկ քո սեռական դաստիարակությունն այդ գրքի միջոցո՞վ է իրականացվել...

[Philosopher]

Սեռական դաստիարակությունը խիստ կարևոր հարց է, և հաճախ հենց այդ հարցի, իսկ ավելի ճիշտ՝ այդ հարցի հիմքում ընկած խնդիրների նկատմամբ իր վերաբերմունքով կարելի է ճանաչել որևէ մշակույթ։ Եվ ամեն մի մշակույթ իր համար պետք է որոշի, թե ինչպիսին պետք է լինի իր վերաբերմունքը այդ հարցի նկատմամբ։ Այսինքն՝ սեռական դաստիրականության խնդիրը առանձին վերցրած հարց չէ, որին կարելի է միանշանակ պատասխան տալ։ Այդ հարցին պատասխանելու համար, նախ մենք պետք է մեզ պատասխանենք՝ իսկ ինչպիսի մշակույթ պետք է ունենա հայ ժողովուրդը, ինչպիսին պետք է լինի նրա կենցաղային մշակույթի ողջ համակարգը, դա որոշելուց հետո միայն կարող ենք ասել, թե ինչպես պետք է ուսուցանել սեռական կյանքի սկզբունքները։ Եթե հայ մշակույթը պետք է մնա ավանդական, կիսաքրիստոնեական, կիսամուսուլմանաական մշակույթ՝ աղջկա կուսության, նրա սեռական կյանքի հոգեբանական կողմի լիակատար անտեսման և տղայի փորձառության ու բացառապես ֆիզիկական սեքսուալության սկզբունքներին հավատարիմ, ապա ոչինչ ուսուցանել պետք չէ, պետք է պարզապես շարունակել ապրել։ Իսկ եթե հայ մշակույթը այլ մշակույթ պետք է լինի, ապա համապատասխանաբար կգտնվեն նաև այդ մշակույթին համապատասխան սեռական դաստիարակության չափանիշները։ Սեռականության խնդիրը գոյաբանական խնդիր է, և որոշում է հասարակության աշխարհայացքի հիմնական ուղղությունը, հետևաբար այն լուծելու համար անհրաժեշտ է պատասխանել հետևյալ հարցին. իսկ հայ մարդը ինչպիսին է ուզում լինել՝ որպես մարդ և որպես կենցաղային մշակույթի կրող։ Ինչպիսին կա և ինչպիսին ուզում է լինել, այդպիսին էլ կա և կլինի նրա սեռականությունը ու դրա փոխանցումը սերունդներին՝ դաստիարակությունը։

[CactuSoul]

հիշում եմ, մի հատ գիրք ունեի, անունը "սեռական կյանքի հանրագիտարան 5-7 տարեկան երեխաների համար":

Ես ունեի 7-9 տարեկանների համար…

Այս հարցում ինձ բավականին բախտավոր մարդ եմ համարում, քանի որ ինձ ո՛չ Ձմեռ Պապու հարցում են խաբել, ո՛չ էլ հեքիաթներ պատմել կտուցով երեխա բերող արագիլի, կաղամբի կամ բանջարաբոստանային կուլտուրայի այլ ներկայացուցչի միջից դուրս գալու մասին: Գուցե ե՞ս էի շատ «անշառ» երեխա ծնողներիս համար, որովհետև ինձ առանձնապես չէր տանջում «որտեղի՞ց են առաջանում երեխաները» հարցը: Մի 4 տարեկան կլինեի, երբ (չեմ էլ հիշում՝ ոնց) պարզեցի, որ երեխան մորից է «առաջանում»: Հոր՝ այդ գործում ունեցած «ներդրման» մասին չէի էլ կասկածում. գիտեի, որ աղջիկն ու տղան ամուսնանում են, եթե սիրում են միմյանց: Դե, որ ամուսնանում են, երբ ուզում են երեխա ունենալ, աղջիկը… երևի շատ հաց ա ուտում (այն ժամանակ փոր և ինձ դեռևս անծանոթ ստամոքս բառերը նույն իմաստն ունեին ինձ համար ), դրանից էլ նրա փորի մեջ երեխա ա առաջանում … Թե էդ երեխեն ոնց էր դուրս գալու լույս աշխարհ, չգիտեի: Հավանական տարբերակ էր վիրահատությունը: Կամ էլ… դե, մտածում էի, որ «կմեծանամ, կիմանամ, երևի հիմա դեռ ժամանակը չի»:

Իսկ երբ մի քիչ մեծացա՝ արդեն 7 տարեկանում, արդեն ունեի վերոհիշյալ, ու ցավոք սրտի, բավականին տխրահռչակ գիրքը: (Հիշում եմ, թե ինչպես էին քարկոծում այդ գիրքը հրատարակողներին, ինչպիսի բողոքի ալիք էր բարձրացել… Հեռուստատեսությունն ու ռադիոն ողողված էին դրա, բնականաբար, խիստ բացասական քննադատություններով…): Ես և եղբայրս, ով այդ ժամանակ 9 տարեկան էր, միաժամանակ կարդացինք այդ գիրքը, որում բավականաչափ մանրամասն, բայց նաև պարզ լեզվով, գրված էր… ահագին շատ բան: Ու ոչ մի շոկային վիճակ էլ չառաջացավ:

Վստահ եմ. եթե երբևէ ծնողներիս կողմից այնպիսի հեքիաթներ լսած լինեի, ինչպիսիք նմանատիպ թեմաներ շոշափելիս հաճախ լսում են երեխաները, ավելի մեծ տարիքում՝ ճշմարտությունն իմանալուց հետո, հաստատ ինչ-որ պատնեշ կստեղծվեր իմ ու ծնողներիս միջև, անվստահության ու թերահավատության պատնեշ, որը հիմա չկա :

Ու մի բան էլ՝ «ցավալի է, բայց փաստ» շարքից. այդ (վերոնշյալ) գրքից 7 տարեկանում ես ավելի շատ բան իմացա, քան դպրոցում, ասենք, անատոմիայի դասընթացից, քանի որ սեռական օրգաններին վերաբերող թեմաները մենք, այսպես ասած, «թռանք», այսինքն այդ դասերի փոխարեն, չգիտեմ՝ ինչու, միանգամից անցանք դրանց հաջորդողները:

Ընդհանուր առմամբ մեր վիճակը սեռական դաստիարակության առումով, մեղմ ասած, տխուր է: Ու ինչո՞ւ պիտի ես «Կանայք Հայոց» ռեսուրս կենտրոնի տրամադրած բրոշյուրներից ստանամ սեռական «դաստիարակություն» : Բրոշյուրներ, որոնք մարմնավաճառներին սեռական առողջություն են քարոզում …

Հ.Գ.
Կներեք, բորբոքվեցի :

[Աբելյան]

սկզբում էդ գիրքը թաքուն տեղ էի պահել, հետո վառեցի: Բայց մինչև վառելը մի քանի անգամ ծերից ծեր կարդացելի էի:

[Artgeo]

Թեմային ավելացվել է հարցում

Ըստ “Reproductive Health Initiative for Youth in the South Caucasus” project (RHIYC)-ի անցկացրած հարցման, Հայաստանի երիտասարդների 93.7 տոկոսը կողմ է առանձին առարկա դասավանդվի դպրոցում: http://www.foryouth.ge/en/elibrary