Հայաստանում սեռական դաստիարակության հետ առնչվող դպրոցական առարկա մտցնելը պիտի զգույշ արվի... Սեռական դաստիարակության մեջ մենակ էն չի մտնում, թե բացատրել ոնց ու ինչ է իրականում լինում՝ արագիլի կամ կաղամբի փոխարեն, այլ նաև սովորեցնել պատասխանատու լինել սեռական վարքի ու դրանց հետևանքների համար: Ինչը ներառում է հակաբեղմանվորման միջոցների մասին խոսելը, ինչու չէ, նաև դեռահասներին պահպանակներ բաժանելը: Համենայնդեպս այլ երկրներում դա էդպես է. դասի ժամանակ թե սովորում են պահպանակ հագցնել մանեկենի վրա, թե հետո ստանում են սեփական պահպանակները: Որովհետև մարդիկ հասկանում են, որ դեռահասներից շատերը սկսում են սեռական կյանք վարել և կարող են տարբեր տեսակի սեռավարակների կամ անցանկալի հղիության առաջ կանգնել:
Հիմա պատկերացրեք էդ ամենը Հայաստանում... Տասներեք տարեկան աղջիկը տուն է գալիս ու պատմում, որ ինքը պահպանակ հագցնել է սովորել ու բեռ պայուսակում էլ մի քանիսը կան:
Պիտի մի քիչ զգույշ լինել էդ հարցերում: Չի կարելի արտասահմանյան մեթոդներն ու դասագրքերը ուղղակիորեն բերել ու մտցնել հայկական իրականություն: Պետք է ամենը ադապտացնել մեր հասարակությանը և դրա արժեհամակարգին, այլապես վնասն ավելի շատ կլինի, քան օգուտը: Իսկ սեռական դաստիորակություն սկսելն իհարկե կարելի է և անհրաժեշտ է դպրոցում, բայց ինչպես ասեցի՝ զգույշ ու դանդաղ քայլերով...
Օրինակ՝ ես դպրոցում «Էթիկա» առարկա էի անցնում ավագ դասարաններում: Էնտեղ մի շրջան մենք խոսում էինք սեռական հարաբերությունների, դրանց հնարավոր ֆիզիակական ու հոգեբանական հետևանքների մասին: Ուսուցչուհին շատ զգույշ էր մոտենում հարցին ու լավ խորհուրդներ էր տալիս, որոնք տեղին էին էդ միջավայրում և էդ տարիքի հայ դեռահասների համար:
Ի դեպ, հետաքրքիր է, որ արդեն քանի տարի է՝ ապրում եմ Եվրոպայում, բայց դեռ իմ մոտ էլ էդ հարցերի հանդեպ առաջին ռեակցիան լրիվ «հայկական» է լինում, ուր մնաց, թե հայաստանաբնակ մարդկանց մոտ էդպիսին չլինի:
Մի քանի օր առաջ խանութում կանգնած էի հերթի, մեկ էլ տեսնեմ մի 14-15 տարեկան տղա՝ դեռ բոյն էլ լրիվ չառած, համարյա մանկական երեսով, պահպանակ է գնում: Միանգամից մոտս բացասական ռեակցիա առաջացավ. թե տես էս լակոտը էս տարիքից արդեն ինչերով է զբաղված... Հետո միայն սկսեցի նորմալ մտածել, որ ախր լավ բան է անում՝ մտել է խանութ պահպանակ է գնում, ոչ թե թաքուն մեկի ծոցն է մտնելու ու հետո գլուխը պահած փախչի իր թողած հետևանքներից:
Մեջբերել
Էջանիշներ