Հայատառ մուտքագրման դասավորություններ

[Rammstein]

Ի՞նչ դասավորություն եք օգտագործում հայերեն տեքստ հավաքելիս։

Եկեք քննարկենք ամեն դասավորության առավելություններն ու թերությունները։

[Rammstein]

Ես KDWin-ի Ֆոնետիկն եմ օգտագործում բայց աննշան փոխված։ Ինչո՞ւ եմ շեշտում KDWin-ը, որովհետեւ մի բան կա էդ ծրագրում, որ շատ ա ինձ դուր գալիս. հնարավոր ա դասավորությունը փոխել ոչ միայն սովորական ու Shift-ը սեղմաց դեպքերում, այլեւ աջ Alt-ի տակինը։ Օրինակ ես նման ձեւով եմ գրում փակագծերը` Alt+9 եւ Alt+0, շատ հարմար ա։ Մեկ էլ հարցականն եմ փոխել, որ առանց Shift-ի լինի։

[Ֆոտոն]

Առաջին և երրորդ տարբերակների դասավորությունները օգտագործել եմ, բայց ոչ մեկն էլ լավը չի:
ԿԴվին-ի դասավորությունն առավել անհարմար է: «Ցակուցրիվ» են տառերը: Իսկ Գրամեքենայինը, որով հիմա գրում եմ, վատ չի: Բայց վարժվելուց հետո հստակ կասեմ, որ սա էլ լավը չի: Ինչքան հասկացա, Չուկի օգտագործած դասավորությունն է մասնագետների կողմից հենց հայերենի համար պատրաստվածը, որում հաշվի են առնվում մեր լեզվի առանձնահատկությունները:

Հ.Գ. Ի՞նչ իմացար, որ էս թեման ինձ էլ է հուզում:

[Rammstein]

ԿԴվին-ի դասավորությունն առավել անհարմար է: «Ցակուցրիվ» են տառերը: Իսկ Գրամեքենայինը, որով հիմա գրում եմ, վատ չի:

Բայց ԿԴՎին-ի մեջ էլ կա գրամեքենային` Armenian Typewriter։

Ինչքան հասկացա, Չուկի օգտագործած դասավորությունն է մասնագետների կողմից հենց հայերենի համար պատրաստվածը, որում հաշվի են առնվում մեր լեզվի առանձնահատկությունները:

Դա ի՞նչ դասավորություն է։

Հ.Գ. Ի՞նչ իմացար, որ էս թեման ինձ էլ է հուզում:

[Chuk]

Դա ի՞նչ դասավորություն է։

՛ Ճ Ջ Ժ Ձ Յ Ռ Ր Ց Է Ղ ( ) Շ
Փ Բ Ս Մ Ո Ւ Կ Ը Թ Ծ Օ Ֆ
Վ Գ Ե Ա Ն Ի Տ Հ Պ : ՜
Դ Չ Զ Լ Ք Խ Շ « » ՞

՝ ճ ջ ժ ձ յ ռ ր ց է ղ - _ շ
փ բ ս մ ո ւ կ ը թ ծ օ ֆ
վ գ ե ա ն ի տ հ պ ; և
դ չ զ լ ք խ շ , . ՞

[Rammstein]

՛ Ճ Ջ Ժ Ձ Յ Ռ Ր Ց Է Ղ ( ) Շ
Փ Բ Ս Մ Ո Ւ Կ Ը Թ Ծ Օ Ֆ
Վ Գ Ե Ա Ն Ի Տ Հ Պ : ՜
Դ Չ Զ Լ Ք Խ Շ « » ՞

՝ ճ ջ ժ ձ յ ռ ր ց է ղ - _ շ
փ բ ս մ ո ւ կ ը թ ծ օ ֆ
վ գ ե ա ն ի տ հ պ ; և
դ չ զ լ ք խ շ , . ՞

Չուկ, բա ինչի՞ է «Շ» տառից երկու-երկու հատ։

[Աթեիստ]

Օգտվում եմ KDWIn-ից, բայց որոշ "բարեփոխումներից" հետո:
Մասնավորապես
8-ռ, 6-), ^-(, հարցականն ու շեշտը դարձնում եմ հայկական, ջնջում եմ "ւ"-ի (վյուն) մեծատառը, քանի որ մեծատառ "ու" գրում եմ ոչ թե ՈՒ, այլ Ու (որպեսզի երբեք չշփոթեմ ՈԻ-ի հետ):
Կարծես թե այսքանը:
Համաձայն եմ որ գրամեքենայի դասավորությունն ավլի լուրջ մշակված տարբերակ է, բայց ինքս 1 տարբերակ սովորելով, կարող եմ գրել և՜ անգլերեն, և՜ ռուսերեն, և՜ հայերեն:

[Chuk]

Քվեարկել եմ «այլ դասավորություն», բայց իրականում իմ օգտագործածը հենց իսկական գրամեքենային դասավորությունն է: Սա լավ մտածված տարբերակ է, ունի տասնյակ տարիների պատմություն, սրանում հաշվի են առնված լեզվի բոլոր առանձնահատկությունները: Վարժվելու դեպքում անփոխարինելի է, իսկ սովորելն իրականում հեշտ է:

[Ուլուանա]

Մի ժամանակ օգտվում էի «Ֆոնետիկ (8=Ռ)» ստեղնաշարից, հիմա հանգամանքների բերումով «Ֆոնետիկ (8=Ր)»–ին եմ սովորել, բայց օբյեկտիվորեն (8=Ռ)–ն ավելի հարմար է՝ հաշվի առնելով, որ ր–ն անհամեմատ ավելի շատ հանդիպող տառ է, քան ռ–ն, հետևաբար ր–ի՝ ներքևի մասում գտնվելն ավելի պրակտիկ է։

[Rammstein]

ջնջում եմ "ւ"-ի (վյուն) մեծատառը, քանի որ մեծատառ "ու" գրում եմ ոչ թե ՈՒ, այլ Ու (որպեսզի երբեք չշփոթեմ ՈԻ-ի հետ):

Ճիշտ ես անում, որ գրում ես «Ու», այլ ոչ թե «ՈՒ», բայց կան դեպքեր, երբ պետք է «Ւ» տառը, մասնավորապես, երբ տեքստը գրվում է մեծատառերով, օրինակ` պետք է գրել «ՕՐԱՑՈՒՅՑ», այլ ոչ թե «ՕՐԱՑՈւՅՑ»։
Իսկ «Ի» եւ «Ւ» տառերը իմ կարծիքով այնքանով են նման, ինչքանով որ «Ա»-ն ու «Ս»-ն։

Քվեարկել եմ «այլ դասավորություն», բայց իրականում իմ օգտագործածը հենց իսկական գրամեքենային դասավորությունն է: Սա լավ մտածված տարբերակ է, ունի տասնյակ տարիների պատմություն, սրանում հաշվի են առնված լեզվի բոլոր առանձնահատկությունները: Վարժվելու դեպքում անփոխարինելի է, իսկ սովորելն իրականում հեշտ է:

Չուկ, իսկական գրամեքենայինը ո՞րն է, այսինքն` էն ժամանակ գրամեքենաների վրա այսպես է՞ եղել։

ՀԳ. Եթե այո, ապա ասեմ սենց մի բան. ընդհանրապես գրամեքենաների շարվածքը բերել համակարգչով օգտագործելը, իմ կածիքով այնքան էլ ճիշտ չէ։ Գրամեքենաների դասավորությունը որոշվել է այն բանից ելնելով, որ իրար հետեւից հաճախ հանդիպղ տառերը դրվել են իրարից հեռու, քանի որ հակառակ դեպքում գրամեքենայի թղթին հարվածող մասերը (անունը չգիտեմ) իրար էին կպնում ու լռվում։ Համակարգչում նման խնդիր չկա, ուստի պետք է շարվածքը վերանայել։

[Հայկօ]

Բութ՝



Ցանկացողներին կուղարկեմ Վինդովսի Language Bar-ի համար նախատեսված իմ սեփական custom դասավորվածությունը (Armenian Phonetic-ից գրեթե ոչ մի բանով չի տարբերվում), որտեղ բոլոր կետադրական նշաններն իրենց տեղում են, գումարած՝ կլոր և քառակուսի փակագծերը: Նաև՝ շատ ավելի հեշտ ու հաճելի է աշխատել Language Bar-ով, քան թե KDWin-ով:

[Rammstein]

Ցանկացողներին կուղարկեմ Վինդովսի Language Bar-ի համար նախատեսված իմ սեփական custom դասավորվածությունը (Armenian Phonetic-ից գրեթե ոչ մի բանով չի տարբերվում), որտեղ բոլոր կետադրական նշաններն իրենց տեղում են, գումարած՝ կլոր և քառակուսի փակագծերը:

Կասե՞ս որի տակ ես դրել կլոր փակագծերը։

Նաև՝ շատ ավելի հեշտ ու հաճելի է աշխատել Language Bar-ով, քան թե KDWin-ով:

Ինչո՞վ է հաճելի։
Անհարմարություն #1. Ոչ թե դրոշով ա, այլ գրածով (HY, EN…)։

[Հայկօ]

Կասե՞ս որի տակ ես դրել կլոր փակագծերը։

Սկսեմ սկզբից : KDWin-ի ստանդարտ դասավորվածության մեջ վերջակետ դնելու համար հարկավոր ա շիֆտ սեղմել, առանց շիֆտի տպվում ա « ; » նշանը: Հայերենում դա չի օգտագործվում, դրա համար էլ դրա փոխարեն դրել եմ վերջակետի նշանը, կողքի կոճակի վրա՝ « ՛ »՝ շեշտը, իսկ էդ երկուսի շիֆտերը՝ կլոր փակագծերը: Չակերտները («») ստորակետի ու կետի վրա են: Շիֆտ + 6, 7-ը՝ քառակուսի փակագծերը ( [] ): Հավելյալ՝ ազատ կոճակների վրա պահել եմ « ? » և « % » նշանները. մեկ-մեկ պետք են գալիս: Գծիկի ( - ) վրա դրել եմ « ! » նշանը: Ընդհանուր առմամբ բոլոր տառերն ու կետադրական նշանները կան ( ՜ ՝ [ ] , . « » ՞ : ՛ ( ) - ! ? ):

Ինչո՞վ է հաճելի։
Անհարմարություն #1. Ոչ թե դրոշով ա, այլ գրածով (HY, EN…)։

Էդ ինչ անհարմարություն ա՞ որ : Ազնվորեն, ձեռքդ խղճիդ դրած ասա՝ ի՞նչ տարբերություն՝ եռագույն դրոշ ա, թե HY: Էսթետիկորեն ինձ նույնիսկ ասկետական HY-ը ավելի ա դուր գալիս, քան թե իմ սև-քյոմուր թասկբարի վրայի գազարագույն մազարագույն լաքան :

Նշեմ հարմարություններից մի քանիսը.

1. Վինդովսը ամեն բաց պատուհանի համար հիշում ա քո արած լեզվական կարգավորումը: Օրինակ՝ եթե միաժամանակ բաց են Ակումբը՝ Ֆայրֆոքսով ու Այսիքյուն, որտեղ դու լատինատառ ես գրում, ամեն անգամ մեկից մյուսին անցնելիս կարիք չկա ալտ-շիֆտ սեղմելու. լեզուն ավտոմատ ա փոխվում: Կամ, ասենք, Վորդից Լինգվոյին թռնելիս :

2. Language Toolbar-ը շատ ավելի լավ ա ինտեգրած Վինդովսի մեջ, քան թե KDWin-ը (որ ընդհանրապես ինտեգրած չի ): Ստարտափդ էլ չի ծանրաբեռնվում:

3. Եվ այլն, էլի, էլ առավելություններ մտածելու հավես չունեմ :

Մի խոսքով՝ միակ անհարմարությունն էն ա, որ տառերի դասավորությունը չես կարող անընդհատ փոխել. մի անգամ սարքում ես քեզ համար հարմար դասավորությունն ու թողնում ես դա: Ինձ համար էդ մեկ ա, ճիշտն ասած. KDWin-իս դասավորությունն էլ (ժամանակին շատ եմ օգտագործել) մի անգամ կարգավորում էի ու էլ ձեռք չէի տալիս, կարիք չէր լինում:

[Rammstein]

Ազնվորեն, ձեռքդ խղճիդ դրած ասա՝ ի՞նչ տարբերություն՝ եռագույն դրոշ ա, թե HY:

Դրոշին կարաս աչքդ գցես ու հասկանա, թե ինչ լեզու ա, իսկ գրածը պետք ա կարդալ։ Իմ համարա գոնե տենց ա, դրոշն ավելի ընկալվող ա։
Մեկ էլ ասեմ, որ ես իմ KDWin-ում իրա ստանդարտ անճոռնի դրոշները փոխել եմ ավելի նորմաներով։

Վինդովսը ամեն բաց պատուհանի համար հիշում ա քո արած լեզվական կարգավորումը:

Այ եթե սա լիներ ըստ ցանկության, կասեի լավ ա, բայց երբեմն կարող ա խանգարի։
Օրինակ` կարող ա սխալմամբ բրաուզերը բացելուց աջառ լեզուն փոխես, հետո ուզես քո դրած լեզվով գրես, լենաս չի լինում։
Բայց ըստ էության երկու ձեւն էլ սովորելու վրա ա։

Language Toolbar-ը շատ ավելի լավ ա ինտեգրած Վինդովսի մեջ, քան թե KDWin-ը (որ ընդհանրապես ինտեգրած չի ): Ստարտափդ էլ չի ծանրաբեռնվում:

Ինտեգրվելու առումով համաձայն եմ։ Ստարտափում ԿԴՎին-ը կա, բայց էնքան փոքր ա, որ չի կարելի համարել ծանրաբեռնում։

[Հայկօ]

Դրոշին կարաս աչքդ գցես ու հասկանա, թե ինչ լեզու ա, իսկ գրածը պետք ա կարդալ։ Իմ համարա գոնե տենց ա, դրոշն ավելի ընկալվող ա։
Մեկ էլ ասեմ, որ ես իմ KDWin-ում իրա ստանդարտ անճոռնի դրոշները փոխել եմ ավելի նորմաներով։

Իրականում շարքային յուզերը հազարից մեկ ա նայում էկրանի աջ անկյունին՝ լեզուն ստուգելու համար: Դու ամեն ալտ-շիֆտից հետո նայում ե՞ս դրոշին: Ես համարյա երբեք չեմ նայում. լեզուն փոխելը դարձել ա ռեֆլեքսի նման մի բան: Նույն Ակումբում մեքենագրելիս եթե ուզում եմ լօլ սմայլը դնեմ, ասենք, ավտոմատ սեղմում եմ ալտ շիֆտ ու վերջակետ-Դ եմ տպում, ոչ թե նայում եմ դրոշին կամ տառերին, համոզվում եմ, որ փոխել եմ, ու նոր գրում եմ:

Այ եթե սա լիներ ըստ ցանկության, կասեի լավ ա, բայց երբեմն կարող ա խանգարի։
Օրինակ` կարող ա սխալմամբ բրաուզերը բացելուց աջառ լեզուն փոխես, հետո ուզես քո դրած լեզվով գրես, լենաս չի լինում։
Բայց ըստ էության երկու ձեւն էլ սովորելու վրա ա։

Որպես KDWin-ի կարկառուն օգտագործող՝ կարող եմ ասել, որ էս մի տարբերակը հրաշալիորեն թեթևացնում ու հեշտացնում ա կյանքը: Էն իրադրությունները, երբ սա հարմար ա, հազար անգամ ավելի շատ են էն իրադրություններից, երբ սա խանգարում ա: Ասեմ, որ KDWin-ից Language Toolbar-ին անցնելուց հետո իմ՝ ալտ-շիֆտ «սեղմումները» շատ են պակասել, ինչը մենակ դրականորեն ա անդրադառնում տպելու արագության ու ստեղնաշարի կյանքի տևողության վրա : Գործի տեղի՝ KDWin-ով կոմպն արդեն անդուր ա. այնինչ ես յոթ տարի անընդմեջ KDWin եմ օգտագործել: