Հայաստանի և Թուրքիայի միջև երկկողմ հարաբերությունների զարգացման մասին արձանագրություն

[REAL_ist]

Ընդ որում նրանց մոտ այդ իրավունքը կա, որովհետև իրենք այս թուղթը քննարկելու են որպես սովորական օրինագիծ

Ինչ կապ ունի քննարկման ձևաչափը?

Նման պայման դնելը միանշանակ կորակվի որպես պայմանագրի առարկային ու նպատակներին չհամապատասխանող գործողություն, ինչը արգելվումա:

[REAL_ist]

Ամենաաբսուրդը այն է որ նույնիսկ մի կետ չկա պայմանագրում որ խոսքի եթե Թուրքիան մի պայման խախտի ու սահման չբացի ապա ինչ պատիժներ կա՞ն։

Ոչ մի բան։ Այսպիսի տխմար ու ցածր մակարդակի պայմանագիր նույնիսկ քոսոտ ՍՊԸ-ները իրար մեջ չեն կնքում։

Ինձ կարաս տենց միջպետական պայմանագիր ցույց տաս, որ մեջը պատիժը/սանկցիան տեղ գտած լինի?

[Ambrosine]

Ինձ կարաս տենց միջպետական պայմանագիր ցույց տաս, որ մեջը պատիժը/սանկցիան տեղ գտած լինի?

Յա~, հին աշխարհի պայմանագրերը չես հիշու՞մ, որ վերջում գրում էին՝ ով խախտի պայմանագիրը, թող Մորթուլակօյ աստվածը շանթարգել անի նրան ու իր ընտանիքը, բայց ընտանիքից առաջ իր հոտը, ախոռները, փղերը..., թող չորանան դաշտերը, ցամաքեն գետերը, արևը նեգր դարձնի...

[davidus]

Ինձ կարաս տենց միջպետական պայմանագիր ցույց տաս, որ մեջը պատիժը/սանկցիան տեղ գտած լինի?

բա միջազգային հումանիստ և անաչառ հասարակությունը??? նրանց առկայությունը արդեն հերիք է.... նրանք անկյուն կկանգնեցնեն խախտողին...

[Marduk]

Ինչ կապ ունի քննարկման ձևաչափը?

Նման պայման դնելը միանշանակ կորակվի որպես պայմանագրի առարկային ու նպատակներին չհամապատասխանող գործողություն, ինչը արգելվումա:

Նախ դու չգիտես թուրքական օրենսդրության ամբողջ նրբությունները ու չեմ կարծում որ հնարավոր չի լինի մի որևէ ձևով արդարացնել օրենքում ինչ որ լրացումներ անելը։

Երկրորդը։ Ինչ է նշանակում արգելվում է՞։ Իսկ 15 տարի բլոկադա անելը թույլատրվու՞մ էր։ Բա էդ ոնց եղավ որ չարգելվե՞ց։ Որովհետև 15 տարի տուժած կողմը ոչ մի իրավական քայլ չարեց։ Ի՞նչ է փոխվել հիմա։ Ինչու պետք է հիմա արգելվի ինչ որ բան։ Այսինքն նույնիսկ եթե Թուրքիան խախտումներ անի ինչ պետք է անե՞ս, ինչ կարաս անե՞ս, գնաս ՍՆՆ-ով լացե՞ս թե մեզ խաբեցին։ Սրանից ավելի ի՞նչ կարաս անել։

Իսկ իրավական ոլորտում բան անող էիր առանց էս պայմնագրի էլ կանեիր, նույն էդ Ղարսի պայմանագրով Թուրքիան ուղղակի պարտավոր էր Հայաստանին ճանապարհ տրամադրել։

[Marduk]

Ինձ կարաս տենց միջպետական պայմանագիր ցույց տաս, որ մեջը պատիժը/սանկցիան տեղ գտած լինի?

Պետք չի ամեն ինչ այդպես պրիմիտիվ ներկայացնել։
Կան բազմաթիվ միջազգային պայմանագրեր որտեղ կան ներքին շաղկապություններ։
Էդ քո կառծիքով նորմալ էր որ մի դիվանագիտական հարաբերություններ հաստատելու արձանագրությունների մեջ մի տոննա այլ բաներ էին խցկվել։ Ու հանկարծ քո համար անպատկերացնելի է ուրիշ տեսակի պայմանների առկայությունը։

Օրինակ բերեմ որ ԱԺ լսումներին ներկայացվեց։ Սիրիայի ու Թուրքիայի պայմանավորվածությունը։ Սիրիան չի ճանաչում Թուրքիայի սահմանը ու հողային պահանջներ ունի։ Բայց որպեսզի դա իրենց չխանգարի իրար հետ շփվել ապա պայմանավորվել են որ Սիրիան պաշտոնապես չի դնում հողային պահանջ իսկ Թուրքիան էլ չի դնում նախապայման թե ճանաչիր իմ սահմանները։ Եթե որևէ մեկը խախտում է այս պայմանը ապա մյուս կողմը նորից ազատ է իր պահանջների մեջ։

Այսինքն Սիրիան իր մեկուսացած հալով կարողացավ նորմալ տղամարդկային լուծում գտնել Թուրքիայի հետ իսկ ձեր էդ գովերգած ու փառաբանված Սերժ Նալբանդյանը մի Սիրիայի չափ էլ չկային որ գոնե այդպես հարցը լուծեին։

[Marduk]

ՑՅՈՒՐԻԽԸ ՄԵՐ ՊԱՐՏՈՒԹՅՈՒՆՆ ԷՐ

Աշխարհահռչակ դիրիժոր Օհան Դուրյանը խիստ ծանր ու բացասական է ընդունել հայ-թուրքական արձանագրությունների ստորագրման փաստը: «Սիրտս փշրված է»` պարբերաբար կրկնում էր մաեստրոն այս եւ Ղարաբաղի խնդրի շուրջ մեր զրույցի ընթացքում:

- Այլեւս ինչպե՞ս է ապաքինվելու Հայաստանը, չեմ պատկերացնում, մինչեւ ո՞ւր է հասնելու դավաճանությունը: Կյանքումս այսպես խոցված, նվաստացած չեմ եղել, ինձ հանգիստ չեն տալիս 1.5 միլիոն անմեղ զոհերի հոգիները: Ամեն անարդարություն, ամեն ոճրագործություն ճաշակեցինք, սակայն այն, ինչ տեղի ունեցավ Ցյուրիխին մեջ, մեր ողջ ազգի, մեր պետության պարտությունն է, կապիտուլյացիան, բռնակալ ու զավթիչ, չընտրված իշխանության վաստակը: Ես էլ, կինս էլ վաղուց արդեն հայաստանցի ենք, բայց այս ամենը տեսնելով, այսօր հանդես ենք գալիս իբրեւ վիրավոր, նվաստացած սփյուռքահայեր, եւ ողջ սփյուռքահայությունը, բացի մի քանի շահամոլից, մի քանի փառամոլ դավաճաններից, թեւաթափ է եղած, մեր կենսագրությունը, արժանապատվությունը վիրավորված ու նսեմացած է:

- Մաեստրո, այսինքն` Դուք դե՞մ եք հայ-թուրքական սահմանի բացմանը:

- Ոչ, մի օր ե՛ւ սահմանը պիտի բացվի, ե՛ւ հարաբերությունները պիտի կարգավորվեն. սրանք նորմալ ու անհրաժեշտ բաներ են: Ոչ մի նորմալ մարդ դեմ չէ սահմանը բացելուն, ոչ մի նորմալ մարդ կողմ չէ թշնամանքի: Բայց այս մարդկանց` Հայաստանի ղեկավար կոչվածների արածը տեսնելիս հասկացա, որ իրենք ոչ թե սահմանն են բացում, այլ հլու-հնազանդ կատարում են մեծ պետությունների բոլոր պահանջները` իրենց իշխանությունը պահելու եւ Հայաստանը վերջնականապես կործանելու: Սերժ Սարգսյանն արդեն Թուրքիայի ծուղակի մեջ է, Հայաստանն էլ հետն է քաշում: Մինչեւ իրենից չազատվենք, բոլորս էլ այդ ծուղակի մեջ պիտի հայտնվենք: Եթե շուտափույթ իշխանափոխություն չլինի, Հայաստանն այլեւս չի ապաքինվի: Ճիշտ հասկացեք, ես կողմ եմ սահմանի բացմանը, ջերմ դրացիությանը, անկեղծ բարեկամությանը, բայց դեմ եմ դավաճանությանը, ուրացումին, Ղարաբաղի եւ Հայաստանի հաղթանակներից հրաժարումին: Ես դեմ եմ այս սրբապիղծ իշխանությանը: Նորից ու նորից պիտի կրկնեմ` սա սահմանի բացում չէ, սա Հայաստանի ու Ղարաբաղի զոհաբերություն է, Ցեղասպանության զոհերի հիշատակի անարգանք:

- Մաեստրո, Սերժ Սարգսյանին Սփյուռքում բողոքի ցույցերով ընդունեցին, սակայն Հայաստանում կան մտավորականներ, որ կողմ են արտահայտվում հայ-թուրքական արձանագրություններին, շատերն էլ լռում են: Ինչպե՞ս կմեկնաբանեք սա:

- Նախ, ինչպե՞ս կարող է իրեն հարգող ղեկավարը հանդիպի իր հայրենակիցների հետ` իբրեւ թե տեսակետներ լսելու` նախապես հայտարարելով, թե ամեն բան որոշված է, եւ ոչինչ փոփոխության ենթակա չէ: Ինչո՞ւ ես ուրեմն, եկել, թուքումուր, անեծքներ, հայհոյանքներ ստանալո՞ւ: Գետինն անցնելիք է` սեփական հայրենակիցներից պաշտպանվել օտար երկրի հատուկ ծառայություններու, ոստիկաններու կողմեն: Նպատակը երեւի միջազգային պարտադրողներու ցուցադրելն է, թե ինչ հերոսական արգելքներ հաղթահարեց ինքը, որ ավելի գնահատեն ու աջակցեն իրեն: Տակնուվրա անելով Սփյուռքը, ոտնատակ անելով Սփյուռքի զգացմունքները` առանց ամաչելու հեռուստաէկրանից կդիմե, թե ոչ մեկ թող չփորձի սեպ խրել Հայաստանի եւ Սփյուռքի միջեւ: Այդ դեպքում ինչպե՞ս կհանդուրժես կողքդ խայտառակ արձանագրություններից դժգոհ բողոքավոր սփյուռքահայերին տականք, մոլախոտ անվանող արարածին: Ամոթ մեր հոգեւորականությանը, երբ ժողովրդին պետք են, մեջտեղը չկան: Հայաստանի հավատացյալները կորցրա՞ծ են իրենց Վեհափառը, ով դարձել է իշխանախմբի անբաժանելի մասը: Մինչդեռ Արամ Ա կաթողիկոսի խոսքից սիրտս ալեկոծվեց, հպարտություն իջավ վրաս: Ցավով պիտի ասեմ, որ բոլոր հայերի հպարտությունը համարվող Շառլ Ազնավուրն էլ` անգիտակից կամ էլ անամոթաբար` մաս կազմեց Մարտի 1-ի արյունով իշխանության եկած խմբին, ընդունեց դեսպանի պաշտոնը եւ անգամ մասնակից դարձավ այս վերջին դավաճանական գործարքին: Հազար ամոթ բարձր կոչումներով, բայց վախկոտ ու դավաճան ակադեմիկոսներին, որ բոլորը միասին իմ սիրելի Ռաֆայել Ղազարյանի մատը չարժեն: Արդյոք շատ չե՞ն մի փոքրաթիվ ազգի համար այսքան դավաճանները:

- Մաեստրո, բայց Հայաստանի իշխանությունը պնդում է, թե արձանագրություններում որեւէ նախապայման չկա, եւ դրանք մեր երկրի համար որեւէ վտանգ չեն ներկայացնում: Սերժ Սարգսյանը եւ նրան սատարող ուժերը բազմիցս են հայտարարել, որ պատմաբանների հանձնաժողովի ստեղծումը չի նշանակում կասկածի տակ դնել Ցեղասպանության իրողությունը, իսկ Ղարաբաղի հարցն էլ արձանագրությունների հետ որեւէ կապ չունի:

- Սերժ Սարգսյանի իշխանության զենքը սուտն է: Ժողովրդին խաբում են, թե չկա այդպիսի հանձնաժողով, որը պիտի քննի Ցեղասպանության իրականացման փաստը, մինչդեռ Թուրքիո նախագահը Փարիզին մեջ հայտարարեց, որ նույնիսկ ֆրանսիացի պատմաբաններ կհրավիրե Ցեղասպանության հարցը քննարկող պատմաբանների հանձնաժողովին մեջ: Հայտնի դարձավ, որ արձանագրությունների ստորագրումից հետո էլ, որպեսզի Հայաստանի մեջ հզոր ալիք չբարձրանա, աղաչել են (այդպիսի խեղճ, ողորմելի տեսք էր ընդունած արտգործնախարարը), որ Թուրքիան չհայտնի ճշմարտությունը եւ չբացահայտի իրենց պայմանավորվածությունը, այն է` սահմանը բացվելու է տարածքները նվիրելուց հետո: Ենթադրենք, 1-2 ամիս էլ խաբեցին ժողովրդին:

- Եւ, ըստ Ձեզ, ինչպե՞ս է հնարավոր կասեցնել այս վտանգավոր ընթացքը, երբ անգամ քաղաքական ուժերը, չնայած բազմաթիվ հորդորներին, չեն միավորվում սույն հարցի շուրջ. Հայ ազգային կոնգրեսը սպասում է քաղաքական դաշտի միավորմանը, Դաշնակցությունն առանձին ճակատ է ստեղծում....

- Հայաստանի Դաշնակցությունը թող ժողովրդի հետ ավելի ազնիվ ու անկեղծ լինի. այսօր կեղծ բեմադրությունների ժամանակը չէ: Ծիծաղելի չէ՞, երբ Սերժ Սարգսյանին իրենք զգուշացնում են` առջեւում փոս է, առաջ մի գնացեք: Իսկ ո՞վ փորեց այդ փոսը, անդունդը, Քոչարյանի ու Սարգսյանի հետ դո՛ւք փորեցիք այդ փոսը` կեղծ ընտրություններով, Հոկտեմբերի 27-ով, Մարտի 1-ի սպանդով: Փոսը միասին փորեցիք, բայց գոնե այսօր, եթե կուզեք արհավիրքը կանխել, միացեք ժողովրդի ընդհանուր պահանջին` հայտարարե՛ք իշխանափոխության անհրաժեշտության մասին, պահանջե՛ք Սերժ Սարգսյանի հրաժարականը: Այլապես, դուք չար խեղկատակներ եք: Նորից եմ կրկնում` միացե՛ք ժողովրդի պահանջին` Սերժ Սարգսյանի հրաժարական: Չպետք է թույլ տանք, որ Հայաստանը ոտնատակ լինի:

ԼՈՒՍԻՆԵ ԲԱՐՍԵՂՅԱՆ
/hzh.am/

[REAL_ist]

Պետք չի ամեն ինչ այդպես պրիմիտիվ ներկայացնել։
Կան բազմաթիվ միջազգային պայմանագրեր որտեղ կան ներքին շաղկապություններ։
Էդ քո կառծիքով նորմալ էր որ մի դիվանագիտական հարաբերություններ հաստատելու արձանագրությունների մեջ մի տոննա այլ բաներ էին խցկվել։ Ու հանկարծ քո համար անպատկերացնելի է ուրիշ տեսակի պայմանների առկայությունը։

Օրինակ բերեմ որ ԱԺ լսումներին ներկայացվեց։ Սիրիայի ու Թուրքիայի պայմանավորվածությունը։ Սիրիան չի ճանաչում Թուրքիայի սահմանը ու հողային պահանջներ ունի։ Բայց որպեսզի դա իրենց չխանգարի իրար հետ շփվել ապա պայմանավորվել են որ Սիրիան պաշտոնապես չի դնում հողային պահանջ իսկ Թուրքիան էլ չի դնում նախապայման թե ճանաչիր իմ սահմանները։ Եթե որևէ մեկը խախտում է այս պայմանը ապա մյուս կողմը նորից ազատ է իր պահանջների մեջ։

Այսինքն Սիրիան իր մեկուսացած հալով կարողացավ նորմալ տղամարդկային լուծում գտնել Թուրքիայի հետ իսկ ձեր էդ գովերգած ու փառաբանված Սերժ Նալբանդյանը մի Սիրիայի չափ էլ չկային որ գոնե այդպես հարցը լուծեին։

Ապեր ես շաղկապությունների ու պայմանների մասին բան եմ ասել? Կամ ասել եմ, որ իդեալականա ձևակերպված պայմանագիրը? Ես ընդամենը ուզում էի ասել, որ սանկցիա միջպետական համաձայնագրերում չի ներառվում, ստորագրությանս մեջ արտացոլված սկզբունքի ուժով են միջազգային պայմանագրերը պահպանվում: Սերժ ու Նալբանդյան ես չեմ գովերգում, բնականաբար ավելի գրագետ ձևակերպումներ էլ կարող էին տրվել պայմանագրում, բայց ամեն դեպքում ներկայիս տեքստում էլ անդառնալի սխալներ չկան: Ու իմ դիրքորոշումը կայանումա նրանում, որ մինչ Ղարաբաղի հարցի լուծումը սահմանի բացումը հենց Հայաստանինա ավելի ձեռնտու:

Նախ դու չգիտես թուրքական օրենսդրության ամբողջ նրբությունները ու չեմ կարծում որ հնարավոր չի լինի մի որևէ ձևով արդարացնել օրենքում ինչ որ լրացումներ անելը։

Երկրորդը։ Ինչ է նշանակում արգելվում է՞։ Իսկ 15 տարի բլոկադա անելը թույլատրվու՞մ էր։ Բա էդ ոնց եղավ որ չարգելվե՞ց։ Որովհետև 15 տարի տուժած կողմը ոչ մի իրավական քայլ չարեց։ Ի՞նչ է փոխվել հիմա։ Ինչու պետք է հիմա արգելվի ինչ որ բան։ Այսինքն նույնիսկ եթե Թուրքիան խախտումներ անի ինչ պետք է անե՞ս, ինչ կարաս անե՞ս, գնաս ՍՆՆ-ով լացե՞ս թե մեզ խաբեցին։ Սրանից ավելի ի՞նչ կարաս անել։

Իսկ իրավական ոլորտում բան անող էիր առանց էս պայմնագրի էլ կանեիր, նույն էդ Ղարսի պայմանագրով Թուրքիան ուղղակի պարտավոր էր Հայաստանին ճանապարհ տրամադրել։

Բանը նրանումա, որ ներքին օրենսդրությունը ստեղ էական նշանակություն չունի: Նման պայմանը խախտումա միջազգային իրավունքը: Իսկ թե նման խախտման համար պատասխանատվության հարցը մերոնք որքանով գրագետ կկարողանան ներկայացնել միջազգային հանրությանը, դա արդեն այլ հարցա: Ամեն դեպքում Թուրքիան ամբողջ աշխարհի կողմից կդիտվի որպես պայմանագրի անբարեխիղճ կատարող, ինչը բնականաբար իրենց քաղաքական շահերից չի բխում:

[Marduk]

Ու իմ դիրքորոշումը կայանումա նրանում, որ մինչ Ղարաբաղի հարցի լուծումը սահմանի բացումը հենց Հայաստանինա ավելի ձեռնտու:

Ընկեր կներես բայց դա սերժանտական կուտ է որ տվել են որպեսզի էս խայտառակությունը հեշտ մարսվի
Նախ Թուրքիան ամեն ինչ կանի որ սահմանը չբացվի մինչև Ղարաբաղի հարցի լուծումը, որը ըստ իրենց միակողմանի հող տալ է
Երկրորդ եթե նույնիսկ սահմանը բացվի մինչև Ղարաբաղի լուծումը ապա Թուրքիային ոչինչ չի խանգարի մի տարի հետո փակել այն ու ինքը կարող է ասել, որ փակում եմ որովհետև դուք խոստացել էիք մի տարվա մեջ լուծել Ղարաբաղի հարցը։

Ու նորից նորից մենք գալիս ենք այն կետին որ ՉԿԱ լծակ որը կստիպի Թուրքիային սահմանը բաց պահել ու չշարունակել շանտաժը։

Միակ փաստարկը որ բերում եք դա այն է թե Թուրքիայի իմիջը կխաթարվի բայց դա շատ զավեշտալի է։
Այսինքն այն որ Կիպրոսի կեսը գրավել է դա իմիջի խաթարում չի բերում, այն որ պատերազմ է մղում սեփական քուրդ ժողովրդի դեմ դա խաթարում չի առաջացնում, էն որ Ցեղասպանության ուրացում է անում դա խաթարում չի, էն որ 301 հոդված ունի դա խաթարում չի առաջացնում մեկ էլ հանկարծ պտի խաթարվի ինչ որ անկապ պայմանագրի մի կետի խախտումը, այն էլ ինքը հազար հատ պատճառ կարա բերի։

Սերժանտականները մի լծակ կա որ դրոշակ կարան սարքեն։ Դա Քլինթոնն է, բայց դե դա շատ խնդալու է, որովհետև Քլինթոնը երբեք բացահայտ եթերով չի ասի թե Թուրքիան է մեղավոր, դա ինֆանտիլ երազանք է որ սպասում եք թե ԱՄՆ-ը կպատժի Թուրքիային։

ԱՄՆ-ը կանի այն ինչ որ միշտ արել է, կասի երկուսդ էլ մեղավոր եք, գտեք փոխզիջումային լուծում։

[REAL_ist]

Ապեր չգիտեմ ով ումա կուտ տվել, բայց իմ դիրքորոշումը ուրիշների ասածներից հետո չի ձևավորվել: Ինչ մնումա պայմանագիրը խախտելու ու նորից սահմանը փակելու համար պատասխանատվությանը, դրա հնարավորությունները կան, ուղղակի պետքա գրագետ ձևով օգտագործվեն: Դրա համար միջազգային իրավական պատասխանատվության ինստիտուտ գոյություն ունի, որով էլ սահմանվումա սանկցիաների տեսակները ու ձևերը, ոչ թե կոնկրետ պայմանագրով: Լծակներն էլ հենց դրանք են հանդիսանում:

[Տրիբուն]

Հիմա մերոնք չե՞ն կարող շըփ–թըփ վավերացնել ու սպասել երկու ամիս։ Եթե երկու ամիս անց թուրքերը չվավերացրին՝ չեղյալ հայտարարել։

Ինձ թվում ա, որ ամեն դեպքում մերոնք սպասելու են մինչև թուրքերը վավերացնեն, ու նոր իրենք կամ վավերացնեն, կամ չվավերցանեն: Իմ ասածը էս էր: Ու մերոնք աչքիս չեն վավերացնելու - արդյունքում Սերժը խոսքի տերն ա լինելու, տիպա ասեցի որ խախտեն պայմանավորվածությունները, ուրեմնք չենք վավերացնի, իսկ հայերին մնացյալ աշխարհը ավելի շատ ա կզացնելու, չվավերացնելու համար:
Ապեր, կապրենք կտենանք: Գիտես, ես երկու ձեռով կողմ եմ սահմանների բացմանն էլ, հարաբերությունների հաստատմանն, բայց աչքիս ոչ էն ա լինելու չ էլ էն: Ու արդյունքում, ոնց նայում ես, հայերի համար մեկա վատ ա ստացվում:

[Տրիբուն]

Տրիբուն ջան, հենց բանը նրանումա, որ ուզումա մեջլիս լինի, ուզւմա վեռխովնի ռադա, տենց պայման կամ կետ չեն կարող մցնել:
Վավերացման որոշման մեջ տենց կետ չեն մցվում, ետ հոմ օրենք չի, որ իրանց ուզածը շարադրեն? Խորհրդարանը ուղղակի այո կամ ոչա ասում, դրա հիման վրա արդեն Նախագահը վավերագիրա ստորագրում, ետ վավերագրերը փոխանակում են ու պայմանագիրը ուժի մեջա մտնում: Դրանից ավել կետ, պայման հնարավոր չի դնել: Պայմաններ ու կետերը բանակցությունների ժամանակ են դնում: Թող բարի լինեին ետ քո ասած պայմանը Արձանագրությունների մեջ գրեին:
Իրանք թող չվավերացնեն, իրանց ով կարա բան ասի? Ինչքան էլ մեր նախագահը ասի, թե չվավերացնելու դեպքում չգիտեմ թե ինչ միջոցների են դիմելու, միջազգային իրավունքում չվավերացնելը ոչ մի իրավական հետևանք չի առաջացնում ու ոչ մի միջոցների էլ չի կարա դիմի:
Տենց պայմանները, թե Ղարաբաղի հարցի կարգավորումից հետո պետքա ուժի մեջ մտնի, հենց պայմանագրում պետքա տեղ գտնեին, եթե չկան ուրեմն վերջ, կողմերը միակողմանի տենց կարևոր պայմաներ չեն կարա դնեն: Իսկ խորհրդարանը տենց պայման դնելով ուզած թե չուզած կդառնա արտաքին հարաբերությունների մարմին, ինչը անընդունելիա: Պետությունը մենակ կարա որոշի ներկա պահին վավերացնի, թե ոչ:

Ապեր, հավատում եմ, դու ես մեջներիս իրավաբանը: Բայց սիրտս ուրիշ բան ա վկայում: Ամեն դեպքում խոսքը գնում ա ոչ թե Ֆրանսիայի ու Շվեդիայի միջև հարաբերություններին, այդլ կակյո նիբւձ Թուրքիայի ու Հայաստանի: Թուրքերը վերջին հաշվով կարող ա գրողի ծոցը ուղարկեն միջազգային իրավունքի բոլոր նորմերը:

[REAL_ist]

Թուրքերը վերջին հաշվով կարող ա գրողի ծոցը ուղարկեն միջազգային իրավունքի բոլոր նորմերը:

Դե ետ միշտ էլ կա ու կա, դրա համար պետքա մերոնք անգյալություն չանեն, ետ ժամանակ մնումա հուսալ, որ մերոնք խելքը գլխին հակազդման միջոց գտնեն...

[Տրիբուն]

Նման պայման դնելը միանշանակ կորակվի որպես պայմանագրի առարկային ու նպատակներին չհամապատասխանող գործողություն, ինչը արգելվումա:

Ապեր, թող ինչ ուզում ա համարվի: Իմ ասածը էն էր, որ դրա վրա առանձնապես ոչ մեկը ուշադրություն չի դարձնելու - մի տողով գնալու ա նորություններով: Իսկ այ դրանից հետո հայերի չվավերացնելու մասին ալամ աշխարհը շուխուռով իմանալու ա:

[Marduk]

Հայտարարություն

Ս/թ հոկտեմբերի 17-ի լույս 18-ի գիշերը Վանաձոր քաղաքի ոստիկանությունը ձերբակալել է նույն քաղաքի բնակիչներ, Ազգային նոր պահպանողական շարժման Լոռու տարածքային կոմիտեի ղեկավարներ Մանվել Կոստանյանին, Գարեգին Գալստյանին, կոմիտեի ևս մի քանի ակտիվիստների։ Վերջիններս ձերբակալվել են հայ-թուրքական հարաբերություններին առնչվող վերջին արձանագրությունները դատապարտող թռուցիկներ փակցնելու պահին։ Նրանց մոտից առգրավվել են հեռախոսները, անձնական իրերն ու գրասենյակային բոլոր բանալիները, որոնք մինչ այժմ չեն վերադարձվում։ Կարճ ժամանակ անց՝ ձերբակալվաձներին ստորագրության և քաղաքից չբացակայելու պայմանով բաց են թողել։ ՀՀ Ոստիկանության Վանաձորի տարածքային բաժնում նրանց դեմ հարուցված մեղադրանքը հետևյալն է. հայ-թուրքական թշնամանքի հրահրում։

Ինչպես նախորդ շրջանում կանխորոշել էին հայ-թուրքական արձանագորթյունները դատապարտող քաղաքական ուժեր, վերլուծաբաններ, քաղաքագետներ և միջազգային իրավունքի մասնագետներ՝ մենք կանգնած ենք այնպիսի իրողությունների նախաշեմին, երբ դատապարտվելու և կասեցվելու են հայկական կողմի բոլոր այն գործողությունները, որոնք կարող են վիրավորել Թուրքիային և թուրք ժողովրդին։ Շուտով սկսվելու են ՀՀ ԳԱԱ Հայոց ցեղասպանության թանգարան-ինստիտուտի, բոլոր գիտական հաստատությունների վերափոխումները, վերջիններիս գործառույթների խմբագրումները, շարունակվելու են նմանօրինակ ձերբակալությունները, հիմնվելու են թուրքասիրական և հայկական շրջանակներում Թուրքիայի նկատմամբ մոլեգին սեր առաջացնող մի շարք կազմակերպություններ. այդ են պահանջում արձանագրություններում ամրագրված դրույթները, և հայ պատվախնդիր ու ազգանվեր երիտասարդների ձերբակալությունները այս գործողությունների առաջին մունետիկներն են։

Ազգային նոր պահպանողական շարժումը խստագույնս դատապարտում է նմանօրինակ երևույթները և սթափումի կոչ ուղղում ՀՀ իշխանություններին։



Ազգային նոր պահպանողական շարժման լրատվական բաժին

18.10.2009թ.

ք. Երևան

http://samurai-uhi.livejournal.com/2593.html

Հղումով գնալով կտեսնեք որ թռուցիկներում կոնկրետ թուրքերի նկատմամբ ոչ մի բացսական բան չկա, իրականում կա իշխանությունների նկատմամբ, փաստորեն հզոր միջոց է ստացվելու, այսուհետ իշխանությունների դեմ ցանկացած ելույթ կարող որակվել հայ-թուրքական եղբայրության խաթարման փորձ, կամ եթե թուրքերի հետ կապ էլ չունենա ապա ծայրահեղականություն ինչպես գրված է արձանագրություններում։

Այնպես որ դեմոկրատիան պրծավ, եվրոինտեգրացիան էլ հետը, գնում ենք դեպի «արմատները» այսինքն դեպի օսմանաինտեգրում։