StrangeLittleGirl-ի խոսքերից
Սեռը, կամ ավելի ճիշտ գենդերը, մեր սոցիալական անձի կարևոր բաղադրիչ ա ու հնարավոր չի անջատել։ Մենք բոլորս մեծացել ենք որոշակի գենդերային ստերեոտիպներով։ Ով էլ ասի, թե ինքը տենց չի մեծացել, չեմ հավատա, որովհետև մեր հասարակությունը գենդերացված ա։ Մենակ ջունգլիներում մարդկանցից հեռու մեծացած անձը կարա գենդերազուրկ լինի։ Էդ լավ ա, թե վատ, հարցի մյուս կողմն ա, բայց հարցը պիտի քննարկենք էն իրականության մեջ, ինչ ունենք։
Հետևաբար, գենդերը չի կարա դեր չունենա նաև ընկերական հարաբերություններում։ Կանանց (ընդհանուր առմամբ) մեծացրել են որպես էմպաթների, իսկ տղամարդկանց (ընդհանուր առմամբ)՝ որպես ֆիզիկապես ուժեղների, հաց վաստակողների, էմոցիաները զսպողների (էլի ընդհանուր առմամբ)։ Ու սա անդրադառնում ա նաև մեր սոցիալական հարաբերություններին, սա անդրադառնում ա նրան, թե ոնց ենք մեզ պահում զանազան իրավիճակներում, նաև՝ ընկերություններին։
Էն էմոցիոնալ աջակցությունը, որ հաճախ կինը կնոջից ա ստանում (նաև տղամարդը կնոջից, ի դեպ), բավական բարդ ա տղամարդուց ստանալը, որովհետև իրանց հիմնականում չեն սովորացրել էմոցիաներ ճանաչել ու ցույց տալ։ Հետևաբար, տղամարդիկ կնոջ կյանքում ու միմյանց կյանքերում տարբեր դերեր են ունենում, ընկերությունն էլ տարբեր ա լինում (չեմ ասում ավելի լավ կամ ավելի վատ, այլ տարբեր)։ Ու կարծում եմ՝ տղամարդկանց էսօր շատ ա պետք թե՛ իրար միջև, թե՛ կանանց հետ էնպիսի ընկերություն, ինչպիսին կանանց միջև ա լինում, իրանց պետք ա էմոցիաներն արտահայտել ու էմոցիոնալ աջակցություն ստանալ։
Ինչ վերաբերում ա տղամարդատյաց ֆեմինիստներին, ապա չես պատկերացնի, թե ֆեմինիստների ինչ փոքր տոկոս են իրանք կազմում։ Էսօրվա աշխարհում ամեն իրան հարգող կին ֆեմինիստ ա, որովհետև ուրիշ կերպ չի կարա լինի։ Ի դեպ, վերջերս ֆբ-ն մի պոստ էր հիշացրել, որտեղ հինգ տարի առաջ բողոքում էի, թե Դանիայում խե՜ղճ տղամարդիկ, կանայք դոմինանտ են, տղամարդկանց ատում են, խեղճերին ճնշու՜մ են։ Բայց դա ընդամենը մի սուտ նարատիվ էր, որ տղամարդ ղեկավարս էր հրամցրել։ Հետո թվեր տեսա, հետո մաշկիս վրա զգացի։ Հետո նաև հանդիպեցի տղամարդկանց, ովքեր ֆեմինիստ կանանց ֆեմինացի են անվանում, հանդիպեցի նաև կանանց, որ մինչև ուղնուծուծը համոզված են, որ Դանիայում գենդերային խտրականության խնդիր չկա, ու հանդիպեցի տղամարդկանց, որ ֆեմինիստ կանանց հետ պայքարում են գենդերային խտրականության դեմ։
Գուցե մի հարյուր տարի հետո, երբ երեխաներին առանց գենդերի կարևորության մեծացնեն, մարդկային հարաբերություններում վերանա գենդեր հասկացությունը, բայց ասել, թե դա չկա, ուղղակի խաբկանք ա։
/ վստահ եմ որ մարդիկ ընդունակ են դրանից դուրս ընդունել իրար, ինչ շատ բաներ կհեշտացնի։
Մեջբերել
Էջանիշներ