Շինարար: Խնդրեմ, հարգելիս, «քիչ մը մշակված» տարբերակը, հուսամ, այն համահունչ է բնագրին՝
Ծխախոտամոլ չեմ` սիրում եմ ծխել,
Մխացող իմ մենությունն եմ ծխում,
Կյանքս եմ ծխում ծխախոտաբույր,
Մոխրացող կյանքն իմ՝ դառն, արցունքահամ:
Ու տարրալուծվող ծուխը համբառնող՝
Ժամանակն է, որ կյանքս է ծխում:
Լուռ հետևում եմ, թե ինչպես է նա
Անարցունք լացով այրվում, ծխանում,
Հոգուս գեհենի անբոց կրակն է,
Հրդեհված կյանքն իմ ծուխ արտաշնչում:
Եղբայրացել ենք ծխախոտն ու ես,
Լուռ երկխոսությամբ` հարազատացել,
Իմ ցավը կիսել, ու կիսված հոգով
Ինքս ինձանից ծխով պատնեշվել:
Մենք շատ նման ենք՝ ծխախոտն ու ես,
Ինքնաայրմամբ մեր ցավն ենք պահում`
Ոչ-ոք չի տեսնի մեզ մխալիս, լալիս,
Ցավի մեջ երբեք չենք արցունքանում:
Ծխախոտամոլ չեմ` կյանքս եմ ծխում,
Անբուրվառ հոգով աղոթք եմ ծխում,
Ու կյանքս լցնում որպես մոխրաման,
Ու լուռ մոխրանում, լուռ անէանում…
Մեջբերել
Էջանիշներ