Բողոքի գիրք

[Աթեիստ]

Դե վատ ա էլի: Հումորի դեմ ես ոչ մի բան չունեմ, ու պարզ ա, որ ամեն ակումբցու չես կարող պարտադրել, որ լուրջ վերաբերվի ամեն թեմայի, բայց ես հույս ունեի, որ մոդերները հենց նրա համար են, որ վերահսկեն, կարգավորեն, թե որտեղ ա կատակը տեղին, որ կատակն ա ոչ տեղին: Ես ինձնով եմ չափում: Եթե ես որոշած լինեի եկեղեցու պսակով ամուսնանալ, ուրեմն ինձ համար դա չափազանց կարևոր, իմաստավորված քայլ էր լինելու: Ու ահավոր տհաճ կլիներ ու վիրավորական, որ էդ թեմայով իմ հարցին «Հիսուս Քրիստոսը, բան, երկու հոգու հետ ամուսնանաս» ոճի պատասխաններ կարդայի՝ ինձ համար էդքան կարևոր իրադարձությունն էդպես էժանացնող: Էս դեպքում ես հատկապես սրտիս մոտ ընդունեցի մոդերատորների շնորհակալությունը: Հարց տվող ակումբցին կարող է համաձայն չլինել ինձ հետ: Սա իմ կարծիքն ա: Ամեն դեպքում որքան հասկացա մինչև հիմա բոլոր արտահայտվող մոդերները համակարծիք էին: Ես էլ եղա չափից դուրս լուրջ, հումորից բան չհասկացող մեկը: Ինչ արած, ներեցեք: Ինձ համար շատ տխուր ա տեսնել ձեր սեփական անսխալականության վրա էդ աստիճան վստահությունը: Ոնց գիտեք, որոշողները դուք եք:

Տիր, եթե ինչ որ տերտերի տված, իսկ տվյալ դեպքում ավելի ճիշտ չտված թղթի կտորի մասին կատակը (ընդ որում՝ շատ անմեղ կատակ) պետք ա նույնացնես ամուսնության հետ, նշանակում ա դու էդ արարողությունը ինչ որ այլ բանի հետ ես խառնում։

Ի դեպ քննարկման հարթակում խոսք չի կարող լինեն անսխալականության մասին։ Կարող ա լինել ֆորումի ֆորմատին համապատասխան, կամ անհապատասխան կարծիք։

[Շինարար]

Հիմի որ մի հանրապետական գրանցվի ֆորումում, էլ հանրապետականի կամ Սերժի վրով անեկդոտ չենք պատմելո՞ւ։ Իհարկե պատմելու ենք։
Րաֆֆիի խադավոյ ժամանակները իրան բալետ անողներին զուգահեռ Րաֆֆիի վրա չէինք ղժժո՞ւմ, բայց ոչ իրան բալետ անողների վրա։ Կարելի ա թեմայի մեջ կատակ անել առանց անձանց վիրավորելու։ Եթե ինչ որ մեկը Րաֆֆիի (Հիսուսի, հանրապետականի, միզաբուժության) մասին անեկդոտը իրա վրայա վերցնում, դա էդ մարդու պրոբլեմն ա, ոչ թե ֆորումի կամ հումոր անողի։

Արտակ ջան, սխալ ուղով ես տանում, Հիսուսի մասին որևէ անեկդոտի մասին կարծեմ ես չեմ տեղեկացրել, էդտեղ խոսքը կոնկրետ հարց ու պատասխանի մասին էր, ընդ որում պսակադրության, ընտանիք ստեղծելու մասին: Էս քո համեմատություններն արդեն կոռեկտ չեն: Ու արդեն զրույցի մակարդակը էնքան էժանանում ա, որ մարդ վատ ա զգում մասնակից լինելուց: Ես խոսում եմ, որ մոդերատորները պետք ա գոնե մի թեթև ավելի տրամադրված լինեն ակումբցիների համար նորմալ միջավայր ապահովելու հարցում, ու մոդերատորի կողմից էս որակի պատասխան եմ տեսնում՝ ոչ միայն իմ ասածի հետ որևէ առնչություն չունեցող, իմ ասածը պրիմիտիվացնող, մոդերներից շարքային ակումբցիների վրա տեղափոխող, այլ "էդ իրա (այսինքն՝ իմ) պրոբլեմն ա" ոճով ավարտվող: Շնորհակալություն, որ մոդերատորները էդպես են մտածում: Էսա, ուզում ենք ուզենք, ուզում ենք չուզենք: Ամեն բան հասկանալի ա:

[Աթեիստ]

Եթե ես որոշում եմ լուրջ-լուրջ թեմա բացել միզաբուժության մասին և դա անում եմ Բժշկություն բաժնում, ոչ թե Զվարճալիում, նշանակում է, որ առնվազն էնքան էլ տեղեկացված չեմ էդ թեմայից, ինչի իրավունքն ունեմ, քանի որ բժիշկ չեմ, բայց մի-երկու բան եմ լսել, հետաքրքրել է։

Հիմա որ մի քանի՝ թեմային լավ տիրապետող ակումբցիներ մտնեն ու գրառում անեն, որ դա անհեթեթություն ու անլրջություն է, հակագիտական է, որևէ կերպ դրա օգտակարությունն ապացուցված չէ, մինչդեռ վնասներն ակնհայտ են, ես կստանամ իմ ոչ ճիշտ, բայց լրջորեն տված հարցի պատասխանը, կհամոզվեմ կամ չեմ համոզվի, որ դա սխալ բան է, ու երևի բոլորս էլ գոհ կլինենք։ Վաղը-մյուս օրն էլ կարող է ինֆորմացիայի պակաս ունեցող մեկ որիշին էդ հարցը հետաքրքրի, փնտրի, մտնի Ակումբ ու նորմալ բացատրություն գտնի։

Այլ բան է, երբ թեման բացված է սխալ բաժնում, ձևակերպումը հստակ չի կամ ակնհայտ է, որ հեղինակն ինքը անլուրջ է տրամադրված էդ հարցի նկատմամբ, իսկ էդ դեպքում կան լիքը միջոցներ, ընդհուպ մինչև թեման փակելն ու բացողին տուգանելը։

Ու մի բան էլ. ախր բաժինն ու թեման էլ կապ ունեն։ Կրոնը ճշգրիտ կամ բնական գիտություն չի։ Անգամ էդ ոլորտներում են լիքը ոչ հստակ ու վիճահարույց հարցերը։ Կրոնում անլուրջ թեման ո՞րն է։ Հիմա կարող է ես լրջորեն հավատում եմ Աստղիկին ու Վահագնին։ Ո՞վ ասաց, որ ես քրիստոնյայից, բուդդիստից կամ աթեիստից պակաս իրավունք ունեմ իմ հայացքներն ունենալու։ Ինչո՞ւ են հատկապես աթեիստներն էդքան վերևից նայում իրենց հայացքները չկիսողներին ու համարում, որ իրավունք ունեն ուրիշներին ծաղրելու։ Ախր ոչ մեկն էլ չի կարող գիտականորեն ապացուցել իր իրավացիությունը։ Բոլորս էլ մաքսիմում կարծիք հայտնող ենք։

Իմ ասածն էլ էդ ա, որ ես էլ կարող եմ իմ կարծիքն արտահայտել, ու եթե դրա մեջ չկա ծաղր ու վիրավորանք, ապա կարող եմ և կատակել։
Հաճախ ես ինչ որ բան գրելուց առաջ էդ թեմայով անեկդոտ եմ պատմում, որը համառոտ ներկայացնում ա իմ ասելիքը։ Չի կարելի ա, չէ՞, չորով դնել. «միայն լուրջ, առանց ժպտալու գրառումներ, որտև սա զվարճալի բաժնում չի»։

[Աթեիստ]

Տիրան ջան, մոդերատորը մարդ ա, որ իրա վրա պարտականություն ա վերցրել. նենց անել, որ գրառումները մնան կանոնադրության սահմաններում։ Եթե դրա համար ես պետք ա դառնամ ձայնազուրկ, ինչի՞ս ա պետք տենց պարտականությունը։ Պատկերացրու, մենք էլ մարդ ենք, ու իրավունք ունենք և կարծիք հայտնել, և հավանած գրառումներին շնորհակալություն հայտնել։

Շնորհակալություն, որ մոդերատորները էդպես են մտածում:

Ի դեպ, ոչ թե մոդերատորներն են այդպես մտածում, այլ անձամբ ես՝ նույնքան ակումբցիս, ինչքան մյուսները։

[Նաիրուհի]

Իմ ասածն էլ էդ ա, որ ես էլ կարող եմ իմ կարծիքն արտահայտել, ու եթե դրա մեջ չկա ծաղր ու վիրավորանք, ապա կարող եմ և կատակել։
Հաճախ ես ինչ որ բան գրելուց առաջ էդ թեմայով անեկդոտ եմ պատմում, որը համառոտ ներկայացնում ա իմ ասելիքը։

Հա, բայց եթե ես միզաբուժության մասին թեմա եմ բացում, ինձ համար պիտի որ վիրավորական լինի, եթե դու կատակ անես՝ չբացատրելով, թե էդտեղ ինչ ղժալու բան կա։

Չի կարելի ա, չէ՞, չորով դնել. «միայն լուրջ, առանց ժպտալու գրառումներ, որտև սա զվարճալի բաժնում չի»։

Հիմա կարելի՞ է. թե՞ չի կարելի

[Skeptic]

"Օտբոյ"-իս ժամանակի հաշվին տեխնիկական սահմանափակ հնարավորություններով ուշադիր հետևում եմ քննարկմանը ու մտածում Ռուսաստանի Մեծն Ինկվիզիտոր Պուտինի կողմից վերջերս ընդունված թեոկրատամետ օրենքի ու իրանց ճորտերի դաշնակից փոքր եղբոր հնարավոր քայլերի մասին:


Հետաքրքիր ա հարևան թեմայում խրախճողներից ոմանց դիրքորոշումը, եթե "Ուֆոլոգների միության" փոխարեն գրված լիներ "Վանականների միաբանություն":

[Աթեիստ]

Լիլ, եթե ես պարզապես ղժժամ, դա ըստ քեզ վիրավորական չի լինի՞։ Դա ես չեմ ընդունում։

Իսկ եթե գրեմ, որ տատս միզաբուժությունով ոջիլ էր բուժում, որտև հոտից սաղ ոջիլները փախնում էին, կարծում եմ կպատկերացնես, թե ինչ էի ուզում ասել։

Ի դեպ, տեսա՞ր, որ լուրջ թեմայում (բողոքի անկյուն) անմեղ հումոր ես անում։

[Վահե-91]

Ես էլ եմ մեկ-մեկ տենց ք*ք կերել՝ լուրջ քննարկումը շեղել հումորներով։ Ես էլ եմ շնորհակալել էտ «չարաբաստիկ» գրառմանը (եթե հիշողությունս ինձ չի դավաճանում ), որովհետև հումորը տեղին էր ու իմ կարծիքով ուղղված ոչ թե հարց բարձրացնողին՝ այլ եկեղեցուն: Ընդհանուր առմամբ նման գրառումները թեմայից դուրս չեն, կանոնադրությունը չեն խախտում, պատժի արժանի չեն, բայց նման գրառումները սպանում են դիալոգը կամ քննարկումը: Պետք չի թեման վերածել «ուրախների ու հնարամիտների ակումբի»:
Մեկ էլ, որ նորեկ ա գալիս, տապոռ թեմա ա բացում, պետք ա նախ բացատրել իրա սխալը, եթե չհասկանա՝ նորից բացատրել, ոչ թե քլնգել ու ղժժալ: Հակառակ դեպում աչքիս առաջ մի ռուսական ֆորումի ճակատագիր ա գալիս, որ վերածվել ա զուտ բարևելու, ո՞նց ես, ո՞նց չես ասելու, զվարճալի նկարներ ու վիդեոներ տեղադրելու տեղ:

[Անվերնագիր]

էս քանի օրը մարդ վախենում ա գրառում անի, ով ում որտեղ բռնեց տուգանում ա :
Օ՜ բարքեր

[Վահե-91]

էս քանի օրը մարդ վախենում ա գրառում անի, ով ում որտեղ բռնեց տուգանում ա :
Օ՜ բարքեր

որովհետև լավ հումոր ես անում , բայց ոչ միշտ տեղին

Sent from my ALCATEL ONE TOUCH 991 using Tapatalk 2

[Տրիբուն]

Էրեկվա էտ երկու գրառումները էտքան խնդրահարույց չէին, ինչքան մենք բարդացրեցինք։
Ակումբցիներից մեկը մի տեղ հումոր էր արել, իսկ մյուսն էլ փաստ էր նշել, որ էսօրվա դրությամբ եկեղեցուց ինչ թուղթ ուզես կվերցնես։ Գուցե ինքս ինձ հակասում եմ, որովհետև էտ գրառումներից մեկը ջնջեցի, իսկ մյուսն էլ խմբագրեցի, բայց կարծում եմ, որ եթե բոլոր գրառումների հանդեպ նման զգայուն լինենք, ապա Ակումբի գրառումներից շատ շատերը պիտի ջնջվեն կամ խմբագրվեն։

էտ խնդրահարույց գրառումներից մեկը ես եմ արել, ու շատ տեղին տուգանվել եմ դրա համար, գրառումս էլ խմբագրվել ա: Ու ես չեմ բողոքում: Շինարարը ճիշտ ա, իմ գրառումը կարող էր ընկալվել որպես անձնական վիրավորանք: Չնայած իմ ծաղրը ուղղված էր մեր եկեղեցու էսօրվա վարք ու բարքին ու ոչ մի կերպ որևէ մեկի անձնական կյանքին:

[Jarre]

Շնորհակալություն: «Կրոն» բաժնի մոդերատորի մոտեցումը ինձ համար պարզ ա ու որպես ակումբցու՝ անընդունելի: Կարծեմ՝ մարդը կոնկրետ հարց էր գրել՝ կոնկրետ պատասխան հուսալով: Մեկ էլ մյուսը «ինչ-որ տեղ հումոր ա անում», թե տենաս ով ա էդ թուղթը տալիս՝ Հիսուս Քրիստո՞սը, մյուսն էլ, թե փողին մուննաթ՝ փողը տուր, երկու հոգու հետ ամուսնացի: Ես ակումբից դուրս մարդ, եկեղեցու հետ կապված որևէ հարց եմ ունենում, Գուգլով գտնում եմ ակումբը, Կրոն բաժնում տեսնում եմ էդ հարցը ու էդ որակի ու բնույթի պատասխաններ, էլ կգրանցվե՞մ էս ֆորումում իմ հարցը գրելու համար: Բնականաբար ոչ: Բայց եթե ակումբը կրոնի հարցում ունի ակնհայտ ծաղրական դիրքորոշում, այլ հարց ա: Ակումբում էսօր էլ լիքը ծաղրական գրառումներ կարանք պեղենք հավատացյալների, կրոնի մասին, ու հազիվ թե մեկ ծաղրող գրառում աթեիստների մասին: Սա արդեն ակնհայտ դիրքորոշում ա, ու ուշադրություն դարձրեք, որ ոչ մի խորապես հավատացյալ մարդ երկար չի դիմանում ակումբում:

Շինարար, դիր տարբերություն անձնական կարծիքի ու մոդերատորական գործունեության միջև։
Իմ անձնական կարծիքով վիրավորական ոչ մի բան չկար ոչ Անվերնագրի հումորի, ոչ էլ Տրիբունի գրառման մեջ։
Սակայն մոդերատորի պարտականությունները կատարելիս ես պարտավոր եմ շարժվել առաջին հերթին կանոնադրությամբ և ոչ թե անձնական զգացողությամբ, ինչը և փորձել եմ անել։ Այդ պատճառով էլ ջնջել և խմբագրել եմ գրառումները։

Իսկ քո միտքը, թե աթեիստների մասին «հազիվ թե մեկ ծաղրող գրառում» գտնվի չի համապատսխանում էն իրավիճակին ինչը կա։ Փորձիր փնտրել և կգտնես նման գրառումներ։ Սակայն Կրոն բաժնից կանոնավորաբար ջնջվում և խմբագրվում են էն բոլոր վիրավորական գրառումները, որտեղ իրենց հավատացյալ համարող մարդիկ խախտում են կանոնադրությունը և վիրավորում են աթեիստներին և հակառակը։

[Mephistopheles]

էտ խնդրահարույց գրառումներից մեկը ես եմ արել, ու շատ տեղին տուգանվել եմ դրա համար, գրառումս էլ խմբագրվել ա: Ու ես չեմ բողոքում: Շինարարը ճիշտ ա, իմ գրառումը կարող էր ընկալվել որպես անձնական վիրավորանք: Չնայած իմ ծաղրը ուղղված էր մեր եկեղեցու էսօրվա վարք ու բարքին ու ոչ մի կերպ որևէ մեկի անձնական կյանքին:

Պրիվետ իմ խնդրահարույց ախպեր…

իմ կարծիքով իզուր եք խառնվել իրար… եթե մեկը հարցնում ա թե որտեղից կնքվելու կամ պսակվելու վկայական ճարեմ կամ վերցնեմ, արդեն տեղով հումոր ա, որովհետև տեղնուտեղը աչքիդ առաջ են գալիս տարատեսակ կճոյաններն ու ամենայնհայոցները իրանց ամբողջ բարքերով… ես ոչ մի վատ կամ վիրավորական բան չեմ տեսնում էդ հարցի վրա ղժալու մեջ… դա հարց տվողին ուղղված չի… ուրիշ բան որ հարց տվողը նեղանում ա, դա արդեն իրա խնդիրն ա, բայց ծաղրը իրան ուղղված չի, այլ ուղղված ա տիրող բարքերին…

Աթեիստի հետ լրիվ համաձայն եմ…

կա ևս մի բան… եթե մարդն էդ հումորից նեղանում ա, ուրեմն պտի հումոր՞րն արգելեն… կարծում եմ որ ոչ… Ակումբը պետք չի վերածել համատարած "հադուրժողականության, հաճոյախոսության ու շնորհակալություններ բաժանելու" վայր… չարժե դրախտավայրի վերածել որտեղ մարդիկ սպիտակ պռոստիններով քնար նվագելով մեջքներին թևեր աճացրած ման են գալիս… պտի լինի բանավեճ, "կռիվ" կարծիքի նկատմամբ երբեմն էլ անհանդուրժողականություն… եթե մեկը գա ասի "Սերժն էս ի՜նչ լավ նախագահ ա, հայրենասեր, ազնիվ ու բարեկիրթ" չեմ կարծում որ մարդիկ կլինեն որ կասեն "դե էս էլ իրա կարծիքն ա՝ եկեք հարգենք ու չծաղրենք"…

բոլոր թեմաներում էլ հումոր/ծաղր պտի լինի… հումորը ծանր բան ա, էդքան հեշտ չի որ եղածնել ուզում եք խեղտեք…

հես ա գնամ մի հատ էլ ես ընդեղ գրառում անեմ… "կարծիքս հայտնեմ"…

[Chuk]

Հետաքրքիր քննարկում էր:
Շնորհակալություն բոլոր մասնակիցներին:

Բոլոր տեսակետները ընդունելի ու հասկանալի են, շատ տեղերում կարող էի համաձայնվել, եթե չիմանայի բուն պատմությունը: Բայց քանի որ գիտեմ, կոնկրետ ես չեմ համաձայնվում:

Էնպես էր ստացվել, որ մոտավորապես նույն քննարկումը եղել էր ղեկավար կազմում, ես էի հրահրել:

Որովհետև քննարկման առարկա դարձած երկու գրառումների նկատմամբ պատիժները իմ կարծիքով անտեղի էին, չափազանցված: Իհարկե՛ անընդունելի է ծաղրը, ու սա հատկապես կրոնական թեմաներում, որովհետև մարդու, հավատացյալի նուրբ լարերին է առընչվում: Բայց անընդունելի է ինչ-որ քանակի հասնելու դեպքում: Անմեղ կատակները, որոնք անձերին ուղղված չեն, որոնք չեն շեղում թեման, քննարկմանը ձուլվում են, չափի մեջ են, երբևէ չեն կարող լինել անընդունելի: Եթե կա թեման անլրջացնելուն տանող տենդենց, ապա դրա դեմն իհարկե՛ մոդերատորը պետք է առնի: Բայց կարճ, թեկուզ կատակային ռեպլիկները, կարծում եմ, որ լրիվ նորմալ են՝ շատ դեպքերում, մանավանդ եթե դրանք անձի կրոնական հայացքները վիրավորող չեն:

Ուրիշ հարց, որ էս ամենը շատ սուբյեկտիվ ա, ու ես ղեկավար կազմի հետ քննարկման ժամանակ էլ մնացել եմ որպես սեփական կարծիքս հայտնող, որովհետև բաժնում կան մոդերատորներ, ովքեր պետք է իրենց սուբյեկտիվ ընկալմամբ որոշեն չափն ու սահմանը. նրանք են իմ ու այլոց կողմից ստացել են վստահությունը, որ խնդիրները կլուծեն իրենց խղճի ու կանոնադրության շրջանակներում, կարողանալով պահել ստաբիլությունը, սահմանը, չափը:

Թեմայի վերաբերյալ ես միայն մի խիստ պահանջ եմ ունեցել. հաջորդ անգամ Շինարարին խիստ պատժել, երբ ինքը իր «զայրույթն» արտահայտելու համար կմտնի թեմա, կբողոքի իր կարծիքով վիրավորական ու սադրիչ գրառման դեմ, դա կանի թեմայից դուրս գրառման տեսքով, դա կանի ակումբցիներին ուղված վիրավորական ձևակերպումներով: Շինարար ջան, դու գիտես թե ես ինչքան լավ եմ վերաբերվում քեզ, բայց հիմա ձեռքդ դիր խղճիդ ու ասա. քո արածը նորմա՞լ էր: Մոդերատորը կզբաղվի գրառմամբ, եթե այն տեղեկացրել ես: Ընդ որում իր որոշումը կլինի քո կարծիքին համապատասխան թե հակառակ, դու պարտավոր ես դա ընդունել ի գիտություն: Դու անշուշտ կարող ես բողոքել մոդերատորի գործողության դեմ, բայց դա չանելով ուրիշին վիրավորելու, ակումբի կանոնները խախտելու տեսքով: Դա կարող ես անել օրինակ այս թեմայում, ընդ որում հարգանքի դրսևորմամբ, ինչը պահանջում ես մյուսներից: Քեզ ոչ մեկը իրավունք չի տվել վիրավորել ուրիշին: Ու ես կարող էի ընդունել խնդրահարույց երկու գրառումների տուգանումը, ջնջումը, խմբագրումը, բայց իմ համար ընդունելի չէր քո ոճը, ինչպես նաև մոդերատորի՝ քո գրառումները պարզապես ջնջելն ու չտուգանելը: Ըստ այդմ այս գրառումս դիտարկիր որպես զգուշացում, դիտողություն: Հաջորդ անգամ նման բան չանե՛ս:



Ինչ վերաբերում ա կրոն բաժնին, ապա ես ակնկալում եմ, որ բաժնում չի թույլատրվելու ջրիկությունն ու սահմանն անցնելը, թեմաները անլրջության վերածումը, բայց միաժամանակ ակնկալում եմ, որ դա չի արվելու սովետական գրաքննության ոճով, ինչքան էլ որ ոմանք մտածեն, որ դա է բացարձակ ճիշտը:



Հա, անդրադառնամ նաև բացասական վարկանիշի պատմությունը: Բացասական վարկանիշ տալը յուրաքանչյուր ակումբցու իրավունքն է: Մոդերատորն իրավունք չուներ բացասական վարկանշին արձագանքել հրապարակային՝ մասնակցին վիրավորելու տեսքով: Բացասական վարկանիշների միայն մասնավոր դեպքերում կարող է «արգելվել», եթե այսինչ կամ այնինչ մասնակիցը ծրագրավորված կերպով փորձում է իջեցնել որևէ մասնակցի կամ մասնակիցների վարկանիշը՝ գնահատելով ոչ թե կոնկրետ գրառումներ, այլ անձի նկատմամբ սեփական վերաբերմունքի շրջանակներում: Նման դեպք եղել է, բացառիկ դեպք է, հուսով եմ էլ չի լինի: Տվյալ դեպքը այդպիսիքից չի: Ու հատկապես մոդերատորի կողմից բացասական վարկանիշների նկատմամբ նման վերաբերմունքը, որը կարող է բերել մասնակիցների բացասական վարկանիշ տալուց խուսափելին, համարում եմ անընդունելի ու ակնկալում, որ Վիստ, այլևս երբեք նման բան չես անի, ինչքան էլ որ քեզ բացասական վարկանիշ կտան:

[keyboard]

Արտ, կներես էլի, բայց պիտի ասեմ, գիտե՞ս քո՝ էս բաժնում արած գրառումները, հարցեր ադմինիստրացիային բաժնում քո գրառումները,որոնք մասնավորապես վերաբերվում են մոդերատորների գործողություններին, ակումբի կանոնադրության խախտումներին, կոնկրետ մասնավոր դեպքերին, իրարից ոչնչով չեն տարբերվում, ավելին, դու դաժե կարաս դրանք քոփի թեյսթ անես ամեն տեղ ու ժամանակ չկորցնես նույն բանը գրելու, դաժե կարաս սկրիպտ գրես մի հատ, որ նշված բաժիններում հենց ես կամ մեկելը գրառում անի, ավտոմատ կերպով էդ գրառմանը պատասխանի նույն բանը, ինչ միշտ դու գրում ես:

Ակումբը կործանման տանող ուղին սա ա, ու դա անհերքելիա, ինչքան էլ, որ ես ինձ խաբեմ, դու ինձ ու քեզ խաբես, մեկա դա տենց ա:

Կարիք չկա, որ գրես, որ շնորհակալ ես իմ կարծիքի համար ու դա չէս ընդունում ու բարի քննարկումներ մաղթես, ես առանց այդ էլ գիտեմ, ինչ ես գրելու Արտ ջան: