Բողոքի գիրք

[Chuk]

Իսկ ես այն կարծիքին եմ, որ սա առաջին դեպքը չի, որ Եկվորի կողմից ռուսալեզու գրառում է արվել, երբ դրա անհրաժեշտությունն ուղղակի չի եղել ու որ տուգանքը տեղին է: Հուսով եմ, որ նման գրառումներն այլևս չեն կրկնվի:

[Եկվոր]

Եվ եթե մի փոքրիկ ակումբում չեն կարողանում կատարել այդ ակումբի կանոնադրության կանոնները, արդ ինչպե՞ս մենք կարող ենք պահանջել, որ երկրում վերանան կլանային և հովանավորչական դրսևորումները այդ կառույցի ղեկավարության կողմից

[Արևածագ]

Եկվորի բողոքից մի երկու օր անց , «Անկապում ...» այսպիսի գրառում է արվում.
http://www.akumb.am/showthread.php/5...=1#post2130208
Տառերի նման դասավորությունն ինձ ոչինչ չի ասում, բայց որոշեցի ձեռնպահ մնալ «Բողոքի անկյունում» գրառում անելուց, այն հույսով, որ գուցե Եկվորը չի կարդա օրագրային այդ գրառումը: Իզուր տեղը մի անգամ ևս իր տրամադրությունը գցելու ցանկություն բնավ չունեի: Իհարկե, բոլորս էլ այստեղ գրում ենք նյութական որևէ շահ չհետապնդելով, բայց անարդարացի վերաբերմունքը մեկի մի տողանոց ռուսերեն հանրահայտ ասացվածքի ու մյուսի՝ անընթեռնելի գրառման նկատմամբ, իսկապես տրամադրություն են փչացնում ու ծանր մտորումների տեղիք տալիս: Խնդրում եմ, ինձ էլ ճիշտ հասկացեք: Ես հավասարաչափ սիրում ու գնահատում եմ թե' Չուկին, թե' Եկվորին ու Հայկօին: Ասելիքս այն է, որ պիտի ձգտել հարմարավետ միջավայր ստեղծել բոլոր ակումբցիների համար՝ բոլորի նկատմամբ հնարավորինս անաչառ վերաբերմունքով:

[Շինարար]

Հայկօի գրառման մեջ ակումբի կանոնադրությանը հակասող ոչինչ չեմ տեսնում:

[Եկվոր]

Ես էլ… անգլերեն լեզուն ուու՜ուր, ռուսերենն ու՛ր…

Հ.Գ. Այդ ե՛ս եմ ընտրում akumb.am-ը, որովհետև ուզում եմ, որ այն արդար ու բարոյական լինի

[Dayana]

Եկ ջան, «պրի ֆսյոմ ուվաժենիի կ ծիբե», ասեմ, Օրագրերում մենք իրավունք ունենք մեջբերելու ու գրելու ցանկացած լեզվով, որովհետև էդ մեր օրագիրն է: Խոսքս միայն օրագրերի մասին է, մնացած թեմաների մասին ոչինչ ասել չեմ կարող:

[Շինարար]

Ես էլ… անգլերեն լեզուն ուու՜ուր, ռուսերենն ու՛ր…

Հ.Գ. Այդ ե՛ս եմ ընտրում akumb.am-ը, որովհետև ուզում եմ, որ այն արդար ու բարոյական լինի

Ես կասեի՝օտարալեզու գրառումն ուր, գրառման մեջ գրառումն ամբողջացնող օտարալեզու հատվածն՝ ուր: Ինչևէ, ես հրաժարվում եմ մոդերատորությունից, քանի որ 1.տվյալ բաժիններում ակտիվ առնվազն երկու ակումբցի գտնում են, որ միջավայրը հավասարապես հարմարավետ չէ բոլոր ակումբցիների համար, 2.այն անարդար և անբարոյական է իմ մոդերատորական գործուղության արդյունքում:

[Աթեիստ]

Ես կասեի՝օտարալեզու գրառումն ուր, գրառման մեջ գրառումն ամբողջացնող օտարալեզու հատվածն՝ ուր: Ինչևէ, ես հրաժարվում եմ մոդերատորությունից, քանի որ 1.տվյալ բաժիններում ակտիվ առնվազն երկու ակումբցի գտնում են, որ միջավայրը հավասարապես հարմարավետ չէ բոլոր ակումբցիների համար, 2.այն անարդար և անբարոյական է իմ մոդերատորական գործուղության արդյունքում:

Հուսով եմ կփոխես որոշումդ, որովհետև բացահայտ սխալ ակումբցու բացահայտ սխալ գրառման պատճառով չպետք է տուժի ակումբը: Իսկ որ այն քո ղեկավարման կազմից բացակայելուց կտուժի, ես համոզված եմ:

Համենայն դեպս, այլ ակումբիցների համար ովքեր չեն ուզում ժամանակ ծախսել և կարդալ կանոնադրությունը:

2.2.4. Չեն թույլատրվում ոչ հայերեն գրառումները, կամ գրառումները, որոնք պարունակում են ոչ հայերեն բառեր, արտահայտություններ, նախադասություններ՝ բացառությամբ հետևյալ դեպքերի.
- եթե հրապարակվում է ակումբի անդամի օտար լեզվով գրած ստեղծագործությունը,
- եթե օտար լեզվով տեքստը ինչ-որ հոդվածից, գրքից կամ այլ տեղից մեջբերում է և կարևոր է տվյալ թեմայի կամ քննարկման համատեքստում (այս դեպքում գրառման մեջ պետք է նաև բերվի մեջբերվող տեքստի ամբողջական կամ համառոտ բովանդակությունը՝ հայերենով),
- եթե գրառման մեջ օգտագործվել է օտար բառ կամ արտահայտություն, որի հայերեն թարգմանությունը լավ չի արտահայտում բառի (արտահայտության) իմաստը, կամ որի հայերեն թարգմանությունը չկա, կամ որի թարգմանությունը հայտնի չէ հեղինակին,
- եթե օտար լեզվով բառը, արտահայտությունը, նախադասությունը կամ տեքստը բերվում է հայերեն համարժեքի հետ համեմատության մեջ դնելու համար,
- եթե այդպիսի գրառումները արվել են հատուկ թեմաներում, որոնցում ակումբի ղեկավարները թույլատրել են օտար լեզվով գրաոումները,
- որոշ այլ, չկանխատեսված դեպքերում:

Կարճ ասած, օտար լեզվով գրառումը Հայաստանի համար մեկ հայալեզու ֆորումում պետք է խիստ հիմնավորված լինի:

[Հայկօ]

Եկվորի բողոքից մի երկու օր անց , «Անկապում ...» այսպիսի գրառում է արվում.
http://www.akumb.am/showthread.php/5...=1#post2130208
Տառերի նման դասավորությունն ինձ ոչինչ չի ասում, բայց որոշեցի ձեռնպահ մնալ «Բողոքի անկյունում» գրառում անելուց, այն հույսով, որ գուցե Եկվորը չի կարդա օրագրային այդ գրառումը: Իզուր տեղը մի անգամ ևս իր տրամադրությունը գցելու ցանկություն բնավ չունեի: Իհարկե, բոլորս էլ այստեղ գրում ենք նյութական որևէ շահ չհետապնդելով, բայց անարդարացի վերաբերմունքը մեկի մի տողանոց ռուսերեն հանրահայտ ասացվածքի ու մյուսի՝ անընթեռնելի գրառման նկատմամբ, իսկապես տրամադրություն են փչացնում ու ծանր մտորումների տեղիք տալիս: Խնդրում եմ, ինձ էլ ճիշտ հասկացեք: Ես հավասարաչափ սիրում ու գնահատում եմ թե' Չուկին, թե' Եկվորին ու Հայկօին: Ասելիքս այն է, որ պիտի ձգտել հարմարավետ միջավայր ստեղծել բոլոր ակումբցիների համար՝ բոլորի նկատմամբ հնարավորինս անաչառ վերաբերմունքով:

Արևածագ ջան,

Համոզված եմ՝ հասկանում ես իմ գրածի ու Եկվորի գրածի տարբերությունները և զարմանում եմ, թե ինչու ես վերևի գրառումդ արել:

• Առաջին. իմ գրառումը անգլերեն նախադասությունների հատվածներ էր պարունակում՝ հայերեն տեքստի հետ միասին, ի տարբերություն Եկվորի գրառման, որ միմյայն օրատ լեզվով էր
• Երկրորդ. իմ գրառման միջի անգլերեն հատվածները շփվելու, քննարկումներ ծավալելու և երկխոսության որևէ տարրեր չէին պարունակում, այլ մեջբերված էին՝ որպես գրառման հայերեն իմաստը պայմանավորող անխուսափելի տարրեր. առանց դրանց նշված գրառումս ոչ մի իմաստ չէր ունենա: Անգլերեն ստեղծագործության մի փոքրիկ հատված մեջբերելը, ի դեպ, միշտ էլ թույլատրվել է, օրինակ՝ հենց նույն «Մեր սիրած երգերի խոսքերը» թեմայում
• Երրորդ. տվյալ դեպքում բնավ կարևոր չէ, թե ես ի՛նչ եմ գրել այդ անհականալի անգլերենով (առավել ևս, որ կոնկրետ ոչ ոքի չեմ դիմել և այլն), կարևորն այն է, որ դա հայերեն չէ, ինչն էլ հստակ բարձրաձայնած է հենց նույն գրառման մեջ
• Չորրորդ. այն, ինչը քեզ համար մեկ տողանոց հանրահայտ ասացվածք է, մեկ ուրիշի համար կարող է նույնքան անհասկանալի լինել, ինչքան այդ անգլերեն «տառերի նման դասավորությունը»՝ քեզ համար: Սակայն եթե իմ գրառման մեջ գրածս «տառակույտի» իմաստը էական չէ և նույնիսկ լավ է, որ այն կարդացողը այդ հատվածները չի հասկանում (դա ավելի է ընդգծում գրածս և հետո բացատրված է մաքուր հայերենով), ապա Եկվորի գրառումը ռուսերեն չհասկացողը կարող է արդարացիորեն «անընթեռնելի» որակել
• Հինգերորդ. նման ռուսերեն և ոչ միայն ռուսերեն արտահայտություններ բոլորիս բառապաշարներում էլ անկասկած առկա են, ընդ որում՝ բավականին մեծ քանակությամբ, և շատ հաճախ դրանց կիրառությունը, հնարավոր է, միայն կնպաստի քննարկումների որակին ու հետաքրքրությանը: Սակայն գրանցվելով «Ակումբում»՝ բոլորս էլ մեր համաձայնությունն ենք տվել Կանոնադրությանը, որտեղ հստակ նշված է, որ օտար լեզվով գրառումները արգելվում են
• Վեցերորդ. «Ակումբի» սահմաններում իմ հեղինակած ցանկացած գրառման կոնտեքստում «նյութական շահ հետապնդել» արտահայտությունը քո կողմից ևս մեկ անգամ կիրառելու դեպքում խոստանում եմ փոքր-ինչ փոխել քո նկատմամբ իմ ունեցած բացառապես դրական վերաբերմունքս ու կարծիքս

Շնորհակալություն, և իմաստալից ու անաչառ քննարկումներ բոլորիս:

[Արևածագ]

[*]Վեցերորդ. «Ակումբի» սահմաններում իմ հեղինակած ցանկացած գրառման կոնտեքստում «նյութական շահ հետապնդել» արտահայտությունը քո կողմից ևս մեկ անգամ կիրառելու դեպքում խոստանում եմ փոքր-ինչ փոխել քո նկատմամբ իմ ունեցած բացառապես դրական վերաբերմունքս ու կարծիքս

Սկսում եմ այստեղից, որովհետև զարմացած եմ, իմ գրած «նյութական շահ հետապնդել» արտահայտությունն ինչու՞ ես քո գրառման վերաբերյալ ընդունել: Ես այդ արտահայտությունն արել եմ այն պատճառով, որ իրական կյանքում բազմաթիվ հարաբերություններ կառուցվում են նյութական, հասարակական դիրքի կամ աշխատանքում առաջընթաց ապահովելու նպատակով: Մեր ակումբում գտնվելը այդ նպատակներից և ո'չ մեկն էլ չի հետապնդում: Միայն շփում ընդհանուր հետաքրքրությունների շրջանակում: Բայց այստեղի անարդարացիության թեկուզ փոքր դրսևորումներն էլ կարող են տխրեցնել: Այդ պատճառով էլ վերի գրառմանս մեջ արդեն գրել եմ.

Ասելիքս այն է, որ պիտի ձգտել հարմարավետ միջավայր ստեղծել բոլոր ակումբցիների համար՝ բոլորի նկատմամբ հնարավորինս անաչառ վերաբերմունքով:

Չնայած համոզված եմ, որ հնարավորինս անաչառ վերաբերմունքը բոլորի նկատմամբ շատ դժվար իրագործելի է, բայց դա չի նշանակում, թե չի կարելի ձգտել դրան:
Ինչ վերաբերում է քո գրառմանը, անկեղծորեն եմ ասում, չեմ հասկացել , թե այն ինչի՞ մասին էր, ըստ այդմ չէի կարող ենթադրել, թե այնտեղ նյութականի մասին որևէ բան կա՞, թե՝ ո'չ:

Ինչ վերաբերում է Շինարարի խոսքերին

Ինչևէ, ես հրաժարվում եմ մոդերատորությունից, քանի որ 1.տվյալ բաժիններում ակտիվ առնվազն երկու ակումբցի գտնում են, որ միջավայրը հավասարապես հարմարավետ չէ բոլոր ակումբցիների համար, 2.այն անարդար և անբարոյական է իմ մոդերատորական գործուղության արդյունքում:

երկու ակումբցու կարծիքը չի կարող ծանրակշռել մնացած մոտ 600 ակտիվ անդամների կարծիքին, էլ չասեմ, որ գոնե ես «անարդար ու անբարոյական» բառերը չեմ օգտագործել:

Կոնկրետ Եկվորի այն գրառման համար, որն արդեն ջնջված է, չէ՞ր կարելի կիրառել կանոնադրության այս կետը. համ էլ այսքան խոսակցության առիթ չէր տա:
- որոշ այլ, չկանխատեսված դեպքերում:

[Աթեիստ]

Կոնկրետ Եկվորի այն գրառման համար, որն արդեն ջնջված է, չէ՞ր կարելի կիրառել կանոնադրության այս կետը. համ էլ այսքան խոսակցության առիթ չէր տա:
- որոշ այլ, չկանխատեսված դեպքերում:

Եթե նման երկրորդական գրառման համար արվի նման բացառություն, հաջորդ օրն իսկ ակումբը կլցվի օտար լեզվով գրառումներով:
Բացառություն արդեն նշանակում է, որ գրառումը պետք է լինի բացառիկ նշանակության:

[Արևածագ]

Եթե նման երկրորդական գրառման համար արվի նման բացառություն, հաջորդ օրն իսկ ակումբը կլցվի օտար լեզվով գրառումներով:
Բացառություն արդեն նշանակում է, որ գրառումը պետք է լինի բացառիկ նշանակության:

Օտարալեզու գրառումների մասին այս թեմայում էլի եմ գրել, կարծում եմ երբեմն- երբեմն այսպիսի բողոքային պոռթկումներ լինելու են, որովհետև հստակ չի սահմանագծված, ո՞ր դեպքում է հնարավոր այլալեզու գրառումը կամ ի՞նչ է նշանակում «բացառիկ նշանակություն»: Եթե մարդն ընդհամենը մի տող օտարալեզու գրառում է արել ու տուգանք է ստանում, անմիջապես անհանդուրժողականության ալիք կծնվի մեջը, երբ օրագրերում առանց թարգմանության օտարալեզու տեքստեր են դնում: Ինչու՞ մի տեղում կարելի է, իսկ մյուսում՝ ոչ:
Այդ պատճառով կարծում եմ կարելի է թողնել միայն այս կետը

- եթե հրապարակվում է ակումբի անդամի օտար լեզվով գրած ստեղծագործությունը,

«Ոչ հայերեն ստեղծագործողի անկյուն » ենթաբաժնում գրառումներ կատարելու համար, մնացած բոլոր բաժիններում անխտիր պահանջել, որ ներկայացված օտարալեզու գրառման կողքին անպայման լինի հայերեն թարգմանությունը: Ահագին կհեշտանա թե ակումբցիների, թե մոդերատորների գործը:

[Chuk]

Որովհետև օրագրեր բաժնում ակումբի ղեկավարները թույլատրել են սեփական մտորումները օտար լեզվով հանձնել ուրիշների դատին, չնայած այդ թույլտվությունը հետագայում հնարավոր է վերացվի՝ կախված հանգամանքներից: Այդ թույլտվությունը տրվել է կանոնադրության այս հատվածի համաձայն. «եթե այդպիսի գրառումները արվել են հատուկ թեմաներում, որոնցում ակումբի ղեկավարները թույլատրել են օտար լեզվով գրաոումները»: Բողոքի ալիք, փորձը ցույց է տալիս, հիմնականում բարձրանում է այն ժամանակ, երբ մարդիկ չեն ցանկանում հետևել կանոններին, մինչդեռ կանոնները բավական հստակ են: Ինչ վերաբերվում է «չկանխատեսված դեպքերին», ապա դա մենք ենք որոշում: Ակումբը ստեղծվել է հայատառ լինելու համար, հայերեն լինելու համար ու օտարալեզու թույլատրվել ու թույլատրվում է բացառիկ դեպքերում, անհրաժեշտության դեպքում: Դրանցից են ստեղծագործությունները ու ստեղծագործության ոչ այնքան բարձրարժեք տարատեսակ օրագրային գրառումները: Ցանկացած այնպիսի գրառում, որը կարող է նախադեպ դառնալ ոչ հայերեն գրառումների հոսք ստեղծելու համար՝ խախտելով ակումբի նպատակները, արգելվում են: Եթե այնուամենայնիվ ոմանց մոտ կշարունակվի բողոքի ցասում արթնանալ, քավ լիցի, թող բողոքեն: Մենք էլ հոգնած կլսենք այդ բողոքները ու կշարունակենք պաշտպանել ակումբի նպատակներն ու կանոնները:

[gevorg ghazaryann]

«ԴԱՐ» ակումբում կատարված ցանկացած գրառում ակումբում տեղադրվելու պահից դառնում է ակումբի սեփականությունը, այդ գրառման ակումբում մնալ կամ չմնալու հարցը որոշում են ակումբի ղեկավարներն ու մոդերատորները:

Ոմն Մոդեր ատոր ՝ՎիսՏոլոգ ՝իր դժգոհությունն է արտահայտել իմ Բլոգերի,Օրագրի ու այլ ախմախ գրարումների համար,խնդրում եմ այն վերացնել,քանզի ես հեռանում եմ ձեր կայքից:
Հասկանալով բօլօրիդ հակակրանքն իմ հանդեպ:
Ցտեսություն:
իսկ եթե ակումբում կատարված ցանկացած գրառում ակումբում տեղադրվելու պահից դառնում է ակումբի սեփականությունը, ապա ոտնահարվում են իմ հեղինակային իրավունքներն....
Պահանչում եմ եմ Հարգել ԱԿՈՒՄԲՈՒՄ իմ մնալու լիիրավ իրավունքն:
Քանզի այսոր Հաշմանդամների իրավունքների Պաշտպանության Օրն է:

Հարգանքներս,ամեն ինչի համար շնօրհակալ եմ,եվ երկար համբերություն ձեզ:

[VisTolog]

«ԴԱՐ» ակումբում կատարված ցանկացած գրառում ակումբում տեղադրվելու պահից դառնում է ակումբի սեփականությունը, այդ գրառման ակումբում մնալ կամ չմնալու հարցը որոշում են ակումբի ղեկավարներն ու մոդերատորները:

Ոմն Մոդեր ատոր ՝ՎիսՏոլոգ ՝իր դժգոհությունն է արտահայտել իմ Բլոգերի,Օրագրի ու այլ ախմախ գրարումների համար,խնդրում եմ այն վերացնել,քանզի ես հեռանում եմ ձեր կայքից:
Հասկանալով բօլօրիդ հակակրանքն իմ հանդեպ:
Ցտեսություն:

Հաջողություն: