Ինչպես հայտնի է մեկնարկել է Անգլիայի Պրեմիեր Լիգայի հերթական խաղարկությունը։ Մենք արդեն անդրադարցել ենք «Էվերտոն»-«Արսենալ» հանդիպմանը, որտեղ լոնդոնցիները հաղթել էին 6։1 հաշվով։ Անդրադառնանք նաև մյուս խաղերին։
Տուրի կենտրոնական հանդիպումը կայացավ Լոնդոնի «Ուայթ Հարթ Լեյն» մարզադաշտում, որտեղ «Տոտենհեմը» մրցեց չեմպիոնության գլխավոր թեկնածուներից մեկի՝ «Լիվերփուլի» հետ։ Առաջին խաղակեսում «Տոտենեհմը» ուներ առավելություն, շատ ակտիվ էր խորվաթ Լուկա Մոդրիչը, սակայն գնդակը չէր ուզում հայտնվել Ռեյնայի պաշտպանած դարպասում։ Այնուամենայնիվ 45-րդ րոպեին Ասու-Էկոտոն, ընթացքից կատարած հարվածով, առաջ մղեց տանտերերին։ Երկրորդ խաղակեսում «Լիվերփուլի» ֆուտբոլիստներն ակտիվացան՝ աչքի էր ընկնում թիմի նորեկ Գլեն Ջոնսոնը, ով 56-րդ րոպեին իր թիմի համար վաստակեց 11-մետրանոցի իրավունք, որն էլ վստահ իրացրեց Սթիվեն Ջերարդը։ Սակայն ընդամենը 4 րոպե անց լոնդոնցիները կրկին վերականգնեցին մեկ գնդակի առավելությունը՝ Մոդրիչի փոխանցումից հետո գոլի հեղինակ դարձավ Բասսոնգը։ Խաղն ավարտվեց «Տոտենհեմի» հաղթանակով 2։1 հաշվով։
«Տոտենհեմ» 2։1 «Լիվերփուլ»
Գոլերը՝ Ասու-Էկոտո 45', Բասսոնգ 61' - Ջերարդ 57'
Մնացած հանդիպումներում գրանցվեցին հետևյալ արդյունքները՝
«Չելսի» 2։1 «Հալլ Սիթի»
Գոլերը՝ Դրոգբա 37', 90' - Հանտ 28'
«Աստոն Վիլլա» 0։2 «Ուիգան»
Գոլերը՝ Մարտինես 31', Կումաս 56'
«Բլեքբեռն» 0։2 «Մանչեսթեր Սիթի»
Գոլերը՝ Ադեբայոր 3', Այրլենդ 90'
«Բոլթոն» 0։1 «Սանդրլենդ»
Գոլը՝ Բենտ 5'
«Պորտսմուտ» 0։1 «Ֆուլհեմ»
Գոլը՝ Զամորա 13'
«Սթոք Սիթի» 2։0 «Բերնլի»
Գոլերը՝ Շոուքրոս 19', Ջորդան 33' (ԻԳ)
«Վուլվերհեմփթոն» 0։2 «Վեսթ Հեմ»
Գոլերը՝ Նոբլ 22', Ափսոն, 69
«Մանչեսթեր Յունայթեդ» 1։0 «Բիրմինգեմ»
Գոլը՝ Ռունի 34'
Մեջբերել
h.s.-ի խոսքերից
Էջանիշներ