Նախագահ Սերժ Սարգսյանի հինգշաբթի օրվա հրամանագրով Գեւորգ Դանիելյանը ազատվել է Հայաստանի արդարադատության նախարարի պաշտոնից` պաշտոնեական պարտականությունները ոչ պատշաճ կատարելու համար: Այդ մասին հայտնում են նախագահի մամլո գրասենյակից:
Դանիելյանի պաշտոնանկության մասին կառավարության նիստում հայտարարեց նաեւ Տիգրան Սարգսյանը: Վարչապետը մանրամասնեց, որ արդարադատության նախարարը չի կատարել Դատական ակտերի հարկադիր կատարման ծառայության ղեկավարին էթիկայի կանոնները խախտելու համար հրապարակային պատժի ենթարկելու իր հանձնարարականը:
Գեւորգ Դանիելյանը որպես արդարադատության նախարար պաշտոնավարում էր 2007 թվականի հունիսից` մայիսին անցկացված խորհրդարանական ընտրություններից հետո:
Արդարադատության նախարարի պաշտոնը կոալիցիայի շրջանակներում հատկացված է Հանրապետական կուսակցությանը:
http://www.azatutyun.am/content/article/2243149.html
Մեջբերել
Էջանիշներ