«Հայեր, հավաքվեք մի բան որոշենք..» վերնագրով բացածս առաջին թեմայում իրականում փորձում էի պարզել, թե ունե՞նք արդյոք մենք այսօր Ազգային Առաջնորդ..
պարզվեց, որ չունենք..
կամ էլ ունենք, բայց դեռ խաբար չենք..
ինչևէ..
հիմա՝ բացելով նույն վերնագրով մի նոր թեմա, բոլորովին այլ հարցադրումով բոլորովին այլ նպատակ եմ հետապնդում..
ոչ մի գնով հավասարի նշան չեմ դնի «առաջնորդ չունենք»-ի ու «դատապարտված ենք կործանման»-ի միջև..
համաձայն եմ՝ մենք համբերատար ազգ ենք և կարող ենք նաև սպասել, մինչ մեր մեջ մի առաջնորդ ծնվի.. բայց արդյո՞ք մենք այսօր ունենք դրա ժամանակը..
իմ համեստ կարծիքով՝ հաշված տասնամյակների ընթացքում մենք ազգովի արդեն կհասնենք անդունդի հատակը՝ ուր հիմա այդպիսի ջանասիրությամբ ու իրարու հերթ չտալով սլանում ենք..
թող ոչ մեկի մոտ հանկարծ թյուր կարծիք չստեղծվի.. անձամբ ես անուղղելի լավատես եմ.. բայց եկեք դիտարկենք դեպքերի երկու զարգացում..
1. ազգովի շարունակում ենք համատարած արտագաղթի ու անգրագիտության մեջ խորասուզվելու գործընթացը..
ինձնից լավ գիտեք, թե ինչքան շատ են Հայաստանաբնակ Հայերի մեջ արտագաղթել ցանկացողները..
կամ գումարներով դիպլոմներ վաստակողները.. որոնք վաղը Հայաստանի միակ մասնագետներն ու Հայ մանուկների մանկավարժներն են դառնալու..
խոսեմ Սփյուռքից..
Սփյուռքահայերի շրջանում ավելի ու ավելի ենք խրախուսում համատարած դժգոհության դրսևորումները ու նրանց ոտքը ընդհանրապես կտրում Հայաստանից (հայտարարության համար պատասխանատու չեմ, բայց, եթե հավատանք Արմավիայի ներկայացուցչի խոսքերին՝ միայն անցողիկ ամառվա համար նախօրոք ռեզերվացիա արված Ամստերդամ-Երևան-Ամստերդամ ինքնաթիռի տոմսերի 80%-ը հետ է վերադարձվել.. ինքս էլ հաստատում եմ, որ ում խոսացնում ես՝ համարյա բոլորը բողոքում են, որ իրենցից կամ իրենց ծանոթներից աստղաբաշխական գումարներ են կորզվում Զվարթնոցում.. չմուծես՝ լավագույն դեպքում այնքան մոտները կպահեն, մինչև արձակուրդիդ վերջերը հասնի..)
Հայաստանը շարունակվում է դատարկվել ուսման կամ սովորելու մեկնող կամ պարզապես հեռացող երիտասարդության հաշվին ու պարբերաբար ընդունում ներգաղթող ծերունիների, որոնք վերադառնում են պապերի հողում մահանալու..
դե Սփյուռքահայությունն էլ, էլ չխոսենք, թե ինչպես է պատառ-պատառ եղած.. ու շատ վայրերում իրար ատելու չափ մերժող խմբերի բաժանված..
չկա հավաքական գործոնը..
Հայ Եկեղեցին ինչ-որ վերջերս լավ չի կատարում իր հազարամյա առաքելությունը՝ Հային Հայ պահելու ու հավաքական դարձնելու..
բազմաթիվ մարդիկ բողոքում են.. բողոքում են ամենատարբեր պատճառներով..
մարդ գիտեմ, որ նույնիսկ պնդում է, թե սեփական ականջներով է լսել, թե ինչպես է տեր-հայրը Եկեղեցում բարձրաձայնում իր կարծիքը, թե որքան քիչ հայաստանցի գա եկեղեցի՝ էնքան լավ.. պրծնեն էդ գող ու խաբեբաներից..
սա դեռ մի կողմ..
էն որ ամեն անգամ Հայաստանից կամ ԱՄՆ-ից հրավիրված Հայ երգիչների համերգից հետո կամ հենց դրա ժամանակ մի քանի դանակահարության դեպքեր են գրանցվում՝ էդ էլ մի կողմ..
բա որ դեռ երեկ Հայաստանից Եվրոպա հասածների շրջանակներում արդեն զրույցներ են պտտվում թե ասենք ովքեր են ավելի լավ տղերք՝ «բելգահայերը», «հոլանդահայերը», «ֆրանսահայերը» և այլն..
ի՞նչ է այս ամենը նշանակում..
իմ ցածրաձայն գնահատականը՝ ուղղորդված կամ ոչ այնքան, գիտակցված կամ ոչ այնքան, բայց հաստատ ինքնաոչնչացում..
2. պատերազմի գործոնը..
պաշտոնական Բաքուն երեկ ոչ մի պատեհ կամ անպատեհ առիթ բաց չէր թողնում հայտարարելու, թե հարձակվելու է Հայաստանի վրա..
բայց վերջերս ինչ-որ ձեները շատ չի լսվում..
կամ հոգնել են դատարկաբանությունից..
կամ էլ՝ ..ավագ եղբայրը բացատրել է, որ Հայաստանի դեմ այսօր պատերազմել պետք չէ.. նախ՝ տանուլ տալու վտանգը մեծ է, և երկրորդ՝ տարեց տարի Հայաստանից ավելի ու ավելի շատ են Հայերը հեռանում, և գերակշռող մասը՝ տղամարդիկ կամ անչափահաս տղաներ.. պետք է ընդամենը ասենք մի քսան-երեսուն տար ձգձգել էդ պատերազմի պահերը..
համ ազերիները ավելի կգազազեն..
համ էլ՝ Հայերը ավելի առխային ընկնելով, թե արտաքին վտանգ չկա՝ հանգիստ ողջ ուժերը կուղղեն ինքնաքայքայման գործընթացին..
եթե այսօր դեռ չեն հասցրել «Կարմիր Գիրք» անցկացնել Հայ Տղամարդու այն տեսակին, որը ինչքան էլ հիասթափված լինի իր երկրից կամ ժողովրդից, բայց կյանքի գնով էլ լինի՝ երբեք չի հանդուրժի օտար տեր սեփական օջախում, ապա կարե՞լի է արդյոք նույնը պնդել նաև վաղվա Հայ տղամարդու մասին.. ասել է թե՝ համատարած այս հիասթափության ու հուսալքության մթնոլորտում դաստիարակվող մեր որդիների մասին..
կարող են հաշված օրերի ընթացքում հասնել Երևան..
ու ջհանդամին, թե իրենց հետո ագրեսոր չեն անվանի..
մենք էլ կընկնենք դռնեդուռ ու նորից սուգ կկապենք ու լիաթոք կուրախանանք, երբ ասենք որևէ Աֆրիկական նոր մի պետություն ինչ-որ մի նոր այդ ագրեսիան դատապարտող նախագիծ կընդունի..
կլինի այսպես, թե ոչ, բայց ամեն դեպքում մեզ զարգանալ ու հզորանալ պետք է..
Հայն իրոք արժանի է, որ իր մասին հոգ տանեն ու ինքն ապրի բարեկեցիկ Հայաստանում..
ես էս «Ակումբ»-ի անդամներին դիտարկում եմ որպես Հայ երիտասարդության Կորիզի ներկայացուցիչներ.. եթե սխալվում եմ՝ խնդրում եմ ուղղեք..
իսկ եթե ոչ.. Առողջ Կորիզից է միշտ ծնվում ամենապտղատու ծառը..
բերեք խելք խելքի տանք ու միասին մտածենք, թե ինչ է մեր այսօրվա հնարավորությունների մեջ մտնում՝ ազդելու պատմության ընթացքի վրա ու օգնելու Հայրենակիցներին ու Հայրենիքին..
ում խոսեցնում ես՝ մի մեծ ցուցակ է նշում, թե ինչ իրեն դուր չի գալիս այսօրվա Հայերի մեջ..
բայց եկեք ռեալ խոսենք, թե ինչպես կարող ենք մենք այսօր հենց ինքներս մեզնից սկսել բարեփոխումները..
նեուժե՞լի մենք էդքան դատարկախոս ու սնապարծ ազգ ենք եղել, որ խոսքից գործի չբաշարենք անցնել..
բայց ինչպե՞ս անցնել.. ի՞նչ կարող ենք անել և ինչպե՞ս, որ բոլորիս ու ՄԵՐ Երկրի համար ԼԱՎ լինի..
Հ.Գ. եկեք դադարենք անընդմեջ սին սպասումներից, թե հեսա մեկը կգա ու մեր բոլոր հարցերը կլուծի..
Հայեր ամենայն ազնվությամբ եմ դիմում՝ եկեք կամ այս հարցի շուրջ մի լուծման թեկուզ և ուրվագիծ գտնենք, կամ էլ՝ քանի ծերությունը մեզ չի ցանցառացրել՝ հիմիկվա խելքով մի ընդհանուր հայտարարի գանք, թե ի՞նչ պատասխան կարելի է վաղը տալ մեր թոռնիկներին, եթե հանկարծ գան ու հարցնեն՝ «հող ու ջուր ունեյիր՝ քամուն տվիր, ուրիշինը գերադասեցիր.. ազգություն ու հայրենիք ունեյիր՝ ցիրուցան արիր աշխարհով մեկ, հայրենիքդ էլ ծախեցիր փողը կերար.. ավանդույթ ու մշակույթ ունեյիր՝ հեգնեցիր ու մոռացար.. դե հիմա ձեռքդ դիր խղճիդ ու ասա՝ իրո՞ք դու քեզ արժանի ես համարում, որ էդ ամեն ինչը ժառանեյիր նախնիներիցդ ու էսօր մեզ փոխանցելու համարյա բան չունես..»
Էջանիշներ