Ի՞նչ է նշանակում «հպարտանալ ինչ–որ բանով»

[Արշակ]

Ի՞նչ է նշանակում «հպարտանալ ինչ–որ բանով»։ Ինչո՞վ կարելի է հպարտանալ ու ինչով՝ ոչ։ Ինչպե՞ս է դրսևորվում հպարտանալն ու հպարտությունը։ Գուցե ընդհանրապես անիմաստ, անկապ բան է։
Ես այնքան էլ վստահ չեմ, թե ճիշտ եմ հասկանում այդ հասկացությունը։

[Psy]

Հարգելի Արշակ, չգիտեմ ինչու հուսահատության նոտաներ եմ նկատում հաղորդագրության մեջ: Պետք հպարտանալ հայրենիքով, անկախ նրանից, թե ինչպիսինն է այն:

[Ուլուանա]

Հարգելի Արշակ, չգիտեմ ինչու հուսահատության նոտաներ եմ նկատում հաղորդագրության մեջ: Պետք հպարտանալ հայրենիքով, անկախ նրանից, թե ինչպիսինն է այն:

Ես կասեի՝ պետք է սիրել ու պահպանել/պաշտպանել հայրենիքը՝ անկախ նրանից, թե ինչպիսին է այն, բայց հպարտանալ՝ անկախ նրանից, թե ինչպիսին է, կարծում եմ, մի քիչ անհեթեթ է... Նորից եմ ասում, սիրելը բոլորովին ուրիշ հարց է, սերը կարող է պատճառ չունենալ, բայց հպարտության համար լուրջ հիմքեր են պետք...

[Astghik]

Հպարտանալ, հմմմ , հետաքրքիր հարց է:
Ինձ թվում է հպարտությունը կապված է հաջողության հետ,թե անձնական ու թե որևէ ինչի կամ երևէ մեկի:Իմ կարծիքով հպարտանալը դրական է միայն մինչև այն վերածվի գոռոզության, իսկ գոռոզությունն անտանելի է...

[Երվանդ]

Հպարտությունը կարողա վերածվի գոռոզության եթե ինքտ քեզնով ես հպարտանում, բայց մարդկանց մեծամասնությունը հպարտանում է իր հարազատների կամ ընկերների իր կարծիքով լավ հատկություններով, օրինակ ես հպարտանում եմ իմ ընտանիքով, հպարտանում եմ որ հայ եմ ու տենց:

[Արշակ]

Հարգելի Արշակ, չգիտեմ ինչու հուսահատության նոտաներ եմ նկատում հաղորդագրության մեջ: Պետք հպարտանալ հայրենիքով, անկախ նրանից, թե ինչպիսինն է այն:

Չէ, ոչ մի հուսահատություն չկա։ Ուղղակի ուզում եմ հասկանալ, թե ընդհանրապես ինչ ենք հասկանում հպարտանալ ասելով։

Այդպես էլ ոչ ոք չբացատրեց, թե ի՞նչ է հասկանում հպարտանալ ասելով Ինչպե՞ս կբացատրեք այդ զգացմունքը։ Ի՞նչ է նշանակում հպարտանալ հայրենիքով կամ ասենք հարազատներով։
Այ օրինակ, «Հպա՞րտ ես, որ հայ ես» թեմայում այսպիսի կարծիք հնչեց.

Հպարտանալ հայ լինելով, նույնն ա, թե հպարտանալ, որ ծրագրավորող ես, կամ գինեկոլոգ, կամ էլ նույնն ա, որ հպարտանաս, որ ծնվել ես հունվարին կամ հունիսին:

Համաձա՞յն եք։ Եթե՝ ոչ, ապա ո՞րն է տարբերությունը։

[Երվանդ]

Համաձա՞յն եք։ Եթե՝ ոչ, ապա ո՞րն է տարբերությունը։

էտ վոնց որ ասես շատ եմ սիրում խոզի բուդ ուտել ու շատ եմ սիրում ծաղիկներ

[Արշակ]

էտ վոնց որ ասես շատ եմ սիրում խոզի բուդ ուտել ու շատ եմ սիրում ծաղիկներ

Ճիշտն ասած, չհասկացա համեմատությունը։

[StrangeLittleGirl]

Հպարտանալ ասելով ես հասկանում եմ, երբ չափից դուրս գոհ ես ինչ-որ բանից, ինչ-որ բանի լավ լինելը վերագրում ես քեզ անկապ ստացվեց

[Psy]

Հարգելի Ուլուանա, ես ոչ միայն սիրում եմ իմ հայրենիքը, այլև հպարտանում եմ նրանով. իսկ դրա հիմքը ես ունեմ լիովին, քանի որ գիտեմ հայ պատմությունը և որպես հոգեբան պատկերացում ունեմ մեր ազգի մտավոր և ստեղծագործական պոտենցիալի մասին, որը այս պահին լիովին չի դրսևորվում. եթե հաշվի առնենք, որ մենք ապրում ենք պատմության ընդամենը մի փոքրիկ հատվածում, ապա կհասկանանք, որ ամեն ինչ դեռ ուղղման ենթակա է:

Լավագույն ցանկություններով

[Angelina]

Ինձ թվում է, երբ ինչ-որ բան անում ես ու դու ինքդ գոհ ես լինում դրանից, ու 100% համոզված ես, որ ճիշտ ես արել, այդ ժամանակ էլ գոհ ես լինում ու հպարտանում ես:

[Է Ն Ց Ո]

օրնակ բոլոր Երևանցիները հպարտանում են, որ իրենք Երևանցի են
կարծում եմ դա նույն բաննա, որ հպարտանաս թե ծնվել ես հինգշաբթի

հպարտանում են նրանք ովքեր քիչ են տեղեկացված
հիշեք միշտ էլ լավից-լավը պատահումա
իսկ որնա վերջի լավը ետ ել ժամանակի հարցա պարզելը

[Մանե]

Հպարտանալ ասելով ես հասկանում եմ, երբ չափից դուրս գոհ ես ինչ-որ բանից, ինչ-որ բանի լավ լինելը վերագրում ես քեզ անկապ ստացվեց

Համաձայն եմ.Մենակ կարամ ավելացնեմ,որ ուղղակի փորձում ես ցուցադրել քո մասնակցությունը այդ բանի լավ լինելու մեջ

[Ուլուանա]

Համաձայն եմ.Մենակ կարամ ավելացնեմ,որ ուղղակի փորձում ես ցուցադրել քո մասնակցությունը այդ բանի լավ լինելու մեջ

Ու եթե հանգամանքներն այնպիսին են, որ դու դրանում ամենևին էլ քո մասնակցությունը չունես, ապա տվյալ դեպքում հպարտանալն անիմաստ ու անհիմն բան է դառնում։

[Երվանդ]

Ու եթե հանգամանքներն այնպիսին են, որ դու դրանում ամենևին էլ քո մասնակցությունը չունես, ապա տվյալ դեպքում հպարտանալն անիմաստ ու անհիմն բան է դառնում։

Անցած տարմ մեր շախմատիստները դարձան օլիմպիական չեմպիոն, ես շատ հպարտ եմ որ հենց մեր շախմատիստներն են օլիմպիական չեմպիոնները , չնայած ես ոչ մի բանում իմ ներդրումը չունեմ էտ գործում