Նորություններ՝ դեսից-դենից

**Kuk** · 20.05.2010, 11:37

Երեկ երեկոյան.

**Kuk** · 20.05.2010, 21:41

Մի փոքր Երևանում օր չկա, որ ավտովթար չլինի: Փողոցները խայտառակ վիճակում են գտնվում, բայց դա ոչ մեկին չի հետաքրքրում: Ինչքան լսես, բարեփոխումներ, բարեկարգումներ են անում, թե դրա արդյունքն ինչի տեսքով ա երևալու, երբ ա երևալու, ոչ ոք տեղյակ չի:

Վթար Թումանյան փողոցում

**Life** · 20.05.2010, 21:52

Պահոո,ես պատկերացնում եմ ինչ քաոս վաղը կլինի,Աստված տա էս տարի թեթև միջադեպերով պրծնենք

**Kuk** · 21.05.2010, 14:51

Ավտովթար Թբիլիսյան խճուղիում

**Kuk** · 21.05.2010, 23:35

Հերթական վթարը

Երեք մեքենա իրար են բախվել:

**Kita** · 21.05.2010, 23:56

Ու էլի մեր բաղրամյանի վրա

Ուֆ-ուֆ...
Մարդ վախում է քայլել, նույնիսկ կանաչի տակ

**Արևածագ** · 22.05.2010, 16:21

Մայիսի 20 -ին Վոլգոգրադի նորակառույց կամրջով դադարեցվել է ավտոմեքենաների երթևեկությունը: Ուժեղ քամու պատճառով կամրջի երկաթե կոնստրուկցիաներն սկսել են ճոճվել: Ճոճման ամպլիտուդան հասել է մոտ երկու մետրի: Կամրջի շինարարությանն իր անմիջական մասնակցությունը բերած մեր հայրենակից, շահագործող կազմակերպություններից մեկի գլխավոր ինժեներ Արմեն Մարգարյանն ասում է, որ նախագծման աշխատանքներում հաշվի է առնվում նման դեպքերի հնարավորությունը «100 տարին մեկ» հաճախականությամբ: Ինչևէ, շինարարներին առայժմ որևէ մեղադրանք չի ներկայացվել, իսկ երկաթե թռիչքային կոնստրուկցիաներն ու հենասյուները որևէ վնասվածք ստացե՞լ են թե՝ ոչ, կպարզի պետական վերահսկող հանձնաժողովի փորձաքննությունը:

Հ.Գ Արմեն Մարգարյանը համագյուղացիս է ու համատեղության կարգով՝ նաև ամուսինս:

**Արևածագ** · 23.05.2010, 19:43

Վոլգոգրադում շարունակվում են կամրջի փորձարկումները, որը փակվել էր քամուց ճոճվելու պատճառով: Կամրջի եռակցման բոլոր կարերն ուլտրաձայնով ստուգելուց հետո՝ անցել են բեռնատարների միջոցով փորձարկմանը: Փառք աստծո, որ հիմա չի կիրառվում կամուրջը սարքող ինժեներների ողջ ընտանիքով կամրջի տակ կանգնելու պրակտիկան, այլապես հիմա համակարգի առաջ նստած չէի լինի և արդեն թեթևացած սրտով՝ այս լուրերը չէի գրի:

Ավազով բեռնված բեռնատարների շարասյունը, յուրաքանչյուրի քաշը քսան տոննա, հաջողությամբ անցել է կամրջի մի ծայրից մյուսը: Հաշվի առնելով, որ «ճոճքը» կամրջին որևէ վնաս չի պատճառել, նույնիսկ ասֆալտ-բետոնային ծածկույթը իդեալական վիճակում է, մոտ օրերս այն կվերաբացվի ավտոմեքենաների երթևեկության համար: Իմիջիայլոց, Վոլգոգրադում դեռ քննարկում էին, ինչպէ՞ս կոչել կամուրջը, բայց վերջին պատահարից հետո անունն այդպես էլ մնալու է՝ «Պարող կամուրջ»:

**Ապե Ջան** · 23.05.2010, 20:39

Այսօր մայիսի 23-ին, ժամը 18:00-ի սահմաններում, Քանաքեռ վարչական շրջանի Ինտերպոլի ազային բյուրոյի դիմաց հաստաբուն ծառը , ըստ ամենայնի քամու ուժգնությունից, արմատախիլ է եղել եւ ընկել հարեւանությամբ կայանված ավտոմեքենայի վրա:

Դեպքի պահին մեքենայի մեջ են եղել ընտանիքի չորս անդամները, նրանցից տուժել է միայն 13-ամյա Նվարդ Գագիկի Գյուլնազարյանը: Նրան մարմնական վնասվածքներով տեղափոխել են Միքայելյանի անվան վիրաբուժության ինստիտուտ, որտեղ երեխայի մոտ ախտորոշվել է գանգուղեղային տրավմա :

Հաստաբուն ծառը փակել է ճանապարհի երթեւեկելի հատվածը, իսկ արտակարգ իրավիճակների եւ ճանապարհային ոստիկանները այս պահին փորձում են Էլեկտրասղոցների միջոցով ծառը հեռացնել ճանապարհից:

Դեպքի վայր է ժամանել Քանաքեռ վարչական շրջանի ղեկավար Արայի Քոթանջյանը:
Դեպքի քննությունը վարում է Ոստիկանության Երեւանի քննչական վարչության ճանապարհատրանպորտային բաժինը:

Աղբյուրը

**Norton** · 01.06.2010, 15:45

Վթար. Կան զոհեր

Քիչ առաջ, ժամը 23:45-ին, Հերացու փողոցի վրա, անհայտ ավտոմեքենան վրաերթի է ենթարկել երկու աղջիկների եւ դիմել փախուստի:

Աղջիկները` երկուսն էլ , տեղում մահացել են:

Ֆոտոլրագրող Գագիկ Շամշյանը դեպքի վայրից հաղորդում է, որ ըստ ականատեսների, ամենայն հավանականությամբ մեքենան եղել է Նիվա մակնիշի:

Դեպքի վայրում աշխատանքները ղեկավարում է Երեւանի ճանապարհային ոստիկանության պետ Արսեն Արշակյանը:

Այժմ սպասում են դատաբժիշկների ժամանմանը:

Ըստ նախնական տեղեկությունների աղջիկները փողոցը անցնելիս են եղել հետիոտնի համար նախատեսված տեղով:

«Նիվան» հայտնաբերվել է

Գիշերը ժամը 1.30-ի սահմաններում Երեւանի ճանապարհային ոստիկանության աշխատակիցները Էրեբունի փողոցի բակերից մեկում հայտնաբերել են «Նիվա» մակնիշի այն ավտոմեքենան, որը Հերացի փողոցի վրա վրաերթի էր ենթարկել երկու աղջիկների եւ դիմել փախուստի:

Մեքենայի համարանիշներն են 70 ՐՕ 070, իսկ համարանիշը ճանապարհային ոստիկանները հայտնաբերել են «Նիվա» մակնիշի մեքենայում բեռնախցիկում: Մեքենան վարել է 1990 թվականին ծնված Խաչիկ Կոսյանը:

Վրաերթից մահացած աղջիկները զարմուհիներ են, երկուսն էլ 18 տարեկան: Վիկտորյա եւ Ալբինա Մակինյանները Գյումրիից էին եւ, ըստ մեր տեղեկությունների, սովորում էին Բժշկական համալսարանում:

Աղջիկները ճանապարհն անցել են հետիոտնի համար նախատեսված վայրով, իսկ վարորդն այնքան արագ է վարել ավտոմեքենան եւ հարվածն այնքան ուժեղ է եղել, որ աղջիկներից մեկը հարվածի արդյունքում շպրտվել եւ դիպվել է հանդիպակաց սլացող ավտոմեքենային:

ՀՀ ոստիկանության Քննչական գլխավոր վարչության Երեւան քաղաքի քննչական բաժնի Ճանապարհային հանցագործությունների քննչական բաժնում սկսվել է նախաքննություն:

A1+

---------- Ավելացվել է՝ 16:45 ---------- Սկզբնական գրառումը՝ 16:42 ----------

Երեխան ընկել է 8-րդ հարկից

1.5 տարեկան Ներսես Մեսրոպյանը Ադոնց փողոցի 13 շենքի 8-րդ հարկից ընկել է շաբաթ առավոտյան:

Ծնողները նրան անգիտակից վիճակում անմիջապես տեղափոխել են «Արաբկիր» բժշկական կենտրոն: Երեխայի մոտ եղել են գանգուղեղային տրավմաներ` գլխուղեղի սալջարդ եւ գանգի կոտրվածք, եւ անհրաժեշտ է եղել մասնագիտական բուժում:

Ուստի, փոքրիկ Ներսեսին տեղափոխել են «Սուրբ Աստվածամայր» բժկական կենտրոնի վերկենդանացման բաժանմունք:

Բաժնի վարիչ Աննա Չոբանյանը «Ա1+»-ի հետ զրույցում նշեց, որ երեխան դեռեւս անգիտակից վիճակում է եւ նրան արհեստական շնչառություն է տրվում:

«Ներսեսի վիճակը ծայրահեղ ծանր է, սակայն` կայուն է: Երեխային դեղորայքային քնեցում ենք տվել, սակայն հիմա փորձում ենք նրան հանել այդ վիճակից»,-«Ա1+»-ին ասաց նա:

**Life** · 02.06.2010, 21:25

Հայաստանում կրկին մրցում են «քթերը»

Արդեն 7–րդ տարին է, Հայաստանում Քանաքեռ–Զեյթուն բժշկական կենտրոնի պլաստիկ վիրաբուժության բաժինն ավանդաբար անցկացնում է «Ամենահայկական քիթ» մրցույթը։

Ինչպես այսօր կայացած մամուլի ասուլիսի ժամանակ նշեց բաժնի վարիչ Կարեն Դանիելյանը, մրցույթի հաղթողը որպես մրցանակ ստանում է քիթն անվճար վիրահատելու հնարավորություն։

Երեկ ամփոփվել են այս տարվա մրցույթի արդյունքները և, բաժնի վարիչի խոսքով, այս անգամ հաղթել է մի աղջիկ Ալավերդիից, որն անչափ ուրախացել է, որ կարող է անվճար վիրահատել իր քիթը։

tert.am

**Chuk** · 03.06.2010, 12:49

89-ԱՄՅԱ ԱՐԱՄԱՅԻՍԸ ՈՐԴԻ Է ՈՒՆԵՑԵԼ

Երիտասարդ հայր` 89 տարեկան: Արմավիրում, հայրենական մեծ պատերազմի վետերան Արամայիս Նազարովի ընտանիքում որդի է ծնվել: Փոքրիկի մայրը 35 տարեկան է, եվ ծննդատան աշխատակիցների խոսքով, սա առաջին դեպքն է, երբ երեխայի ծնողների տարիքային տարբերությունը 54 տարի է: Երեխան` 3 կգ 700 գրամ քաշով, լույս աշխարհ է կել նախատեսված ժամանակին: Բժիշկներն ասում են, որ նա չունի առողջական որեւէ խնդիր: Նրա անունը դրել են Արտյոմ: Նա վետերանի 4-րդ զավակն է: Նրա մյուս երեխաների տարիքն է 60, 50, 12: Այդ մասին հաղորդում է Ռոսիա 24 հեռուստաալիքը:

Աղբյուր՝ Լրագիր

Բիձա եմ ասել է