Նորություններ՝ դեսից-դենից

[Նաիրուհի]

Ժող, բայց երգը իրո՞ք նոր ա:
Վիքիի ասելով էդ երգն ընդգրկող ձայնասկավառակը անցյալ տասնամյակում (անսովոր ա հնչում )` 2007-ին ա թողարկվել:

Գնա «Երկիրի» հետ կռիվ արա Կաևորը՝ երգը լավն է ։ՃՃՃ

[Claudia Mori]

«Արեւածաղիկ» հաշմանդամության խնդրի լուսաբանման 9-րդ մրցույթի հատուկ մրցանակակիրը՝ Մերի Ալեքսանյան, այ էսպես են լուսաբանում, որ մարդ նայում է ու փշաքաղվում, ոչ թե մեր հեռուստաընկերություններից մեծ մասի նման...

[Ameli]

Խիստ ազդվեցի էս լսելով, ո՞նց թե, հարիսա՞ն, էլ ուրիշ բան չգտա՞ն, իմ սիրած ճաշատեսակը որ թուրքական լինի՞: Դե արի ու մի ասա, էս թուրքերը, իրանց դրել են իրանց երազած ազգի տեղը, պայքարեք ազգագրագետներ ջան, իմ սիրած ուտեստը չի կարող թուրքական լինել:

http://www.azatutyun.am/content/article/24414662.html

[VisTolog]

Ֆրանսիացի և պորտուգալացի աստղագետները եկել են այն եզրահանգման, որ Մերկուրին աստերոիդի հետ խոշոր բախման հետևանքով դադարել է նայել Արեգակին միևնույն դիրքով և պտտվում է հակադիր ուղղությամբ:
Ինչպես գրում է Nature Geoscience-ը, Փարիզի Դիդրոյի անվան համալսարանի աստղաֆիզիկոսների խումբը` Մարկ Վեչորեկի գլխավորությամբ, առաջադրել է հետևյալ հիպոթեզը` բախման հետևանքով Մերկուրին կարող էր ձեռք բերել ժամանակակից ուղեծիր, որը, սակայն, արգելակել է պտույտի արագությունը:
Գիտնականները նշել են նաև, որ աստերոիդի հետ բախման հետևանքով Մերկուրի մոլորակի վրա 650-1100 կմ տրամագծով կրատեր է բացվել:
Ինչպես հայտնի է` Մերկուրին պտտվում է անսովոր ուղեծրով` Արեգակի շուրջ երկու պտույտ գործելու ընթացքում մոլորակն իր առանցքի շուրջ պտտվում է 3 անգամ:
Ժամանակակից աստղաֆիզիկան ենթադրում է, որ Մերկուրին Արեգակի շուրջը մեկ պտույտի ժամանակ պետք է իր առանցքի շուրջ ևս մեկ պտույտ գործի:

http://news.armeniatv.com/post/id/76743/

[Ameli]

[COLOR=#353434][FONT=Arian AMU]Գիտնականները նշել են նաև, որ աստերոիդի հետ բախման հետևանքով Մերկուրի մոլորակի վրա 650-1100 կմ տրամագծով կրատեր է բացվել:

Կրատերը ի՞նչ է:

[Moonwalker]

Կրատերը ի՞նչ է:

Խառնարան՝ էս դեպքում հարվածային՝ երկնային մեծ ու փոքր մարմինների բախման հետք:

[Claudia Mori]

Ոչ ոք չի վնասել խողովակաշարը



77-ամյա Արսեն պապին երկրորդ կարգի հաշմանդամ է: Ամբողջ թոշակը ծախսում է տաքսիների վրա, որոնցով գնում է այս պետական ատյանից այն պետական ատյան՝ արդարություն գտնելու հույսով:

Երեք տարի է Արսեն Բաղումյանը չի կարողանում ջրել սեփական հողամասը՝ ծառերը չորանում են ու բերք չեն տալիս: Հանքավան գյուղի 77-ամյա բնակիչը պնդում է, որ երեք տարի առաջ Հանքավան գյուղի ճանապարհաշինարարները շինարարական աշխատանքի ժամանակ ջարդել են Հանքավանում գտնվող իր հողամասի ոռոգման համակարգը և չեն վերականգնել այն:

Երեք երեխայի տեր մարդուն երեխաները չեն օգնում այս գործում՝ համարելով, որ պետք չէ աղմկել՝ «ամոթ» է, իսկ Բաղումյանը չի ուզում հրաժարվել այն մի բուռ հողակտորից, որին սեփական ուժերով է կյանք տվել երիտասարդ տարիքում:

«Էկան, քանդեցին, ասեցին հետո կսարքենք ու մինչև հիմա սարքում են, սրիկաները»,- ասում է Արսեն պապին:

Բաղումյանը բազմիցս դիմել է ՀՀ տրանսպորտի և կապի նախարարություն։ Նախարարության աշխատակազմի ղեկավար Ջիլավյանը 2011թ. հունիսի 13-ին նամակով Արսեն Բաղումյանին տեղեկացրել է, որ տեղում կատարված ուսումնասիրությունների արդյունքում պարզվել է, որ նրա հողամասի ոռոգման խողովակաշարը վնասվել է բեռնատարի վթարի և տրակտորի մեխանիզատորի անզգուշության հետևանքով` մինչև «Ճանապարհ» ՍՊԸ-ի կողմից Հ-28 Ջրառատ-Մեղրաձոր-Հանքավան ավտոճանապարհի հիմնանորոգման աշխատանքների սկսելը, հետևաբար ճանապարհաշինարարները չէին կարող վնասել ոռոգման խողովակաշարը:

ՀՀ ոստիկանության Կոտայքի մարզային վարչության Հրազդանի բաժնից www.hra.am –ին տեղեկացրել են, որ վերոնշյալ հողամասի հողատարածքում և հարող տարածքում 2008թ.-ից մինչ օրս ոստիկանության Հրազդանի բաժնում ոչ մի վթարի դեպք չի արձանագրվել:

Այն հարցին, թե ինչպես են իմացել վթարի մասին նախարարությունում, երբ այդ փաստը չի արձանագրվել ոստիկանության կողմից, նախարարությունից տեղեկացրել են, որ այդ մասին տեղեկացրել են համագյուղացիները, որոնք սակայն հրաժարվել են գրավոր վկայություն տալ, իսկ «Ճանապարհ» ՍՊԸ-ի կողմից էլ ջրագիծը չէր կարող վնասվել, քանի որ վնասման վայրը դուրս է գտնվում նախագծով նախատեսված շինարարական աշխատանքների կատարման սահմանագծին: Հետևաբար, որևէ փոխհատուցման գործընթաց չի եղել:

Չնայած Տրանսպորտի և կապի նախարարությունը պնդում է, որ ճանապարհաշինության ընթացքում չի վնասվել հողամասի խողովակաշարը, «Ճանապարհ» ՍՊԸ-ն վերջերս Բաղումյանին պոմպ է տվել, գետից ջուրը հողամաս հասցնելու համար: Բայց հաշվի չեն առել մի փաստ՝ Բաղումյանը երկրորդ կարգի հաշմանդամ է ու դժվարությամբ է տեղաշարժվում, իսկ պոմպը աշխատեցնելու համար ֆիզիկական ջանքեր են պահանջվում:

Աղբյուրը՝ http://www.hra.am/hy/point-of-view/2011/12/13/baghumyan

[VisTolog]

«Ժողովուրդ». Գագիկ Մելիքյանը «լա՞վն է», թե «լավի՞կն է»

Թերթը գրում է, որ ըտ մամուլի հրապարակումների՝ վերջերս Աժ ՀՀԿ խմբակցության քարտուղարի պաշտոնում Հովհաննես Սահակյանի եւ Գագիկ Մելիքյանի թեկնածությունների քննարկման ժամանակ որոշիչ է եղել վարչապետ Տիգրան Սարգսյանի կարծիքը: «Համաձայն այդ հրապարակումների՝ վարչապետը Գ. Մելիքյանի մասին Սերժ Սարգսյանին ասել է. «Լավիկն է»:

«Ժողովուրդ»-ի հարցին, թե ինչ նկատի ուներ Տ. Սարգսյանը՝ նրա մասին ասելով «լավիկն է», Մելիքյանը պատասխանել է. «Ես ներկա չեմ եղել ԳՄ-ում այդ քննարկմանը, վարչապետին հարցրեք: Երեւի նկատի ուներ, որ լավն եմ»,- գրում է «Ժողովուրդ»-ը:

http://news.am/arm/reviews/2785.html

[Smokie]

Մահացել է հայտնի երգչուհի Ցեզարիա Էվորան: Է՜հ

Певица Сезария Эвора (Cesária Évora) скончалась у себя на родине в Кабо-Верде 17 декабря. Ей было 70 лет. В сентябре 2011 года легендарная исполнительница народной музыки объявила, что покидает сцену из-за проблем со здоровьем.Эвора пела на местном диалекте португальского языка. Среди стилей фольклорной музыки, которые она прославила, были кабовердийская морна и португальский жанр фаду. Эвора всегда выходила на сцену босиком, символически указывая на нищету, в которой живет народ островов Зеленого мыса; благодаря этому она прославилась под прозвищем «босоногая дива».Сезария Эвоар начала записывать музыку уже после сорока, а прославилась в конце 1980-х годов. Уже в XXI веке певица неоднократно выступала во многих российских городах. Эвора записала 11 сольных альбомов.

[Firegirl777]

Ափսոս, շատ ափսոս

[VisTolog]

Սթիվ Ջոբսը հարցրել է թուրքերին. 1,5 մլն հայերի ցեղասպանության եք ենթարկել, ասացեք, ինչպե՞ս եղավ


Թուրք զբոսավար Ասիլ Թունչերի պատմածները Սթիվ Ջոբսի` Թուրքիա կատարած այցի մասին մեծ իրարանցում են առաջացրել Թուրքիայում: Զբոսավարը պնդել է, թե Ջոբսը թուրքերին թշնամի է համարել եւ հրաժեշտ տալուց նույնիսկ ձեռք չի սեղմել:Թունչերը նշել է, թե այն պահին երբ իրենք մոտեց ել են Այա Սոֆիային եւ ինքը սկսել է պատմել, որ այն սկզբում եկեղեցի է եղել, այնուհետ վերածել են մզկիթի, Սթիվ Ջոբսը սկսել է հարցեր տալ.«Դուք` մուսուլմաններդ, այդքան քրիստոնեաների ի՞նչ արեցիք»: Զբոսավարը հավելել է, թե չի հասցրել բառ ասի, երբ Ջոբսը շարունակել է. «1,5 միլիոն հայերի ցեղասպանության ենթարկեցիք: Պատմեք մեզ, այդ ինչպե՞ս եղավ»:Թուրք զբոսավարի ժխտումներն ավելի են կատաղեցրել Սթիվ Ջոբսին, ով նախատեսվածից մեկ օր առաջ է հեռացել Թուրքիայից` առանց բառ փոխանակելու զբոսավարի հետ եւ նրա ձեռքը օդում պարզած թողնելով:Նշենք, որ Սթիվ Ջոբսի կենսագրական գրքում գրված է, որ նրա խորթ մայրը` Կլարա Հակոբյանը Ցեղասպանությունից հետո ներգաղթել է Մալաթիայից:Apple-ը համաշխարհային լեգենդ դարձրած Սթիվ Ջոբսը քաղցկեղի հետեւանքով մահացել է հոկտեմբերի 5-ին, 56 տարեկան հասակում:





news.am

[VisTolog]

Բացեեեց:

Տանզանիայում հորդառատ անձրևների ու ջրհեղեղների պատճառով զոհվել է առնվազն 23 մարդ, տեղահանվել է ավելի քան 4 հազարը: Այս մասին հայտնում է CNN-ը՝ վկայակոչելով Տանզանիայի պետական լրատվամիջոցների տվյալները:Իշխանությունները մտավախություն ունեն, որ զոհերի թիվը կարող է աճել: Daily News պետական թերթը հաղորդել է, որ 3 օր անընդմեջ տեղացող անձրևներն ամենահորդառատն են վերջին 57 տարվա ընթացքում և առաջացրել են ջրհեղեղներ:


Դեկտեմբերի 22-ին Տանզանիայի նախագահ Ջակայա Կիկվետեն Դար-էս-Սալամ քաղաքում այցելել է ջրհեղեղից տուժածների ճամբար: Երկրի մայրաքաղաքի փողոցները հեղեղված են պղտոր ջրով: Խանութները փակվել են, իսկ խուճապահար բնակիչները փորձում են կանգնել այն առարկաների վրա, որոնք ջրից ավելի բարձր են:


ՄԱԿ-ը հաշվարկում է, որ թե ինչ կարգի օգնության կարիք կունենա Տանզանիայի կառավարությունը՝ ճգնաժամը հաղթահարելու համար:Փրկարարները մարդկանց տարհանում են այն վայրերից, որտեղ ջրհեղեղի հավանականություն կա:

http://hetq.am/arm/news/8414/tanzani...vy-23-zoh.html

[Jarre]

«Մատաղ ըլեմ» քեզ, Հայաստան ու էսօրվա համակարգը սնուցող անհատներին ու ինստիտուներին

Իմ կյանքի 16 տարիների հոգին եմ ես վաճառում. «Փարիզյան սուրճ»–ի տիրուհին հեռանում է Հայաստանից

«Փարիզյան սուրճի» տիրուհին՝ Վալերի–Աշխեն Գործունյանը հեռանում է Հայաստանից: Ընկերությունը վաճառվում է: Օրերս այս մասին իրարամերժ լուրեր էին պտտվում լրատվամիջոցներում, որոնք ավելի ուշ հաստատվեցին։ Գործարար կինը Հայաստանից հեռանում է բիզնեսում ունեցած խնդիրների պատճառով։ Մասնավորապես, նրա ղեկավարած ընկերության նկատմամբ գոյացել են որոշակի հարկային պարտավորություններ, որոնք, թեև, նա համաձայնել է որոշակի ժամանակահատվածի ընթացքում վճարել, այնուամենայնիվ, նրան այդ հնարավորությունը չի տրվել, և, իր խոսքերով, պահանջվել է վճարել «24 ժամվա ընթացքում»։ Տիկին Գործունյանը իր դժգոհությունն է հայտնում առ այն, որ ցանկացած երկրում հնարավորություն է տրվում հարկային պարտավորությունները կատարել որոշակի ժամանակացույցով, բայց այդ հնարավորություններն մեր երկրում չկան, ինչը, նորաստեղծ և փոքր տնտեսություն ունեցող մի երկրի համար, ինչպիսին Հայաստանն է, նա անթույլատրելի է համարում։ Սփյուռքահայ գործարարը պատմում է, որ հայրենիքում հանդիպած նման անհաջողությունների պատճառով այնքան է հուզվել, որ նախօրեին փորձել է այն մեղմել ալկոհոլի միջոցով։ «Ես չեմ ամաչում ասել դա, որովհետև հուզված էի։ Որովհետև երբ մարդիկ գալիս են այստեղ՝ ծանոթանալու իմ սրճարանի տարածքին, ես ստիպված ցույց եմ տալիս։ Իմ կյանքի 16 տարվա հոգին եմ վաճառում ես»։
Տիկին Գործունյանի հավաստմամբ՝ իր կյանքի ամենադժվար պահերին միշտ իր մայրն է օգնել և ուղղորդել իր խոսքերով և խորհուրդներով, և հիմա նա իր դստերը խորհուրդ է տվել չմտահոգվել. «Դու ֆրանսացի ես, Ֆրանսիայի պետությունը քեզ ասպետ է տվել։ Իսկ ի՞նչ է տվել քեզ Հայաստանի պետությունը։ Միայն առել է»,– ասել է նրան մայրը։ «Ես մորս խոսքերն եմ ասում։ Մորս, որ ինձ հայ է սարքել։ Հասկանո՞ւմ եք՝ ուր ենք հասել»,– իր մտահոգություններն է հայտնում նա։ Այժմ սփյուռքահայ գործարարի միակ մտահոգությունը քիչ թե շատ բարեկիրթ գնորդ գտնելն է, «որպեսզի ինչ–որ հաստավիզ կամ անթրաշ մարդիկ չղեկավարեն Աբովյան 23–ի տարածքը»։



ԱՂԲՅՈՒՐ՝ ԹԵՐԹ.ամ

[einnA]

«Դու ֆրանսացի ես, Ֆրանսիայի պետությունը քեզ ասպետ է տվել։ Իսկ ի՞նչ է տվել քեզ Հայաստանի պետությունը։ Միայն առել է»,– ասել է նրան մայրը։ «Ես մորս խոսքերն եմ ասում։ Մորս, որ ինձ հայ է սարքել։ Հասկանո՞ւմ եք՝ ուր ենք հասել»,– իր մտահոգություններն է հայտնում նա։

փափկասուն գործունյանը չդիմացավ հայրենական իրականության առերեսմանը
նման փախնողների ետևից ջուր էլ կշփեի

[Ռուֆուս]

փափկասուն գործունյանը չդիմացավ հայրենական իրականության առերեսմանը
նման փախնողների ետևից ջուր էլ կշփեի

Լավ էլի, Անի ջան: Մի հատ լրիվ ինտերվյուն կարդա, հետո նոր հետևություններ արա: