Նորություններ՝ դեսից-դենից

[Life]

Սթիվ Ջոբս

Այս գիշեր 56 տարեկան հասակում կյանքից հեռացավ ամերիկյան Apple ընկերության համահիմնադիր և նախկին ղեկավար Սթիվ Ջոբսը։ Աշխարհի բոլոր լրատվամիջոցների ուշադրության կենտրոնում այսօր կենդանության օրոք լեգենդ դարձած Ջոբսն է՝ նրա կյանքի ու գործունեության մանրամասները։

Արդեն նշել ենք, որ Սթիվ Ջոբսը ծնվել է 1955թ. ԱՄՆ Կալիֆոռնիա նահանգի Մաունթին Վյու փոքր քաղաքում։ Նրա կենսաբանական ծնողները Ջոանա Շիբլը և Աբդուլֆաթահ Ջոն Ջանդալին են (գաղթականներ են Սիրիայից)։ Ջոբսին, սակայն, մեկ շաբաթականից մեծացրել և դաստիարակել են ազգությամբ հայ Կլարան (ազգանունը՝ Հակոբյան) և ամերիկացի Փոլ Ջոբսերը։ «Իմ ծնողները նրանք են»,– ասում էր Ջոբսը։ Արաբալեզու «Խաբար Արմանի» կայքը, ուսումնասիրելով բազմաթիվ աղբյուրներ, պարզել է, որ Ջոբսը վարժ տիրապետում էր հայոց լեզվին։ Կայքը պարզել է նաև, որ Ջոբսի իսկական անունը Սթիվեն Փոլ է։

«Կլարա Հակոբյանի դերն այդ հանճարեղ մարդու դաստիարակության հարցում մեծ է եղել»,– գրում է կայքը՝ հավելելով, որ Ջոբսը երբեք չի ցանկացել խոսել իր կենսաբանական ծնողների մասին։

Շուտով լույս կտեսնի ամերիկացի ինժեներ, ձեռնարկատեր Ջոբսի առաջին կենսագրական գիրքը, (iSteve: The Book of Jobs, անգլերենից թարգմանաբար հնչում է՝ «Սթիվ. գործերի գիրքը»)։ Գրքի հեղինակը ամերիկյան CNN հեռուստաընկերության նախկին գլխավոր տնօրեն և ամերիկյան Time ամսագրի խմբագիր Ուոլթեր Այսաքսոնն է

Գիրքը լինելու է Ջոբսի առաջին պաշտոնական կենսագրությունը։ Նրա կյանքի մասին պատմող գրքեր նախկինում էլ լույս են տեսել, սակայն դրանք ոչ պաշտոնական հրատարակություններ են եղել։

Tert.am

Հ.Գ. Շատ ափսոս գիտեի որ առողջական խնդիրներ ունի,բայց ում մտքով կանցներ...

[Ապե Ջան]

Սթիվ Ջոբս

Այս գիշեր 56 տարեկան հասակում կյանքից հեռացավ ամերիկյան Apple ընկերության համահիմնադիր և նախկին ղեկավար Սթիվ Ջոբսը։ Աշխարհի բոլոր լրատվամիջոցների ուշադրության կենտրոնում այսօր կենդանության օրոք լեգենդ դարձած Ջոբսն է՝ նրա կյանքի ու գործունեության մանրամասները։

Արդեն նշել ենք, որ Սթիվ Ջոբսը ծնվել է 1955թ. ԱՄՆ Կալիֆոռնիա նահանգի Մաունթին Վյու փոքր քաղաքում։ Նրա կենսաբանական ծնողները Ջոանա Շիբլը և Աբդուլֆաթահ Ջոն Ջանդալին են (գաղթականներ են Սիրիայից)։ Ջոբսին, սակայն, մեկ շաբաթականից մեծացրել և դաստիարակել են ազգությամբ հայ Կլարան (ազգանունը՝ Հակոբյան) և ամերիկացի Փոլ Ջոբսերը։ «Իմ ծնողները նրանք են»,– ասում էր Ջոբսը։ Արաբալեզու «Խաբար Արմանի» կայքը, ուսումնասիրելով բազմաթիվ աղբյուրներ, պարզել է, որ Ջոբսը վարժ տիրապետում էր հայոց լեզվին։ Կայքը պարզել է նաև, որ Ջոբսի իսկական անունը Սթիվեն Փոլ է։

«Կլարա Հակոբյանի դերն այդ հանճարեղ մարդու դաստիարակության հարցում մեծ է եղել»,– գրում է կայքը՝ հավելելով, որ Ջոբսը երբեք չի ցանկացել խոսել իր կենսաբանական ծնողների մասին։

Շուտով լույս կտեսնի ամերիկացի ինժեներ, ձեռնարկատեր Ջոբսի առաջին կենսագրական գիրքը, (iSteve: The Book of Jobs, անգլերենից թարգմանաբար հնչում է՝ «Սթիվ. գործերի գիրքը»)։ Գրքի հեղինակը ամերիկյան CNN հեռուստաընկերության նախկին գլխավոր տնօրեն և ամերիկյան Time ամսագրի խմբագիր Ուոլթեր Այսաքսոնն է

Գիրքը լինելու է Ջոբսի առաջին պաշտոնական կենսագրությունը։ Նրա կյանքի մասին պատմող գրքեր նախկինում էլ լույս են տեսել, սակայն դրանք ոչ պաշտոնական հրատարակություններ են եղել։

Tert.am

Հ.Գ. Շատ ափսոս գիտեի որ առողջական խնդիրներ ունի,բայց ում մտքով կանցներ...

Sony Pictures-ը գնել է Սթիվ Ջոբսի կյանքն էկրանավորելու իրավունքը

77390.jpg

Sony Pictures ընկերությունը գնել է Ուոլթեր Իսաաքսոնի «Սթիվ Ջոբս» գիրքն էկրանավորելու իրավունքը: Գիրքը ժամանակին արժանացել էր համակարգչային հանճարի հավանությանը, հաղորդվում է Deadline կայքում: Ֆիլմի պրոդյուսերը Մարկ Գորդոնն է:

Ավելի վաղ, Իսաաքսոնը աշխատել էր Ալբերտ Էյնշտեյնի եւ Բենջամին Ֆրանկլինի կենսագրությունների վրա: Նա ավելի քան 40 հարցազրույց է ունեցել Սթիվ Ջոբսի հետ, բազմաթիվ անգամներ հանդիպել նրա ընկերների, գործընկերների, հարազատների եւ անգամ մրցակիցների հետ:

Սթիվ Ջոբսը մահացել է 2011թ. հոկտեմբերի 5-ին 56 տարեկան հասակում:

News.am

[VisTolog]

Մահացել է ծրագրավորման C լեզվի հեղինակը



ԱՄՆ-ում մահացել է ծրագրավորման C լեզվի ստեղծող, UNIX-ի հիմնադիրներից մեկը` Դենիս Ռիտչին:Ինչպես տեղեկացնում է Lenta.ru-ն, 70-ամյա ծրագրավորողը մահացել է տանը` երկարատեւ հիվանդությունից հետո: Ռիտչիի մահվան մասին գրել է նրա գործընկեր Ռոբերտ Փայքը` Google+ սոցիալական ցանցի իր էջում: Թե հատկապես ինչ հիվանդությամբ էր տառապում Ռիտչին, նշված չէ:70-ականների սկզբին Դենիս Ռիտչին ծրագրավորող Քեննետ Թոմփսոնի հետ մշակել է ծրագրավորման С լեզուն, որը հիմք հանդիսացավ ժամանակակից շատ լեզուների համար: 1978թ. լույս տեսավ «Ծրագրավորման С լեզու» դասագիրքը, որը դասական մուտք դարձավ սկսնակ ծրագրավորողների համար: Մինչեւ 2007թ. Դենիս Ռիտչին զբաղեցրել է Lucent Technologies հեռուստահաղորդակցական ընկերության առաջատար ուսումնասիրողի պաշտոնը:

http://news.am/arm/news/77830.html

[VisTolog]

Քիչ առաջ` ժամը 19.20-ի սահմաններում, Երևանում տեղի ունեցավ թեթև երկրաշարժ, սակայն այնքան, որ զգալի լիներ շինություններում գտնվողների համար:

«Արմենիա» ՀԸ-ի բազմաթիվ հեռուստադիտողներ զանգահարում են մեզ` ասելով, որ տեղի է ունեցել հերթական երկրաշարժը: Երկրաշարժը վայրկյանների ընթացքում դարձել է նաև սոցցանցերի գլխավոր թեման:

Սակայն հակառակ այս ամենին` Արտակարգ իրավիճակների նախարարությունից մեզ հայտնեցին, որ իրենք դեռևս չեն տիրապետում նման տեղեկատվության:

Վայրկյաններ առաջ ԱԻՆ սեյսմիկ ծառայությունից News.armeniatv.com-ին հայտնեցին, որ երկրաշարժի էպիկենտրոնը եղել է Մասիս քաղաքը. ուժգնությունը դեռևս ճշտվում է, սակայն անհանգստանալու կարիք չկա, քանի որ երկրաշարժը շատ թույլ էր:

Հիշեցնենք, որ թույլ երկրաշարժ էր տեղի ունեցել նաև օրեր առաջ:

Հոկտեմբերի 14-ին` ժամը 12.29-ի սահմաններում, Գառնիից 10 կմ արևմուտք տեղի էր ունեցել 3,5 մագնիտուդով երկրաշարժ, որի հիպոկենտրոնը գտնվել է 7 կմ խորության վրա, էպիկենտրոնային գոտում ուժգնությունը կազմել է 5 բալ։

Երևանում և Աբովյան քաղաքում երկրաշարժն զգացվել է 3-4 բալ ուժգնությամբ:
Ժամը 12.31-ին և 12.32-ին երկրաշարժին հետևել է երկու հետցնցում` համապատասխանաբար` 2.0 և 3.0 մագնիտուդով։

http://news.armeniatv.com/2011/10/թե...�ևանում/

[Նաիրուհի]

Մաքրեցինք ու կարգի բերեցինք Չարենցի գերեզմանը (լուսանկարներով)

[VisTolog]

Վաղը՝ նոյեմբերի 8 –ին, Երկիր մոլորակից ոչ հեռու անցնելու է մի հսկայական աստերոիդ. 1976 թ -ից սա ամենամեծ տիեզերական մարմինն է, որը հատել է լուսնային ուղեծիրն ու մոտենալու է մեր մոլորակին:
Հաջորդ հսկան մեզ հյուր կգա 2028 թ -ին, եթե դեռ ինչ-որ բան գոյություն ունենա այդ ժամանակ:
250 մետր երկարություն ունեցող տիեզերական մարմինը՝ 2005 YU55, որը երկրագնդից անցնելու է մոտ 250 հազար կմ հեռավորության վրա, կարող է ռադիոկապերի խանգարումների և մինչև անգամ անջատումների պատճառ դառնալ:
Հաշվարկված է, որ այն ժամանակահատվածում, երբ աստերոիդն անցնելիս կլինի Երկրի և Լուսնի միջև ընկած տարածությամբ, այն Երկրին ամենամոտ տարածության վրա կգտնվի հենց նոյեմբերի 8-ին՝ Երևանի ժամանակով ժամը 15. 00-ին:
NASA-ի գիտնականները հաշվարկել են աստերոիդի՝ Երկիր մոլորակին բախվելու դեպքում հնարավոր աղետալի հետևանքները և եկել համոզման, որ եթե այն ընկներ ցամաքում, կառաջացներ մոտ 7 մագնիտուդ հզորությամբ երկրաշարժ, ինչպես նաև 6 կմ տրամագծով և 500 մ. խորությամբ մի խառնարան, իսկ եթե օվկիանոսում, ապա մեծ ցունամի, որի ալիքների բարձրությունը կհասներ մոտ 22 մետրի:

http://news.armeniatv.com/2011/11/%D...8%D6%82%D5%B4/

[VisTolog]

Զինված հարձակում Թումանյան փողոցում. տարադրամի փոխանակման կետից 10 000 դոլար են տարել

20:08 • 09.11.11

Թումանյան-Խանջյան փողոցների հատման կետում, Թումանյան 2 շենքում գտնվող տարադրամի փոխանակման կետի վրա քիչ առաջ հարձակում է իրականացվել , հնչել են կրակոցներ: Tert.am-ի տեղեկություններով` հանցագործը կրակել է, ինչի հետևանքով մեկ մարդ վիրավորվել է ոտքից: Ականատեսների մի մասը պնդում է, որ վիրավորը տարադրամի փոխանակման կետի աշխատող է, մյուսների վկայությամբ` պատահական մարդ: Մեր տեղեկություններով հանցագործը փախուստի է դիմել` իր հետ տանելով 10 հազար դոլարի չափ գումար:
Ոստիկանությունն առայժմ տեղեկություններ չի հաղորդում: Դեպքի վայրում աշխատում է ոստիկանության օպերատիվ-քննչական խումբը:


ՀԳ Մալաձյեց, հալալա:

http://tert.am/am/news/2011/11/09/attack/

[VisTolog]

10000$-չեն տարել, ճանապարհին թափվելա:

Ըստ ՀՀ ԱԻՆ Հիդրոմետ ծառայության կանխատեսումների` նոյեմբերի 11-ին ուշ երեկոյան հանրապետության տարածքը կգտնվի հյուսիս-արևմտյան ցուրտ օդային հոսանքների ազդեցության ներքո:
Նոյեմբերի 11-ին ուշ երեկոյան և 12-ին ողջ տարածքում սպասվում են տեղումներ, լեռնային և նախալեռնային գոտիներում ձյուն: Առանձին վայրերում կդիտվի քամու ուժգնացում 18-23 մ/վրկ արագությամբ, լեռնային շրջաններում և լեռնանցքներում սպասվում է բուք, ճանապարհներին՝ մերկասառույց, տեսանելիության վատացում և դժվարանցանելիություն:

Օդի ջերմաստիճանը 12-ի ցերեկը և 13-ի գիշերը կնվազի 5-7 աստիճանով:
Երևանում ժամանակ առ ժամանակ սպասվում է անձրև, նոյեմբերի 12-ի երեկոյան հնարավոր է ձյուն:

Առաջիկա 5 օրվա եղանակի կանխատեսում

Հանրապետության տարածքում`
Նոյեմբերի 11-ին արևմտյան շրջաններում, 12-ին, 14-ի ցերեկը, 15-ին հանրապետության ողջ տարածքում, 13-ին արևելյան շրջաններում սպասվում են տեղումներ: 14-ի գիշերը կդիտվի առանց տեղումների եղանակ: Քամին հարավ-արևմտյան 2-7մ/վրկ, 11-13-ին առանձին վայրերում քամու ուժգնացում 18-23-մ/վրկ: Օդի ջերմաստիճանը 11-ին կբարձրանա 2-4, 12-ին ցերեկը և 13-ի գիշերը կնվազի 5-7աստիճանով, 15-ին նույնքանով կբարձրանա:
Օդի ջերմաստիճանը նոյեմբերի 11-ին գիշերը կտատանվի լեռնային շրջաններում` 0…-5, Տավուշում` -1…+4, Լոռիում` -2…+3, Արագածոտնի նախալեռներում` 0…+3, Արարատյան դաշտում` 0…+3, Սյունիքի հովիտներում` +2…+7, Սյունիքի նախալեռներում` -2…+3, Արցախում` 0…+5 աստիճանի սահմաններում:
Օդի ջերմաստիճանը նոյեմբերի 11-ին ցերեկը կտատանվի լեռնային շրջաններում` 0…+5, Տավուշում` +10…+15, Լոռիում` +8…+13, Արագածոտնի նախալեռներում` +7…+12, Արարատյան դաշտում` +8…+13, Սյունիքի հովիտներում` +12…+17, Սյունիքի նախալեռներում` +7…+12, Արցախում` +8…+13 աստիճանի սահմաններում:

Երևանում`
Նոյեմբերի 11-ին հնարավոր է թույլ անձրև: 12-ին, 14-ի ցերեկը, 15-ին ժամանակ առ ժամանակ սպասվում` է տեղումներ, 12-ի երեկոյան ձյուն: 13-ին, 14-ի գիշերը սպասվում է առանց տեղումների եղանակ: 11-13-ը հնարավոր է քամու ուժգնացում 15-20մ/վրկ:
Օդի ջերմաստիճանը նոյեմբերի 11-ին գիշերը կտատանվի +1…+3, ցերեկը` +10…+12 աստիճանի սահմաններում:


http://news.armeniatv.com/2011/11/ու...�ումներ/

[Firegirl777]

Իսկ մասիվում այսօր առավոտյան արդեն ձյուն էր տեղում, մեծ մեծ ու շատ սիրուն փաթիլներով

[Claudia Mori]

Մանկատան 300 շրջանավարտ անտուն է մնացել

11.11.2011

Մանկատների շրջանավարտների թիվը հասել է 300–ի. նրանց բնակության կացարաններ հատկացնելու խնդիրը դեռևս լուծված չէ։ Նախորդ տարիների շրջանավարտների մի մասը հատկացված տներում չի ապրում, դրանք բնակության համար անմխիթար վիճակում են։ Պետությունը բնակարաններ է հատկացրել կամ նկուղային հարկերում, որտեղ խոնավ է, կամ շենքերի ամենավերևի հարկերում, որտեղ անձրևաջրերը լցվում են տուն:

«Պատուհաններս չէին փակվում ու անձրևային օրերին ամբողջ գիշեր չէի քնում, որ հարևանիս տունը ջուր չլցվեր: Ես աշխատել եմ որպես մատուցողուհի ու կտուր եմ կառուցել տվել։ Իսկ հիմա աշխատանք չունեմ ու 1 տարեկան 8 ամսական երեխա եմ պահում 19500 դրամ նպաստով, մեկ-մեկ էլ մեզ հետ են մնում մանկատան այն շրջանավարտները, ովքեր տուն չունեն ու օգնում են էլի»,- ասում է Գավառի մանկատան շրջանավարտ Հերմինե Ասատրյանը, ով բնակարանը ստացել է 2004թ.-ին:

Հերմինեն դիմել է պետական մարմիններին. «Ասացին դրանով յոլա գնա, բայց իրանց ասելով՝ մեզ հասնում էր քարից շենք, արևկող ու 12000 դոլարի արժողությամբ, իսկ սա 4500 դոլարանոց տուն է»։

Հերմինե Ասատրյանը միակը չէ. մանկատան մոտ 40 շրջանավարտ դժգոհ է իրենց հատկացված բնակարաններից։ Նրանց մի մասը նույնիսկ չի բնակվում հատկացված տներում, քանի որ այնտեղ վիճակն ավելի վատթար է և անհնար բնակության համար:

2012թ-ի մանկատան 15 և նախորդ տարիներից 300 շրջանավարտներ այս տարի էլ կսպասեն օրենքով իրենց հատկացվելիք բնակարաններին: 2012թ-ին նախորդ տարվա պես պետական բյուջեից գումար չի հատկացվի ՀՀ աշխատանքի ու սոցիալական հարցերի նախարարությանը մանկատների շրջանավարտներին բնակարան հատկացնելու համար:

Այս տարի ՀՀ վարչապետի հանձնարարականով՝ այդ գումարը կտրվի Քաղաքաշինության նախարարությանը սոցիալական տներ կառուցելու համար։ Այդ տներում բնակարաններ կհատկացվեն նաև մանկատան շրջանավարտներին:

Այս գործընթացը տարիներ կպահանջի: Ինչպես www.hra.am -ին հաղորդեց ՀՀ աշխատանքի ու սոցիալական հարցերի նախարարության ընտանիքի, կանանց և երեխաների հիմնախնդիրների վարչության պետ Լալա Ղազարյանը՝ ամենաշուտը 6 ամիս հետո միայն պարզ կդառնա, թե Քաղաքաշինության նախարարությունը քանի՞ սոցիալական տուն է պատրաստվում կառուցել նախկին ու ապագա շրջանավարտների համար: Իսկ թե որքան ժամանակում այդ բնակարանները պատրաստ կլինեն, երբ կհատկացնեն, դեռ ոչինչ չի ասվում:

ԱԺ «Ժառանգություն» խմբակցության պատգամավոր Անահիտ Բախշյանը, 5 տարի մանկատան շրջանավարտների իրավունքների համար պայքարելով, հասկացել է՝ գործող իշխանությունը լավ չի հասկանում Սահմանադրության այն կետը, ըստ որի՝ Հայաստանը սոցիալական պետություն է:

«Նախարարությունից հայտարարում են, որ պետական բյուջեով գումար չի հատկացվելու ու ծրագիր չի իրականացվելու, քանի որ 2003-2009թթ. ընթացքում գրպանվել են այդ ծրագրերի համար հատկացված գումարները, ասում են, որ վերցնելու են այն 28 բնակարնները, որտեղ շրջանավարտները հրաժարվում են բնակվել, և հանձնելու են այլ շրջանավարտների, իսկ դրանք տներ են, որտեղ «շունն էլ չի ապրի»»,- ասում է Անահիտ Բախշյանը։

«Պետական աջակցություն ՀՀ մանկական խնամակալության կազմակերպությունների շրջանավարտներին» ծրագրով գնվել է 40 բնակարան, որոնցից 28-ում, փաստորեն, ոչ ոք չի բնակվում։ Մնացած 12 տների բնակիչները դժգոհում են կենցաղային վատ պայմաններից. օրինակ՝ բաղնիքում կան հոսանքի բաց լարեր, տները բարձրահարկ շենքերի նկուղային հարկերում են ու խոնավության պատճառով բնակության համար պիտանի չեն և այլն: Նախարարությունը չի ընդունում, որ գնված տները բնակության համար անպիտան են։

«Կոնկրետ փաստեր ունենք, որ 15 շրջանավարտներ, որոնք աշխատում են բենզալցակայաններում, հենց այնտեղ էլ գիշերում են: 20-ն աշխատում են շինարարությունում ու գիշերում այնտեղ»,- 2009թ.-ին լրատվամիջոցներով հայտարարեց ՀՀ վերահսկիչ պալատի նախագահ Իշխան Զաքարյանը մանկատան երեխաների համար բնակարանների գնման չարաշահումները բացահայտելուց հետո:

Հիշեցնենք, որ 2010թ-ի հուլիսին պաշտոնապես հայտարարվեց, որ 2003թ. հոկտեմբերի 30-ի թիվ 1419-Ն որոշմամբ «Պետական աջակցություն ՀՀ մանկական խնամակալության կազմակերպությունների շրջանավարտներին» պետական ծրագրի շրջանակներում երեք ընկերության կողմից չարաշահումներ են եղել:

Անահիտ Բախշյանը կարծում է, որ այդ գումար՝ 1 միլիարդ 237 500 000 դրամ, որն, ի դեպ, Լ. Ղազարյանի հավաստմամբ՝ ամբողջությամբ (և դեռ մի բան էլ ավել) առգրավվել է մեղավորներից, պետք է նորից օգտագործել նախորդ տարիների բնակարանները վերակառուցելու համար, այլ ոչ թե ներկայացնել՝ որպես 2012թ-ին բնակարաններ կառուցելուն հատկացվելիք գումար: Լալա Ղազարյանը նշում է, որ այս տարի տնտեսական ճգնաժամի պատճառով չեն կարող առանձին ծրագիր ունենալ այդ նպատակի համար, և վերոնշյալ գումարը պետք է ուղղորդվի սոցիալական տներ կառուցելուն, որպեսզի չարաշահումներ չլինեն:

Այն հարցին, թե ի՞նչ է լինելու այն շրջանավարտների հետ, ովքեր չեն կարող ապրել հատկացված անմխիթար տներում, Ղազարյանը նշեց. «Այն մարդկանց ում տուն ենք տվել, արդեն երկրորդ անգամ չենք կարող տուն տալ»:

Լալա Ղազարյանի փոխանցմամբ՝ այժմ մանկատան շրջանավարտների թիվը հասել է 300-ի։ Նա խորհուրդ է տալիս շրջանավարտներին սպասել ու հետագայում անպայման ընդգրկվել սոցիլական տներ ստանալու ծրագրերում:

Սոցիալական տները կառուցվելու են մարզերում՝ Գյումրի, Ստեփանավան: Այսինքն՝ տները ստանալուց հետո հնարավոր է մանկատան շրջանավարտներն այդտեղ էլ չբնակվեն, քանի որ մարզերում աշխատատեղերի խնդիր կա: Ղազարյանը հավաստիացնում է, որ այդ շրջանավարտները, բնականաբար, կունենան առաջնահերթության իրավունք ցանկացած աշխատանքի ընդունվելու համար, բացի այդ կանցկացվի հատուկ պետական ծրագիր, որը միտված է մանկատան շրջանավարտների մասնագիտական կողմնորոշման ու զբաղվածության խնդիրը լուծելուն:

Կկառուցվեն սոցիալական տներ, կլինի հատուկ պետական ծրագիր զբաղվածության խնդիրը լուծելու համար. խոսքեր, որոնք ապառնիով են, իսկ մանկատան շրջանավարտների բնակության, աշխատանքի հարցը՝ ներկա և արագ լուծում պահանջող խնդիր է։

Աղբյուրը՝ http://www.hra.am/hy/point-of-view/2011/11/11/orphanage

[Ինչուիկ]

Սթիվ Վոզնյակը Երեւանում. նա վախեցրել է հյուրանոցի անձնակազմին եւ շրջել սեգվեյով



Apple կորպորացիայի համահիմնադիր Սթիվ Վոզնյակը, ով երկու օրով ժամանել է Հայաստան, արդեն հասցրել է աչքի ընկնել իր նուրբ հումորով, անկաշկանդ բնավորությամբ, իսկ մի դեպքում էլ նույնիսկ լավ վախեցրել է «Արմենիա-Մարիոթ» հյուրանոցի անձնակազմին:

iWoz մականունով հայտնի գյուտարարն ու միլիարդատերը երեկ բավական երկար ժամանակ ինքնագլորիչ է քշել Երեւանի Հանրապետության հրապարակում` զարմացնելով անցորդներին, որոնք նախ ապշում, ապա ձեռքով ողջունում էին մեծանուն հյուրին:

Վոզնյակը ՏՏ ոլորտի ներկայացուցիչների հետ հանդիպմանը պատմել է, թե կատակել է «Արմենիա-Մարիոթ» հյուրանոցի անձնակազմի հետ եւ մի լավ վախեցրել նրանց: «Ես հատուկ սարք եմ մշակել եւ տեղադրել ճամպրուկների մեջ: Դա պարզ եւ հարմար մի սարք է, որ ծվծվում է, երբ սեղմում եմ կոճակը: Այդպես ես գտնում եմ իմ ճամպրուկները: Երեկ երեկոյան ես որոշեցի կատակել եւ միացրի այն հյուրանոցում: Հավանաբար բոլորին թվաց, թե իմ մոտ ռումբ կա»,- պատմել է Սթիվ Վոզնյակը:

Իսկ արդեն այսօր Երեւանի պետական ճարտարագիտական համալսարանում ուսանողների եւ գիտնականների հետ հանդիպմանը Վոզնյակը խոստացել է կրկին վերադառնալ Հայաստան, քանի որ «այցից հետո նա ընդմիշտ մասամբ հայ կմնա»:

Նշենք, որ Սթիվ Վոզնյակը եւ նրա կինը՝ Ջանեթ Վոզնյակը ժամանել են Հայաստան նոյեմբերի 10-ին: Վոզնյակը Երեւանում ստանալու է Հայաստանի նախագահի սահմանած «ՏՏ ոլորտում համաշխարհային հեղինակություն» մրցանակը:

Աղբյուր

[Claudia Mori]

Մանկատան 300 շրջանավարտ անտուն է մնացել

Աղբյուրը՝ http://www.hra.am/hy/point-of-view/2011/11/11/orphanage

Լրացում այս տեղեկությանը՝

[Ripsim]

Եթե ուզում եք, որ Երևանը նույնքան հայտնի լինի, որքան Փարիզը, Էյֆելյան աշտարակ կառուցեք. Ֆիլիպ Կոտլեր

Մարքեթինգի արքա Ֆիլիպ Կոտլերի հերթական հանդիպումը ուսանողության հետ էր Հայ-ռուսական սլավոնական համալսարանի դահլիճում: 500 հանդիսատեսի համար նախատեսված դահլիճը լեցուն էր. եկել էին ուսանողներ մի շարք բուհերից, այդ թվում` հարևան Վրաստանից: Դասախոսության տոմսի արժեքը ուսանողների համար 15-20 հազար դրամ էր: Նույնիսկ այդ պարագայում դահլիճում նստելու տեղ չկար: Կոտլերը կատակեց հանդիպման եկած ուսանողների հետ` ասելով, թե հանդիսատեսն այնպիսին է, ինչպիսին կլիներ, օրինակ, Լեդի Գագայի հետ հանդիպման ժամանակ և նաև այդ օրինակի վրա բացատրեց մարքեթինգի կանոնները: Լեդի Գագան նույնպես շուկայական ապրանք է, որը ենթակա է վաճառքի` մարքեթինգի կանոնների համաձայն:

Մեր երկրում մարքեթինգի արքան անցկացրել է 3 օր, շրջել քաղաքով: Այսօր Հայաստանի մայրաքաղաքի մասին իր կոտլերյան տպավորություններով կիսվեց հայ հանդիսատեսի հետ: «Երևանն ինձ դուր եկավ, նման է շատ եվրոպական քաղաքների, որտեղ մինչև այդ եղել եմ: Բայց ինչն է խանգարում, որ Երևանը նույնքան հայտնի լինի, ինչպես, օրինակ, Փարիզը: Կառուցեք Էյֆելյան աշտարակ: Ինչի վրա կարելի է այստեղ ուշադրություն դարձնել: Հայաստանը քրիստոնեությունը որպես պետական կրոն առաջինն ընդունած երկիրն է, ունեք պատմական հարուստ ժառանգություն և, ի վերջո, Արարատ լեռը, որը Հայաստանի խորհրդանիշն է»:

Այսօր ապագա շուկայագետները հերթական տեսության դասախոսությունը լսեցին իրենց դասագրքերի հեղինակից: Կոտլերը խոստովանեց` միայն մի բանի համար է ափսոսում, որ չի կարող լուսանկարվել բոլոր ցանկացողների հետ և մակագրել բոլորի դասագրքերը:


Աղբյուր

Հ.Գ. Ճիշտ է, մի փոքր շեղումներ կան իրականությունից, բայց թրեյնինգի ընդհանուր միտքն արտահայտված է

[Tig]

Գյումրիի նորակառույց թաղամասում առաստաղ է փլուզվել.
11-16-2011 07:48:41

Մուշ 2 թաղամասի 31 շենքի 10-րդ բնակարանի բնակիչ Նորայր Մանուկյանը ահազանգել է, որ իր հյուրասենյակի առաստաղի ծեփոնի մասնակի փլուզում է տեղի ունեցել: Առաստաղածածկը փլուզվել է հենց այն բազմոցի վրա, որտեղ ամուսինները սովորաբար նստել եւ հեռուստացույց են դիտել:Տանտերերը «Ցայգ» հեռուստաընկերության լրագրողին հայտնել են, որ իրենք ցրտի պատճառով 4 օր առաջ տեղափոխվել եւ ողջ օրն անցկացնում էին ննջասենյակում: Բնակարանն, ըստ բնակիչների, իրենց հանձնվել է հենց ճաքերով, բայց որ նման դեպք կարող էր պատահել, չէին պատկերացրել: կադրերն` առանց մեկնաբանության:



Աղբյուր՝ neonews.am

[VisTolog]

Օդաչուն գերի է ընկել ինքնաթիռի զուգարանում


Ամերիկյան ավիաընկերություններից մեկի՝Chatauqua Aitlines-ին պատկանող ինքնաթիռներից մեկի առաջին օդաչուն թռիչքի ժամանակ, երկար ժամանակ դուրս չի եկել ինքնաթիռի զուգարանից, որի պատճառով սկանդալային իրավիճակ է ստեղծվել օդանավի ղեկավարի եւ նրա միջեւ։

The New York post-ի փոխանցմամբ զուգարանում փակված օդաչուն, արդարացել է, բռունցքներով դուռը ծեծող օդանավի ղեկավարին, թե չի կարողանում բացել դուռը։ Ղեկավարը սակայն չի ընդունել նրա արդարացումը եւ գորգոռալով փորձել է բոլորի ուշադրությունը հրավիրել միջադեպի վրա։

Առաջի շարքերում նստած մի ուղեւոր լսելով աղմուկը մոտեցել է նրանց։ Առաջին օդաչուն խնդրել է ուղեւորին գնալ օդաչուական խցիկ եւ միջադեպի մասին տեղյակ պահել երկրորդ օդաչուին։
Երկրորդ օդաչուն սակայն չի հավատացել ուղեւորին՝ նրա խոսքի մեջ որսալով արեւելյան ակցենտ։ Օդաչուն ուղեւորին փակել է օդաչուական խցիկում եւ դեպքի մասին անմիջապես տեղեկացրել ԱՄՆ հատուկ ծառայություններին, նշելով, որ ինքնաթիռում հնարավոր է ահաբեկիչներ լինեն։

Դիսպետչերը հատուկ ծառայությունների հրամանով ստիպել է ինքնաթիռին հարկադիր վայրէջք կատարել Նյու-Յորքի «Լա Գուարդա» օդանավակայանում, որն արդեն շրջապատված է եղել ոստիկանական եւ հատուկ ծառայության ջոկատներով։

Մինչ այդ զուգարանում գերի ընկած օդաչուն դուրս է եկել եւ պատմել ողջ եղելությունը։





a1plus.am