Նորություններ՝ դեսից-դենից

[VisTolog]

Երեկ` սեպտեմբերի 6-ին, դաժան սպանություն է տեղի ունեցել Արարատի մարզում:

Ինչպես Արարատի մարզից News.armeniatv.com-ին հայտնում է ֆոտոլրագրող Գագիկ Շամշյանը, ոստիկանության Արարատի բաժին է ներկայացել 34-ամյա Ռոզա Ալոյանը, ով բնակվում է Արարատի մարզի Արարատ քաղաքի Շահումյան փողոցի 69 շենքում: Նա ոստիկաններին հայտնում է, որ սավանի միջոցով խեղդամահ է արել իր երկու տղա երեխաներին` 6-ամյա Վարդանին և 4-ամյա Հայկին:
Դեպքի վայր են ժամանում ոստիկանության Արարատի բաժնի օպերատիվ խումբը, բաժնի պետ Սևան Քոչարյանի, օպեր գծով տեղակալ Աշոտ Մկրտչյանի գլխավորությամբ: Փաստի առթիվ նույն օրը ոստիկանության քննչական գլխավոր վարչության Արարատի քննչական բաժանմունքում, բաժանմունքի պետ Անդրանիկ Մնացականյանի կողմից ստեղծվում է քննչական խումբ: Քննիչ Արթուր Ավետիսյանի կողմից, հարուցվել է քրեական գործ` ՀՀ քրօր.-ի 104 հոդվածի 2-րդ մասի հատկանիշներով (սպանություն):
Քննիչի որոշմամբ նշանակվել են դիակների դատաբժշկական փորձաքննությունները: Դեպքի վայրում է եղել նաև, Արարատի մարզի դատախազության, ավագ դատախազ Սարգիս Մալխասյանը:
Ֆոտոլրագրող Գագիկ Շամշյանը հայտնում է, որ Արարատ քաղաքի նշված շենքի հարևանները, ովքեր չեն ցանկացել ներկայանալ, ֆոտոլրագրողին պատմել են, որ իրենք դեպքի վերաբերյալ որոշ խոսակցություններ են լսել հենց գիշերը, երբ այնտեղ են եղել մեծ թվով ոստիկաններ և բժիշկներ:
Նրանց խոսքերով մայրը սկզբից տանը կախել է մեծ տղային. 6-ամյա Վարդանը փորձում է դիմադրություն ցույց տալ, որպեսզի մայրը չկախի իրեն: Սակայն մայրը ձեռքով փակում է մեծ որդու բերանը և կախում է նրան: Կախելուց հետո երկու ժամ տղան մնում է կախված վիճակում:
Այդ ընթացքում փոքր որդին` 4-ամյա Հայկը, ըստ հարևանների պատմածի, մորը խնդրել է. «Մա՛մ ջան, ինձ Վարդանի նման չկախես էլի, ինձ Վարդանի օրը չգցես», մայրն էլ պատասխանել է. «Չէ, բալա ջան, քեզ հետ ես նման բան չեմ անի»:
Սակայն 34-ամյա Ռոզան քիչ անց փոքր որդուն ևս կախում է, այս անգամ` տան ուրիշ հատվածում. 4-ամյա Հայկին մայրը ևս երկու ժամ թողնում է կախված վիճակում, ինչից հետո իջեցնում է որդիներին և պառկեցնում մահճակալի վրա` իրար կողք ու վերմակով ծածկում, ապա ինքը դուրս է գալիս տանից:
Հարևանները ֆոտոլրագրող Գագիկ Շամշյանին պատմել են նաև, որ Ռոզայի` մարդասպան մոր հայրը` Հակոբը, 1989 թվականին ոսկու կորզիչ ֆաբրիկայի (ԶՈԴ) բանավանում, կացինով սպանել էր իր կնոջը` Շողիկ Ալոյանին, և սպանությունը տեղի է ունեցել, այն ժամանակ 10-ամյա Ռոզայի, նրա քույրերի և եղբոր՝ Հովհաննեսին ներկայությամբ, որն էլ մի քանի տարի առաջ ինքնասպան է եղել, բանտում: Հակոբ Ալոյանը սպանության համար դատապարտվել էր երկար տարիների ազատազրկման:
Հարևանները հայտնել են նաև, որ երբ ոստիկանության Արարատի մարզային վարչության Արարատի բաժնի օպերատիվ-քննչական խումբը ժամանել է հանցագործության վայր և ներս է մտել տուն, ոստիկանական համազգեստով և քաղաքացիական հագուստով իրավապահներ, տեսնելով կատարվածը, բարձր ձայնով լաց են եղել:
Հարևանները ֆոտոլրագրողին պատմել են նաև, որ իրավապահները մարդասպան մոր տանը հայտնաբերել են մեծ քանակությամբ հոգևորական գրականություն` տարբեր աղանդների պատկանող:
Գագիկ Շամշյանը ևս մեկ դրվագ է փոխանցում. սեղանին է դրված է եղել մանկական Աստվածաշունչը, որը բացված է եղել այն էջը, որտեղ գրված է եղել. «Հիսուսը օրհնում է երեխաներին»:
Ֆոտոլրագրող Գագիկ Շամշյանը հայտնում է նաև, որ մարդասպան մայրը մեծացել է Գավառի մանկատանը, իսկ մարդասպանության վայր դարձած բնակարանը պետական ծրագրով, որպես ծնողազուրկ ստացել է պետությունից: Լուսանկարները և տեսանյութը՝ Գագիկ Շամշյանի:






http://news.armeniatv.com/2011/09/մա...�նչափահ/

[Lianik]

Շարունակելով նախորդ գրառման թեման`

ՀՀ Ոստիկանության Արարատի քննչական բաժնում հարուցվել է քրեական գործ` 6 ամյա Վարդան եւ 4-ամյա Հայկ Ալոյանների սպանության դեպքի առթիվ: Հաշվի առնելով հանրության հետաքրքրությունը ` տրամադրում ենք տեղեկատվություն` քրեական գործով 07.09.2011թ. դրությամբ պարզված հանգամանքների վերաբերյալ:

2011թ. սեպտեմբերի 6-ին` ժամը 23:45-ին, քաղաքացի Ռ.Ալոյանի՝ Արարատ քաղաքում գտնվող բնակարանում հայտնաբերվել են նրա որդիների՝ 6-ամյա Վարդան Ալոյանի եւ 4-ամյա Հայկ Ալոյանի դիակները` բռնության հետքերով: Նույն օրը` ժամը 01:00-ի սահմաններում, նշված հանցագործությունը կատարելու կասկածանքով ձերբակալվել է երեխաների մայրը:

Նախաքննությամբ պարզվել է, որ Ռ.Ալոյանը 2011թ. սեպտեմբերի 6-ին` առավոտյան, երեխաների հետ գնացել է խանութ, առեւտուր արել, ապա վերադարձել տուն եւ կերակրել նրանց: Մոր ներկայացրած պատճառաբանությամբ, իրեն միայնակ զգալով եւ իր կյանքը համարելով ավարտված, որոշել է խեղդամահ անել երեխաներին, ապա վերջ տալ նաեւ իր կյանքին: Այդ նպատակով նույն օրը՝ ժամը 12:00-ի սահմաններում, նա իրեն պատկանող շարֆը կապելով խոհանոցի դռան վերեւում գտնվող ջրատար խողովակին, դրա վրա արել է հանգույց եւ ավագ որդուն` Վ. Ալոյանին կախելով այդ հանգույցից` խեղդամահ է արել: Այնուհետեւ խոհանոցի պատին ամրացված կախիչից ամրացնելով սավանից պատրաստված մեկ այլ օղակ` դրանից կախել եւ խեղդամահ է արել նաեւ կրտսեր որդուն` Հ. Ալոյանին: Այս ամենից հետո երեխաների դիակները տեղափոխել է մահճակալի վրա, պառկել նրանց կողքին, սավանը փաթաթել իր պարանոցին եւ փորձել իրեն խեղդելով կյանքին վերջ տալ, սակայն չի կատարել իր մտադրությունը: Երեխաներին վերմակով ծածկել է եւ տանից հեռացել` ավտոբուսով մեկնելով Երեւան:

Նախաքննությամբ պարզվել են Ռ.Ալոյանի ընտանեկան կյանքին եւ ծնողներին վերաբերող մի շարք հանգամանքներ, որոնք մասամբ հրապարակում ենք՝ նկատի ունենալով հասարակական մեծ հնչեղությունը: Մասնավորապես՝ հայտնի է դարձել, որ Ռ.Ալոյանի հայրը ընտանիքը լքել է, երբ նա դեռ եղել է մանկահասակ: Իսկ մայրը սպանվել է՝ կացնահարվել, 1989 թվականին այդ ընթացքում փաստական ամուսնական հարաբերությունների մեջ գտնվող Հակոբ Թադեւոսյանի կողմից: Շ.Ալոյանը շուրջ 7 տարի ապրել է մանկատանը, ապա սովորել «Էրեբունի» բժշկական քոլեջում, որն ավարտել է 1997 թվականին՝ ստանալով բուժքրոջ որակավորում: Որպես մանկատան սան` 2003 թվականին Արարատ քաղաքում նրան հատկացվել է նշված բնակարանը:

Ամուսնացել է Երեւան քաղաքի բնակիչ Գ.Խ.-ի հետ, որի հետ համատեղ կյանքի ընթացքում ունեցել է երկու որդի: Երեխաների հայրը պարբերաբար լքել է ընտանիքը, բնակվել առանձին, երեխաները մնացել են մոր խնամքին եւ նրանց կարիքները հոգալու համար, նախաքննության ունեցած տվյալների համաձայն, Գ.Խ-ն երբեմն օգնել է միայն գումարով: Ռ.Ալոյանը ստացել է նաեւ սոցիալական նպաստ: Արարատ քաղաքի պոլիկլինիկա ՊՓԲԸ-ի հոգեբուժական եւ նարկոլոգիական բաժանմունքում հաշվառված չէ:

Քրեական գործով նշանակվել են փորձաքննություններ, ձեռնարկվում են միջոցներ` դեպքի բոլոր հանգամանքները լիարժեք պարզելու, այդ թվում երեխաների մոր՝ Ռ.Ալոյանի տված ցուցմունքները պարզելու ուղղությամբ: Նախաքննության արդյունքների մասին տեղեկատվություն կտրամադրվի լրացուցիչ:
http://7or.am/archives/71704

[Նաիրուհի]

Սեպտեմբերի 11-ի ահաբեկչությունը նկարահանվել է տիեզերքից

NASA-ն հրապարակել է 2001թ. սեպտեմբերի 11-ի ահաբեկչության բացառիկ տեսանյութը, որտեղ երևում է, թե ինչպես են այրվում Նյու Յորքի երկվորյակ շենքերը: Տեսանյութը նկարահանվել է ռուս տիեզերագնացներ Միխայիլ Տյուրինի և Վլադիմիր Դեժուրովի կողմից, ովքեր այդ օրը գտնվել են տիեզերքում: Նրանք հասկացել են, որ Երկրի վրա ինչ որ բան այն չէ և որոշել են նկարահանել այդ ամենը: Երբ առաջին շենքն այրվում էր, տիեզերագնացները սկսել են նկարահանումը, ինչի արդյունքում կարողացել են նկարահանել նաև երկրորդ ինքնաթիռի բախումը:

Հիշեցնենք, որ 10 տարի առաջ` սեպտեմբերի 11-ին ԱՄՆ-ը ենթարկվեց իր պատմության մեջ աննախադեպ հարձակման: Զոհվեց ավելի քան 3000 մարդ:

Տեսանյութը՝ այստեղ

[Firegirl777]

Ոնց են էսպիսի մայրեր լինում, ինչպես կարելի է էդպիսի վայրենություն անել սեփական երեխաների հանդեպ, ազդված եմ ահավոր, սիրտս ճմլվեց կարդալուց

[CactuSoul]

Ոնց են էսպիսի մայրեր լինում, ինչպես կարելի է էդպիսի վայրենություն անել սեփական երեխաների հանդեպ, ազդված եմ ահավոր, սիրտս ճմլվեց կարդալուց

Դե մուտանտ աննասուններ լինում են… Բայց ասա՝ այ տխմար, այ նողկալի արարած, կյանքդ պրծած էիր համարում, ինքնասպան լինեիր, էդ երեխեքի ապրել-չապրելն էլ ի՞նչ կապ ուներ քեզ հետ: Էդ ախր նույնիսկ էգոիզմի դրսևորում չի, չգիտեմ էլ, թե ինչ ա:
Հայաստանում մահապատիժը վերացրել ե՞ն:

[Jarre]

Գերմանական դատարանը պաշտպանեց Apple-ին Samsung-ի հետ պայքարում

Գերմանիայի Դյուսելդորֆ քաղաքի դատարանը վճիռ է կայացրել, որի համաձայն Samsung ընկերությանն արգելվել է ողջ երկրի տարածքում վաճառել Galaxy Tab պլանշետային համակարգիչները։ Նման պահանջ պարունակող հայցով դատարան դիմել էր ամերիկյան Apple ընկերությունը, տեղեկացնում է Բի–Բի–Սի–ն։

Ամերիկյան ընկերությունն արդեն առաջին անգամը չէ, որ փորձում է դատական կարգով ապացուցել, որ իր կորեական մրցակիցն ուղղակի կրկնօրինակում է իր արտադրանքը։ Samsung–ն իր հերթին հերքում է բոլոր մեղադրանքներն ու Apple-Ին մեղադրում հեղինակային իրավունքների խախտման համար։

Երկու ընկերությունների միջև դատական գործընթացներ են ընթանում նաև ԱՄՆ–ում, Ավստրալիայում և այլ երկրներում։

Աղբյուր՝ ԹԵՐԹ.am

[Jarre]

Ազգը գժվում ա.....

Լոռու մարզում բռնաբարել են 80-ամյա կույսին

Լոռու մարզում Արման անունով 22-ամյա մի տղամարդ բռնաբարել է 80-ամյա մի կնոջ։ Դեպքը տեղի է ունեցել սեպտեմբերի 4-ին։

Բացի այդ, երիտասարդը նաև հափշտակել է կնոջ ոսկե ականջօղերն ու շղթան։ Ըստ լուրերի՝ Ռոզա անունով տարեց կինը երբեք ամուսնացած չի եղել. նա կույս էր։

Աղբյուր՝ ԹԵՐԹ.am

[My World My Space]

Դե մուտանտ աննասուններ լինում են… Բայց ասա՝ այ տխմար, այ նողկալի արարած, կյանքդ պրծած էիր համարում, ինքնասպան լինեիր, էդ երեխեքի ապրել-չապրելն էլ ի՞նչ կապ ուներ քեզ հետ: Էդ ախր նույնիսկ էգոիզմի դրսևորում չի, չգիտեմ էլ, թե ինչ ա:
Հայաստանում մահապատիժը վերացրել ե՞ն:

Ան, սկզբից ասեմ, որ որևէ կերպ չեմ արդարացնում, բայց իմացի, որ մանկատուն տեսած էրեխեն կյանքում, լսո՞ւմ ես, կյանքում իրա էրեխուն մանկատուն չի տանի...
Իսկ էդ թշվառը, քանի որ ինքը չէր ուզում ապեր, ու իրա էրեխեքին իրենից հետո մանկատանն էր պատկերացնում, իրա խելքով գտել էր ճիշտ ուղին:
Էս դեպքը մեկ անգամ ևս ապացուցում ա, որ հայաստանում մանկատները խեղում են մարդկանց....

[Arpine]

Դե մուտանտ աննասուններ լինում են… Բայց ասա՝ այ տխմար, այ նողկալի արարած, կյանքդ պրծած էիր համարում, ինքնասպան լինեիր, էդ երեխեքի ապրել-չապրելն էլ ի՞նչ կապ ուներ քեզ հետ: Էդ ախր նույնիսկ էգոիզմի դրսևորում չի, չգիտեմ էլ, թե ինչ ա:
Հայաստանում մահապատիժը վերացրել ե՞ն:

Էտ արարածը (լեզուս էլ չի պտտվում մայր ասեմ) եթե նորմալ հոգեկան վիճակում լիներ էսպիսի բան չէր անի: Ուղղակի հավատս չի գալիս, որ գիտակցությունը տեղը մարդը կարող է նման բան անել:

[Vaio]

Ըստ լուրերի՝ Ռոզա անունով տարեց կինը երբեք ամուսնացած չի եղել. նա կույս էր։

Լրագրողները որոշել են մի-քիչ զվարճանան:

[Freeman]

Լրագրողները որոշել են մի-քիչ զվարճանան:

Մի տեղ կարդացի, գրած էր «ըստ նախնական տվյալներ կույս էր»:

[Vaio]

Մի տեղ կարդացի, գրած էր «ըստ նախնական տվյալներ կույս էր»:

30 տարուց ավել էտ կինը ամուսնացած է եղել:

[Freeman]

30 տարուց ավել էտ կինը ամուսնացած է եղել:

Իմ մոտ էդ գրած լրագրողների մտավոր կարողությունների հետ կապված կասկածներ են առաջանում

[Freeman]

Լրագրողները որոշել են մի-քիչ զվարճանան:

Մի տեղ կարդացի, գրած էր «ըստ նախնական տվյալներ կույս էր»:

30 տարուց ավել էտ կինը ամուսնացած է եղել:

Իմ մոտ էդ գրած լրագրողների մտավոր կարողությունների հետ կապված կասկածներ են առաջանում

Ես էլ էդ հոդվածն էի փնտրում, փաստորեն ակումբում կար

[Ապե Ջան]

Երեւանում բացվել է «Զվարթնոց» օդանավակայանի նոր տերմինալը




Երեւանում սեպտեմբերի 16-ին բացվել է «Զվարթնոց» միջազգային օդանավակայանի նոր տերմինալը։

Արարողությանը, որը նվիրված է Հայաստանի անկախության 20-ամյակին, մասնակցել է Հայաստանի նախագահ Սերժ Սարգսյանը, Ամենայն հայոց կաթողիկոս Գարեգին Բ-ն, օդանավակայանի կոնցեսիոներ, արգենտինացի գործարար Էդուարդո Էռնեկյանը, հավատարմագրված երկրների դեսպաններ, բարձրաստիճան անձինք։ Արարողության սկզբում հնչել է Հայաստանի հիմնը:

Էդուարդո Էռնեկյանը շնորհավորել է բոլորին Հայաստանի համար կարեւոր իրադարձության կապակցությամբ, նաեւ շնորհակալություն է հայտնել Հայաստանի եւ Արգենտինայի իշխանություններին նախագծի իրականացնմանն աջակցելու համար: Ողջույնի խոսքով հանդես է եկել նաեւ փոխվարչապետ Արմեն Գեւորգյանը: Տերմինալի բացման կապակցությամբ հայրապետական մաղթանքն է հղել նաեւ Ամենայն հայոց կաթողիկոսը:

Նշենք, որ նորակառույց տերմինալի մակերեսը 34 հազար քառ. մետր է: Կան կառավարական եւ վիպ-գործառնական սրահներ, նոր ավտոկանգառ` 20 հազար քառ.մետր տարածքով: Ընդհանուր ներդրումների ծավալը կազմել է 160 միլիոն դոլար:

Համալիրը նախագծված է միջազգային բոլոր չափանիշներին համապատասխան, տարեկան 3,5 միլիոն ուղեւոր սպասարկելու հնարավորությամբ: Հարավային Կովկասում միակ միջազգային օդանավակայանն է, որ համապատասխանում է B վարկանիշին:

Նոր տերմինալում կավելացվի ուղեւորների գրանցման համար նախատեսված սեղանների քանակը 42-ն է, մեկ ուղեւորափոխադրիչի փոխարեն կգործեն երկուսը։

Նշենք, որ նոր տերմինալի շինարարությունն իրականացվել է «Արմենիա միջազգային օդանավակայաններ» ընկերության, Վերակառուցման եւ զարգացման եվրոպական բանկի(EBRD), Զարգացման ասիական բանկի եւ Ներդրումների ու զարգացման գերմանական կորպորացիայի (DEG) միջեւ վարկային համաձայնագրի շրջանակներում։

Ընկերության սեփականատերը նյույորքյան հոլդինգային ընկերությունն է, որի 100 տոկոս բաժնետոմսերը պատկանում են արգենտինահայ հայտնի ձեռնարկատեր Էդուարդո Էռնեկյանին։

News.am