Նորություններ՝ դեսից-դենից

[V!k]

բայց սենց բաները չպետք է մասսայական հայտարարեն… Ոնց որ ասեն մեք ունենք ագենտներ էս-էս տեղերում… էլ մարդիկ իրար չեն վստահի

Տաքսիների վարորդները ոստիկաններ կլինեն

Թերթի տեղեկություններով՝ մի շարք տաքսի ծառայություններում ուշ ժամերին սպասարկելու են վարորդներ, որոնք ոստիկանության օպերատիվ աշխատակիցներ են. «Նրանք կլինեն «դեպքի վայրերում», կշփվեն հնարավոր հանցագործների հետ և կանխարգելիչ միջոցառումների կդիմեն»:

Աղբյուր՝ 1ին.ամ

[VisTolog]

բայց սենց բաները չպետք է մասսայական հայտարարեն… Ոնց որ ասեն մեք ունենք ագենտներ էս-էս տեղերում… էլ մարդիկ իրար չեն վստահի

Տաքսիների վարորդները ոստիկաններ կլինեն

Աղբյուր՝ 1ին.ամ

1ին.ամ-ը հենց մի բան ա իմանում, թեկուզ չհաստատված տեղեկություն, սկսումա տարածել: Շատ «բերան բաց» թերթա:

[Արէա]

Հերթական գողության մասին ենք տեղեկանում Հայֆոնի ֆեյսբուքյան էջից
Ադանայի ողբը

[Tig]

Հերթական գողության մասին ենք տեղեկանում Հայֆոնի ֆեյսբուքյան էջից
Ադանայի ողբը

Ամեն ինչ փոխադարձ է: Մենակ մի տարբերություն կա, մենք իրանց ցածրորակ մշակույթն ենք գողանում, նրանք մեր բարձրորակը...

[Արէա]

Ամեն ինչ փոխադարձ է: Մենակ մի տարբերություն կա, մենք իրանց ցածրորակ մշակույթն ենք գողանում, նրանք մեր բարձրորակը...

Հենց ամենամեծ ցավն էլ էդ ա, որ մերոնք էլ էն գողանում, ու շատ ավելի շատ քան նրանք, տոննաներով են գողանում
Մեր հարստությունը թողած, ուրիշների զիբիլն ենք գողանում:

Հ.գ. Չնայած մեծ վերապահումով ա կարելի դրանց "մերոնք" անվանել...

[Ապե Ջան]

«Ժամանակ». Գարեգին Նժդեհի հրապարակում ոստիկանները հանցագործի փոխարեն անմեղի՞ են սպանել

«Ժամանակ»-ն անդրադարձել է Մետրոյի Գարեգին Նժդեհ կայարանում 30-ամյա Արման Ենգիբարյանի` ոստիկանի կողմից սպանվելուն: Թերթը զրուցել է Ենգկբարյանի հարազատների հետ եւ սենսացիոն բացահայտումներ արել: Ըստ այդմ. «Արման Ենգիբարյանը խոհարար էր, «Խոհարարների ասոցիացիայի» նախագահը, որպես լավ խոհարար հրավիրվել էր հեռուստաընկերություններ՝ ցուցադրելու իր հմտությունները: Վերջին հաղորդման ժամանակ՝ ապրիլի 7-ին, Արմանը մի ոսկե ձկնիկ էր նվիրել երգիչ Սոսո Պավլիաշվիլիին: Իսկ սպանվելուց րոպեներ առաջ շատ հանգիստ խոսել էր կնոջ՝ Անժելայի հետ: Դա վերջին խոսակցությունն էր... Որովայնին եւ պարանոցին հասցված երկու կրակոցով ոստիկանները վերջ էին տվել Արմանի կյանքին՝ նրան ներկայացնելով կասկածյալ, հանցագործ: Եվ այդ ամենը շատ զայրացրել ու բազմաթիվ հարցականներ էր առաջացրել Արմանի հարազատների մոտ:

Նրա հայրը՝ Սերգեյ Ենգիբարյանը, «Ժամանակ»-ի միջոցով փորձել է այդ հարցերն ուղղել իրավասու ատյաններին, երկրի ղեկավարությանը. «Ինձ միայն մի հարց ա հետաքրքրում՝ առանց դատարանի որոշման, առանց ոչ մի բանի, լրագրողները հեռուստացույցով, թերթերում գրում են՝ վնասազերծել են հանցագործին, եւ այդ հանցագործին ոստիկանը վնասազերծում է երկու կրակոցո՞վ, մեկը որովայնին ա խփում, մյուսը՝ գլխին: էդ ի՞նչ ա նշանակում՝ երկրորդ գնդակը, որ խփել են գլխին: Գլխին խփում են՝ քիլլեր ա՞ եղել մեր ոստիկանը»: Հայրը դեռ չի հավատում, որ որդին չկա: «Ինքը խոհարար էր, «Խոհարարական ասոցիացիայի» նախագահ: Էդ որ ասում են՝ ինքը 4 ամիս հետազոտման (հետախուզման) մեջ ա եղել, ապրիլի 7-ին Հայաստանի երկրորդ ալիքով ելույթ ա ունեցել, Սոսո Պավլիաշվիլիին մրգերից, ինչից նվեր է մատուցել... Էդ ո՞նց ա լինում, որ «հանցագործը» հեռուստացույցով ելույթ ա ունենում, բայց ոչ մեկը իրան չի ճանաչում»,- հարց է տալիս հայրը ու նշում, որ ոստիկանները երբեւէ իր տուն չեն եկել, Արմանը երբեք հաշվառման մեջ չի եղել, հետախուզման մեջ չի եղել, եւ դժվարանում է սպանության որեւէ կոնկրետ վարկած առաջ քաշել: Արմանի եղբոր պատմելով՝ հանգուցյալը զինվորական ծառայության ժամանակ է սովորել խոհարարությունը եւ հետզհետե 10 տարվա մեջ կատարելագործել իր հմտությունները:

News.am

[VisTolog]

Բա իրան զենք որտեղի՞ց, ինչի՞ համար, խի՞ էր փախնում, բա վկաների ցուցմունքնե՞րը… էս ինչ հեքիաթա:

[Նարե91]

Ես էլ եմ կարծում, որ հեքիաթա... Էդ ոստիկանը հո՞ կյանքից ձեռ չէր քաշել, որ անմեղ մարդու վրա կրակեր

[_Հրաչ_]

«Եռաբլուր» պանթեոնում ինքնասպան է եղել ոստիկանության օպերլիազորը

Երեւանում այսօր` հունիսի 25-ի առավոտյան «Եռաբլուր» պանթեոնում դիակ է հայտնաբերվել:

Ինչպես դեպքի վայրից NEWS.am-ին հայտնում է ֆոտոլրագրող Գագիկ Շամշյանը, ժամը 08:25-ի սահմաններում, անհայտ քաղաքացին զանգահարել է ոստիկանության Մալաթիայի բաժին եւ հայտնել, որ «Եռաբլուր» պանթեոնի մոտ տղամարդու դիակ կա:

Դեպքի վայր են ժամանել ոստիկանության Երեւան քաղաքի վարչության պետ, ոստիկանության գեներալ-մայոր Ներսես Նազարյանը, ոստիկանության քրեական հետախուզության գլխավոր վարչության պետ, ոստիկանության գնդապետ Աշոտ Կարապետյանը, ոստիկանության Մալաթիայի բաժնի պետ, գնդապետ Լեւոն Յազիչյանը, օպերգծով տեղակալ Գրիգոր Կարապետյանը, քննիչներն ու փորձագետը:

Պարզվել է, որ մահացածը ոստիկանության քրեական հետախուզության գլխավոր վարչության օպերլիազոր, ոստիկանության ավագ լեյտենանտ 25-ամյա Կորյուն Արզումանյանն է:

Դեպքի վայրում հավաքվածները ֆոտոլրագրողին հայտնել են, որ նա 1,5 ամիս առաջ ոստիկանության Մալաթիայի բաժնի քրեական հետախուզության բաժանմունքից տեղափոխվել ոստիկանության քրեական հետախուզության գլխավոր վարչություն:

Դիակի մոտ ոստիկանները հայտնաբերել են ձեռագրով գրված մի նամակ, իսկ ձեռագրի հետեւում համակարգչով հավաքված տեքստ, որտեղ, մասնավորապես, գրված է, որ «Ես ներողություն եմ խնդրում բոլորից…»:

Ըստ նախնական տեղեկությունների, Կ. Արզումանյանն ինքնասպան է եղել իրեն ամրակցված Մակարով տեսակի ատրճանակից: Օպերլիազորը մահացել է ծնոտին արձակված մեկ կրակոցով:

Ոստիկանության քննչական գլխավոր վարչության Երեւանի քննչական վարչության Մալաթիայի քննչական բաժնի քննիչ Սուրեն Նավոյանի կողմից նշանակվել են մի շարք փորձաքննություններ, այդ թվում ձեռագրաբանական, դատաձգաբանական, դատաբժշկական, ձգաբանական եւ դատաքիմիական:

Քննչական բաժնում նյութեր են նախապատրաստվում: «Մակարով» տեսակի ատրճանակը առգրավվել եւ ուղարկվել է ոստիկանության փորձաքրեագիտական վարչություն:

Կուրսեցիս...

[Jarre]

Հռոմի պապը, iPad-ը և Twitter-ը

Այսօր Հռոմի պապը iPad-ով իր առաջին գրառումն է կատարել Twitter-ում, որտեղ հայտնել է Վատիկանի նոր կայքի մասին։

Եվրոնյուզը այս կապակցությամբ Twitter-ին անվանել է սուրբ

Աղբյուր՝ euronews

ՀԳ՝ հուսանք, որ Պապը ադնագլազնիկում չի հայտնվի։ Չնայած հետաքրքիր կլիներ տեսնել, թե ինչ ստատուս կգրեր

[Yevuk]

Հայաստանը ներկայացնող Նարեկ Հախնազարյանը՝ Չայկովսկու անվան մրցույթի հաղթող



Չայկովսկու անվան միջազգային երաժշտական մրցույթում այսօր «Թավջութակ» անվանակարգում հաղթել է Հայաստանը ներկայացնող անվանի երաժիշտ Նարեկ Հախնազարյանը:

Այդ անվանակարգում եզրափակիչ էին անցել 5 երկրների՝ Իտալիայի, Գերմանիայի, Բելառուսի, Ֆրանսիայի ու Հայաստանի ներկայացուցիչները: Երկրորդ ու երրորդ տեղերը զբաղեցրել են համապատասխանաբար Ֆրանսիայի ու Բելառուսի ներկայացուցիչները, իսկ առաջին տեղը զբաղեցրած մեր հայրենակիցը որպես մրցանակ կստանա 20 հազար եվրո գումար:

Հատկանշական է, որ «Դաշնամուր» անվանակարգում առաջին տեղը զբաղեցրած և Ռուսաստանը ներկայացնող Դանիլ Տրիֆոնովը Քլիվլենդի երաժշտական ակադեմիայում դասավանդող հայազգի հայտնի երաժիշտ Սերգեյ Բաբայանի աշակերտն է:

tert.am

[VisTolog]

Հայտնաբերվել է ամենագարշահոտ կրոնավոր տղամարդն աշխարհում




Հնդիկ Քայլաշ Սինգհը, ով փափագում է տղա ժառանգ ունենալ, հետեւել է քրմերի խորհրդին եւ հարսանիքից հետո, որը կայացել է 1974 թվականին, ոչ լողացել է, ոչ` սափրվել:

Խորհուրդը, սակայն, չի օգնել. Սինգհը 7 դուստր ունի, որոնցից ամենակրտսերը 16 տարեկան է, հաղորդում է Regions.ru-ն` վկայակոչելով բրիտանական The Daily Mail-ը:

Նման եզակի երդում տված հնդիկն ապրում է Գանգեսի ափին գտնվող Վարանասի քաղաքում, որտեղ 47 աստիճան տաքությունը սովորական ջերմաստիճան է: Սինգհն ամեն օր այդ շագին խնամում է կովերին: Միակ հիգիենիկ ընթացակարգը, որին հետեւում է Սինգհը (բացի ձեռքերը լվալուց եւ բերանը ողողելուց) «կրակե բաղնիքն է», որը կայանում է նրանում, որ Սինգհը մարիխուանա է ծխում, աղոթում Շիվա Աստծուն եւ պարում կրակի շուրջը:

Զարմանալի չէ, որ նման «հոտավետ» մարդու կողքին ապրելը հեշտ չէ եւ անգամ նրա ընտանիքի անդամները մի անգամ փորձել են նրան նետել գետը, բայց Սինգհին հաջողվել է դուրս պրծնել ընտանիքի անդամների ձեռքից եւ փախչել:

«Նա ասում է, որ ավելի շուտ կմահանա, քան կլողանա իմ տղա ունենալուց շուտ»,- ասում է Սինգհի 60-ամյա կինը` Կալավատի Դեվին ու շարունակում. «Դա այնքան երկար է շարունակվում, որ մենք արդեն սովորել ենք»:

http://news.am/arm/news/64785.html

[Ապե Ջան]

Արմենչիկը դուետ է պարտաստում Սնուպ Դոգի հետ:

[Tig]

Ինչոր մեկը կա՞ր ա բացատրի ինչ ա նշանակում "բարերարների ճեմուղի"...

Կբացվի հայ բարերարների ճեմուղի
11:34 • 06.07.11

Հայաստանում սեպտեմբերին կբացվի հայ բարերարների ճեմուղի: Այս մասին այսօր լրագրողների հետ հանդիպմանը հայտարարեց սփյուռքի նախարար Հրանուշ Հակոբյանը:

Նախարարն ասուլիս է հրավիրել՝ ամփոփելու նախարարության՝ այս տարվա առաջին կիսամյակի աշխատանքները:
Ըստ Հրանուշ Հակոբյանի՝ այս տարի հայապահպանության գլխավոր «թիրախ» է ընտրվել երիտասարդությունը, և տարին հայտարարվել է երիտասարդության տարի: Նրա խոսքով՝ նախարարությունն իրականացնում է երիտասարդությանն ուղղված մի շարք ծրագրեր, այդ թվում՝ «Կտոր մը հայրենիք», «Հայրենիք, քեզ այսպես եմ տեսնում» ցուցահանդես-մրցույթը, «Արի տուն» ծրագրի ճամբարային հատվածը:

Tert.am

[Նարե91]

Հայաստանյան բուհերն այս տարի լուրջ ֆինանսական խնդիրների կբախվեն

Դիմորդների կրճատման հետևանքով՝ այս տարի հայաստանյան բուհերը կբախվեն ֆինանսական լուրջ խնդիրների: 2011-12 ուսումնական տարում բարձրագույն ուսումնական հաստատությունում սովորելու համար առաջին փուլով դիմել է 1209 հոգի՝ նախորդ տարվա մոտ 18,000-ի փոխարեն:

Դիմորդների թվի նվազման հետևանքով ֆինանսական միջոցների բացակայության պայմաններում բուհերը կանգնած են կադրային կրճատումների եզրին, սակայն նրանք պնդում են, որ մասսայական կրճատումներ չեն լինի:

Կրթության և գիտության նախարարության բուհերի համակարգման և վերահսկման բաժնի պետ Սասուն Մելիքյանը նշում է, որ այս տարի դիմորդների թվի կրճատման միտումը պայմանավորված է 12-ամյա կրթական համակարգին անցում կատարելու հանգամանքով: Հայաստանի դպրոցական կրթության համակարգը փոփոխվել է 2009-ին՝ 47 եվրոպական երկրների կրթական համակարգերի սկզբունքները սահմանող Բոլոնիայի գործընթացի շրջանակներում:

Այնուամենայնիվ, այս տարի դիմորդների պակասը գերազանցել է անգամ ամենահոռետեսական կանխատեսումները, և բուհերը կանգնելու են բյուջեի կրճատման խնդրի առջև: Երևանի պետական համալսարան (ԵՊՀ) է դիմել ընդհանուր դիմորդների գրեթե կեսը՝ 321 անվճար և 2195 վճարովի տեղերի համար: 54 մասնագիտություններ առաջարկող բուհում ֆակուլտետներ կան, որ ընդհանրապես դիմորդ չունեն, ինչպես էկոլոգիական քիմիան կամ կենսաինֆորմատիկան:

«Այս տարվա դիմորդները նախորդ տարիների դպրոցի շրջանավարտներ են, ովքեր կամ ձախողել են ընդունելության քննությունները նախորդ տարիներին կամ սովորել են միջին մասնագիտական ուսումնական հաստատություններում և հիմա ուզում են բուհ ընդունվել: Կան սփյուռքահայեր, օտարերկրացիներ ու բանակից զորացրվածներ», - նշում է Սասուն Մելիքյանը:

Նույնիսկ եթե բոլոր 1209 դիմորդն էլ բուհ ընդունվեն, 19,719 տեղ թափուր կմնա, քանի որ 2011 ուսումնական տարվա համար բուհերում հատկացված է 2428 անվճար և 18,500 վճարովի տեղ:

Մելիքյանի խոսքերով՝ դիմորդների թվի կրճատման հետևանքով բուհերին սպասվող ֆինանսական խնդիրները կարող են բարդ իրավիճակ ստեղծել, սակայն նա դժվարացել է նշել, թե որքանով կկրճատվեն բուհերի ֆինանսական միջոցները: Պաշտոնյան հայտարարել է, որ պետությունը հավելյալ ֆինանսական աջակցություն չի նախատեսում բուհերի համար:

Նա նշել է, որ կրթական համակարգի համար դժվար, բայց հաղթահարելի տարի է լինելու, ընդ որում, հաղթահարման մեթոդները բուհերն իրենք պետք է որոշեն՝ ըստ իրենց առանձնահատկությունների. «Չեմ կարծում, որ պետական բուհերը շատ լուրջ խնդիրներ ունենան: Ամեն դեպքում մասսայական կրճատումներ չեն լինի»:

Դիմորդների հարցն առավել խնդրահարույց է մասնավոր բուհերի համար:

Գլաձոր համալսարանի 1000 ուսանողի վարձավճարից գոյացած տարեկան եկամուտը կազմում է մոտ 25-30 միլիոն դրամ, որն այս տարի լավագույն դեպքում կիսով չափ կնվազի: Այդուհանդերձ, Գլաձորի ղեկավարությունը չի նախատեսում կադրային կրճատումներ, բայց կանխատեսում է ֆինանսական ճգնաժամ, որը հաղթահարելու համար կցանկանար ստանալ եթե ոչ նույնչափ, ապա գոնե որոշակի պետական հոգածություն, ինչպիսին ստանում են պետականները:

«Մասնավոր բուհերը, ի տարբերություն պետականների, միանգամայն ինքնաֆինանսավորվող են, հետևաբար այս տարին պարզապես մարտահրավեր է լինելու ոչ պետական բուհերի համար», - ասում է «Գլաձոր» համալսարանի ռեկտոր Ժորա Ջհանգիրյանը:

ԵՊՀ ընդունող հանձնաժողովի պատասխանատու քարտուղար Վաչագան Գալստյանը նշում է, որ այս տարի մայր բուհում կլինեն ֆակուլտետներ, որոնք համարյա դիմորդներ չեն ունենա, հետևաբար, այստեղ ֆինանսական ճգնաժամն առավել զգալի կլինի:

«Վիճակը մտահոգիչ է բնագիտական ֆակուլտետներում, ռոմանագերմանական բանասիրություն ֆակուլտետի առանձին մասնագիտություններում: Ընդամենը 1 դիմորդ ունի 20 անվճար տեղով միջուկային ռեակտորների ֆիզիկա բաժինը, որն այս տարի բացվել է ֆիզիկա ֆակուլտետում: Մինչդեռ պետությունը նախատեսում էր այս բաժնի շրջանավարտներին ապահովել աշխատանքով», - ասում է Գալստյանը:

Նախորդ տարիների ամենավարկանշային իրավագիտություն ֆակուլտետում կան միայն վճարովի տեղեր. 110 տեղի համար՝ 53 դիմորդ, միջազգային հարաբերություններ ֆակուլտետ է դիմել 28 հոգի՝ 80 վճարովի տեղերի համար:

«Եթե դիմորդ չլինի տվյալ ֆակուլտետում, բնականաբար, առաջին կուրս չի ձևավորվի, իսկ այն ֆակուլտետները, որոնք կունենան 2-3 առաջին կուրսեցի, ըստ երևույթին հարակից մասնագիտությունները միավորելով՝ կստեղծվեն խմբեր», - բացատրում է Գալստյանը:

Իրականում նույնիսկ այս սակավաթիվ դիմորդներից ոչ բոլորը կկարողանան հաղթահարել ընդունելության քննությունների արգելքը: Դրական միավորի շեմը մինչ օրս չի հաղթահարել 25 դիմորդ, որը ընդհանուր դիմորդների մոտ 5 տոկոսն է կազմում:

«Գնահատման և թեստավորման կենտրոնի (ԳԹԿ) պահանջով այս տարի թեստեր կազմող հանձնաժողովներն այնպես են կազմել քննաթերթիկները, որ նվազագույն անցողիկ միավորը լինի հեշտ հաղթահարելի», - ասում է ԳԹԿ հանրային կապերի պատասխանատու Գայանե Մանուկյանը:

Սակայն, նույնիսկ այս դեպքում դիմորդներից շատերը կարող են ձախողել ընդունելության քննությունների երկրորդ փուլը:

Գնահատման և թեստավորման կենտրոնի Մշակումների և կազմակերպչական բաժնի պետ Կարո Նասիբյանի մտահոգությունը ոչ միայն դիմորդների պակասի, այլև նրանց որակի հետ է կապված:

«Կան դիմորդներ, որ ընդհանրապես տեղյակ չեն թեստերից, անգամ դիմումների լրացման ձևը չգիտեին: Քննությունների ընթացքում մենք ստիպված էինք շատերին բացատրել՝ ինչպես լրացնեն քննաթերթիկները», - ասում է Նասիբյանը:

աղբյուր` 1in.am