Նորություններ՝ դեսից-դենից

[V!k]

Բժշկականի ռեկտոր Գոհար Քյալյանին եւ եւս մի քանի ռեկտորների ազատել են աշխատանքից

Հայաստանյան որոշ պետական բուհերի ռեկտորների հետ աշխատանքային պայմանագրերը լուծվել են:

Ինչպես NEWS.am-ը տեղեկանում է ԿԳՆ-ից, Հայաստանի ԿԳ նախարար Արմեն Աշոտյանի համապատասխան հրամաններով մարտի 9-ից տվյալ պետական ոչ առեւտրային կազմակերպությունների ռեկտորների պաշտոնակատարներ են նշանակվել.

«Երեւանի պետական տնտեսագիտական համալսարան»- Կորյուն Աթոյանը,

«Երեւանի Մ. Հերացու անվան պետական բժշկական համալսարան»- Դերենիկ Դումանյանը,

«Երեւանի թատրոնի եւ կինոյի պետական ինստիտուտ»- Արմեն Մազմանյանը,

«Երեւանի ճարտարապետության եւ շինարարության պետական համալսարան»-Հովհաննես Թոքմաջյանը,

«Գավառի պետական համալսարան»- Ռուզան Հակոբյանը:

Ռեկտորների ընտրությունները տեղի կունենան համապատասխան կարգով եւ սահմանված ժամկետներում:

Աղբյուր՝ Նյուզ.ամ

[aerosmith]

բա ճարտարագիտականինը ու՞ր ա

[V!k]

բա ճարտարագիտականինը ու՞ր ա

դե ճարտարագիտականին էլ ու՞ր հանեին, մեկա մայիսին նոր ընտրություններ են սպասվում, ու Մարուխյանը էլ չի լինի

[V!k]

Սառա Քոնորն էլ խաբեց, չեկավ Հայաստան
աչքիս էլի հայավարի որոշել են գցեն Սառային, փողը քիչ տան, բայց դե ինքն էլ հո միամիտ չի, ջոգել ա


Նյուզ.ամ

ասել էին հիմա էլ մարտի 8-ին կգա, բայց էլի չեկավ

Աշխարհահռչակ փոփ երգչուհի Սառա Քոնորը չի մասնակցի Կարեն Դեմիրճյանի անվան մարզահամերգային համալիրում մարտի 8-ին տեղի ունենալիք համերգին: Նման հայտարարություն է տարածել Live Legend Entertainement-ը։

Ընկերության ներկայացուցիչ Թին Կրուգը նշել է, որ հայաստանյան VH Music ընկերությունը, որն էլ կազմակերպել է համերգը, չի կատարել պայմանագրի կետերը եւ խախտել է ձեռք բերած պայմանավորվածությունները, ինչի պատճառով էլ Քոնորը Երևանում ելույթ չի ունենա:

Մեր բոլոր փորձերը՝ փաստի մանրամասները ճշտելու համար կապ հաստատել հայաստանյան այդ ընկերության հետ, անհաջողության մատնվեցին. VH Music-ի տնօրենը մեկ անջատում, մեկ չէր պատասխանում հեռախոսազանգերին։

Նշենք, որ Սառա Քոնորի մասնակցությամբ փետրվարի 19-ին նախանշված համերգը մեկ անգամ արդեն հետաձգվել էր՝ տեղափոխվելով մարտի 8-ին։ VH Music-ի տնօրեն Վահե Հարությունյանը NEWS.am-ին ավելի վաղ հավաստիացրել էր, որ երկրորդ հետաձգում չի լինի, եւ որ պայմանագրի բոլոր կետերը ամբողջությամբ կատարված են։

Աղբյուր՝ Նյուզ.ամ

[Ապե Ջան]

ՀԱՅԱՍՏԱՆՈՒՄ ՄԱՅՐԵՐԻՆ ՕՐԵՆՔՈՎ ՊԱՐՏԱԴՐԵԼՈՒ ԵՆ ԿՐԾՔՈՎ ԿԵՐԱԿՐԵԼ

Հայաստանում առաջին անգամ օրենքով ամրագրում են, որ երեխան իրավունք ունի և պետք է կրծքով կերակրվի: Այդ դրույթն ամրագրված է առողջապահության կազմակերպիչների մշակած «Երեխաների կրծքով սնուցման խրախուսման և մանկական սննդի շրջանառության մասին» օրինագծով: Օրենքի նախագիծն այսօր լրագրողներին ներկայացնելիս ԱՆ աշխատակազմի ղեկավարի ժամանակավոր պաշտոնակատար Սուրեն Քրմոյանը տեղեկացրեց, որ այդպիսի նախագիծը մշակվել է առողջապահության ոլորտում իրականացվող բարեփոխումների շրջանակում և նկատեց, որ այն մշակելու համար առողջապահության նախարար Հարություն Քուշկյանը «քաղաքական մեծ կամք» է ցուցաբերել:

Երեխաներին կրծքով կերակրելը օրենքով սահմանելը, ըստ Քրմոյանի, նպատակ ունի կանխարգելել հիվանդությունները մեր երկրում: Ներկայացնելով օրենքի պահանջները, Քրմոյանն ասաց, որ բուժհիմնարկներում արգելվելու է մանկական կերերի գովազդը, կանոնակարգելու են, որ գործատուները ժամ հատկացնեն և հնարավորություն տան իրենց աշխատող կերակրող մայրերին կրծքով սնուցելու համար: «Հուսով ենք, որ ԱԺ-կառավարություն արդյունավետ համագործակցությունը թույլ կտա ընդունել այս օրինագիծը», -հավելեց Քրմոյանը:

ԱՆ մոր և մանկան առողջության պահպանման բաժնի պետ Կարինե Սարիբեկյանը վստահ է, որ այս օրինագծով առողջապահական ցուցանիշների հարցում առաջընթաց կարձանագրվի, քանի որ կրծքով կերակրված երեխաները յոթ անգամ ավելի քիչ են հիվանդանում: Ըստ մասնագետի, կրծքով կերակրելը ազատում է երեխաներին ինֆեկցիաներից, հոգեբանական տրավմաներից: Կրծքի կաթի մեջ, Սարիբեկյանի խոսքով, կան էնդորֆիններ, որոնք հանգստացնում են, զարգացնում ուղեղի աշխատանքը: Մայրերն էլ են օգտվում կրծքով կերակրելուց. նվազեցնում է շաքարային դիաբետի, աթերոսկլերոզի ռիսկերը:

http://dentalcity.do.am/news/2011-02-26-326

[Norton]

Գիշերային ակումբներ այցելող հայ քահանային կարգալույծ են հռչակել

Գիշերային ակումբում ծեծի ենթարկված Բուլղարիայի Վառնա քաղաքի Հայ Առաքելական եկեղեցու սպասավոր տեր Սարգիս քահանա Հովհաննիսյանն այսօր` մարտի 5-ին, կարգալույծ է հռչակվել Գարեգին Բ կաթողիկոսի կողմից «անհարիր պահվածքի համար»: Այժմ նա կդասվի կդասվի աշխարհականների շարքը և կկոչվի ավազանի անունով Արթուր Հովհաննիսյան, հայտնում են Մայր Աթոռ Ս. Էջմիածնի մամուլի դիվանից:
Հիշեցնենք, որ ավելի վաղ տեր մամուլի դիվանի խոսնակ Վահրամը Epress.am-ի հետ զրույցում ասել էր, որ տեր Սարգիս քահանա Հովհաննիսյանին Մայր Աթոռ Սուրբ Էջմիածինը հրավիրել է զրույցի, սակայն վերջինս չէր ներկայացել, քանի որ ապաքինման մեջ է:
Հիշեցնենք, որ 2010 թվականի հուլիսի 31-ի գիշերը տեր Սարգիս քահանա Հովհաննիսյանը հարձակման էր ենթարկվել հայտնի Զլատի պյասցի հանգստավայրի «Արոգանս» գիշերային ակումբում: Զուգարան գնալու ճանապարհին նրա վրա մի քանի մարդ էր հարձակվել և հարվածներ հասցրել գլխին: Վնասվել էր քահանայի աջ աչքը: Տեղի հիվանդանոցներից մեկում նրան շտապ վիրահատել էին, երկար ժամանակ վտանգ կար, որ եկեղեցականը կարող էր կույր մնալ:
Ոստիկանության ներկայացուցչի հետ զրույցում քահանան ասել էր, որ ինքը Ռուսաստանից եկած ընկերոջ հետ էր այցելել ակումբ, որտեղ իրենք ընդամենը «2 հատ հիսուն վիսկի էին խմել»:
Բուլղարիայի հայ համայնքում լուրեր են շրջանառվում, որ քահանան ներգրավված է նաև թմրանյութերի բիզնեսի մեջ:
Ինչպես ավելի վաղ Epress.am-ին հայտնել էին բուլղարահայերը, խոսակցություններ կան, որ ամուսնալուծվելուց հետո նա բնակվում է իր ընկերուհու հետ, և հայերը չեն ցանկանում, որպեսզի այդ քահանան իրենց քարոզի:
Ավելի վաղ Epress.am-ը զրուցել էր նաև տեր Սարգսի արդեն նախկին կնոջ` Վիկտորիայի հետ, ով մի քանի մանրամասն էր ներկայացրել իր և ամուսնու համատեղ կյանքից:
«Ամուսնության առաջին 2 տարին էդպես չէր, հետո սկսեց խմել, ծեծել: Սկզբում մտածում էի` չեմ կարող բարձրաձայնել այդ մասին, որովհետև բաժանվելու դեպքում գնալու տեղ չունեի. ծնողներս հասարակ մարդիկ են, Բուլղարիայում էին ապրում առանց անձնագրի, իսկ ամուսինս վախեցնում էր, թե միլիցայության միջոցով նրանց հետ կուղարկի Հայաստան: Հետո, երբ երեխա ունեցանք, Սարգիսը շարունակում էր ծեծն ու հարբած տուն վերադառնալ: Երեխայի ծնունդից հետո էլ, երբ ասում էի` կբաժանվեմ, ասում էր` երեխային կխլի ինձնից, ասում էր` «եթե պատրաստ ես երեխային երբեք չտեսնես, դռները բաց են, բաժանվի»: Ու ես երեխայի պատճառով մնացի իր մոտ»,- պատմել էր Վիկտորիան:
Նշենք, որ 6-ամյա տղայի խնամակալության համար այժմ տեր Սարգիսը Բուլղարիայի դատարան հայց է ներկայացրել:
http://www.epress.am

[Նաիրուհի]

Միացյալ Նահանգներում հրապարակվել է նախկինում գաղտնի պահվող տեսանյութ, որ կատարվել է 2001-ի սեպտեմբերի 11-ին, Նյու Յորքի Երկվորյակ աշտարակների` Համաշխարհային առևտրային կենտրոնի ահաբեկչության վայրում:

Աշխարհում ամենամեծ ահաբեկչության հետևանքներն արձանագրվել են ոստիկանության ուղղաթիռից, որ պտտվում էր երկնաքերի կողքով` փորձելով օգնել տանիքում գտնվող մարդկանց:

Սակայն ոստիկաններին չի հաջողվել փրկել որևէ մեկին. իրենք` ոստիկաններն են հազիվ փրկվել վտանգավոր գոտուց:

Հենց այս տեսանյութն է օգտագործվել հետաքննության ընթացքում իբրև հիմք: Երկուշաբթի այն հայտնվել է համացանցի մի քանի կայքերում, սակայն պատասխանատուները չեն կարողանում ճշտել, թե ում ձեռքի գործն է նախկինում գաղտնի նյութի հրապարակումը:

Ոստիկանական ուղղաթիռը միակն էր, որին թույլատրվել էր մոտենալ ահաբեկչության դեպքի վայր օդից:

աղբյուր

[Lianik]

հրաաաաաաաշք

Ավստրիական Քեյթ Օտտ ում 27 շաբաթական հղի կնոջ մոտ սկսվել են ծննդաբերական ցավերը: Դժվար ծննդաբերությունից հետո կինը լույս աշխարհ է բերել զույգ երեխա` մեկ տղա և մեկ աղջիկ: Տղայի մոտ նկատվել են խնդիրներ և բժիշկները մոտ կես ժամ ամեն ինչ արել են, որպեսզի երեխան շնչի, սակայն` ապարդյուն: Այն բանից հետո, երբ տեղեկացրելեն երեխայի մորը, մայրը վերցրել են անշունչ երեխային իր գիրկը և մոտ 2 ժամ գուրգուրել ու քնքշանքի խոսքեր է ասել փոքրիկին: Բոլորի համար անսպասելի կերպով հանկարծ մանկիկը սկսել է կյանքի նշաններ ցույց տալ, իսկ ևս որոշ ժամանակ անց` մատիկներով բռնել է մոր մատը: Հավաքված բժիշկները միայն կրկնել են «չենք հավատում» արտահայտությունը: Այս մասին գրում է The Daily Mail ը:

neonews.am

[Ձայնալար]

Գեղեցիկ պատմություն ա, բայց աղբյուրը խիստ կասկածելի ա: neonews-ը հաճախ ա ապատեղեկատվություն տարածում, իրանց նշած աղբյուրն էլ հավանաբար իրանց նման մի բան ա:

[Ձայնալար]

Օձը կծել է սիլիկոնե կուրծքը և սատկել




Իսրայելցի աստղ Օրիտ Ֆոքսի մասնակցությամբ ֆոտոսեսիայի ժամանակ օձը կծել է աստղի կուրծքը: Ինչպես հաղորդում է MIGNews.com կայքը, Օրիտ Ֆոքսին բան չի պատահել, սակայն օձը սատկել է, քանի որ թունավորվել է աստղի արհեստական կրծքից` սիլիկոնից:

Միջադեպը տեղի է ունեցել Թել-Ավիվում, երբ նա փորձել է համբուրել օձին: Ոչ թունավոր օձի հարձակումը աստղի վրա խուճապի է մատնել նրա վարժեցնողին, երբ նա տեսել է, թե ինչպես է նա կծում Ֆոքսի կուրծքը: Աստղին անմիջապես տեղափոխել են հիվանդանոց: Այստեղ պարզվել է, որ նրան ոչ մի վտանգ չի սպառնում: Սակայն խեղճ օձը սատկել է:

http://1in.am/arm/more_entertainment_12613.html

[Նարե]

Իննսունամյա Ռեջինա Բրեդտի խորհուրդները

«Ես մի անգամ գրի առա այն քառասունհինգ դասերը, որ կյանքը տվեց ինձ: Եվ այն դարձավ ամենապահանջված հոդվածը, որ երբեւէ գրել եմ: Ահա այն: Կյանքն արդար չէ, բայց միեւնույն է՝ հիասքանչ է:

Կասկածելիս պարզապես կատարիր հաջորդ փոքր քայլը: Կյանքը չափազանց կարճ է ինչ-որ մեկին ատելու վրա այն վատնելու համար: Աշխատանքդ հոգ չի տանի քո մասին, երբ հիվանդանաս, իսկ ընկերներն ու հարազատները կխնամեն: Մի մոռացիր նրանց: Ամեն ամիս վճարիր հարկերդ: Պարտադիր չէ, որ վեճում հաղթող լինես: Սովորիր լուռ չհամաձայնվել: Լաց եղիր մի ուրիշի ներկայությամբ: Դա ավելի արագ է ապաքինում, քան մենակ արտասվելը: Ոչինչ, եթե զայրանում ես Աստծո վրա: Նա սովոր է դրան: Գումար ետ գցիր՝ ծերության համար առաջին աշխատավարձիցդ սկսած:

Երբ խոսքը շոկոլադի մասին է, դիմադրելն անօգուտ է: Հաշտվիր անցյալիդ հետ, որպեսզի այն չփչացնի ներկադ: Ոչինչ, թող երեխաներդ տեսնեն քեզ լաց լինելիս: Քո կյանքը մի համեմատիր ուրիշների կյանքի հետ: Դու պատկերացում չունես, թե ինչպիսին է նրանցը: Եթե ինչ-որ հարաբերություն պետք է գաղտնի մնա, մասնակից մի եղիր դրան: Ամեն բան կարող է փոխվել մի ակնթարթում, բայց մի մտահոգվիր, որովհետեւ Աստված երբեք աչքերը չի թարթում: Խորը շունչ քաշիր. այն հանգստացնում է: Ազատվիր այն ամենից, ինչն օգտակար, գեղեցիկ կամ հաճելի չէ: Այն ամենը, ինչ չի սպանում, ուժեղացնում է:Երբեք ուշ չէ երջանիկ մանկություն ապրելու համար:

Սակայն երկրորդը միայն քեզնից է կախված: Երբ խոսքը նրա մասին է, ինչը դու սիրում ես, մի ընդունիր «ոչ»-ը իբրեւ պատասխան: Վառիր մոմերը, փռիր գեղեցիկ սավանները, հագիր հոյակապ ներքնազգեստդ: Մի սպասիր առիթի: Առիթն այսօր է: Պատրաստվիր, ապա հանձնվիր հոսանքին: Եղիր անսովոր: Մի սպասիր, որ ծերանաս, հետո վարդագույն հագնես: Սեքսի ժամանակ ամենակարեւոր օրգանն ուղեղն է: Միայն դու ես պատասխանատու քո իսկ երջանկության համար: Ամեն «աղետի» ժամանակ հարց տուր քեզ` արդյոք հինգ տարի հետո նույն բանը որեւէ նշանակություն կունենա՞: Միշտ ընտրիր կյանքը: Ներիր բոլորին եւ ամեն ինչ: Քո գործը չէ, թե մարդիկ ինչ են մտածում քո մասին: Ժամանակը գրեթե ամեն բան բուժում է: Միայն թե նրան ժամանակ տուր: Որքան էլ իրավիճակը վատ կամ լավ լինի, այն փոխվելու է: Այդքան լուրջ մի վերաբերվիր ինքդ քեզ: Ուրիշ ոչ ոք այդպես չի վերաբերվում քեզ:

Հավատա հրաշքներին: Աստված սիրում է քեզ ոչ թե նրա համար, թե դու ինչ ես անում կամ ով ես, այլ՝ որովհետեւ ինքն այնպիսին է, որ չի կարող չսիրել: Մի վերստուգիր կյանքը: Դուրս արի ասպարեզ եւ կյանքից առավելագույն հաճույք ստացիր: Ծերանալն ավելի լավ է, քան երիտասարդ մեռնելը: Քո երեխաները միայն մեկ մանկություն ունեն: Միակ բանը, որ կարեւորում ես վերջում, այն է, որ սիրել ես: Ամեն օր տնից դուրս եկ: Կարեւոր չէ, թե ինչպես ես զգում, վեր կաց, հագնվիր ու դուրս եկ: Հրաշքներն ամենուր են:

Եթե մենք բոլորս մեր խնդիրները մի կույտի մեջ հավաքեինք, կտեսնեինք ուրիշներինը ու մերը ետ կվերցնեինք: Նախանձը ժամանակի կորուստ է: Դու արդեն ունես այն ամենը, ինչի կարիքն ունես: Լավագույնը դեռ առջեւում է:Մի պայքարիր: Զիջիր: Կյանքը ժապավենով կապված չէ, բայց միեւնույն է, այն նվեր է»:

Նյութը՝ hraparak.am

[Նաիրուհի]

Մարտի 19-ին Լուսինը կմոտենա Երկրին 356,6 հզ. կիլոմետրով
08:09 • 11.03.11

Հաջորդ շաբաթ՝ մարտի 19-ին, Լուսինը կմոտենա Երկրին 356,6 հզ. կիլոմետրով, հենց այդ օրն էլ լիալուսին կլինի. որոշ ԶԼՄ-ներ այդ երևույթն արդեն գնահատել են որպես սուպերլուսին։

Մոսկվայի պետական համալսարանի Շտերնբերգի անվան Աստղագիտության ինստիտուտի աշխատակից Վլադիմիր Սուրդինի խոսքերով՝ այդ օրը Լուսնի ազդեցությունը Երկրի վրա կլինի ավելի ուժեղ, քան սովորաբար, սակայն աղետալի իրադարձություների պետք չէ սպասել։

Ինչպես հաղորդում են որոշ ԶԼՄ-ներ, այդ երևույթը 2011թ. մարտի 19-ին երկրի վրա կառաջացնի երկրաշարժեր, ցունամի, հրաբխային ակտիվություն և այլ կատակլիզմներ։

Սուրդինը պարզաբանել է, որ սովորաբար նման բան կատարվում է մի քանի տասնամյակը մեկ անգամ։ Լուսնի սկավառակի անկյունային չափը երկնակամարի վրա հասնում է 0,56 աստիճանի, որը գրեթե 10%-ով գերազանցում է սովորական չափին։

Գիտնականը նաև նշում է, որ այդ օրը Երկիրը իրոք իր վրա կզգա արևա-լուսնային մակընթացության գրեթե առավելագույն հնարավոր ազդեցությունը։ Սակայն հաշվի առնելով, որ կենսաֆիզիկները թույլ կապ են գրանցել Լուսնի շարժման և երկրաշարժերի միջև, հնարավոր է, որ մարտի 19-ին կնկատվի երկրաշարժերի թեթևակի հաճախակիացում։ Այնուամենայնիվ, աղետալի դեպքի պետք չէ սպասել։

Աղբյուր

Ինչքան ուզում եմ պատկերացնել էսքան մոտենալու պահը, չի ստացվում
Բայց սիրուն համարյա բախում կլիներ

Հ. Գ. Աչքիս սա Բլթագրքում պիտի դնեի...

[VisTolog]

Մոռացել են նշել, որ այդքան մոտ լուսինը մեզ է գտնվել մեկ էլ 1992 թվականին: Դրանից մի քիչ ավելի մեծ հեռավորության վրա մեկ էլ գտնվելա 1955 ու 1974 թվականներին:

[Նաիրուհի]

Մոռացել են նշել, որ այդքան մոտ լուսինը մեզ է գտնվել մեկ էլ 1992 թվականին: Դրանից մի քիչ ավելի մեծ հեռավորության վրա մեկ էլ գտնվելա 1955 ու 1974 թվականներին:

Վիստ, հլը ուշադիր նայի թվերին։ Դու պատկերացնո՞ւմ ես՝ ինչ կլինի, եթե Լուսինը Երկրին մոտենա 356.600 կիլոմետրով

[Ռուֆուս]

Մոռացել են նշել, որ այդքան մոտ լուսինը մեզ է գտնվել մեկ էլ 1992 թվականին: Դրանից մի քիչ ավելի մեծ հեռավորության վրա մեկ էլ գտնվելա 1955 ու 1974 թվականներին:

Մոռացել ես նաև նշել, որ նման հեռավորության վրա կգտնվի մեկ էլ 2012թ-ին