Միջազգային անցուդարձ

[davidus]

Բանակում շատանում են հրամաններ չկատարողները.

Հերթական փախուստը լիբիական բանակից. Մալթային է մոտեցել լիբիական մի ռազմանավ

Այս գիշեր Մալթայի մայրաքաղաքի մերձակայքում հայտնվել է Լիբիայի զինված ուժերի ռազմանավերից մեկը: Նավի դրոշը իջեցված է, և շատերը կարծում են, որ սա հերթական դասալիք նավն է: Այս մասին հաղորդում է Al-Jazeera հեռուստաալիքը:

Հայտնի է, որ նավի վրա մի քանի հարյուր մարդ է գտնվում, սակայն տեղեկություններ չկան՝ դրանք միայն զինվորականնե՞ր են, թե՞ նրանց մեջ կան նաև քաղաքացիական անձինք: Այս տեղեկությունները պաշտոնապես դեռ չեն հաստատվել: Իսկ նավի առկայության մասին հայտնել են Իտալիայի ռազմածովային նավատորմի ներկայացուցիչները, որոնք հետևում են լիբիական նավի գործողություններին:

Հիշեցնենք, որ մի քանի օր առաջ Մալթայում վայրէջք էին կատարել Լիբիայի ռազմաօդային ուժերի երկու ռազմական ինքնաթիռ, որոնց օդաչուները հետագայում քաղաքական ապաստան էին խնդրել Մալթայի իշխանություններից` իրենց փախուստը պատճառաբանելով խաղաղ բնակիչների վրա կրակելու հրամանը չկատարելով:

1in.am

[Հայկօ]

Երեկ Կադաֆին ելույթ է ունեցել հեռուստատեսությամբ: Ելույթը տևել է ուղիղ 22 վայրկյան : Այսինքն՝ ուղիղ այնքան, ինչքան հարկավոր է՝ մարդկանց տեղեկացնելու համար, որ ինքը բոլորին հատ-հատ ցցի կհանի, կքառատի, կմորթի և այլն : Կադաֆին նաև ավելացրել է, որ ինքը երկիրը չի լքելու և հիմա Տրիպոլիում է:

[Աբելյան]

Քադաֆին ասել ա, որ էդ ամենը դրսի ուժերի գործ ա, որ իրանք ԱՄՆ-ի դեմ էլ կարան պայքարեն (էն տեղը որտեղ ելույթ ա ունեցել, մի հատ քանդակ կա` լիբիացու ձեռքը ամերիկյան սամալյոտ ա ճզմում), "ես եմ հեղափոխությունը", "ես նախագահ չեմ", "ես հրաժարական չեմ տալու", "զոհերը ոստիկաններն ու բանակայիններն են", "ցուցարարները ջահել են, երեխեքի են համոզում որ գան": Մյուս կողմից Բենգազին ու մնացած համեմատաբար մեծ քաղաքները համարյա ցուցարարների ենթակայության տակ են, իսկ Քադաֆիի ձեռի տակ մնացել ա Տրիպոլին:

[Norton]

Լիբիական բանակը ռմբակոծել է Ալ Զավիա քաղաքի մզկիթը

Լիբիական բանակն այսօր ռմբակոծել է Տրիպոլիից հարավ գտնվող է Ալ Զավիա քաղաքի մզկիթը, որի մոտ տեղի էր ունենում բողոքի ակցիա, հաղորդում է Associated Press-ը։

Գործակալության տվյալներով՝ նախագահ Մուամմառ Կադաֆիին հավատարիմ զինվորականներն օգտագործել են ավտոմատներ և հրթիռներ։ Արդյունքում ավերվել է Ալ-Զավիայի մզկիթի մինարեթը։ Ականատեսների խոսքերով՝ մեծ թվով ցուցարարներ են զոհվել, սակայն զոհերի թվի մասին կոնկրետ տվյալներ չկան։

Փետրվարի 16-ից սկսված հակակառավարական ելույթների հետևանքով Լիբիան փաստացիորեն բաժանվել է 2 մասի։ Արևելյան մասը՝ Բենղազի քաղաքով, փաստացի վերահսկվում է ընդդիմադիրների կողմից, մինչդեռ արևմուտքը՝ Տրիպոլի մայրաքաղաքով, շարունակում է մնալ իշխանությունների ձեռքին։

Արևմտյան մասում շարունակվում են բախումները ցուցարարների և կառավարական ուժերի միջև։ Ինչպես հաղորդում է CNN-ը, այսօր ցուցարարները իրենց հսկողության տակ են վերցրել Միսուրատան՝ մեծությամբ երրորդ բնակավայրը Լիբիայում։ Ըստ Agence France-Presse-ի՝ կառավարական զորքերը և ոստիկանությունը լքել են Տրիպոլիից 120 կմ հարավ գտնվող Զուարա քաղաքը։

Մայրաքաղաք Տրիպոլին շարունակում է մնալ Կադաֆիի վերահսկողության տակ։ Բնակիչներին արգելվում է դուրս գալ քաղաքից, բնակչության մեծ մասը ընդհանրապես դուրս չի գալիս տներից։

Հակակառավարական ցույցերի հետևանքով միջազգային իրավապաշտպան կազմակերպությունների տվյալներով արդեն զոհվել է մոտ 600, վիրավորվել շուրջ 4000 մարդ։
tert.am

Վերջին տվյալներով զոհերի թիվը անցելա 1000-ից:

[Tig]

Էս էլ նոր խաղի ձևա՞...

Կադաֆիի որդին միացել է ցուցարարներին. իրանական լրատվամիջոցներ
10:27 • 25.02.11

Լիբիայի առաջնորդ Մուամմար Կադաֆիի որդին՝ Սայֆ ալ Իսլամը, միացել է լիբիացի ցուցարներին։ Այս մասին հաղորդում է իրանական PressTV հեռուստաալիքը։

Հեռուստաալիքի տվյալներով՝ Սայֆ ալ Իսլամ Կադաֆին փետրվարի 24–ին միացել է Լիբիայի Բենղազի քաղաքի բողոքի ակցիաների մասնակիցներին։

Press TV–ի փոխանցմամբ՝ Սայֆ ալ Իսլամը նաև հասկացրել է, թե իր հայրը հրաժարականի փոխարեն դիտարկում է Հարավային Ամերիկա փախչելու, կամ՝ ինքնասպանության տարբերակները։

Նշենք միայն, որ Սայֆ ալ Իսլամ Կադաֆին վերջերս մի քանի անգամ լիբիական հեռուստատեսությամբ ելույթ է ունեցել՝ հայտարարելով, թե Լիբիայում սկիզբ առած բողոքի ակցիաների հետևում «արտաքին թշնամիներն են» կանգնած և նրանց նպատակը Լիբիան մի քանի իսլամականացված պետությունների բաժանելն է։ Փետրվարի 15-ից սկսված հակակառավարական բողոքի ակցիաների արդյունքում Լիբիան երկու մասի է բաժանվել. արևելյան մասը՝ Բենղազի քաղաքով, վերահսկում են ընդդիմադիրները, արևմուտքը՝ Տրիպոլի մայրաքաղաքով, շարունակում է մնալ Կադաֆիի վարչակազմի վերահսկողության տակ։

Իսկ բախումները ցուցարարների և կառավարական ուժերի միջև շարունակվում են։

Միջազգային իրավապաշտպան կազմակերպությունների տվյալներով՝ Լիբիայում բախումների հետևանքով 600– 1000 մարդ զոհվել, շուրջ 4000–ը վիրավորվել են։

Tert.am

[Tig]

Լիբիայի գլխավոր դատախազն անցել է ժողովրդի կողմը
16:54 • 25.02.11

Լիբիայի գլխավոր դատախազ Աբդուլռահման ալԱբբարը հրաժարական է տվել և միացել գործող վարչակարգի հրաժարականը պահանջող ցուցարարներին, հայտնել է Reuters-ը՝ վկայակոչելով «Ալ Արաբիա» հեռուստաալիքը։

«Ես հստա կ ասում եմ, որ հրաժարվում եմ գլխավոր դատախազի պաշտոնից և հայտարարում, որ միանում եմ լիբիացի ժողովրդի կամքին, որն արտահայտվում է փետրվարի 17-ի Հեղափոխություն շարժմամբ»,- ասել է Ալ Աբբարը հեռուստաալիքի եթերում։

Նրանից առաջ հրաժարական էին տվել հայտնել և ցուցարարներին միացել այլ բարձրաստիճան պաշտոնյաներ, մասնավորապես ներքին գործերի և արդարադատության նախարարները։ Բացի այդ, հրաժարական են տվել և իշխանություններից գործողություններից դժգոհություններ հայտնել տարբեր երկրներում Լիբիայի դեսպանները, այդ թվում Ֆրանսիայում Լիբիայի դեսպանը։

Tert.am

[Norton]

Լիբիական Էլ-Զավիա քաղաքը գրոհել են Կադաֆիի վարձկանները. 50 մարդ զոհվել է

Լիբիայի հյուսիս-արևմուտքում զինված բախում է տեղի ունեցել Մուամմար Կադաֆիին հավատարիմ զինված խմբավորումների և ռեժիմի դեմ հանդես եկողների միջև: Զոհվել են տասնյակ մարդիկ:

Ինչպես հայտնում է Reuters-ը, գլխավոր իրադարձությունները տեղի են ունենում Էլ-Զավիա քաղաքում, որը երկրի նավթավերամշակման արդյունաբերության կենտրոններից մեկն է: Ամբողջ բնակավայրը վերահսկվում է Կադաֆիի հակառակորդների կողմից, սակայն ծայրամասերում գերիշխում են նրա կողմնակիցները: Ականատեսները վկայում են, որ Էլ-Զավիայի կենտրոնը գնդակոծվել է ծանր հրետանիով: Ըստ չճշտված տեղեկությունների` զոհվել է շուրջ 50 մարդ:

ՄԱԿ-ի գնահատականներով՝ տասնօրյա հուզումների ընթացքում առնվազն 1000 մարդ է զոհվել Լիբիայում: Երկրի ղեկին 42 տարի գտնվող Մուամմար Կադաֆիի հրաժարականի պահանջով զանգվածային հուզումներն սկսվել են փետրվարի 15-ին: Ներկայում, բացառությամբ մայրաքաղաք Տրիպոլիի, Կադաֆին կորցրել է իշխանությունը երկրում, իսկ մայրաքաղաքում մարտեր են ընթանում կառավարական և ընդդիմադիր ուժերի միջև:

ՄԱԿ-ի Անվտանգության խորհրդի արտահերթ նիստում երեկ կառույցի բոլոր 15 անդամները միաձայն քվեարկել են Լիբիայի նկատմամբ պատժամիջոցներ կիրառելու օգտին:

Tert.am

[Adriano]

Մեծ Բրիտանիայի ռեգիոնալ ընտրություններում սենսացիոն իրադարձություն է եղել… Մասնավորապես շոտլանդիայի ազգայնականների կուսակցությունը՝ SNP-ին, գրավել է առաջին տեղը… Խայտառակ ձևով են հանդես եկել իշխող պահպանողական կուսակցությունը՝ CON, զբաղեցնելով միայն երրորդ տեղը, լեյբորիստները՝LAB, երկրորդ տեղը… Արդյո՞ք սա Մեծ Բրիտանիայի վերջի սկիզբն է…
Աղբյուր

[Norton]

Չեմ հասկանում Շոտլանդիային պահելու իմաստը որնա, իրա անջատումից ՄԲ-ն թիզ անգամ չի տուժի, ուղղակի հարաբերությունները մի փոքր այլ հարթություն կտեղափոխվեն՝ ասենք ԵՄ շրջանակներում: Կամ էլ կարան կոնֆեդերացիա ստեղծեն, որը շոտլանդների սուվերենությունը կապահովի: Եթե Շոտլանդիան միակ տարածքային խնդիրը լիներ երևի այդպես էլ կվարվեյին:

[REAL_ist]

Հետաքրքիր և սպասելի զարգացումներ

Երբ դառնում է սկզբունքի հարց

Հաագայի միջազգային քրեական դատարանը սանկցիա է տվել Մուամմար Քադաֆիին ձերբակալելու համար, նրա մերձավոր երկու զինակիցների հետ միասին: Թե ինչով կավարտվի Քադաֆիի ճակատագիրը, կձերբակալե՞ն արդյոք նրան, թե՞ նա իր մահկանացուն կկնքի ՆԱՏՕ-ի զինուժի ռմբակոծություններից որևէ մեկի ընթացքում, դժվար է ասել: Սակայն տվյալ պարագայում խնդիրը ունի նաև այլ ենթատեքստ, որն ուղղակիորեն վերաբերում է հայաստանյան իրավիճակին: Խոսքը մասնավորապես այն նախաձեռնության մասին է, որով ընդդիմությունը քայլեր է ձեռնարկում Մարտի 1-ին սեփական ժողովրդի վրա կրակելու համար Ռոբերտ Քոչարյանին Հաագայի միջազգային դատարանի առաջ կանգնեցնելու համար, որպես մարդկության դեմ հանցագործություն կատարած գործչի:

Այստեղ էական չէ նաև այն, թե որքան կհաջողի ընդդիմությունն այդ հարցում, առավել ևս, որ ընդդիմադիր առաջնորդները հայտարարել են, որ իրենք իհարկե շատ կկամենային, որ Քոչարյանը դատվեր Հայաստանի դատական համակարգում, և բանը չհասներ միջազգային ատյաններ: Այնպես որ, եթե Հայաստանում իշխանփոխությունը շատ ավելի շուտ լինի, քան Հաագայի դատարանը կսկսի զբաղվել Քոչարյանի գործով, ապա մեծ է հավանականությունը, որ բանը Հաագա չի էլ հասնի: Խնդիրը տվյալ դեպքում այն հակադարձումներն էին, որոնք իշխանությունն անում էր` ընդդիմության Հաագա ներկայացրած հայցին ի պատասխան` հայտարարելով, որ Հայաստանը Հռոմի ստատուտին միացած պետություն չէ, հետևաբար Հաագայի միջազգային դատարանի առաջ պարտավորություններ չունի, որպեսզի հանցագործ ղեկավարներին հանձնի դատարանին:

Իսկ ի՞նչ կապ ունի այստեղ Քադաֆիի դեպքն ու դրա ենթատեքստը: Կապն այն է, որ Լիբիան նույնպես Հռոմի ստատուտին չմիացած պետություն է, սակայն Հաագայի դատարանը, իր նախաձեռնությամբ քննելով Քադաֆիի հարցը, տալիս է նրան ձերբակալելու միջազգային սանկցիա: Փաստորեն, Հաագայի դատարանը, ըստ էության, վճռում է Քադաֆիի հարցը, ինչը ցույց է տալիս, որ եթե միջազգային օրակարգում է հայտնվում որևէ գործչի անձեռնմխելիության հարցը, ապա այս դեպքում արդեն ստատուտին միացած կամ չմիացած լինելը էական դեր չի կատարում:

Այսինքն, իշխանության այդ հակադարձումները, թե ընդդիմության ջանքերն իզուր են, որովհետև Հայաստանը միացած չէ Հռոմի ստատուտին, Քադաֆիի պարագայով ուղղակիորեն հերքվում են: Իհարկե, այստեղ շատերը կարող են ասել, որ Քոչարյանին ու Քադաֆիին համեմատելը սխալ է: Իհարկե, Քադաֆին երկարատև պատերազմ է մղում սեփական ժողովրդի դեմ և արյուն հեղում անխնա, իսկ Քոչարյանը բավարարվեց ընդամենը տասը մարդու կյանքով, թեև եթե ընդդիմությունն ի վերջո մարդկանց կյանքը չգնահատեր և չգնահատեր երկրի կայունությունը արտաքին թշնամուն առիթ չտալու համար, ապա կասկած չկա, որ Քոչարյանը Քադաֆիից հետ չէր մնա և իրեն ավելի զուսպ չէր պահի:

Բայց փաստն իհարկե այն է, որ նրանց թափած արյան չափն անհամեմատ տարբեր է: Բայց խնդիրն այստեղ համեմատությունները չեն, այլ սկզբունքը: Հետևաբար, երբ որևէ նախկին կամ ներկա բռնապետի հանդեպ միջազգային հանրության վերաբերմունքը դառնում է սկզբունքի հարց, ապա այդ հարցը լուծելը միջազգային ատյանների և տերությունների համար դառնում է տեխնիկայի խնդիր, անկախ փաստաթղթային բյուրոկրատական քաշքշուկներից:

Ափսոսում եմ, որ նման ցածրորակ ու անհիմն հոդվածներ են հայտնվում: Քադաֆիի գործով գործը Հաագայի դատարանի նախաձեռնությամբ չի սկսվել, այլ ՄԱԿ Անվտանգության խորհրդի բանաձևով: Սա Հռոմի ստատուտի այն միակ հնարավոր դեպքն է, երբ անդամությունը կարևոր չէ, քանզի Անվտանգության խորհրդի որոշումները պարտադիր են բոլորի համար և ենթակա են անհապաղ կատարման` անկախ մյուս բոլոր իրավական կարգավորումներից: Իսկ թե որքանով է հնարավոր ԱԽ-ի բանաձևի ընդունումը Քոչարյանի գործով թող ամեն ոք ինքնուրույն դատի:

հղումը մոռացա. http://1in.am/arm/armenia_analysis_19782.html

[Tig]

Ու էս երկիրը նման օրենքներ ունենալով հավակնում ա Եվրոխորհուրդ մտնելո՞ւն: Եվրոխորհուրդ էլ դեռ մտածո՞ւմ ա, ընդունի՞. թե չէ՞...

Թուրքիայի ՍԴ-ն ուժի մեջ թողեց ցեղապաշտական օրենքը. հայերն իրավունք չունեն կրել հայկական ազգանուններ
10:13 • 13.07.11

Թուրքիայի Սահմանադրական դատարանը երկրի Մայր օրենքին համապատասխան է համարել և ուժի մեջ թողել 1934թ. ընդունված օրենքը, որի համաձայն Թուրքիայի քաղաքացիներն իրավունք չունեն կրել օտար ազգանուններ: Այս մասին տեղեկացնում է քրդական «Ֆըրաթ» գործակալությունը` նշելով, որ այդ «ցեղապաշտական» օրենքն արգելում է հայերին, քրդերին, ասորիներին, չերքեզներին և հրեաներին կրել իրենց ազգային ազգանունները:

«Ֆըրաթի» տեղեկացմամբ` ազգությամբ ասորի Ֆավլուս Այը իր անուն ու ազգանունը փոխելու և Պաուլուս Բարթումա դարձնելու համար հայց էր ներկայացրել Միդյաթի դատարան: Սակայն դատարանը, հիմք ընդունելով 1934թ. ազգանունների մասին օրենքը, որի համաձայն` արգելվում է կրել օտար ծագում ունեցող ազգանուններ, մերժել էր Ային վերցնել ասորական Բարթումա ազգանունը:

Ֆավլուս Այը Միդյաթի դատարանից պահանջել էր կայացված որոշումը չեղյալ հայտարարելու համար դիմել Սահմանադրական դատարան:

Իր դիմումում ասորի քաղաքացին նշել էր, որ 1934թ. ի վեր գործող ազգանունների մասին օրենքը խոչընդոտում է ոչ թուրքական ծագում ունեցող ազգանուններ կրելուն, որը ազգային խտրականություն է: Այը, ուշադրություն հրավիրելով Սահմանադրությամբ ամրագրված հավասարության մասին սկզբունքին, ընդգծել էր, որ թուրքերենի և թուրքական արմատ ունեցող ազգանունների նկատմամբ արտոնյալ վերաբերմունքը բացահայտորեն հակասում է հավասարության սկզբունքին:

Սահմանադրական դատարանի բոլոր 9-ը անդամները դեմ էին քվեարկել Ֆավլուս Այի` Միդյաթի դատարանի որոշումը չեղյալ հայտարարելու պահանջին:

Tert.am

[Artgeo]

Ժող, էս Տիմոշենկոյին ինչի՞ են բռնել

[Adriano]

Իրավիճակը իրանում բարդանում է, պայմանավորված երկրի հոգևոր առաջնորդի և նախագահի՝Ահմադինեջադի, միջև հակամարտությամբ …
Կարդացեք հետաքրքիրա…