ԱՄՆ-ի 20 նահանգներ ցանկանում են դուրս գալ երկրի կազմից
09:35 • 13.11.12
ԱՄՆ-ի 20 նահանգներում 100 հազարից ավելի ամերիկացիներ ստորագրել են խնդրագրեր իրենց նահանգների՝ երկրի կազմից դուրս գալու մասին։ Ինչպես հայտնում է Вести-ն, խնդրագրերը ստորագրել են Տեխասի, Նյու Յորքի, Նյու Ջերսիի, Հյուսիսային և Հարավային Կարոլինայի, Ալաբամայի, Ջորջիայի, Ինդիանայի, Միչիգանի, Թենեսիի, Լուիզիանայի, Կենտուկիի, Արկանզասի, Կոլորադոյի, Հյուսիսային Դակոտայի, Ֆլորիդայի, Օրեգոնի, Միսիսիպիի, Միսուրի և Մոնտանայի բնակիչները։
Այժմ ԱՄՆ-ի կազմից դուրս գալու մասին խնդրագրերը տեղադրված են Սպիտակ Տան ինտերնետ էջում, որտեղ յուրաքանչյուր մարդ կարող է սեփական խնդրանքն ուղղել երկրի կառավարությանը։
ИТАР-ТАСС-ի տվյալներով, վերնշված նահանգներից ԱՄՆ-ի կազմից ամենաշատն է ցանկանում դուրս գալ Տեխասը։ Այստեղ առանձնանալու որոշման օգտին քվերակել է 25 հազար մարդ, ովքեր կողմ են Միացյալ Նահանգների կազմից դուրս գալուն և սեփական կառավարությունը ստեղծելուն։
Ուշագրավ է հատկապես այն հանգամանքը, որ երկրի կազմից դուրս գալուն կողմ են արտահայտվել մասնավորապես այն նահանգների բնակիչները, որտեղ անցած նախագահական ընտրություններում ձայների մեծամասնությունը ստացել է հանրապետական Միթ Ռոմնին։
Թերթ.am
Էջանիշներ